༥༠༣. ས་ཏྟི་གུ་མྦ་ཛཱ་ཏ་ཀཾ (༧)
༡༥༩. མི་ག་ལུ་དྡོ མ་ཧཱ་རཱ་ཛཱ, པ་ཉྩཱ་ལཱ་ནཾ ར་ཐེ་ས་བྷོ;
ནི་ཀྑ་ནྟོ ས་ཧ སེ་ནཱ་ཡ, ཨོ་ག་ཎོ ཝ་ན་མཱ་ག་མཱ.
༡༦༠. ཏ་ཏྠ་དྡ་སཱ ཨ་ར་ཉྙ་སྨིཾ, ཏ་ཀྐ་རཱ་ནཾ ཀུ་ཊིཾ ཀ་ཏཾ;
ཏ་སྶཱ [ཏ་སྨཱ (སྱཱ. པཱི. ཀ.)] ཀུ་ཊི་ཡཱ ནི་ཀྑ་མྨ, སུ་ཝོ ལུ་དྡཱ་ནི བྷཱ་ས་ཏི.
༡༦༡. ས་མྤ་ནྣ་ཝཱ་ཧ་ནོ པོ་སོ, ཡུ་ཝཱ ས་མྨ་ཊྛ་ཀུ་ཎྜ་ལོ [ཀུ་ཎྜ་ལཱི (སྱཱ. ཀ.)];
སོ་བྷ་ཏི ལོ་ཧི་ཏུ་ཎྷཱི་སོ, དི་ཝཱ སཱུ་རི་ཡོ་ཝ བྷཱ་ས་ཏི.
༡༦༢. མ་ཛ྄ཛྷ་ནྷི་ཀེ [མ་ཛ྄ཛྷ་ནྟི་ཀེ (ས་བྦ་ཏྠ)] ས་མྤ་ཏི་ཀེ, སུ་ཏྟོ རཱ་ཛཱ ས་སཱ་ར་ཐི;
ཧ་ནྡ་སྶཱ་བྷ་ར་ཎཾ ས་བྦཾ, ག་ཎྷཱ་མ སཱ་ཧ་སཱ [ས་ཧ་སཱ (སཱི. སྱཱ. པཱི.)] མ་ཡཾ.
༡༦༣. ནི་སཱི་ཐེ་པི ར་ཧོ དཱ་ནི, སུ་ཏྟོ རཱ་ཛཱ ས་སཱ་ར་ཐི;
ཨཱ་དཱ་ཡ ཝ་ཏྠཾ མ་ཎི་ཀུ་ཎྜ་ལ་ཉྩ, ཧ་ནྟྭཱ་ན སཱ་ཁཱ་ཧི ཨ་ཝ་ཏྠ་རཱ་མ.
༡༦༤. ཀི་ནྣུ ཨུ་མྨ་ཏྟ་རཱུ་པོ་ཝ, ས་ཏྟི་གུ་མྦ པ་བྷཱ་ས་སི;
དུ་རཱ་ས་དཱ ཧི རཱ་ཛཱ་ནོ, ཨ་གྒི པ་ཛྫ་ལི་ཏོ ཡ་ཐཱ.
༡༦༥. ཨ་ཐ ཏྭཾ པ་ཏི་ཀོ་ལ་མྦ, མ་ཏྟོ ཐུ་ལླཱ་ནི ག་ཛྫ་སི;
མཱ་ཏ་རི མ་ཡ྄ཧཾ ན་གྒཱ་ཡ, ཀི་ནྣུ ཏྭཾ ཝི་ཛི་གུ་ཙྪ་སེ.
༡༦༦. ཨུ་ཊྛེ་ཧི ས་མྨ ཏ་ར་མཱ་ནོ, ར་ཐཾ ཡོ་ཛེ་ཧི སཱ་ར་ཐི;
ས་ཀུ་ཎོ མེ ན རུ་ཙྩ་ཏི, ཨ་ཉྙཾ ག་ཙྪཱ་མ ཨ་སྶ་མཾ.
༡༦༧. ཡུ་ཏྟོ ར་ཐོ མ་ཧཱ་རཱ་ཛ, ཡུ་ཏྟོ ཙ བ་ལ་ཝཱ་ཧ་ནོ;
ཨ་དྷི་ཏི་ཊྛ མ་ཧཱ་རཱ་ཛ, ཨ་ཉྙཾ ག་ཙྪཱ་མ ཨ་སྶ་མཾ.
༡༦༨. ཀོ ནུ་མེ་ཝ ག་ཏཱ [ཀྭ ནུ’མེ’པ་ག་ཏཱ (?)] ས་བྦེ, ཡེ ཨ་སྨིཾ པ་རི་ཙཱ་ར་ཀཱ;
ཨེ་ས ག་ཙྪ་ཏི པ་ཉྩཱ་ལོ, མུ་ཏྟོ ཏེ་སཾ ཨ་ད་སྶ་ནཱ.
༡༦༩. ཀོ་ད་ཎྜ་ཀཱ་ནི ག་ཎྷ་ཐ, ས་ཏྟི་ཡོ ཏོ་མ་རཱ་ནི ཙ;
ཨེ་ས ག་ཙྪ་ཏི པ་ཉྩཱ་ལོ, མཱ ཝོ མུ་ཉྩི་ཏྠ ཛཱི་ཝ་ཏཾ [ཛཱི་ཝི་ཏཾ (བ་ཧཱུ་སུ)].
༡༧༠. ཨ་ཐཱ་པ་རོ པ་ཊི་ན་ནྡི་ཏྠ, སུ་ཝོ ལོ་ཧི་ཏ་ཏུ་ཎྜ་ཀོ;
སྭཱ་ག་ཏཾ ཏེ མ་ཧཱ་རཱ་ཛ, ཨ་ཐོ ཏེ ཨ་དུ་རཱ་ག་ཏཾ;
ཨི་སྶ་རོ་སི ཨ་ནུ་པྤ་ཏྟོ, ཡཾ ཨི་དྷ་ཏྠི པ་ཝེ་ད་ཡ.
༡༧༡. ཏི་ནྡུ་ཀཱ་ནི པི་ཡཱ་ལཱ་ནི, མ་དྷུ་ཀེ ཀཱ་སུ་མཱ་རི་ཡོ;
ཕ་ལཱ་ནི ཁུ་དྡ་ཀ་པྤཱ་ནི, བྷུ་ཉྫ རཱ་ཛ ཝ་རཾ ཝ་རཾ.
༡༧༢. ཨི་ད་མྤི པཱ་ནཱི་ཡཾ སཱི་ཏཾ, ཨཱ་བྷ་ཏཾ གི་རི་ག་བྦྷ་རཱ;
ཏ་ཏོ པི་ཝ མ་ཧཱ་རཱ་ཛ, ས་ཙེ ཏྭཾ ཨ་བྷི་ཀ་ངྑ་སི.
༡༧༣. ཨ་ར་ཉྙཾ ཨུ་ཉྪཱ་ཡ ག་ཏཱ, ཡེ ཨ་སྨིཾ པ་རི་ཙཱ་ར་ཀཱ;
ས་ཡཾ ཨུ་ཊྛཱ་ཡ ག་ཎྷ་ཝ྄ཧོ, ཧ་ཏྠཱ མེ ན་ཏྠི དཱ་ཏ་ཝེ.
༡༧༤. བྷ་དྡ་ཀོ ཝ་ཏ་ཡཾ པ་ཀྑཱི, དི་ཛོ པ་ར་མ་དྷ་མྨི་ཀོ;
ཨ་ཐེ་སོ ཨི་ཏ་རོ པ་ཀྑཱི, སུ་ཝོ ལུ་དྡཱ་ནི བྷཱ་ས་ཏི.
༡༧༥. ‘‘ཨེ་ཏཾ ཧ་ན་ཐ བ་ནྡྷ་ཐ, མཱ ཝོ མུ་ཉྩི་ཏྠ ཛཱི་ཝ་ཏཾ’’;
ཨི་ཙྩེ་ཝཾ ཝི་ལ་པ་ནྟ་སྶ, སོ་ཏྠིཾ [སོ་ཏྠཱི (སྱཱ.)] པ་ཏྟོ་སྨི ཨ་སྶ་མཾ.
༡༧༦. བྷཱ་ཏ་རོ་སྨ མ་ཧཱ་རཱ་ཛ, སོ་ད་རི་ཡཱ ཨེ་ཀ་མཱ་ཏུ་ཀཱ;
ཨེ་ཀ་རུ་ཀྑ་སྨིཾ སཾ་ཝ་ཌྜྷཱ, ནཱ་ནཱ་ཁེ་ཏྟ་ག་ཏཱ ཨུ་བྷོ.
༡༧༧. ས་ཏྟི་གུ་མྦོ ཙ ཙོ་རཱ་ནཾ, ཨ་ཧ་ཉྩ ཨི་སཱི་ནཾ ཨི་དྷ;
ཨ་ས་ཏཾ སོ, ས་ཏཾ ཨ་ཧཾ, ཏེ་ན དྷ་མྨེ་ན ནོ ཝི་ནཱ.
༡༧༨. ཏ་ཏྠ ཝ་དྷོ ཙ བ་ནྡྷོ ཙ, ནི་ཀ་ཏཱི ཝ་ཉྩ་ནཱ་ནི ཙ;
ཨཱ་ལོ་པཱ སཱ་ཧ་སཱ་ཀཱ་རཱ, ཏཱ་ནི སོ ཏ་ཏྠ སི་ཀྑ་ཏི.
༡༧༩. ཨི་དྷ ས་ཙྩ་ཉྩ དྷ་མྨོ ཙ, ཨ་ཧིཾ་སཱ སཾ་ཡ་མོ ད་མོ;
ཨཱ་ས་ནཱུ་ད་ཀ་དཱ་ཡཱི་ནཾ, ཨ་ངྐེ ཝ་དྡྷོ་སྨི བྷཱ་ར་དྷ [བྷཱ་ར་ཏ (སཱི. སྱཱ. པཱི.)].
༡༨༠. ཡཾ ཡ་ཉྷི རཱ་ཛ བྷ་ཛ་ཏི, ས་ནྟཾ ཝཱ ཡ་དི ཝཱ ཨ་སཾ;
སཱི་ལ་ཝ་ནྟཾ ཝི་སཱི་ལཾ ཝཱ, ཝ་སཾ ཏ་སྶེ་ཝ ག་ཙྪ་ཏི.
༡༨༡. ཡཱ་དི་སཾ ཀུ་རུ་ཏེ མི་ཏྟཾ, ཡཱ་དི་སཾ ཙཱུ་པ་སེ་ཝ་ཏི;
སོ་པི ཏཱ་དི་ས་ཀོ ཧོ་ཏི, ས་ཧ་ཝཱ་སོ ཧི [ས་ཧ་ཝཱ་སོ་པི (སྱཱ. ཀ.)] ཏཱ་དི་སོ.
༡༨༢. སེ་ཝ་མཱ་ནོ སེ་ཝ་མཱ་ནཾ, ས་མྥུ་ཊྛོ ས་མྥུ་སཾ པ་རཾ;
ས་རོ དི་དྡྷོ ཀ་ལཱ་པཾ་ཝ, ཨ་ལི་ཏྟ་མུ་པ་ལི་མྤ་ཏི;
ཨུ་པ་ལེ་པ་བྷ་ཡཱ [ཨུ་པ་ལི་མྤ་བྷ་ཡཱ (སྱཱ. ཀ.)] དྷཱི་རོ, ནེ་ཝ པཱ་པ་ས་ཁཱ སི་ཡཱ.
༡༨༣. པཱུ་ཏི་མ་ཙྪཾ ཀུ་ས་གྒེ་ན, ཡོ ན་རོ ཨུ་པ་ན་ཡ྄ཧ་ཏི;
ཀུ་སཱ་པི པཱུ་ཏི [པཱུ་ཏཱི (སཱི. པཱི.)] ཝཱ་ཡ་ནྟི, ཨེ་ཝཾ བཱ་ལཱུ་པ་སེ་ཝ་ནཱ.
༡༨༤. ཏ་ག་ར་ཉྩ པ་ལཱ་སེ་ན, ཡོ ན་རོ ཨུ་པ་ན་ཡ྄ཧ་ཏི;
པ་ཏྟཱ་པི སུ་ར་བྷི [སུ་ར་བྷཱི (སཱི. སྱཱ. པཱི.)] ཝཱ་ཡ་ནྟི, ཨེ་ཝཾ དྷཱི་རཱུ་པ་སེ་ཝ་ནཱ.
༡༨༥. ཏ་སྨཱ པ་ཏྟ་པུ་ཊ་སྶེ་ཝ [ཕ་ལ་པུ་ཊ་སྶེ་ཝ (སཱི. པཱི.), པ་ལ་པུ་ཊ་སྶེ་ཝ (ཀ. ཨ་ཊྛ.), པ་ལཱ་ས་པུ་ཊ་སྶེ་ཝ (སྱཱ. ཀ.)], ཉ་ཏྭཱ ས་མྤཱ་ཀ་མ་ཏྟ་ནོ;
ཨ་ས་ནྟེ ནོ་པ་སེ་ཝེ་ཡྻ, ས་ནྟེ སེ་ཝེ་ཡྻ པ་ཎྜི་ཏོ;
ཨ་ས་ནྟོ ནི་ར་ཡཾ ནེ་ནྟི, ས་ནྟོ པཱ་པེ་ནྟི སུ་གྒ་ཏི་ནྟི.
ས་ཏྟི་གུ་མྦ་ཛཱ་ཏ་ཀཾ ས་ཏྟ་མཾ.