༥༠༠. སི་རཱི་མ་ནྟ་ཛཱ་ཏ་ཀཾ (༤)
༨༣. པ་ཉྙཱ་ཡུ་པེ་ཏཾ སི་རི་ཡཱ ཝི་ཧཱི་ནཾ, ཡ་ས་སྶི་ནཾ ཝཱ་པི ཨ་པེ་ཏ་པ་ཉྙཾ;
པུ་ཙྪཱ་མི ཏཾ སེ་ན་ཀ ཨེ་ཏ་མ་ཏྠཾ, ཀ་མེ་ཏྠ སེ་ཡྻོ ཀུ་ས་ལཱ ཝ་ད་ནྟི.
༨༤. དྷཱི་རཱ ཙ བཱ་ལཱ ཙ ཧ་ཝེ ཛ་ནི་ནྡ, སི་པྤཱུ་པ་པ་ནྣཱ ཙ ཨ་སི་པྤི་ནོ ཙ;
སུ་ཛཱ་ཏི་མ་ནྟོ་པི ཨ་ཛཱ་ཏི་མ་སྶ, ཡ་ས་སྶི་ནོ པེ་ས་ཀ་རཱ [པེ་སྶ་ཀ་རཱ (སཱི. པཱི.)] བྷ་ཝ་ནྟི;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ [སི་རི་མཱ་ཝ (སཱི. སྱཱ. པཱི.)] སེ་ཡྻོ.
༨༥. ཏུ་ཝ་མྤི པུ་ཙྪཱ་མི ཨ་ནོ་མ་པ་ཉྙ, མ་ཧོ་ས་དྷ ཀེ་ཝ་ལ་དྷ་མྨ་ད་སྶི;
བཱ་ལཾ ཡ་ས་སྶིཾ པ་ཎྜི་ཏཾ ཨ་པྤ་བྷོ་གཾ, ཀ་མེ་ཏྠ སེ་ཡྻོ ཀུ་ས་ལཱ ཝ་ད་ནྟི.
༨༦. པཱ་པཱ་ནི ཀ་མྨཱ་ནི ཀ་རོ་ཏི བཱ་ལོ [ཀ་རོ་ནྟི བཱ་ལཱ (སྱཱ. ཀ.)], ཨི་དྷ་མེ་ཝ [ཨི་ད་མེ་ཝ (སྱཱ. ཀ. ཨ་ཊྛ.), ཨི་མ་མེ་ཝ (ཀ.)] སེ་ཡྻོ ཨི་ཏི མ་ཉྙ་མཱ་ནོ [མ་ཉྙ་མཱ་ནཱ (སྱཱ. ཀ.)];
ཨི་དྷ་ལོ་ཀ་ད་སྶཱི པ་ར་ལོ་ཀ་མ་ད་སྶཱི, ཨུ་བྷ་ཡ་ཏྠ བཱ་ལོ ཀ་ལི་མ་གྒ་ཧེ་སི;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༨༧. ན སི་པྤ་མེ་ཏཾ ཝི་ད་དྷཱ་ཏི བྷོ་གཾ, ན བ་ནྡྷུ་ཝཱ [ན བ་ནྡྷ་ཝཱ (སཱི. སྱཱ. ཀ.)] ན ས་རཱི་ར་ཝ་ཎྞོ ཡོ [ན ས་རཱི་རཱ་ཝ་ཀཱ་སོ (སཱི. སྱཱ. པཱི.)];
པ་སྶེ་ལ༹་མཱུ་གཾ སུ་ཁ་མེ་དྷ་མཱ་ནཾ, སི་རཱི ཧི ནཾ བྷ་ཛ་ཏེ གོ་ར་ཝི་ནྡཾ [གོ་རི་མ་ནྡཾ (སཱི. པཱི.)];
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༨༨. ལ་དྡྷཱ སུ་ཁཾ མ་ཛྫ་ཏི ཨ་པྤ་པ་ཉྙོ, དུ་ཀྑེ་ན ཕུ་ཊྛོ་པི པ་མོ་ཧ་མེ་ཏི;
ཨཱ་ག་ནྟུ་ནཱ དུ་ཀྑ་སུ་ཁེ་ན ཕུ་ཊྛོ, པ་ཝེ་དྷ་ཏི ཝཱ་རི་ཙ་རོ་ཝ གྷ་མྨེ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༨༩. དུ་མཾ ཡ་ཐཱ སཱ་དུ་ཕ་ལཾ ཨ་ར་ཉྙེ, ས་མ་ནྟ་ཏོ ས་མ་བྷི་ས་ར་ནྟི [ས་མ་བྷི་ཙ་ར་ནྟི (སཱི. པཱི.)] པ་ཀྑཱི;
ཨེ་ཝ་མྤི ཨ་ཌྜྷཾ ས་དྷ་ནཾ ས་བྷོ་གཾ, བ་ཧུ་ཛྫ་ནོ བྷ་ཛ་ཏི ཨ་ཏྠ་ཧེ་ཏུ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༩༠. ན སཱ་དྷུ བ་ལ་ཝཱ བཱ་ལོ, སཱ་ཧ་སཱ ཝི་ནྡ་ཏེ དྷ་ནཾ;
ཀ་ནྡ་ནྟ་མེ་ཏཾ དུ་མྨེ་དྷཾ, ཀ་ཌྜྷ་ནྟི ནི་ར་ཡཾ བྷུ་སཾ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༩༡. ཡཱ ཀཱ་ཙི ན་ཛྫོ ག་ངྒ་མ་བྷི་སྶ་ཝ་ནྟི, ས་བྦཱ་ཝ ཏཱ ནཱ་མ་གོ་ཏྟཾ ཛ་ཧ་ནྟི;
ག་ངྒཱ ས་མུ་དྡཾ པ་ཊི་པ་ཛྫ་མཱ་ནཱ, ན ཁཱ་ཡ་ཏེ ཨི་དྡྷིཾ པ་ཉྙོ་པི ལོ་ཀེ [ཨི་དྡྷི་པ་རོ ཧི ལོ་ཀེ (ཀ. སཱི. སྱཱ.), ཨི་དྡྷི་པ་རོ ཧི ལོ་ཀོ (སཱི. པཱི. ཨ་ཊྛ.)];
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༩༢. ཡ་མེ་ཏ་མ་ཀྑཱ ཨུ་ད་དྷིཾ མ་ཧ་ནྟཾ, ས་ཝ་ནྟི ན་ཛྫོ ས་བྦ་ཀཱ་ལ་མ་ས་ངྑྱཾ;
སོ སཱ་ག་རོ ནི་ཙྩ་མུ་ལཱ༹་ར་ཝེ་གོ, ཝེ་ལཾ ན ཨ་ཙྩེ་ཏི མ་ཧཱ་ས་མུ་དྡོ.
༩༣. ཨེ་ཝ་མྤི བཱ་ལ་སྶ པ་ཛ་པྤི་ཏཱ་ནི, པ་ཉྙཾ ན ཨ་ཙྩེ་ཏི སི་རཱི ཀ་དཱ་ཙི;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༩༤. ཨ་ས་ཉྙ་ཏོ ཙེ་པི པ་རེ་ས་མ་ཏྠཾ, བྷ་ཎཱ་ཏི ས་ནྡྷཱ་ན་ག་ཏོ [ས་ཎྛཱ་ན་ག་ཏོ (སྱཱ. པཱི.), ས་ནྠཱ་ན་ག་ཏོ (སཱི.)] ཡ་ས་སྶཱི;
ཏ་སྶེ་ཝ ཏཾ རཱུ་ཧ་ཏི ཉཱ་ཏི་མ་ཛ྄ཛྷེ, སི་རཱི ཧི ནཾ [སི་རི་ཧཱི་ནཾ (སཱི. ཀ.), སི་རཱི་ཧཱི་ནཾ (སྱཱ. པཱི.)] ཀཱ་ར་ཡ་ཏེ ན པ་ཉྙཱ [ན པ་ཉྙོ (སཱི.), ན པ་ཉྙཾ (སྱཱ. ཀ.)];
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༩༥. པ་ར་སྶ ཝཱ ཨ་ཏྟ་ནོ ཝཱ་པི ཧེ་ཏུ, བཱ་ལོ མུ་སཱ བྷཱ་ས་ཏི ཨ་པྤ་པ་ཉྙོ;
སོ ནི་ནྡི་ཏོ ཧོ་ཏི ས་བྷཱ་ཡ མ་ཛ྄ཛྷེ, པ་ཙྪཱ་པི [པེ་ཙྩ་མྤི (སཱི. པཱི.), པེ་ཙྩཱ་པི (?)] སོ དུ་གྒ་ཏི་གཱ་མཱི ཧོ་ཏི;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༩༦. ཨ་ཏྠ་མྤི ཙེ བྷཱ་ས་ཏི བྷཱུ་རི་པ་ཉྙོ, ཨ་ནཱ་ལ༹ྷི་ཡོ [ཨ་ནཱ་ལ་ཡོ (པཱི.)] ཨ་པྤ་དྷ་ནོ ད་ལི་དྡོ;
ན ཏ་སྶ ཏཾ རཱུ་ཧ་ཏི ཉཱ་ཏི་མ་ཛ྄ཛྷེ, སི་རཱི ཙ པ་ཉྙཱ་ཎ་ཝ་ཏོ ན ཧོ་ཏི;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༩༧. པ་ར་སྶ ཝཱ ཨ་ཏྟ་ནོ ཝཱ་པི ཧེ་ཏུ, ན བྷཱ་ས་ཏི ཨ་ལི་ཀཾ བྷཱུ་རི་པ་ཉྙོ;
སོ པཱུ་ཛི་ཏོ ཧོ་ཏི ས་བྷཱ་ཡ མ་ཛ྄ཛྷེ, པ་ཙྪཱ་པི སོ སུ་གྒ་ཏི་གཱ་མཱི ཧོ་ཏི;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༩༨. ཧ་ཏྠཱི ག་ཝ་སྶཱ མ་ཎི་ཀུ་ཎྜ་ལཱ ཙ, ཐི་ཡོ ཙ ཨི་དྡྷེ་སུ ཀུ་ལེ་སུ ཛཱ་ཏཱ;
ས་བྦཱ་ཝ ཏཱ ཨུ་པ་བྷོ་གཱ བྷ་ཝ་ནྟི, ཨི་དྡྷ་སྶ པོ་ས་སྶ ཨ་ནི་དྡྷི་མ་ནྟོ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༩༩. ཨ་སཾ་ཝི་ཧི་ཏ་ཀ་མྨ་ནྟཾ, བཱ་ལཾ དུ་མྨེ་དྷ་མ་ནྟི་ནཾ;
སི་རཱི ཛ་ཧ་ཏི དུ་མྨེ་དྷཾ, ཛི་ཎྞཾ་ཝ ཨུ་ར་གོ ཏ་ཙཾ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༡༠༠. པ་ཉྩ པ་ཎྜི་ཏཱ མ་ཡཾ བྷ་དྡ་ནྟེ, ས་བྦེ པ་ཉྫ་ལི་ཀཱ ཨུ་པ་ཊྛི་ཏཱ;
ཏྭཾ ནོ ཨ་བྷི་བྷུ་ཡྻ ཨི་སྶ་རོ་སི, ས་ཀྐོ་ཝ བྷཱུ་ཏ་པ་ཏི དེ་ཝ་རཱ་ཛཱ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ ནི་ཧཱི་ནོ སི་རཱི་མཱ་ཝ སེ་ཡྻོ.
༡༠༡. དཱ་སོ་ཝ པ་ཉྙ་སྶ ཡ་ས་སྶི བཱ་ལོ, ཨ་ཏྠེ་སུ ཛཱ་ཏེ་སུ ཏ་ཐཱ་ཝི་དྷེ་སུ;
ཡཾ པ་ཎྜི་ཏོ ནི་པུ་ཎཾ སཾ་ཝི་དྷེ་ཏི, ས་མྨོ་ཧ་མཱ་པ་ཛྫ་ཏི ཏ་ཏྠ བཱ་ལོ;
ཨེ་ཏ་མྤི དི་སྭཱ་ན ཨ་ཧཾ ཝ་དཱ་མི, པ་ཉྙོ་ཝ སེ་ཡྻོ ན ཡ་ས་སྶི བཱ་ལོ.
༡༠༢. ཨ་དྡྷཱ ཧི པ་ཉྙཱ་ཝ ས་ཏཾ པ་ས་ཏྠཱ, ཀ་ནྟཱ སི་རཱི བྷོ་ག་ར་ཏཱ མ་ནུ་སྶཱ;
ཉཱ་ཎ་ཉྩ བུ་དྡྷཱ་ན་མ་ཏུ་ལྱ་རཱུ་པཾ, པ་ཉྙཾ ན ཨ་ཙྩེ་ཏི སི་རཱི ཀ་དཱ་ཙི.
༡༠༣. ཡཾ ཏཾ ཨ་པུ་ཙྪི་མྷ ཨ་ཀི་ཏྟ་ཡཱི ནོ, མ་ཧོ་ས་དྷ ཀེ་ཝ་ལ་དྷ་མྨ་ད་སྶཱི;
ག་ཝཾ ས་ཧ་སྶཾ ཨུ་ས་བྷ་ཉྩ ནཱ་གཾ, ཨཱ་ཛ་ཉྙ་ཡུ་ཏྟེ ཙ ར་ཐེ ད་ས ཨི་མེ;
པ་ཉྷ་སྶ ཝེ་ཡྻཱ་ཀ་ར་ཎེ་ན ཏུ་ཊྛོ, ད་དཱ་མི ཏེ གཱ་མ་ཝ་རཱ་ནི སོ་ལ༹་སཱ་ཏི.
སི་རཱི་མ་ནྟ་ཛཱ་ཏ་ཀཾ [སི་རི་མ་ནྡ་ཛཱ་ཏ་ཀཾ (སཱི. སྱཱ. པཱི.)] ཙ་ཏུ་ཏྠཾ.