༤༩༦. བྷི་ཀྑཱ་པ་ར་མྤ་ར་ཛཱ་ཏ་ཀཾ (༡༣)
༢༧༠. སུ་ཁུ་མཱ་ལ་རཱུ་པཾ དི་སྭཱ [དི་སྭཱ་ན (ཀ. སཱི. ཨ་ཊྛ.)], ར་ཊྛཱ ཝི་ཝ་ན་མཱ་ག་ཏཾ;
ཀཱུ་ཊཱ་གཱ་ར་ཝ་རཱུ་པེ་ཏཾ, མ་ཧཱ་ས་ཡ་ན་མུ་པཱ་སི་ཏཾ [མུ་པོ་ཙི་ཏཾ (བ་ཧཱུ་སུ)].
༢༧༡. ཏ་སྶ ཏེ པེ་མ་ཀེ་ནཱ་ཧཾ, ཨ་དཱ་སིཾ ཝ་ཌྜྷ་མོ་ད་ནཾ [བ་དྡྷ་མོ་ད་ནཾ (སཱི. པཱི.)];
སཱ་ལཱི་ནཾ ཝི་ཙི་ཏཾ བྷ་ཏྟཾ, སུ་ཙིཾ མཾ་སཱུ་པ་སེ་ཙ་ནཾ.
༢༧༢. ཏཾ ཏྭཾ བྷ་ཏྟཾ པ་ཊི་གྒ་ཡ྄ཧ, བྲཱ་ཧྨ་ཎ་སྶ ཨ་དཱ་ས་ཡི [ཨ་དཱ་པ་ཡི (སཱི. སྱཱ. པཱི.)];
ཨ་ཏྟཱ་ནཾ [ཨ་ཏྟ་ནཱ (པཱི. ཨ་ཊྛ. པཱ་ཋ་ནྟ་རཾ)] ཨ་ན་སི་ཏྭཱ་ན, ཀོ་ཡཾ དྷ་མྨོ ན་མ་ཏྠུ ཏེ.
༢༧༣. ཨཱ་ཙ་རི་ཡོ བྲཱ་ཧྨ་ཎོ མ་ཡ྄ཧཾ, ཀི་ཙྩཱ་ཀི་ཙྩེ་སུ བྱཱ་ཝ་ཊོ [ཝཱ་ཝ་ཊོ (ཀ.)];
ག་རུ ཙ ཨཱ་མ་ནྟ་ནཱི་ཡོ [ཨཱ་མ་ནྟ་ཎཱི་ཡོ (སཱི. པཱི.)] ཙ, དཱ་ཏུ་མ་ར་ཧཱ་མི བྷོ་ཛ་ནཾ.
༢༧༤. བྲཱ་ཧྨ་ཎཾ དཱ་ནི པུ་ཙྪཱ་མི, གོ་ཏ་མཾ རཱ་ཛ་པཱུ་ཛི་ཏཾ;
རཱ་ཛཱ ཏེ བྷ་ཏྟཾ པཱ་དཱ་སི, སུ་ཙིཾ མཾ་སཱུ་པ་སེ་ཙ་ནཾ.
༢༧༥. ཏཾ ཏྭཾ བྷ་ཏྟཾ པ་ཊི་གྒ་ཡ྄ཧ, ཨི་སི་སྶ བྷོ་ཛ་ནཾ ཨ་དཱ;
ཨ་ཁེ་ཏྟ་ཉྙཱུ་སི དཱ་ན་སྶ, ཀོ་ཡཾ དྷ་མྨོ ན་མ་ཏྠུ ཏེ.
༢༧༦. བྷ་རཱ་མི པུ་ཏྟ [པུ་ཏྟེ (སཱི. པཱི.)] དཱ་རེ ཙ, གྷ་རེ་སུ ག་དྷི་ཏོ [ག་ཐི་ཏོ (སཱི. པཱི.)] ཨ་ཧཾ;
བྷུ་ཉྫེ མཱ་ནུ་ས་ཀེ ཀཱ་མེ, ཨ་ནུ་སཱ་སཱ་མི རཱ་ཛི་ནོ.
༢༧༧. ཨཱ་ར་ཉྙི་ཀ་སྶ [ཨཱ་ར་ཉྙ་ཀ་སྶ (སཱི. པཱི.)] ཨི་སི་ནོ, ཙི་ར་ར་ཏྟཾ ཏ་པ་སྶི་ནོ;
ཝུ་ཌྜྷ་སྶ བྷཱ་ཝི་ཏ་ཏྟ་སྶ, དཱ་ཏུ་མ་ར་ཧཱ་མི བྷོ་ཛ་ནཾ.
༢༧༨. ཨི་སི་ཉྩ དཱ་ནི པུ་ཙྪཱ་མི, ཀི་སཾ དྷ་མ་ནི་ས་ནྠ་ཏཾ;
པ་རཱུ་ལ༹ྷ་ཀ་ཙྪ་ན་ཁ་ལོ་མཾ, པ་ངྐ་ད་ནྟཾ ར་ཛ་སྶི་རཾ.
༢༧༩. ཨེ་ཀོ ཨ་ར་ཉྙེ ཝི་ཧ་ར་སི [ཝི་ཧཱ་སི (ཀ.)], ནཱ་ཝ་ཀ་ངྑ་སི ཛཱི་ཝི་ཏཾ;
བྷི་ཀྑུ ཀེ་ན ཏ་ཡཱ སེ་ཡྻོ, ཡ་སྶ ཏྭཾ བྷོ་ཛ་ནཾ ཨ་དཱ.
༢༨༠. ཁ་ཎ་ནྟཱ་ལུ་ཀ་ལ་མྦཱ་ནི [ཁ་ཎ་མཱ་ལུ་ཀ་ལ་མྦཱ་ནི (སྱཱ. ཀ.)], བི་ལཱ་ལི་ཏ་ཀྐ་ལཱ་ནི ཙ [བི་ལཱ༹་ལི་ཏ་ཀྐ་ལཱ༹་ནི ཙ (སཱི. པཱི.)];
དྷུ་ནཾ སཱ་མཱ་ཀ་ནཱི་ཝཱ་རཾ, ས་ངྒྷཱ་རི་ཡཾ པ་སཱ་རི་ཡཾ [སཾ་ཧཱ་རི་ཡཾ པ་ཧཱ་རི་ཡཾ (སྱཱ.), སཾ་སཱ་རི་ཡཾ པ་སཱ་རི་ཡཾ (ཀ.)].
༢༨༡. སཱ་ཀཾ བྷི་སཾ མ་དྷུཾ མཾ་སཾ, བ་ད་རཱ་མ་ལ་ཀཱ་ནི ཙ;
ཏཱ་ནི ཨཱ་ཧ་རི་ཏྭཱ [ཨཱ་ཧ་ཏྭ (སཱི. སྱཱ.)] བྷུ་ཉྫཱ་མི, ཨ་ཏྠི མེ སོ པ་རི་གྒ་ཧོ.
༢༨༢. པ་ཙ་ནྟོ ཨ་པ་ཙ་ནྟ་སྶ, ཨ་མ་མ་སྶ ས་ཀི་ཉྩ་ནོ [ཨ་ཀི་ཉྩ་ནོ (ཀ.)];
ཨ་ནཱ་དཱ་ན་སྶ སཱ་དཱ་ནོ, དཱ་ཏུ་མ་ར་ཧཱ་མི བྷོ་ཛ་ནཾ.
༢༨༣. བྷི་ཀྑུ་ཉྩ དཱ་ནི པུ་ཙྪཱ་མི, ཏུ་ཎྷཱི་མཱ་སཱི་ན སུ་བྦ་ཏཾ;
ཨི་སི ཏེ བྷ་ཏྟཾ པཱ་དཱ་སི, སུ་ཙིཾ མཾ་སཱུ་པ་སེ་ཙ་ནཾ.
༢༨༤. ཏཾ ཏྭཾ བྷ་ཏྟཾ པ་ཊི་གྒ་ཡ྄ཧ, ཏུ་ཎྷཱི བྷུ་ཉྫ་སི ཨེ་ཀ་ཀོ;
ནཱ་ཉྙཾ ཀ་ཉྩི [ཀི་ཉྩི (ཀ.)] ནི་མ་ནྟེ་སི, ཀོ་ཡཾ དྷ་མྨོ ན་མ་ཏྠུ ཏེ.
༢༨༥. ན པ་ཙཱ་མི ན པཱ་ཙེ་མི, ན ཚི་ནྡཱ་མི ན ཚེ་ད་ཡེ;
ཏཾ མཾ ཨ་ཀི་ཉྩ་ནཾ ཉ་ཏྭཱ, ས་བྦ་པཱ་པེ་ཧི ཨཱ་ར་ཏཾ.
༢༨༦. ཝཱ་མེ་ན བྷི་ཀྑ་མཱ་དཱ་ཡ, ད་ཀྑི་ཎེ་ན ཀ་མ་ཎྜ་ལུཾ;
ཨི་སི མེ བྷ་ཏྟཾ པཱ་དཱ་སི, སུ་ཙིཾ མཾ་སཱུ་པ་སེ་ཙ་ནཾ.
༢༨༧. ཨེ་ཏེ ཧི དཱ་ཏུ་མ་ར་ཧ་ནྟི, ས་མ་མཱ ས་པ་རི་གྒ་ཧཱ;
པ་ཙྩ་ནཱི་ཀ་མ་ཧཾ མ་ཉྙེ, ཡོ དཱ་ཏཱ་རཾ ནི་མ་ནྟ་ཡེ.
༢༨༨. ཨ་ཏྠཱ་ཡ ཝ་ཏ མེ ཨ་ཛྫ, ཨི་དྷཱ་ག་ཙྪི ར་ཐེ་ས་བྷོ;
སོ་ཧཾ ཨ་ཛྫ པ་ཛཱ་ནཱ་མི [ཨི་ཏོ པུ་བྦེ ན ཛཱ་ནཱ་མི (སཱི. པཱི.)], ཡ་ཏྠ དི་ནྣཾ མ་ཧ་པྥ་ལཾ.
༢༨༩. ར་ཊྛེ་སུ གི་དྡྷཱ རཱ་ཛཱ་ནོ, ཀི་ཙྩཱ་ཀི་ཙྩེ་སུ བྲཱ་ཧྨ་ཎཱ;
ཨི་སཱི མཱུ་ལ་ཕ་ལེ གི་དྡྷཱ, ཝི་པྤ་མུ་ཏྟཱ ཙ བྷི་ཀྑ་ཝོ་ཏི.
བྷི་ཀྑཱ་པ་ར་མྤ་ར་ཛཱ་ཏ་ཀཾ ཏེ་ར་ས་མཾ.
ཏ་སྶུ་དྡཱ་ནཾ –
སུ་ཝ ཀི་ནྣ་ར མུ་ཀྐ ཁ་རཱ་ཛི་ན་སོ, བྷི་ས་ཛཱ་ཏ མ་ཧེ་སི ཀ་པོ་ཏ་ཝ་རོ;
ཨ་ཐ མོ་ར ས་ཏ་ཙྪ་ཀ ཝཱ་ཎི་ཛ་ཀོ, ཨ་ཐ རཱ་ཛ ས་བྲཱ་ཧྨ་ཎ བྷི་ཀྑ་པ་ར་ནྟི.
པ་ཀི་ཎྞ་ཀ་ནི་པཱ་ཏཾ ནི་ཊྛི་ཏཾ.