༥༠༦. ཙ་མྤེ་ཡྻ་ཛཱ་ཏ་ཀཾ (༡༠)
༢༤༠. ཀཱ ནུ ཝི་ཛྫུ་རི་ཝཱ་བྷཱ་སི, ཨོ་ས་དྷཱི ཝི་ཡ ཏཱ་ར་ཀཱ;
དེ་ཝ་ཏཱ ནུ་སི ག་ནྡྷ་བྦཱི, ན ཏཾ མ་ཉྙཱ་མི མཱ་ནུ་སིཾ [མཱ་ནུ་སཱི (སྱཱ. ཀ.)].
༢༤༡. ན་མྷི དེ་ཝཱི ན ག་ནྡྷ་བྦཱི, ན མ་ཧཱ་རཱ་ཛ མཱ་ནུ་སཱི;
ནཱ་ག་ཀ་ཉྙཱ་སྨི བྷ་དྡ་ནྟེ, ཨ་ཏྠེ་ན་མྷི ཨི་དྷཱ་ག་ཏཱ.
༢༤༢. ཝི་བྦྷ་ནྟ་ཙི་ཏྟཱ ཀུ་པི་ཏི་ནྡྲི་ཡཱ་སི, ནེ་ཏྟེ་ཧི ཏེ ཝཱ་རི་ག་ཎཱ ས་ཝ་ནྟི;
ཀིཾ ཏེ ན་ཊྛཾ ཀིཾ པ་ན པ་ཏྠ་ཡཱ་ནཱ, ཨི་དྷཱ་ག་ཏཱ ནཱ་རི ཏ་དི་ངྒྷ བྲཱུ་ཧི.
༢༤༣. ཡ་མུ་གྒ་ཏེ་ཛོ ཨུ་ར་གོ་ཏི ཙཱ་ཧུ, ནཱ་གོ་ཏི ནཾ ཨཱ་ཧུ ཛ་ནཱ ཛ་ནི་ནྡ;
ཏ་མ་གྒ་ཧཱི པུ་རི་སོ ཛཱི་ཝི་ཀ་ཏྠོ, ཏཾ བ་ནྡྷ་ནཱ མུ་ཉྩ པ་ཏཱི མ་མེ་སོ.
༢༤༤. ཀ་ཐཾ ནྭ་ཡཾ བ་ལ་ཝི་རི་ཡཱུ་པ་པ་ནྣོ, ཧ་ཏྠ་ཏྟ [ཧ་ཏྠ་ཏྠ (སཱི. སྱཱ. པཱི.)] མཱ་ག་ཙྪི ཝ་ནི་བྦ་ཀ་སྶ;
ཨ་ཀྑཱ་ཧི མེ ནཱ་ག་ཀ་ཉྙེ ཏ་མ་ཏྠཾ, ཀ་ཐཾ ཝི་ཛཱ་ནེ་མུ ག་ཧཱི་ཏ་ནཱ་གཾ.
༢༤༥. ན་ག་ར་མྤི ནཱ་གོ བྷ་སྨཾ ཀ་རེ་ཡྻ, ཏ་ཐཱ ཧི སོ བ་ལ་ཝི་རི་ཡཱུ་པ་པ་ནྣོ;
དྷ་མྨ་ཉྩ ནཱ་གོ ཨ་པ་ཙཱ་ཡ་མཱ་ནོ, ཏ་སྨཱ པ་ར་ཀྐ་མྨ ཏ་པོ ཀ་རོ་ཏི.
༢༤༦. ཙཱ་ཏུ་དྡ་སིཾ པ་ཉྩ་ད་སིཾ [པ་ནྣ་ར་སིཾ (སཱི. སྱཱ. པཱི.)] ཙ རཱ་ཛ, ཙ་ཏུ་པྤ་ཐེ ས་མྨ་ཏི ནཱ་ག་རཱ་ཛཱ;
ཏ་མ་གྒ་ཧཱི པུ་རི་སོ ཛཱི་ཝི་ཀ་ཏྠོ, ཏཾ བ་ནྡྷ་ནཱ མུ་ཉྩ པ་ཏཱི མ་མེ་སོ.
༢༤༧. སོ་ལ༹་སི་ཏྠི་ས་ཧ་སྶཱ་ནི, ཨཱ་མུ་ཏྟ་མ་ཎི་ཀུ་ཎྜ་ལཱ;
ཝཱ་རི་གེ་ཧ་ས་ཡཱ ནཱ་རཱི [ནཱ་རི་ཡོ (པཱི.)], ཏཱ་པི ཏཾ ས་ར་ཎཾ ག་ཏཱ.
༢༤༨. དྷ་མྨེ་ན མོ་ཙེ་ཧི ཨ་སཱ་ཧ་སེ་ན, གཱ་མེ་ན ནི་ཀྑེ་ན ག་ཝཾ ས་ཏེ་ན;
ཨོ་སྶ་ཊྛ་ཀཱ་ཡོ ཨུ་ར་གོ ཙ་རཱ་ཏུ, པུ་ཉྙ་ཏྠི་ཀོ མུ་ཉྩ་ཏུ བ་ནྡྷ་ན་སྨཱ.
༢༤༩. དྷ་མྨེ་ན མོ་ཙེ་མི ཨ་སཱ་ཧ་སེ་ན, གཱ་མེ་ན ནི་ཀྑེ་ན ག་ཝཾ ས་ཏེ་ན;
ཨོ་སྶ་ཊྛ་ཀཱ་ཡོ ཨུ་ར་གོ ཙ་རཱ་ཏུ, པུ་ཉྙ་ཏྠི་ཀོ མུ་ཉྩ་ཏུ བ་ནྡྷ་ན་སྨཱ.
༢༥༠. ད་མྨི ནི་ཀྑ་ས་ཏཾ ལུ་དྡ, ཐཱུ་ལ་ཉྩ མ་ཎི་ཀུ་ཎྜ་ལཾ;
ཙ་ཏུ་སྶ་ད་ཉྩ པ་ལླ་ངྐཾ, ཨུ་མཱ་པུ་པྥ་ས་རི་ནྣི་བྷཾ.
༢༥༡. དྭེ ཙ སཱ་དི་སི་ཡོ བྷ་རི་ཡཱ, ཨུ་ས་བྷ་ཉྩ ག་ཝཾ ས་ཏཾ;
ཨོ་སྶ་ཊྛ་ཀཱ་ཡོ ཨུ་ར་གོ ཙ་རཱ་ཏུ, པུ་ཉྙ་ཏྠི་ཀོ མུ་ཉྩ་ཏུ བ་ནྡྷ་ན་སྨཱ.
༢༥༢. ཝི་ནཱ་པི དཱ་ནཱ ཏ་ཝ ཝ་ཙ་ནཾ ཛ་ནི་ནྡ, མུ་ཉྩེ་མུ ནཾ ཨུ་ར་གཾ བ་ནྡྷ་ན་སྨཱ;
ཨོ་སྶ་ཊྛ་ཀཱ་ཡོ ཨུ་ར་གོ ཙ་རཱ་ཏུ, པུ་ཉྙ་ཏྠི་ཀོ མུ་ཉྩ་ཏུ བ་ནྡྷ་ན་སྨཱ.
༢༥༣. མུ་ཏྟོ ཙ་མྤེ་ཡྻ་ཀོ ནཱ་གོ, རཱ་ཛཱ་ནཾ ཨེ་ཏ་ད་བྲ་ཝི;
ན་མོ ཏེ ཀཱ་སི་རཱ་ཛ་ཏྠུ, ན་མོ ཏེ ཀཱ་སི་ཝ་ཌྜྷ་ན;
ཨ་ཉྫ་ལིཾ ཏེ པ་གྒ་ཎྷཱ་མི, པ་སྶེ་ཡྻཾ མེ ནི་ཝེ་ས་ནཾ.
༢༥༤. ཨ་དྡྷཱ ཧི དུ་བྦི་སྶ་ས་མེ་ཏ་མཱ་ཧུ, ཡཾ མཱ་ནུ་སོ ཝི་སྶ་སེ ཨ་མཱ་ནུ་ས་མྷི;
ས་ཙེ ཙ མཾ ཡཱ་ཙ་སི ཨེ་ཏ་མ་ཏྠཾ, ད་ཀྑེ་མུ ཏེ ནཱ་ག ནི་ཝེ་ས་ནཱ་ནི.
༢༥༥. ས་ཙེ་པི [ས་ཙེ ཧི (སཱི. པཱི. ཨ་ཊྛ.)] ཝཱ་ཏོ གི་རི་མཱ་ཝ་ཧེ་ཡྻ, ཙ་ནྡོ ཙ སུ་རི་ཡོ ཙ ཚ་མཱ པ་ཏེ་ཡྻུཾ;
ས་བྦཱ ཙ ན་ཛྫོ པ་ཊི་སོ་ཏཾ ཝ་ཛེ་ཡྻུཾ, ན ཏྭེ་ཝ་ཧཾ རཱ་ཛ མུ་སཱ བྷ་ཎེ་ཡྻཾ.
༢༥༦. ན་བྷཾ ཕ་ལེ་ཡྻ ཨུ་ད་དྷཱི་པི སུ་སྶེ, སཾ་ཝ་ཊྚ་ཡེ [སཾ་ཝ་ཊྚེ་ཡཾ (སཱི. པཱི.), སཾ་ཝ་ཊྚེ་ཡྻ (སྱཱ. ཀ.)] བྷཱུ་ཏ་དྷ་རཱ ཝ་སུ་ནྡྷ་རཱ;
སི་ལུ་ཙྩ་ཡོ མེ་རུ ས་མཱུ་ལ་མུ་པྤ་ཏེ [མུ་བྦ་ཧེ (སཱི. སྱཱ. པཱི. ཀ. ཨ་ཊྛ.), མུ་ཊྛ་ཧེ (ཀ.)], ན ཏྭེ་ཝ་ཧཾ རཱ་ཛ མུ་སཱ བྷ་ཎེ་ཡྻཾ.
༢༥༧. ཨ་དྡྷཱ ཧི དུ་བྦི་སྶ་ས་མེ་ཏ་མཱ་ཧུ, ཡཾ མཱ་ནུ་སོ ཝི་སྶ་སེ ཨ་མཱ་ནུ་ས་མྷི;
ས་ཙེ ཙ མཾ ཡཱ་ཙ་སི ཨེ་ཏ་མ་ཏྠཾ, ད་ཀྑེ་མུ ཏེ ནཱ་ག ནི་ཝེ་ས་ནཱ་ནི.
༢༥༨. ཏུ་མྷེ ཁོ་ཏྠ གྷོ་ར་ཝི་སཱ ཨུ་ལཱ༹་རཱ, མ་ཧཱ་ཏེ་ཛཱ ཁི་པྤ་ཀོ་པཱི ཙ ཧོ་ཐ;
མཾ་ཀཱ་ར་ཎཱ [མ་མ ཀཱ་ར་ཎཱ (སཱི. སྱཱ. པཱི.)] བ་ནྡྷ་ན་སྨཱ པ་མུ་ཏྟོ, ཨ་ར་ཧ་སི ནོ ཛཱ་ནི་ཏུ་ཡེ [ཛཱ་ནི་ཏཱ་ཡེ (སཱི.), ཛཱ་ནི་ཏ་ཝེ (སྱཱ.), ཛཱ་ནི་ཏ་ཡེ (པཱི.)] ཀ་ཏཱ་ནི.
༢༥༩. སོ པ་ཙྩ་ཏཾ ནི་ར་ཡེ གྷོ་ར་རཱུ་པེ, མཱ ཀཱ་ཡི་ཀཾ སཱ་ཏ་མ་ལ་ཏྠ ཀི་ཉྩི;
པེ་ལཱ༹་ཡ བ་དྡྷོ མ་ར་ཎཾ ཨུ་པེ་ཏུ, ཡོ ཏཱ་དི་སཾ ཀ་མྨ་ཀ་ཏཾ ན ཛཱ་ནེ.
༢༦༠. ས་ཙྩ་པྤ་ཊི་ཉྙཱ ཏ་ཝ་མེ་ས ཧོ་ཏུ, ཨ་ཀྐོ་དྷ་ནོ ཧོ་ཧི ཨ་ནུ་པ་ནཱ་ཧཱི;
ས་བྦ་ཉྩ ཏེ ནཱ་ག་ཀུ་ལཾ སུ་པ་ཎྞཱ, ཨ་གྒིཾ་ཝ གི་མྷེ་སུ [གི་མྷཱ་སུ (སཱི. སྱཱ. པཱི.)] ཝི་ཝ་ཛྫ་ཡ་ནྟུ.
༢༦༡. ཨ་ནུ་ཀ་མྤ་སཱི ནཱ་ག་ཀུ་ལཾ ཛ་ནི་ནྡ, མཱ་ཏཱ ཡ་ཐཱ སུ་པྤི་ཡཾ ཨེ་ཀ་པུ་ཏྟཾ;
ཨ་ཧ་ཉྩ ཏེ ནཱ་ག་ཀུ་ལེ་ན ས་དྡྷིཾ, ཀཱ་ཧཱ་མི ཝེ་ཡྻཱ་ཝ་ཊི་ཀཾ ཨུ་ལཱ༹་རཾ.
༢༦༢. ཡོ་ཛེ་ནྟུ ཝེ རཱ་ཛ་ར་ཐེ སུ་ཙི་ཏྟེ, ཀ་མྦོ་ཛ་ཀེ ཨ་སྶ་ཏ་རེ སུ་ད་ནྟེ;
ནཱ་གེ ཙ ཡོ་ཛེ་ནྟུ སུ་ཝ་ཎྞ་ཀ་པྤ་ནེ, ད་ཀྑེ་མུ ནཱ་ག་སྶ ནི་ཝེ་ས་ནཱ་ནི.
༢༦༣. བྷེ་རཱི མུ་དི་ངྒཱ [མུ་ཏི་ངྒཱ (སཱི. པཱི.)] པ་ཎ་ཝཱ ཙ ས་ངྑཱ, ཨ་ཝ་ཛྫ་ཡིཾ་སུ ཨུ་གྒ་སེ་ན་སྶ ར་ཉྙོ;
པཱ་ཡཱ་སི རཱ་ཛཱ བ་ཧུ་སོ་བྷ་མཱ་ནོ, པུ་ར་ཀྑ་ཏོ ནཱ་རི་ག་ཎ་སྶ མ་ཛ྄ཛྷེ.
༢༦༤. སུ་ཝ་ཎྞ་ཙི་ཏ་ཀཾ བྷཱུ་མིཾ, ཨ་དྡ་ཀྑི ཀཱ་སི་ཝ་ཌྜྷ་ནོ;
སོ་ཝ་ཎྞ་མ་ཡ་པཱ་སཱ་དེ, ཝེ་ལུ༹་རི་ཡ་ཕ་ལ་ཀ་ཏྠ་ཏེ.
༢༦༥. ས རཱ་ཛཱ པཱ་ཝི་སི བྱ་མྷཾ, ཙ་མྤེ་ཡྻ་སྶ ནི་ཝེ་ས་ནཾ;
ཨཱ་དི་ཙྩ་ཝ་ཎྞ་ས་ནྣི་བྷཾ, ཀཾ་ས་ཝི་ཛྫུ པ་བྷ་སྶ་རཾ.
༢༦༦. ནཱ་ནཱ་རུ་ཀྑེ་ཧི ས་ཉྪ་ནྣཾ, ནཱ་ནཱ་ག་ནྡྷ་ས་མཱི་རི་ཏཾ;
སོ པཱ་ཝེ་ཀྑི ཀཱ་སི་རཱ་ཛཱ, ཙ་མྤེ་ཡྻ་སྶ ནི་ཝེ་ས་ནཾ.
༢༦༧. པ་ཝི་ཊྛ་སྨིཾ ཀཱ་སི་ར་ཉྙེ, ཙ་མྤེ་ཡྻ་སྶ ནི་ཝེ་ས་ནཾ;
དི་བྦཱ ཏཱུ་རི་ཡཱ པ་ཝ་ཛྫིཾ་སུ, ནཱ་ག་ཀ་ཉྙཱ ཙ ན་ཙྩི་སུཾ [ན་ཙྩ་ཡུཾ (སཱི. པཱི. ཀ.)].
༢༦༨. ཏཾ ནཱ་ག་ཀ་ཉྙཱ ཙ་རི་ཏཾ ག་ཎེ་ན, ཨ་ནྭཱ་རུ་ཧཱི ཀཱ་སི་རཱ་ཛཱ པ་ས་ནྣོ;
ནི་སཱི་དི སོ་ཝ་ཎྞ་མ་ཡ་མྷི པཱི་ཋེ, སཱ་པ་སྶ་ཡེ [སོ་པ་སྶ་ཡེ (ཀ.)] ཙ་ནྡ་ན་སཱ་ར་ལི་ཏྟེ.
༢༦༩. སོ ཏ་ཏྠ བྷུ་ཏྭཱ ཙ ཨ་ཐོ ར་མི་ཏྭཱ, ཙ་མྤེ་ཡྻ་ཀཾ ཀཱ་སི་རཱ་ཛཱ ཨ་ཝོ་ཙ;
ཝི་མཱ་ན་སེ་ཊྛཱ་ནི ཨི་མཱ་ནི ཏུ་ཡ྄ཧཾ, ཨཱ་དི་ཙྩ་ཝ་ཎྞཱ་ནི པ་བྷ་སྶ་རཱ་ནི;
ནེ་ཏཱ་དི་སཾ ཨ་ཏྠི མ་ནུ་སྶ་ལོ་ཀེ, ཀིཾ པ་ཏྠ་ཡཾ [ཀི་མ་ཏྠི་ཡཾ (སཱི. སྱཱ. པཱི.)] ནཱ་ག ཏ་པོ ཀ་རོ་སི.
༢༧༠. ཏཱ ཀ་མྦུ་ཀཱ་ཡཱུ་ར་དྷ་རཱ སུ་ཝ་ཏྠཱ, ཝ་ཊྚ་ངྒུ་ལཱི ཏ་མྦ་ཏ་ལཱུ་པ་པ་ནྣཱ;
པ་གྒ་ཡ྄ཧ པཱ་ཡེ་ནྟི ཨ་ནོ་མ་ཝ་ཎྞཱ, ནེ་ཏཱ་དི་སཾ ཨ་ཏྠི མ་ནུ་སྶ་ལོ་ཀེ;
ཀིཾ པ་ཏྠ་ཡཾ ནཱ་ག ཏ་པོ ཀ་རོ་སི.
༢༧༡. ན་ཛྫོ ཙ ཏེ་མཱ པུ་ཐུ་ལོ་མ་མ་ཙྪཱ, ཨཱ་ཊཱ [ཨཱ་དཱ (སྱཱ.), ཨ་དཱ (པཱི.)] ས་ཀུ་ནྟཱ་བྷི་རུ་དཱ སུ་ཏི་ཏྠཱ;
ནེ་ཏཱ་དི་སཾ ཨ་ཏྠི མ་ནུ་སྶ་ལོ་ཀེ, ཀིཾ པ་ཏྠ་ཡཾ ནཱ་ག ཏ་པོ ཀ་རོ་སི.
༢༧༢. ཀོ་ཉྩཱ མ་ཡཱུ་རཱ དི་ཝི་ཡཱ ཙ ཧཾ་སཱ, ཝ་གྒུ་སྶ་རཱ ཀོ་ཀི་ལཱ ས་མྤ་ཏ་ནྟི;
ནེ་ཏཱ་དི་སཾ ཨ་ཏྠི མ་ནུ་སྶ་ལོ་ཀེ, ཀིཾ པ་ཏྠ་ཡཾ ནཱ་ག ཏ་པོ ཀ་རོ་སི.
༢༧༣. ཨ་མྦཱ ཙ སཱ་ལཱ ཏི་ལ་ཀཱ ཙ ཛ་མྦུ་ཡོ, ཨུ་དྡཱ་ལ་ཀཱ པཱ་ཊ་ལི་ཡོ ཙ ཕུ་ལླཱ;
ནེ་ཏཱ་དི་སཾ ཨ་ཏྠི མ་ནུ་སྶ་ལོ་ཀེ, ཀིཾ པ་ཏྠ་ཡཾ ནཱ་ག ཏ་པོ ཀ་རོ་སི.
༢༧༤. ཨི་མཱ ཙ ཏེ པོ་ཀྑ་ར་ཉྙོ ས་མ་ནྟ་ཏོ, དི་བྦཱ [དི་བྱཱ (སྱཱ.), དི་ཝི་ཡཱ (པཱི.)] ཙ ག་ནྡྷཱ ས་ཏ་ཏཾ པ་ཝཱ་ཡ་ནྟི;
ནེ་ཏཱ་དི་སཾ ཨ་ཏྠི མ་ནུ་སྶ་ལོ་ཀེ, ཀིཾ པ་ཏྠ་ཡཾ ནཱ་ག ཏ་པོ ཀ་རོ་སི.
༢༧༥. ན པུ་ཏྟ་ཧེ་ཏུ ན དྷ་ན་སྶ ཧེ་ཏུ, ན ཨཱ་ཡུ་ནོ ཙཱ་པི [ཝཱ་པི (སཱི. པཱི.)] ཛ་ནི་ནྡ ཧེ་ཏུ;
མ་ནུ་སྶ་ཡོ་ནིཾ ཨ་བྷི་པ་ཏྠ་ཡཱ་ནོ, ཏ་སྨཱ པ་ར་ཀྐ་མྨ ཏ་པོ ཀ་རོ་མི.
༢༧༦. ཏྭཾ ལོ་ཧི་ཏ་ཀྑོ ཝི་ཧ་ཏ་ནྟ་རཾ་སོ, ཨ་ལ་ངྐ་ཏོ ཀ་པྤི་ཏ་ཀེ་ས་མ་སྶུ;
སུ་རོ་སི་ཏོ ལོ་ཧི་ཏ་ཙ་ནྡ་ནེ་ན, ག་ནྡྷ་བྦ་རཱ་ཛཱ་ཝ དི་སཱ པ་བྷཱ་ས་སི.
༢༧༧. དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ, ས་བྦེ་ཧི ཀཱ་མེ་ཧི ས་མ་ངྒི་བྷཱུ་ཏོ;
པུ་ཙྪཱ་མི ཏཾ ནཱ་ག་རཱ་ཛེ་ཏ་མ་ཏྠཾ, སེ་ཡྻོ ཨི་ཏོ ཀེ་ན མ་ནུ་སྶ་ལོ་ཀོ.
༢༧༨. ཛ་ནི་ནྡ ནཱ་ཉྙ་ཏྲ མ་ནུ་སྶ་ལོ་ཀཱ, སུ་དྡྷཱི ཝ སཾ་ཝི་ཛྫ་ཏི སཾ་ཡ་མོ ཝཱ;
ཨ་ཧ་ཉྩ ལ་དྡྷཱ་ན མ་ནུ་སྶ་ཡོ་ནིཾ, ཀཱ་ཧཱ་མི ཛཱ་ཏི་མ་ར་ཎ་སྶ ཨ་ནྟཾ.
༢༧༩. ཨ་དྡྷཱ ཧ་ཝེ སེ་ཝི་ཏ་བྦཱ ས་པ་ཉྙཱ, བ་ཧུ་སྶུ་ཏཱ ཡེ བ་ཧུ་ཋཱ་ན་ཙི་ནྟི་ནོ;
ནཱ་རི་ཡོ ཙ དི་སྭཱ་ན ཏུ་ཝ་ཉྩ ནཱ་ག, ཀཱ་ཧཱ་མི པུ་ཉྙཱ་ནི ཨ་ན་པྤ་ཀཱ་ནི.
༢༨༠. ཨ་དྡྷཱ ཧ་ཝེ སེ་ཝི་ཏ་བྦཱ ས་པ་ཉྙཱ, བ་ཧུ་སྶུ་ཏཱ ཡེ བ་ཧུ་ཋཱ་ན་ཙི་ནྟི་ནོ;
ནཱ་རི་ཡོ ཙ དི་སྭཱ་ན མ་མ་ཉྩ རཱ་ཛ, ཀ་རོ་ཧི པུ་ཉྙཱ་ནི ཨ་ན་པྤ་ཀཱ་ནི.
༢༨༡. ཨི་ད་ཉྩ མེ ཛཱ་ཏ་རཱུ་པཾ པ་ཧཱུ་ཏཾ, རཱ་སཱི སུ་ཝ་ཎྞ་སྶ ཙ ཏཱ་ལ་མ་ཏྟཱ;
[ཨི་ཏོ ཧ་རི་ཏྭཱ སོ་ཝ་ཎྞ་གྷ་རཱ་ནི ཀཱ་ར་ཡ, རཱུ་པི་ཡ་སྶ ཙ པཱ་ཀཱ་རཾ ཀ་རོ་ནྟུ (སཱི. སྱཱ.) ཨི་ཏོ ཧ་རི་ཏྭཱ སོ་ཝ་ཎྞ་གྷ་རཱ་ནི, [ཀཱ་ར་ཡ] རཱུ་པི་ཡ་སྶ ཙ པཱ་ཀཱ་རཾ ཀ་རོ་ནྟུ (པཱི.)] ཨི་ཏོ ཧ་རི་ཏྭཱ་ན སུ་ཝ་ཎྞ་གྷ་རཱ་ནི, ཀ་ར་སྶུ རཱུ་པི་ཡ་པཱ་ཀཱ་རཾ ཀ་རོ་ནྟུ [ཨི་ཏོ ཧ་རི་ཏྭཱ སོ་ཝ་ཎྞ་གྷ་རཱ་ནི ཀཱ་ར་ཡ, རཱུ་པི་ཡ་སྶ ཙ པཱ་ཀཱ་རཾ ཀ་རོ་ནྟུ (སཱི. སྱཱ.) ཨི་ཏོ ཧ་རི་ཏྭཱ སོ་ཝ་ཎྞ་གྷ་རཱ་ནི, [ཀཱ་ར་ཡ] རཱུ་པི་ཡ་སྶ ཙ པཱ་ཀཱ་རཾ ཀ་རོ་ནྟུ (པཱི.)].
༢༨༢. མུ་ཏྟཱ ཙ [མུ་ཏྟཱ་ན་ཉྩ (སཱི. སྱཱ.)] ཝཱ་ཧ་ས་ཧ་སྶཱ་ནི པ་ཉྩ, ཝེ་ལུ༹་རི་ཡ་མི་སྶཱ་ནི ཨི་ཏོ ཧ་རི་ཏྭཱ;
ཨ་ནྟེ་པུ་རེ བྷཱུ་མི་ཡཾ ས་ནྠ་ར་ནྟུ, ནི་ཀྐ་དྡ་མཱ ཧེ་ཧི་ཏི ནཱི་ར་ཛཱ ཙ.
༢༨༣. ཨེ་ཏཱ་དི་སཾ ཨཱ་ཝ་ས རཱ་ཛ་སེ་ཊྛ, ཝི་མཱ་ན་སེ་ཊྛཾ བ་ཧུ སོ་བྷ་མཱ་ནཾ;
བཱ་རཱ་ཎ་སིཾ ན་ག་རཾ ཨི་དྡྷཾ ཕཱི་ཏཾ, ར་ཛྫ་ཉྩ ཀཱ་རེ་ཧི ཨ་ནོ་མ་པ་ཉྙཱ་ཏི.
ཙ་མྤེ་ཡྻ་ཛཱ་ཏ་ཀཾ ད་ས་མཾ.