༥༠༥. སོ་མ་ན་སྶ་ཛཱ་ཏ་ཀཾ (༩)
༢༡༡. ཀོ ཏཾ ཧིཾ་ས་ཏི ཧེ་ཋེ་ཏི, ཀིཾ [ཀི་ནྣུ (པཱི. ཀ.)] དུ་མྨ་ནོ སོ་ཙ་སི ཨ་པྤ་ཏཱི་ཏོ;
ཀ་སྶ་ཛྫ མཱ་ཏཱ་པི་ཏ་རོ རུ་ད་ནྟུ, ཀྭ་ཛྫ སེ་ཏུ [ཀོ ནྭེ་ཛྫ སེ་ཏི (ཀ.), ཀོ ཨ་ཛྫ སེ་ཏུ (?)] ནི་ཧ་ཏོ པ་ཐ་བྱཱ.
༢༡༢. ཏུ་ཊྛོ་སྨི དེ་ཝ ཏ་ཝ ད་སྶ་ནེ་ན, ཙི་ར་སྶཾ པ་སྶཱ་མི ཏཾ བྷཱུ་མི་པཱ་ལ;
ཨ་ཧིཾ་ས་ཀོ རེ་ཎུ་མ་ནུ་པྤ་ཝི་སྶ, པུ་ཏྟེ་ན ཏེ ཧེ་ཋ་ཡི་ཏོ་སྨི [པོ་ཐ་ཡི་ཏོ་སྨི (ཀ.)] དེ་ཝ.
༢༡༣. ཨཱ་ཡ་ནྟུ དོ་ཝཱ་རི་ཀཱ ཁ་གྒ་བ་ནྡྷཱ [ཁ་གྒ་བ་དྡྷཱ (སཱི. པཱི.)], ཀཱ་སཱ་ཝི་ཡཱ ཡ་ནྟུ [ཧ་ནྟུ (ཀ.)] ཨ་ནྟེ་པུ་ར་ནྟཾ;
ཧ་ནྟྭཱ་ན ཏཾ སོ་མ་ན་སྶཾ ཀུ་མཱ་རཾ, ཚེ་ཏྭཱ་ན སཱི་སཾ ཝ་ར་མཱ་ཧ་ར་ནྟུ.
༢༡༤. པེ་སི་ཏཱ རཱ་ཛི་ནོ དཱུ་ཏཱ, ཀུ་མཱ་རཾ ཨེ་ཏ་ད་བྲ་ཝུཾ;
ཨི་སྶ་རེ་ན ཝི་ཏི་ཎྞོ་སི, ཝ་དྷཾ པ་ཏྟོ་སི ཁ་ཏྟི་ཡ.
༢༡༥. ས རཱ་ཛ་པུ་ཏྟོ པ་རི་དེ་ཝ་ཡ་ནྟོ, ད་ས་ངྒུ་ལིཾ ཨ་ཉྫ་ལིཾ པ་གྒ་ཧེ་ཏྭཱ;
ཨ་ཧ་མྤི ཨི་ཙྪཱ་མི ཛ་ནི་ནྡ ད་ཊྛུཾ, ཛཱི་ཝཾ མཾ ནེ་ཏྭཱ [ཛཱི་ཝཾ པ་ནེ་ཏྭཱ (སཱི. པཱི.)] པ་ཊི་ད་སྶ་ཡེ་ཐ.
༢༡༦. ཏ་སྶ ཏཾ ཝ་ཙ་ནཾ སུ་ཏྭཱ, ར་ཉྙོ པུ་ཏྟཾ ཨ་ད་སྶ་ཡུཾ;
པུ་ཏྟོ ཙ པི་ཏ་རཾ དི་སྭཱ, དཱུ་ར་ཏོ་ཝ་ཛ྄ཛྷ་བྷཱ་ས་ཐ.
༢༡༧. ཨཱ་ག་ཙྪུཾ [ཨཱ་ག་ཉྪུཾ (སཱི.), ཨཱ་ག་ཉྪུ (པཱི.)] དོ་ཝཱ་རི་ཀཱ ཁ་གྒ་བ་ནྡྷཱ, ཀཱ་སཱ་ཝི་ཡཱ ཧ་ནྟུ མ་མཾ ཛ་ནི་ནྡ;
ཨ་ཀྑཱ་ཧི མེ པུ་ཙྪི་ཏོ ཨེ་ཏ་མ་ཏྠཾ, ཨ་པ་རཱ་དྷོ ཀོ ནི་དྷ མ་མ་ཛྫ ཨ་ཏྠི.
༢༡༨. སཱ་ཡ་ཉྩ པཱ་ཏོ ཨུ་ད་ཀཾ ས་ཛཱ་ཏི, ཨ་གྒིཾ ས་དཱ པཱ་རི་ཙ་ར་ཏ་པྤ་མ་ཏྟོ;
ཏཾ ཏཱ་དི་སཾ སཾ་ཡ་ཏཾ བྲ་ཧྨ་ཙཱ་རིཾ, ཀ་སྨཱ ཏུ་ཝཾ བྲཱུ་སི ག་ཧ་པྤ་ཏཱི་ཏི.
༢༡༩. ཏཱ་ལཱ ཙ མཱུ་ལཱ ཙ ཕ་ལཱ ཙ དེ་ཝ, པ་རི་གྒ་ཧཱ ཝི་ཝི་དྷཱ ས་ནྟི་མ་སྶ;
ཏེ ར་ཀྑ་ཏི གོ་པ་ཡ་ཏ་པྤ་མ་ཏྟོ, [བྲཱ་ཧྨ་ཎོ ག་ཧ་པ་ཏི ཏེ་ན ཧོ་ཏི (སཱི. སྱཱ. པཱི.)] ཏ་སྨཱ ཨ་ཧཾ བྲཱུ་མི ག་ཧ་པྤ་ཏཱི་ཏི [བྲཱ་ཧྨ་ཎོ ག་ཧ་པ་ཏི ཏེ་ན ཧོ་ཏི (སཱི. སྱཱ. པཱི.)].
༢༢༠. ས་ཙྩཾ ཁོ ཨེ་ཏཾ ཝ་ད་སི ཀུ་མཱ་ར, པ་རི་གྒ་ཧཱ ཝི་ཝི་དྷཱ ས་ནྟི་མ་སྶ;
ཏེ ར་ཀྑ་ཏི གོ་པ་ཡ་ཏ་པྤ་མ་ཏྟོ, ས [ན་ཏྠི ཨི་དཾ སཱི. སྱཱ. པཱི. པོ་ཏྠ་ཀེ་སུ] བྲཱ་ཧྨ་ཎོ ག་ཧ་པ་ཏི ཏེ་ན ཧོ་ཏི.
༢༢༡. སུ་ཎ་ནྟུ མ་ཡ྄ཧཾ པ་རི་སཱ ས་མཱ་ག་ཏཱ, ས་ནེ་ག་མཱ ཛཱ་ན་པ་དཱ ཙ ས་བྦེ;
བཱ་ལཱ་ཡཾ བཱ་ལ་སྶ ཝ་ཙོ ནི་ས་མྨ, ཨ་ཧེ་ཏུ་ནཱ གྷཱ་ཏ་ཡ་ཏེ མཾ [གྷཱ་ཏ་ཡ་ཏེ (སཱི. པཱི.)] ཛ་ནི་ནྡོ.
༢༢༢. ད་ལ༹ྷ་སྨི མཱུ་ལེ ཝི་ས་ཊེ ཝི་རཱུ་ལ༹ྷེ, དུ་ནྣི་ཀྐ་ཡོ ཝེ་ལུ༹ པ་སཱ་ཁ་ཛཱ་ཏོ;
ཝ་ནྡཱ་མི པཱ་དཱ་ནི ཏ་ཝ [ཏ་ཝཾ (སཱི. པཱི.)] ཛ་ནི་ནྡ, ཨ་ནུ་ཛཱ་ན མཾ པ་བྦ་ཛི་སྶཱ་མི དེ་ཝ.
༢༢༣. བྷུ་ཉྫ་སྶུ བྷོ་གེ ཝི་པུ་ལེ ཀུ་མཱ་ར, ས་བྦ་ཉྩ ཏེ ཨི་སྶ་རི་ཡཾ ད་དཱ་མི;
ཨ་ཛྫེ་ཝ ཏྭཾ ཀུ་རཱུ་ནཾ ཧོ་ཧི རཱ་ཛཱ, མཱ པ་བྦ་ཛཱི པ་བྦ་ཛྫཱ ཧི དུ་ཀྑཱ.
༢༢༤. ཀི་ནྣཱུ་དྷ དེ་ཝ ཏ་ཝ་མ་ཏྠི བྷོ་གཱ, པུ་བྦེ་ཝ་ཧཾ [པུ་བྦེ ཙ་ཧཾ (ཀ.)] དེ་ཝ་ལོ་ཀེ ར་མི་སྶཾ;
རཱུ་པེ་ཧི ས་དྡེ་ཧི ཨ་ཐོ ར་སེ་ཧི, ག་ནྡྷེ་ཧི ཕ་སྶེ་ཧི མ་ནོ་ར་མེ་ཧི.
༢༢༥. བྷུ་ཏྟཱ ཙ མེ [བྷུ་ཏྟཱ (སཱི. པཱི.)] བྷོ་གཱ ཏི་དི་ཝ་སྨིཾ དེ་ཝ, པ་རི་ཝཱ་རི་ཏཱ [པ་རི་ཙཱ་རི་ཏཱ (ཀ.)] ཨ་ཙྪ་རཱ་ནཾ ག་ཎེ་ན [ཨ་ཙྪ་རཱ་སཾ་ག་ཎེ་ན (སྱཱ. པཱི. ཀ.)];
ཏུ་ཝ་ཉྩ [ཏ་ཝ་ཉྩ (སཱི. པཱི.)] བཱ་ལཾ པ་ར་ནེ་ཡྻཾ ཝི་དི་ཏྭཱ, ན ཏཱ་དི་སེ རཱ་ཛ་ཀུ་ལེ ཝ་སེ་ཡྻཾ.
༢༢༦. ས་ཙཱ་ཧཾ བཱ་ལོ པ་ར་ནེ་ཡྻོ ཨ་སྨི, ཨེ་ཀཱ་པ་རཱ་དྷཾ [ཨེ་ཏཱ་པ་རཱ་དྷཾ (ཀ.)] ཁ་མ པུ་ཏྟ མ་ཡ྄ཧཾ;
པུ་ན་པི ཙེ ཨེ་དི་ས་ཀཾ བྷ་ཝེ་ཡྻ, ཡ་ཐཱ་མ་ཏིཾ སོ་མ་ན་སྶ ཀ་རོ་ཧི.
༢༢༧. ཨ་ནི་ས་མྨ ཀ་ཏཾ ཀ་མྨཾ, ཨ་ན་ཝ་ཏྠཱ་ཡ ཙི་ནྟི་ཏཾ;
བྷེ་ས་ཛྫ་སྶེ་ཝ ཝེ་བྷ་ངྒོ, ཝི་པཱ་ཀོ ཧོ་ཏི པཱ་པ་ཀོ.
༢༢༨. ནི་ས་མྨ ཙ ཀ་ཏཾ ཀ་མྨཾ, ས་མྨཱ་ཝ་ཏྠཱ་ཡ ཙི་ནྟི་ཏཾ;
བྷེ་ས་ཛྫ་སྶེ་ཝ ས་མྤ་ཏྟི, ཝི་པཱ་ཀོ ཧོ་ཏི བྷ་དྲ་ཀོ.
༢༢༩. ཨ་ལ་སོ གི་ཧཱི ཀཱ་མ་བྷོ་གཱི ན སཱ་དྷུ, ཨ་ས་ཉྙ་ཏོ པ་བྦ་ཛི་ཏོ ན སཱ་དྷུ;
རཱ་ཛཱ ན སཱ་དྷུ ཨ་ནི་ས་མྨ་ཀཱ་རཱི, ཡོ པ་ཎྜི་ཏོ ཀོ་དྷ་ནོ ཏཾ ན སཱ་དྷུ.
༢༣༠. ནི་ས་མྨ ཁ་ཏྟི་ཡོ ཀ་ཡི་རཱ, ནཱ་ནི་ས་མྨ དི་ས་མྤ་ཏི;
ནི་ས་མྨ་ཀཱ་རི་ནོ རཱ་ཛ, ཡ་སོ ཀི་ཏྟི ཙ ཝ་ཌྜྷ་ཏི.
༢༣༡. ནི་ས་མྨ ད་ཎྜཾ པ་ཎ་ཡེ་ཡྻ ཨི་སྶ་རོ, ཝེ་གཱ ཀ་ཏཾ ཏ་པྤ་ཏི བྷཱུ་མི་པཱ་ལ;
ས་མྨཱ་པ་ཎཱི་དྷཱི ཙ ན་ར་སྶ ཨ་ཏྠཱ, ཨ་ནཱ་ནུ་ཏ་པྤཱ ཏེ བྷ་ཝ་ནྟི པ་ཙྪཱ.
༢༣༢. ཨ་ནཱ་ནུ་ཏ་པྤཱ་ནི ཧི ཡེ ཀ་རོ་ནྟི, ཝི་བྷ་ཛྫ ཀ་མྨཱ་ཡ་ཏ་ནཱ་ནི ལོ་ཀེ;
ཝི་ཉྙུ་པྤ་ས་ཏྠཱ་ནི སུ་ཁུ་དྲ་ཡཱ་ནི, བྷ་ཝ་ནྟི བུ་དྡྷཱ་ནུ་མ་ཏཱ་ནི [ཝ་དྡྷཱ་ནུ་མ་ཏཱ་ནི (སཱི. པཱི.)] ཏཱ་ནི.
༢༣༣. ཨཱ་ག་ཙྪུཾ དོ་ཝཱ་རི་ཀཱ ཁ་གྒ་བ་ནྡྷཱ, ཀཱ་སཱ་ཝི་ཡཱ ཧ་ནྟུ མ་མཾ ཛ་ནི་ནྡ;
མཱ་ཏུ་ཉྩ [མཱ་ཏུ་ཙྩ (པཱི.)] ཨ་ངྐ་སྨི་མ་ཧཾ ནི་སི་ནྣོ, ཨཱ་ཀ་ཌྜྷི་ཏོ ས་ཧ་སཱ ཏེ་ཧི དེ་ཝ.
༢༣༤. ཀ་ཊུ་ཀ་ཉྷི ས་མྦཱ་དྷཾ སུ་ཀི་ཙྪཾ [སུ་ཀི་ཙྪ (སཱི. པཱི.)] པ་ཏྟོ, མ་དྷུ་ར་མྤི ཡཾ ཛཱི་ཝི་ཏཾ ལ་དྡྷ རཱ་ཛ;
ཀི་ཙྪེ་ན་ཧཾ ཨ་ཛྫ ཝ་དྷཱ པ་མུ་ཏྟོ, པ་བྦ་ཛྫ་མེ་ཝཱ་བྷི་མ་ནོ་ཧ་མ་སྨི.
༢༣༥. པུ་ཏྟོ ཏ་ཝཱ་ཡཾ ཏ་རུ་ཎོ སུ་དྷ་མྨེ, ཨ་ནུ་ཀ་མྤ་ཀོ སོ་མ་ན་སྶོ ཀུ་མཱ་རོ;
ཏཾ ཡཱ་ཙ་མཱ་ནོ ན ལ་བྷཱ་མི སྭ་ཛྫ [ས་ཛྫ (སཱི. པཱི.)], ཨ་ར་ཧ་སི ནཾ ཡཱ་ཙི་ཏ་ཝེ [ཡཱ་ཙི་ཏུ་ཡེ (ཀ.)] ཏུ་ཝ་མྤི.
༢༣༦. ར་མ་སྶུ བྷི་ཀྑཱ་ཙ་རི་ཡཱ་ཡ པུ་ཏྟ, ནི་ས་མྨ དྷ་མྨེ་སུ པ་རི་བྦ་ཛ་སྶུ;
ས་བྦེ་སུ བྷཱུ་ཏེ་སུ ནི་དྷཱ་ཡ ད་ཎྜཾ, ཨ་ནི་ནྡི་ཏོ བྲ་ཧྨ་མུ་པེ་ཧི ཋཱ་ནཾ.
༢༣༧. ཨ་ཙྪེ་ར [ཨ་ཙྪ་རི་ཡ (སཱི. སྱཱ. པཱི.)] རཱུ་པཾ ཝ་ཏ ཡཱ་དི་ས་ཉྩ, དུ་ཀྑི་ཏཾ མཾ དུ་ཀྑཱ་པ་ཡ་སེ སུ་དྷ་མྨེ;
ཡཱ་ཙ་སྶུ པུ་ཏྟཾ ཨི་ཏི ཝུ་ཙྩ་མཱ་ནཱ, བྷི་ཡྻོ་ཝ ཨུ་སྶཱ་ཧ་ཡ་སེ ཀུ་མཱ་རཾ.
༢༣༨. ཡེ ཝི་པྤ་མུ་ཏྟཱ ཨ་ན་ཝ་ཛྫ་བྷོ་གི་ནོ [བྷོ་ཛི་ནོ (སཱི. སྱཱ. པཱི.)], པ་རི་ནི་བྦུ་ཏཱ ལོ་ཀ་མི་མཾ ཙ་ར་ནྟི;
ཏ་མ་རི་ཡ་མ་གྒཾ པ་ཊི་པ་ཛྫ་མཱ་ནཾ, ན ཨུ་སྶ་ཧེ ཝཱ་ར་ཡི་ཏུཾ ཀུ་མཱ་རཾ.
༢༣༩. ཨ་དྡྷཱ ཧ་ཝེ སེ་ཝི་ཏ་བྦཱ ས་པ་ཉྙཱ, བ་ཧུ་སྶུ་ཏཱ ཡེ བ་ཧུ་ཋཱ་ན་ཙི་ནྟི་ནོ;
ཡེ་སཱ་ཡཾ སུ་ཏྭཱ་ན སུ་བྷཱ་སི་ཏཱ་ནི, ཨ་པྤོ་སྶུ་ཀྐཱ ཝཱི་ཏ་སོ་ཀཱ སུ་དྷ་མྨཱ་ཏི.
སོ་མ་ན་སྶ་ཛཱ་ཏ་ཀཾ ན་ཝ་མཾ.