༤༩༣. མ་ཧཱ་ཝཱ་ཎི་ཛ་ཛཱ་ཏ་ཀཾ (༡༠)
༡༨༠. ཝཱ་ཎི་ཛཱ ས་མི་ཏིཾ ཀ་ཏྭཱ, ནཱ་ནཱ་ར་ཊྛ་ཏོ ཨཱ་ག་ཏཱ;
དྷ་ནཱ་ཧ་རཱ པ་ཀྐ་མིཾ་སུ, ཨེ་ཀཾ ཀ་ཏྭཱ་ན གཱ་མ་ཎིཾ.
༡༨༡. ཏེ ཏཾ ཀ་ནྟཱ་ར་མཱ་ག་མྨ, ཨ་པྤ་བྷ་ཀྑཾ ཨ་ནོ་ད་ཀཾ;
མ་ཧཱ་ནི་གྲོ་དྷ་མ་དྡ་ཀྑུཾ, སཱི་ཏ་ཙྪཱ་ཡཾ མ་ནོ་ར་མཾ.
༡༨༢. ཏེ ཙ ཏ་ཏྠ ནི་སཱི་དི་ཏྭཱ, ཏ་སྶ རུ་ཀྑ་སྶ ཚཱ་ཡ་ཡཱ [ཚཱ་དི་ཡཱ (སཱི. སྱཱ. པཱི.)];
ཝཱ་ཎི་ཛཱ ས་མ་ཙི་ནྟེ་སུཾ, བཱ་ལཱ མོ་ཧེ་ན པཱ་རུ་ཏཱ.
༡༨༣. ཨ་ལླཱ་ཡ་ཏེ [ཨ་དྡཱ་ཡ་ཏེ (སཱི. པཱི.)] ཨ་ཡཾ རུ་ཀྑོ, ཨ་པི ཝཱ་རཱི་ཝ [ཝཱ་རི ཙ (སཱི. པཱི.)] ས་ནྡ་ཏི;
ཨི་ངྒྷ་སྶ པུ་རི་མཾ སཱ་ཁཾ, མ་ཡཾ ཚི་ནྡཱ་མ ཝཱ་ཎི་ཛཱ.
༡༨༤. སཱ ཙ ཚི་ནྣཱ་ཝ པ་གྒྷ་རི, ཨ་ཙྪཾ ཝཱ་རིཾ ཨ་ནཱ་ཝི་ལཾ;
ཏེ ཏ་ཏྠ ནྷ་ཏྭཱ པི་ཝི་ཏྭཱ, ཡཱ་ཝ་ཏི་ཙྪིཾ་སུ ཝཱ་ཎི་ཛཱ.
༡༨༥. དུ་ཏི་ཡཾ ས་མ་ཙི་ནྟེ་སུཾ, བཱ་ལཱ མོ་ཧེ་ན པཱ་རུ་ཏཱ;
ཨི་ངྒྷ་སྶ ད་ཀྑི་ཎཾ སཱ་ཁཾ, མ་ཡཾ ཚི་ནྡཱ་མ ཝཱ་ཎི་ཛཱ.
༡༨༦. སཱ ཙ ཚི་ནྣཱ་ཝ པ་གྒྷ་རི, སཱ་ལི་མཾ་སོ་ད་ནཾ བ་ཧུཾ;
ཨ་པྤོ་ད་ཝ་ཎྞེ ཀུ་མྨཱ་སེ, སི་ངྒིཾ ཝི་ད་ལ་སཱུ་པི་ཡོ [སི་ངྒིཾ བི་ད་ལ་སཱུ་པི་ཡོ (སཱི. པཱི.), སི་ངྒཱི་ཝེ་རཾ ལ་སཱུ་པི་ཡོ (ཀ.) སི་ངྒཱི་ནྟི སི་ངྒཱི་ཝེ་རཱ་དི་ཀཾ ཨུ་ཏྟ་རི་བྷ་ངྒཾ; ཝི་ད་ལ་སཱུ་པི་ཡོ་ཏི མུ་གྒ་སཱུ་པཱ་ད་ཡོ (ཨ་ཊྛ.) ཝི་ད་ལཾ ཀ་ལཱ་ཡཱ་དི་མྷི ཝ་ཏྟ་ཏཱི་ཏི ས་ཀྐ་ཏཱ་བྷི་དྷཱ་ནེ].
༡༨༧. ཏེ ཏ་ཏྠ བྷུ་ཏྭཱ ཁཱ་དི་ཏྭཱ [བྷུ་ཏྭཱ ཙ པི་ཝི་ཏྭཱ ཙ (པཱི.)], ཡཱ་ཝ་ཏི་ཙྪིཾ་སུ ཝཱ་ཎི་ཛཱ;
ཏ་ཏི་ཡཾ ས་མ་ཙི་ནྟེ་སུཾ, བཱ་ལཱ མོ་ཧེ་ན པཱ་རུ་ཏཱ;
ཨི་ངྒྷ་སྶ པ་ཙྪི་མཾ སཱ་ཁཾ, མ་ཡཾ ཚི་ནྡཱ་མ ཝཱ་ཎི་ཛཱ.
༡༨༨. སཱ ཙ ཚི་ནྣཱ་ཝ པ་གྒྷ་རི, ནཱ་རི་ཡོ ས་མ་ལ་ངྐ་ཏཱ;
ཝི་ཙི་ཏྲ་ཝ་ཏྠཱ་བྷ་ར་ཎཱ, ཨཱ་མུ་ཏྟ་མ་ཎི་ཀུ་ཎྜ་ལཱ.
༡༨༩. ཨ་པི སུ ཝཱ་ཎི་ཛཱ ཨེ་ཀཱ, ནཱ་རི་ཡོ པ་ཎྞ་ཝཱི་ས་ཏི;
ས་མ་ནྟཱ པ་རི་ཝཱ་རིཾ་སུ [པ་རི་ཀ་རིཾ་སུ (སཱི. སྱཱ. པཱི.)], ཏ་སྶ རུ་ཀྑ་སྶ ཚཱ་ཡ་ཡཱ [ཚཱ་དི་ཡཱ (སཱི. སྱཱ. པཱི.)].
༡༩༠. ཏེ ཏཱ་ཧི པ་རི་ཙཱ་རེ་ཏྭཱ [པ་རི་ཝཱ་རེ་ཏྭཱ (སཱི. སྱཱ. པཱི.)], ཡཱ་ཝ་ཏི་ཙྪིཾ་སུ ཝཱ་ཎི་ཛཱ;
ཙ་ཏུ་ཏྠཾ ས་མ་ཙི་ནྟེ་སུཾ, བཱ་ལཱ མོ་ཧེ་ན པཱ་རུ་ཏཱ;
ཨི་ངྒྷ་སྶ ཨུ་ཏྟ་རཾ སཱ་ཁཾ, མ་ཡཾ ཚི་ནྡཱ་མ ཝཱ་ཎི་ཛཱ.
༡༩༡. སཱ ཙ ཚི་ནྣཱ་ཝ པ་གྒྷ་རི, མུ་ཏྟཱ ཝེ་ལུ༹་རི་ཡཱ བ་ཧཱུ;
ར་ཛ་ཏཾ ཛཱ་ཏ་རཱུ་པ་ཉྩ, ཀུ་ཏྟི་ཡོ པ་ཊི་ཡཱ་ནི ཙ.
༡༩༢. ཀཱ་སི་ཀཱ་ནི ཙ ཝ་ཏྠཱ་ནི, ཨུ་དྡི་ཡཱ་ནི ཙ ཀ་མྦ་ལཱ [ཨུ་དྡི་ཡཱ་ནེ ཙ ཀ་མྦ་ལེ (སཱི. པཱི.)];
ཏེ ཏ་ཏྠ བྷཱ་རེ བ་ནྡྷི་ཏྭཱ, ཡཱ་ཝ་ཏི་ཙྪིཾ་སུ ཝཱ་ཎི་ཛཱ.
༡༩༣. པ་ཉྩ་མཾ ས་མ་ཙི་ནྟེ་སུཾ, བཱ་ལཱ མོ་ཧེ་ན པཱ་རུ་ཏཱ;
ཨི་ངྒྷ་སྶ མཱུ་ལེ [མཱུ་ལཾ (སཱི. པཱི. ཀ.)] ཚི་ནྡཱ་མ, ཨ་པི བྷི་ཡྻོ ལ་བྷཱ་མ་སེ.
༡༩༤. ཨ་ཐུ་ཊྛ་ཧི ས་ཏྠ་ཝཱ་ཧོ, ཡཱ་ཙ་མཱ་ནོ ཀ་ཏ་ཉྫ་ལཱི;
ནི་གྲོ་དྷོ ཀིཾ པ་ར་ཛ྄ཛྷ་ཏི [ཨ་པ་ར་ཛ྄ཛྷ་ཐ (སཱི.), ཨ་པ་ར་ཛ྄ཛྷ་ཏི (སྱཱ. པཱི.)], ཝཱ་ཎི་ཛཱ བྷ་དྡ་མ་ཏྠུ ཏེ.
༡༩༥. ཝཱ་རི་དཱ པུ་རི་མཱ སཱ་ཁཱ, ཨ་ནྣ་པཱ་ན་ཉྩ ད་ཀྑི་ཎཱ;
ནཱ་རི་དཱ པ་ཙྪི་མཱ སཱ་ཁཱ, ས་བྦ་ཀཱ་མེ ཙ ཨུ་ཏྟ་རཱ;
ནི་གྲོ་དྷོ ཀིཾ པ་ར་ཛ྄ཛྷ་ཏི, ཝཱ་ཎི་ཛཱ བྷ་དྡ་མ་ཏྠུ ཏེ.
༡༩༦. ཡ་སྶ རུ་ཀྑ་སྶ ཚཱ་ཡཱ་ཡ, ནི་སཱི་དེ་ཡྻ ས་ཡེ་ཡྻ ཝཱ;
ན ཏ་སྶ སཱ་ཁཾ བྷ་ཉྫེ་ཡྻ, མི་ཏྟ་དུ་བྦྷོ ཧི པཱ་པ་ཀོ.
༡༩༧. ཏེ ཙ ཏ་སྶཱ་ནཱ་དི་ཡི་ཏྭཱ [ཏ་སྶ ཨ་ནཱ་དི་ཏྭཱ (སཱི. སྱཱ.)], ཨེ་ཀ་སྶ ཝ་ཙ་ནཾ བ་ཧཱུ;
ནི་སི་ཏཱ་ཧི ཀུ་ཋཱ་རཱི་ཧི [ཀུ་དྷཱ་རཱི་ཧི (ཀ.)], མཱུ་ལ་ཏོ ནཾ ཨུ་པ་ཀྐ་མུཾ.
༡༩༨. ཏ་ཏོ ནཱ་གཱ ནི་ཀྑ་མིཾ་སུ, ས་ནྣ་དྡྷཱ པ་ཎྞ་ཝཱི་ས་ཏི;
དྷ་ནུ་གྒ་ཧཱ་ནཾ ཏི་ས་ཏཱ, ཚ་ས་ཧ་སྶཱ ཙ ཝ་མྨི་ནོ.
༡༩༩. ཨེ་ཏེ ཧ་ན་ཐ བ་ནྡྷ་ཐ, མཱ ཝོ མུ་ཉྩི་ཏྠ [མུ་ཙྩི་ཏྠ (པཱི.)] ཛཱི་ཝི་ཏཾ;
ཋ་པེ་ཏྭཱ ས་ཏྠ་ཝཱ་ཧཾ་ཝ, ས་བྦེ བྷ་སྨཾ [བྷ་སྨཱི (སཱི.)] ཀ་རོ་ཐ ནེ.
༢༠༠. ཏ་སྨཱ ཧི པ་ཎྜི་ཏོ པོ་སོ, ས་མྤ་སྶཾ ཨ་ཏྠ་མ་ཏྟ་ནོ;
ལོ་བྷ་སྶ ན ཝ་སཾ ག་ཙྪེ, ཧ་ནེ་ཡྻཱ་རི་ས་ཀཾ [ཧ་ནེ་ཡྻ དི་ས་ཏཾ (སཱི.), ཧ་ནེ་ཡྻ དི་ས་ཀཾ (སྱཱ.)] མ་ནཾ.
༢༠༡. ཨེ་ཝ [ཨེ་ཏ (སཱི. པཱི.)] མཱ་དཱི་ན་ཝཾ ཉ་ཏྭཱ, ཏ་ཎྷཱ དུ་ཀྑ་སྶ ས་མྦྷ་ཝཾ;
ཝཱི་ཏ་ཏ་ཎྷོ ཨ་ནཱ་དཱ་ནོ, ས་ཏོ བྷི་ཀྑུ པ་རི་བྦ་ཛེ་ཏི.
མ་ཧཱ་ཝཱ་ཎི་ཛ་ཛཱ་ཏ་ཀཾ ད་ས་མཾ.