༤༩༤. སཱ་དྷི་ན་ཛཱ་ཏ་ཀཾ (༡༡)
༢༠༢. ཨ་བྦྷུ་ཏོ ཝ་ཏ ལོ་ཀ་སྨིཾ, ཨུ་པྤ་ཛྫི ལོ་མ་ཧཾ་ས་ནོ;
དི་བྦོ ར་ཐོ པཱ་ཏུ་ར་ཧུ, ཝེ་དེ་ཧ་སྶ ཡ་ས་སྶི་ནོ.
༢༠༣. དེ་ཝ་པུ་ཏྟོ མ་ཧི་དྡྷི་ཀོ, མཱ་ཏ་ལི [མཱ་ཏ་ལཱི (སཱི.)] དེ་ཝ་སཱ་ར་ཐི;
ནི་མ་ནྟ་ཡི་ཏྠ རཱ་ཛཱ་ནཾ, ཝེ་དེ་ཧཾ མི་ཐི་ལ་གྒ་ཧཾ.
༢༠༤. ཨེ་ཧི་མཾ ར་ཐ་མཱ་རུ་ཡ྄ཧ, རཱ་ཛ་སེ་ཊྛ དི་ས་མྤ་ཏི;
དེ་ཝཱ ད་སྶ་ན་ཀཱ་མཱ ཏེ, ཏཱ་ཝ་ཏིཾ་སཱ ས་ཨི་ནྡ་ཀཱ;
ས་ར་མཱ་ནཱ ཧི ཏེ དེ་ཝཱ, སུ་དྷ་མྨཱ་ཡཾ ས་མ་ཙྪ་རེ.
༢༠༥. ཏ་ཏོ ཙ རཱ་ཛཱ སཱ་དྷི་ནོ [སཱ་དྷཱི་ནོ (སཱི. པཱི.)], ཝེ་དེ་ཧོ མི་ཐི་ལ་གྒ་ཧོ [པ་མུ་ཁོ ར་ཐ་མཱ་རུ་ཧི (སཱི. པཱི.)];
ས་ཧ་སྶ་ཡུ་ཏྟ་མཱ་རུ་ཡ྄ཧ [ཡུ་ཏྟཾ ཨ་བྷི་རུ་ཡ྄ཧ (སཱི.)], ཨ་གཱ དེ་ཝཱ་ན ས་ནྟི་ཀེ;
ཏཾ དེ་ཝཱ པ་ཊི་ན་ནྡིཾ་སུ, དི་སྭཱ རཱ་ཛཱ་ན་མཱ་ག་ཏཾ.
༢༠༦. སྭཱ་ག་ཏཾ ཏེ མ་ཧཱ་རཱ་ཛ, ཨ་ཐོ ཏེ ཨ་དུ་རཱ་ག་ཏཾ;
ནི་སཱི་ད དཱ་ནི རཱ་ཛཱི་སི [རཱ་ཛི་སི (སཱི. སྱཱ. པཱི.)], དེ་ཝ་རཱ་ཛ་སྶ ས་ནྟི་ཀེ.
༢༠༧. ས་ཀྐོ་པི པ་ཊི་ན་ནྡི་ཏྠ, ཝེ་དེ་ཧཾ མི་ཐི་ལ་གྒ་ཧཾ;
ནི་མ་ནྟ་ཡི་ཏྠ [ནི་མ་ནྟ་ཡཱི ཙ (སཱི. པཱི.)] ཀཱ་མེ་ཧི, ཨཱ་ས་ནེ་ན ཙ ཝཱ་ས་ཝོ.
༢༠༨. སཱ་དྷུ ཁོ་སི ཨ་ནུ་པྤ་ཏྟོ, ཨཱ་ཝཱ་སཾ ཝ་ས་ཝ་ཏྟི་ནཾ;
ཝ་ས དེ་ཝེ་སུ རཱ་ཛཱི་སི, ས་བྦ་ཀཱ་མ་ས་མི་དྡྷི་སུ;
ཏཱ་ཝ་ཏིཾ་སེ་སུ དེ་ཝེ་སུ, བྷུ་ཉྫ ཀཱ་མེ ཨ་མཱ་ནུ་སེ.
༢༠༩. ཨ་ཧཾ པུ་རེ ས་གྒ་ག་ཏོ ར་མཱ་མི, ན་ཙྩེ་ཧི གཱི་ཏེ་ཧི ཙ ཝཱ་དི་ཏེ་ཧི;
སོ དཱ་ནི ཨ་ཛྫ ན ར་མཱ་མི ས་གྒེ, ཨཱ་ཡུཾ ནུ ཁཱི་ཎོ [ཁཱི་ཎཾ (སྱཱ.)] མ་ར་ཎཾ ནུ ས་ནྟི་ཀེ;
ཨུ་དཱ་ཧུ མཱུ་ལ༹ྷོ་སྨི ཛ་ནི་ནྡ་སེ་ཊྛ.
༢༡༠. ན ཏཱ་ཡུ [ན ཙཱ་ཡུ (སཱི. པཱི. ཀ.)] ཁཱི་ཎཾ མ་ར་ཎ་ཉྩ [མ་ར་ཎཾ ཏེ (སཱི. པཱི.)] དཱུ་རེ, ན ཙཱ་པི མཱུ་ལ༹ྷོ ན་ར་ཝཱི་ར་སེ་ཊྛ;
ཏུ་ཡ྄ཧ་ཉྩ [ཏ་ཝ་ཉྩ (སཱི. པཱི.), ཏ་ཝ ཙ (ཀ.)] པུ་ཉྙཱ་ནི པ་རི་ཏྟ་ཀཱ་ནི, ཡེ་སཾ ཝི་པཱ་ཀཾ ཨི་དྷ ཝེ་ད་ཡི་ཏྠོ [ཝེ་ད་ཡ་ཏོ (པཱི. ཀ.)].
༢༡༡. ཝ་ས དེ་ཝཱ་ནུ་བྷཱ་ཝེ་ན, རཱ་ཛ་སེ་ཊྛ དི་ས་མྤ་ཏི;
ཏཱ་ཝ་ཏིཾ་སེ་སུ དེ་ཝེ་སུ, བྷུ་ཉྫ ཀཱ་མེ ཨ་མཱ་ནུ་སེ.
༢༡༢. ཡ་ཐཱ ཡཱ་ཙི་ཏ་ཀཾ ཡཱ་ནཾ, ཡ་ཐཱ ཡཱ་ཙི་ཏ་ཀཾ དྷ་ནཾ;
ཨེ་ཝཾ ས་མྤ་ད་མེ་ཝེ་ཏཾ, ཡཾ པ་ར་ཏོ དཱ་ན་པ་ཙྩ་ཡཱ.
༢༡༣. ན ཙཱ་ཧ་མེ་ཏ་མི་ཙྪཱ་མི, ཡཾ པ་ར་ཏོ དཱ་ན་པ་ཙྩ་ཡཱ;
ས་ཡཾ་ཀ་ཏཱ་ནི པུ་ཉྙཱ་ནི, ཏཾ མེ ཨཱ་ཝེ་ཎི་ཀཾ [ཨཱ་ཝེ་ཎི་ཡཾ (སཱི. སྱཱ. པཱི.), ཨཱ་ཝེ་ནི་ཀཾ (ཀ.)] དྷ་ནཾ.
༢༡༤. སོ་ཧཾ ག་ནྟྭཱ མ་ནུ་སྶེ་སུ, ཀཱ་ཧཱ་མི ཀུ་ས་ལཾ བ་ཧུཾ;
དཱ་ནེ་ན ས་མ་ཙ་རི་ཡཱ་ཡ, སཾ་ཡ་མེ་ན ད་མེ་ན ཙ;
ཡཾ ཀ་ཏྭཱ སུ་ཁི་ཏོ ཧོ་ཏི, ན ཙ པ་ཙྪཱ་ནུ་ཏ་པྤ་ཏི.
༢༡༥. ཨི་མཱ་ནི ཏཱ་ནི ཁེ་ཏྟཱ་ནི, ཨི་མཾ ནི་ཀྑཾ སུ་ཀུ་ཎྜ་ལཾ;
ཨི་མཱ ཏཱ ཧ་རི་ཏཱ་ནཱུ་པཱ, ཨི་མཱ ན་ཛྫོ ས་ཝ་ནྟི་ཡོ.
༢༡༦. ཨི་མཱ ཏཱ པོ་ཀྑ་ར་ཎཱི ར་མྨཱ, ཙ་ཀྐ་ཝཱ་ཀ་པ་ཀཱུ་ཛི་ཏཱ [ཙ་ཀྐ་ཝཱ་ཀཱུ་པ་ཀཱུ་ཛི་ཏཱ (སཱི. པཱི.)];
མ་ནྡཱ་ལ་ཀེ་ཧི ས་ཉྪ་ནྣཱ, པ་དུ་མུ་པྤ་ལ་ཀེ་ཧི ཙ;
ཡ་སྶི་མཱ་ནི མ་མཱ་ཡིཾ་སུ, ཀིཾ ནུ ཏེ དི་ས་ཏཾ ག་ཏཱ.
༢༡༧. ཏཱ་ནཱི་དྷ ཁེ་ཏྟཱ་ནི སོ བྷཱུ་མི་བྷཱ་གོ, ཏེ་ཡེ་ཝ ཨཱ་རཱ་མ་ཝ་ནུ་པ་ཙཱ་རཱ [ཏེ ཨཱ་རཱ་མཱ ཏེ ཝ་ན’མེ པ་ཙཱ་རཱ (སཱི. པཱི.), ཏེ ཡེ་ཝ ཨཱ་རཱ་མ་ཝ་ནཱ་ནི ས་ཉྩ་རཱ (ཀ.)];
ཏ་མེ་ཝ མ་ཡ྄ཧཾ ཛ་ན་ཏཾ ཨ་པ་སྶ་ཏོ, སུ་ཉྙཾ་ཝ མེ ནཱ་ར་ད ཁཱ་ཡ་ཏེ དི་སཱ.
༢༡༨. དི་ཊྛཱ མ་ཡཱ ཝི་མཱ་ནཱ་ནི, ཨོ་བྷཱ་སེ་ནྟཱ ཙ་ཏུ་དྡི་སཱ;
ས་མྨུ་ཁཱ དེ་ཝ་རཱ་ཛ་སྶ, ཏི་ད་སཱ་ན་ཉྩ ས་མྨུ་ཁཱ.
༢༡༩. ཝུ་ཏྠཾ མེ བྷ་ཝ་ནཾ དི་བྱཾ [དི་བྦཾ (སཱི. པཱི.)], བྷུ་ཏྟཱ ཀཱ་མཱ ཨ་མཱ་ནུ་སཱ;
ཏཱ་ཝ་ཏིཾ་སེ་སུ དེ་ཝེ་སུ, ས་བྦ་ཀཱ་མ་ས་མི་དྡྷི་སུ.
༢༢༠. སོ་ཧཾ ཨེ་ཏཱ་དི་སཾ ཧི་ཏྭཱ, པུ་ཉྙཱ་ཡ་མྷི ཨི་དྷཱ་ག་ཏོ;
དྷ་མྨ་མེ་ཝ ཙ་རི་སྶཱ་མི, ནཱ་ཧཾ ར་ཛྫེ་ན ཨ་ཏྠི་ཀོ.
༢༢༡. ཨ་ད་ཎྜཱ་ཝ་ཙ་རཾ མ་གྒཾ, ས་མྨཱ་ས་མྦུ་དྡྷ་དེ་སི་ཏཾ;
ཏཾ མ་གྒཾ པ་ཊི་པ་ཛྫི་སྶཾ, ཡེ་ན ག་ཙྪ་ནྟི སུ་བྦ་ཏཱ་ཏི.
སཱ་དྷི་ན་ཛཱ་ཏ་ཀཾ [སཱ་དྷི་ན་རཱ་ཛ་ཛཱ་ཏ་ཀཾ (སྱཱ.)] ཨེ་ཀཱ་ད་ས་མཾ.