༥༠༡. རོ་ཧ་ཎ་མི་ག་ཛཱ་ཏ་ཀཾ (༥)
༡༠༤. ཨེ་ཏེ ཡཱུ་ཐཱ པ་ཏི་ཡ་ནྟི, བྷཱི་ཏཱ མ་ར་ཎ་སྶ [མ་ར་ཎཱ (སྱཱ. པཱི.), མ་ར་ཎ (ཀ.)] ཙི་ཏྟ་ཀ;
ག་ཙྪ ཏུ་ཝ་མྤི མཱ་ཀ་ངྑི, ཛཱི་ཝི་སྶ་ནྟི ཏ་ཡཱ ས་ཧ.
༡༠༥. ནཱ་ཧཾ རོ་ཧ་ཎ [རོ་ཧ་ནྟ (སཱི. པཱི.), རོ་ཧ་ན (སྱཱ.)] ག་ཙྪཱ་མི, ཧ་ད་ཡཾ མེ ཨ་ཝ་ཀ་སྶ་ཏི;
ན ཏཾ ཨ་ཧཾ ཛ་ཧི་སྶཱ་མི, ཨི་དྷ ཧི་སྶཱ་མི ཛཱི་ཝི་ཏཾ.
༡༠༦. ཏེ ཧི ནཱུ་ན མ་རི་སྶ་ནྟི, ཨ་ནྡྷཱ ཨ་པ་རི་ཎཱ་ཡ་ཀཱ;
ག་ཙྪ ཏུ་ཝ་མྤི མཱ་ཀ་ངྑི, ཛཱི་ཝི་སྶ་ནྟི ཏ་ཡཱ ས་ཧ.
༡༠༧. ནཱ་ཧཾ རོ་ཧ་ཎ ག་ཙྪཱ་མི, ཧ་ད་ཡཾ མེ ཨ་ཝ་ཀ་སྶ་ཏི;
ན ཏཾ བ་དྡྷཾ [བ་ནྡྷཾ (ཀ.)] ཛ་ཧི་སྶཱ་མི, ཨི་དྷ ཧི་སྶཱ་མི ཛཱི་ཝི་ཏཾ.
༡༠༨. ག་ཙྪ བྷཱི་རུ པ་ལཱ་ཡ་སྶུ, ཀཱུ་ཊེ བ་དྡྷོ་སྨི ཨཱ་ཡ་སེ;
ག་ཙྪ ཏུ་ཝ་མྤི མཱ་ཀ་ངྑི, ཛཱི་ཝི་སྶ་ནྟི ཏ་ཡཱ ས་ཧ.
༡༠༩. ནཱ་ཧཾ རོ་ཧ་ཎ ག་ཙྪཱ་མི, ཧ་ད་ཡཾ མེ ཨ་ཝ་ཀ་སྶ་ཏི;
ན ཏཾ ཨ་ཧཾ ཛ་ཧི་སྶཱ་མི, ཨི་དྷ ཧི་སྶཱ་མི ཛཱི་ཝི་ཏཾ.
༡༡༠. ཏེ ཧི ནཱུ་ན མ་རི་སྶ་ནྟི, ཨ་ནྡྷཱ ཨ་པ་རི་ཎཱ་ཡ་ཀཱ;
ག་ཙྪ ཏུ་ཝ་མྤི མཱ་ཀ་ངྑི, ཛཱི་ཝི་སྶ་ནྟི ཏ་ཡཱ ས་ཧ.
༡༡༡. ནཱ་ཧཾ རོ་ཧ་ཎ ག་ཙྪཱ་མི, ཧ་ད་ཡཾ མེ ཨ་ཝ་ཀ་སྶ་ཏི;
ན ཏཾ བ་དྡྷཾ ཛ་ཧི་སྶཱ་མི, ཨི་དྷ ཧི་སྶཱ་མི ཛཱི་ཝི་ཏཾ.
༡༡༢. ཨ་ཡཾ སོ ལུ་དྡ་ཀོ ཨེ་ཏི, ལུ་དྡ་རཱུ་པོ [རུ་དྡ་རཱུ་པོ (སཱི. པཱི.)] ས་ཧཱ་ཝུ་དྷོ;
ཡོ ནོ ཝ་དྷི་སྶ་ཏི ཨ་ཛྫ, ཨུ་སུ་ནཱ ས་ཏྟི་ཡཱ ཨ་པི [མ་པི (སཱི. སྱཱ. པཱི.)].
༡༡༣. སཱ མུ་ཧུ་ཏྟཾ པ་ལཱ་ཡི་ཏྭཱ, བྷ་ཡ་ཊྚཱ [བྷ་ཡ་ཊྛཱ (པཱི.)] བྷ་ཡ་ཏ་ཛྫི་ཏཱ;
སུ་དུ་ཀྐ་རཾ ཨ་ཀ་རཱ བྷཱི་རུ, མ་ར་ཎཱ་ཡཱུ་པ་ནི་ཝ་ཏྟ་ཐ.
༡༡༤. ཀི་ནྣུ ཏེ་མེ མི་གཱ ཧོ་ནྟི, མུ་ཏྟཱ བ་དྡྷཾ ཨུ་པཱ་ས་རེ;
ན ཏཾ ཙ་ཛི་ཏུ་མི་ཙྪ་ནྟི, ཛཱི་ཝི་ཏ་སྶ་པི ཀཱ་ར་ཎཱ.
༡༡༥. བྷཱ་ཏ་རོ ཧོ་ནྟི མེ ལུ་དྡ, སོ་ད་རི་ཡཱ ཨེ་ཀ་མཱ་ཏུ་ཀཱ;
ན མཾ ཙ་ཛི་ཏུ་མི་ཙྪ་ནྟི, ཛཱི་ཝི་ཏ་སྶ་པི ཀཱ་ར་ཎཱ.
༡༡༦. ཏེ ཧི ནཱུ་ན མ་རི་སྶ་ནྟི, ཨ་ནྡྷཱ ཨ་པ་རི་ཎཱ་ཡ་ཀཱ;
པ་ཉྩ་ནྣཾ ཛཱི་ཝི་ཏཾ དེ་ཧི, བྷཱ་ཏ་རཾ མུ་ཉྩ ལུ་དྡ་ཀ.
༡༡༧. སོ ཝོ ཨ་ཧཾ པ་མོ་ཀྑཱ་མི, མཱ་ཏཱ་པེ་ཏྟི་བྷ་རཾ མི་གཾ;
ན་ནྡ་ནྟུ མཱ་ཏཱ་པི་ཏ་རོ, མུ་ཏྟཾ དི་སྭཱ མ་ཧཱ་མི་གཾ.
༡༡༨. ཨེ་ཝཾ ལུ་དྡ་ཀ ན་ནྡ་སྶུ, ས་ཧ ས་བྦེ་ཧི ཉཱ་ཏི་བྷི;
ཡ་ཐཱ་ཧ་མ་ཛྫ ན་ནྡཱ་མི, མུ་ཏྟཾ དི་སྭཱ མ་ཧཱ་མི་གཾ.
༡༡༩. ཀ་ཐཾ ཏྭཾ པ་མོ་ཀྑོ [ཀ་ཐཾ པ་མོ་ཀྑོ (སཱི. པཱི.), ཀ་ཐཾ ཏེ པ་རོ་ཀྑོ (?)] ཨཱ་སི, ཨུ་པ་ནཱི་ཏ་སྨི ཛཱི་ཝི་ཏེ;
ཀ་ཐཾ པུ་ཏྟ ཨ་མོ་ཙེ་སི, ཀཱུ་ཊ་པཱ་ས་མྷ ལུ་དྡ་ཀོ.
༡༢༠. བྷ་ཎཾ ཀ་ཎྞ་སུ་ཁཾ ཝཱ་ཙཾ, ཧ་ད་ཡ་ངྒཾ ཧ་ད་ཡ་སྶི་ཏཾ;
སུ་བྷཱ་སི་ཏཱ་ཧི ཝཱ་ཙཱ་ཧི, ཙི་ཏྟ་ཀོ མཾ ཨ་མོ་ཙ་ཡི.
༡༢༡. བྷ་ཎཾ ཀ་ཎྞ་སུ་ཁཾ ཝཱ་ཙཾ, ཧ་ད་ཡ་ངྒཾ ཧ་ད་ཡ་སྶི་ཏཾ;
སུ་བྷཱ་སི་ཏཱ་ཧི ཝཱ་ཙཱ་ཧི, སུ་ཏ་ནཱ མཾ ཨ་མོ་ཙ་ཡི.
༡༢༢. སུ་ཏྭཱ ཀ་ཎྞ་སུ་ཁཾ ཝཱ་ཙཾ, ཧ་ད་ཡ་ངྒཾ ཧ་ད་ཡ་སྶི་ཏཾ;
སུ་བྷཱ་སི་ཏཱ་ནི སུ་ཏྭཱ་ན, ལུ་དྡ་ཀོ མཾ ཨ་མོ་ཙ་ཡི.
༡༢༣. ཨེ་ཝཾ ཨཱ་ན་ནྡི་ཏོ ཧོ་ཏུ, ས་ཧ དཱ་རེ་ཧི ལུ་དྡ་ཀོ;
ཡ་ཐཱ མ་ཡ་ཛྫ ན་ནྡཱ་མ, དི་སྭཱ རོ་ཧ་ཎ་མཱ་ག་ཏཾ.
༡༢༤. ན་ནུ ཏྭཾ ཨ་ཝ་ཙ [ཨ་ཝ་ཙཱ (སཱི. པཱི.)] ལུ་དྡ, ‘‘མི་ག་ཙ་མྨཱ་ནི ཨཱ་ཧ་རིཾ’’;
ཨ་ཐ ཀེ་ན ནུ ཝ་ཎྞེ་ན, མི་ག་ཙ་མྨཱ་ནི ནཱ་ཧ་རི.
༡༢༥. ཨཱ་ག་མཱ ཙེ་ཝ ཧ་ཏྠ་ཏྠཾ, ཀཱུ་ཊ་པཱ་ས་ཉྩ སོ མི་གོ;
ཨ་བ་ཛ྄ཛྷི ཏཾ [ཨ་བ་ཛ྄ཛྷི ཏ་ཉྩ (པཱི.)] མི་ག་རཱ་ཛཾ, ཏ་ཉྩ མུ་ཏྟཱ ཨུ་པཱ་ས་རེ.
༡༢༦. ཏ་སྶ མེ ཨ་ཧུ སཾ་ཝེ་གོ, ཨ་བྦྷུ་ཏོ ལོ་མ་ཧཾ་ས་ནོ;
ཨི་མ་ཉྩཱ་ཧཾ མི་གཾ ཧ་ཉྙེ, ཨ་ཛྫ ཧི་སྶཱ་མི ཛཱི་ཝི་ཏཾ.
༡༢༧. ཀཱི་དི་སཱ ཏེ མི་གཱ ལུ་དྡ, ཀཱི་དི་སཱ དྷ་མྨི་ཀཱ མི་གཱ;
ཀ་ཐཾ་ཝ་ཎྞཱ ཀ་ཐཾ་སཱི་ལཱ, བཱ་ལ༹ྷཾ ཁོ ནེ པ་སཾ་ས་སི.
༡༢༨. ཨོ་དཱ་ཏ་སི་ངྒཱ སུ་ཙི་ཝཱ་ལཱ༹, ཛཱ་ཏ་རཱུ་པ་ཏ་ཙཱུ་པ་མཱ;
པཱ་དཱ ལོ་ཧི་ཏ་ཀཱ ཏེ་སཾ, ཨ་ཉྫི་ཏ་ཀྑཱ མ་ནོ་ར་མཱ.
༡༢༩. ཨེ་དི་སཱ ཏེ མི་གཱ དེ་ཝ, ཨེ་དི་སཱ དྷ་མྨི་ཀཱ མི་གཱ;
མཱ་ཏཱ་པེ་ཏྟི་བྷ་རཱ དེ་ཝ, ན ཏེ སོ ཨ་བྷི་ཧཱ་རི་ཏུཾ [ཨ་བྷི་ཧཱ་ར་ཡུཾ (ཀ. སཱི.), ཨ་བྷི་ཧཱ་ར་ཡིཾ (སྱཱ.), ཨ་བྷི་ཧཱ་ར་ཡཾ (པཱི.)].
༡༣༠. ད་མྨི ནི་ཀྑ་ས་ཏཾ ལུ་དྡ, ཐཱུ་ལ་ཉྩ མ་ཎི་ཀུ་ཎྜ་ལཾ;
ཙ་ཏུ་སྶ་ད་ཉྩ [ཙ་ཏུ་ར་སྶ་ཉྩ (སྱཱ. ཀ.)] པ་ལླ་ངྐཾ, ཨུ་མཱ་པུ་པྥ་ས་རི་ནྣི་བྷཾ [ཨུ་མྨཱ་པུ་པྥ་སི་རི་ནྣི་བྷཾ (སཱི. སྱཱ. པཱི. ཀ.)].
༡༣༡. དྭེ ཙ སཱ་དི་སི་ཡོ བྷ་རི་ཡཱ, ཨུ་ས་བྷ་ཉྩ ག་ཝཾ ས་ཏཾ;
དྷ་མྨེ་ན ར་ཛྫཾ ཀཱ་རེ་སྶཾ, བ་ཧུ་ཀཱ་རོ མེ་སི ལུ་དྡ་ཀ.
༡༣༢. ཀ་སི་ཝཱ་ཎི་ཛྫཱ [ཀ་སཱི ཝ་ཎི་ཛྫཱ (སཱི. སྱཱ. པཱི.)] ཨི་ཎ་དཱ་ནཾ, ཨུ་ཉྪཱ་ཙ་རི་ཡཱ ཙ ལུ་དྡ་ཀ;
ཨེ་ཏེ་ན དཱ་རཾ པོ་སེ་ཧི, མཱ པཱ་པཾ ཨ་ཀ་རཱི པུ་ནཱ་ཏི [ཨ་ཀ་རཱ པུ་ན་ནྟི (ཀ. སཱི. པཱི.)].
རོ་ཧ་ཎ་མི་ག་ཛཱ་ཏ་ཀཾ [རོ་ཧ་ནྟ་མི་ག་ཛཱ་ཏ་ཀཾ (སཱི. པཱི.)] པ་ཉྩ་མཾ.