༤༩༢. ཏ་ཙྪ་སཱུ་ཀ་ར་ཛཱ་ཏ་ཀཾ (༩)
༡༦༠. ཡ་དེ་ས་མཱ་ནཱ ཝི་ཙ་རི་མྷ, པ་བྦ་ཏཱ་ནི ཝ་ནཱ་ནི ཙ;
ཨ་ནྭེ་སཾ ཝི་ཙ་རིཾ [ཝི་པུ་ལེ (སྱཱ. ཀ.)] ཉཱ་ཏཱི, ཏེ་མེ ཨ་དྷི་ག་ཏཱ མ་ཡཱ.
༡༦༡. བ་ཧུ་ཉྩི་དཾ མཱུ་ལ་ཕ་ལཾ, བྷ་ཀྑོ ཙཱ་ཡཾ ཨ་ན་པྤ་ཀོ;
ར་མྨཱ ཙི་མཱ གི་རཱི་ན་ཛྫོ [གི་རི་ན་དི་ཡོ (སཱི. པཱི.)], ཕཱ་སུ་ཝཱ་སོ བྷ་ཝི་སྶ་ཏི.
༡༦༢. ཨི་དྷེ་ཝཱ་ཧཾ ཝ་སི་སྶཱ་མི, ས་ཧ ས་བྦེ་ཧི ཉཱ་ཏི་བྷི;
ཨ་པྤོ་སྶུ་ཀྐོ ནི་རཱ་ས་ངྐཱི, ཨ་སོ་ཀོ ཨ་ཀུ་ཏོ་བྷ་ཡོ.
༡༦༣. ཨ་ཉྙ་མྤི [ཨ་ཉྙཾ ཧི (སཱི. པཱི.)] ལེ་ཎཾ པ་རི་ཡེ་ས, ས་ཏྟུ ནོ ཨི་དྷ ཝི་ཛྫ་ཏི;
སོ ཏ་ཙྪ སཱུ་ཀ་རེ ཧ་ནྟི, ཨི་དྷཱ་ག་ནྟྭཱ ཝ་རཾ ཝ་རཾ.
༡༦༤. ཀོ ནུ་མྷཱ་ཀཾ [ཀོ ན་མྷཱ་ཀཾ (སཱི. པཱི.)] ཨི་དྷ ས་ཏྟུ, ཀོ ཉཱ་ཏཱི སུ་ས་མཱ་ག་ཏེ;
དུ་པྤ་དྷཾ་སེ [ཨ་པྤ་དྷཾ་སེ (སཱི. པཱི.)] པ་དྷཾ་སེ་ཏི, ཏཾ མེ ཨ་ཀྑཱ་ཐ པུ་ཙྪི་ཏཱ.
༡༦༥. ཨུ་དྡྷ་གྒ་རཱ་ཛཱི མི་ག་རཱ་ཛཱ, བ་ལཱི དཱ་ཋཱ་ཝུ་དྷོ མི་གོ;
སོ ཏ་ཙྪ སཱུ་ཀ་རེ ཧ་ནྟི, ཨི་དྷཱ་ག་ནྟྭཱ ཝ་རཾ ཝ་རཾ.
༡༦༦. ན ནོ དཱ་ཋཱ ན ཝི་ཛྫ་ནྟི [ནུ ཝི་ཛྫ་ནྟི (ཀ.)], བ་ལཾ ཀཱ་ཡེ ས་མོ་ཧི་ཏཾ;
ས་བྦེ ས་མ་གྒཱ ཧུ་ཏྭཱ་ན, ཝ་སཾ ཀཱ་ཧཱ་མ ཨེ་ཀ་ཀཾ.
༡༦༧. ཧ་ད་ཡ་ངྒ་མཾ ཀ་ཎྞ་སུ་ཁཾ, ཝཱ་ཙཾ བྷཱ་ས་སི ཏ་ཙྪ་ཀ;
ཡོ་པི ཡུ་དྡྷེ པ་ལཱ་ཡེ་ཡྻ, ཏ་མྤི པ་ཙྪཱ ཧ་ནཱ་མ་སེ.
༡༦༨. པཱ་ཎཱ་ཏི་པཱ་ཏཱ ཝི་ར་ཏོ ནུ ཨ་ཛྫ, ཨ་བྷ་ཡཾ ནུ ཏེ ས་བྦ་བྷཱུ་ཏེ་སུ དི་ནྣཾ;
དཱ་ཋཱ ནུ ཏེ མི་ག་ཝ་དྷཱ་ཡ [མི་ག ཝི་རི་ཡཾ (སཱི. སྱཱ. པཱི.)] ན ས་ནྟི, ཡོ ས་ངྒྷ་པ་ཏྟོ ཀ་པ་ཎོ་ཝ ཛྷཱ་ཡ་སི.
༡༦༩. ན མེ དཱ་ཋཱ ན ཝི་ཛྫ་ནྟི, བ་ལཾ ཀཱ་ཡེ ས་མོ་ཧི་ཏཾ;
ཉཱ་ཏཱི ཙ དི་སྭཱ་ན སཱ་མ་གྒཱི ཨེ་ཀ་ཏོ, ཏ་སྨཱ ཙ ཛྷཱ་ཡཱ་མི ཝ་ན་མྷི ཨེ་ཀ་ཀོ.
༡༧༠. ཨི་མ་སྶུ་དཾ ཡ་ནྟི དི་སོ་དི་སཾ པུ་རེ, བྷ་ཡ་ཊྚི་ཏཱ ལེ་ཎ་ག་ཝེ་སི་ནོ པུ་ཐུ;
ཏེ དཱ་ནི ས་ངྒ་མྨ ཝ་ས་ནྟི ཨེ་ཀ་ཏོ, ཡ་ཏྠ་ཊྛི་ཏཱ དུ་པྤ་ས་ཧ་ཛྫ ཏེ མ་ཡཱ.
༡༧༡. པ་རི་ཎཱ་ཡ་ཀ་ས་མྤ་ནྣཱ, ས་ཧི་ཏཱ ཨེ་ཀ་ཝཱ་དི་ནོ;
ཏེ མཾ ས་མ་གྒཱ ཧིཾ་སེ་ཡྻུཾ, ཏ་སྨཱ ནེ་སཾ ན པ་ཏྠ་ཡེ [ཨ་པ་ཏྠ་ཝེ (པཱི.)].
༡༧༢. ཨེ་ཀོ་ཝ ཨི་ནྡོ ཨ་སུ་རེ ཛི་ནཱ་ཏི, ཨེ་ཀོ་ཝ སེ་ནོ ཧ་ནྟི དི་ཛེ པ་ས་ཡ྄ཧ;
ཨེ་ཀོ་ཝ བྱ་གྒྷོ མི་ག་ས་ངྒྷ་པ་ཏྟོ, ཝ་རཾ ཝ་རཾ ཧ་ནྟི བ་ལ་ཉྷི ཏཱ་དི་སཾ.
༡༧༣. ན ཧེ་ཝ ཨི་ནྡོ ན སེ་ནོ, ན་པི བྱ་གྒྷོ མི་གཱ་དྷི་པོ;
ས་མ་གྒེ ས་ཧི་ཏེ ཉཱ་ཏཱི, ན བྱ་གྒྷེ [བྱ་གྒྷེ ཙ (སཱི. པཱི.), བྱ་གྒྷོ ན (སྱཱ.)] ཀུ་རུ་ཏེ ཝ་སེ.
༡༧༤. ཀུ་མྦྷཱི་ལ་ཀཱ ས་ཀུ་ཎ་ཀཱ, ས་ངྒྷི་ནོ ག་ཎ་ཙཱ་རི་ནོ;
ས་མྨོ་ད་མཱ་ནཱ ཨེ་ཀ་ཛ྄ཛྷཾ, ཨུ་པྤ་ཏ་ནྟི ཌ་ཡ་ནྟི ཙ.
༡༧༥. ཏེ་ས་ཉྩ ཌ་ཡ་མཱ་ནཱ་ནཾ, ཨེ་ཀེ་ཏྠ ཨ་པ་ས་ཀྐ་ཏི [ཨ་པ་ཝ་ཏྟ་ཏི (སཱི. པཱི.)];
ཏ་ཉྩ སེ་ནོ ནི་ཏཱ་ལེ༹་ཏི, ཝེ་ཡྻ་གྒྷི་ཡེ་ཝ སཱ ག་ཏི.
༡༧༦. ཨུ་སྶཱ་ཧི་ཏོ ཛ་ཊི་ལེ་ན, ལུ་དྡེ་ནཱ་མི་ས་ཙ་ཀྑུ་ནཱ;
དཱ་ཋཱི དཱ་ཋཱི་སུ པ་ཀྑ་ནྡི, མ་ཉྙ་མཱ་ནོ ཡ་ཐཱ པུ་རེ.
༡༧༧. སཱ་དྷུ ས་མྦ་ཧུ་ལཱ ཉཱ་ཏཱི, ཨ་པི རུ་ཀྑཱ ཨ་ར་ཉྙ་ཛཱ;
སཱུ་ཀ་རེ་ཧི ས་མ་གྒེ་ཧི, བྱ་གྒྷོ ཨེ་ཀཱ་ཡ་ནེ ཧ་ཏོ.
༡༧༨. བྲཱ་ཧྨ་ཎ་ཉྩེ་ཝ བྱ་གྒྷ་ཉྩ, ཨུ་བྷོ ཧ་ནྟྭཱ་ན སཱུ་ཀ་རཱ.
ཨཱ་ན་ནྡི་ནོ པ་མུ་དི་ཏཱ, མ་ཧཱ་ནཱ་དཾ པ་ནཱ་དི་སུཾ.
༡༧༩. ཏེ སུ ཨུ་དུ་མྦ་ར་མཱུ་ལ་སྨིཾ, སཱུ་ཀ་རཱ སུ་ས་མཱ་ག་ཏཱ;
ཏ་ཙྪ་ཀཾ ཨ་བྷི་སི་ཉྩིཾ་སུ, ‘‘ཏྭཾ ནོ རཱ་ཛཱ་སི ཨི་སྶ་རོ’’ཏི.
ཏ་ཙྪ་སཱུ་ཀ་ར་ཛཱ་ཏ་ཀཾ ན་ཝ་མཾ.