༤༩༠. པ་ཉྩུ་པོ་ས་ཐི་ཀ་ཛཱ་ཏ་ཀཾ (༧)
༡༢༧. ཨ་པྤོ་སྶུ་ཀྐོ དཱ་ནི ཏུ་ཝཾ ཀ་པོ་ཏ, ཝི་ཧ་ངྒ་མ ན ཏ་ཝ བྷོ་ཛ་ན་ཏྠོ;
ཁུ་དཾ [ཁུ་དྡཾ (སྱཱ. ཀ.), ཁུ་དྷཾ (ས་ཀྐ་ཏ-པཱ་ཀ་ཏཱ་ནུ་རཱུ་པཾ)] པི་པཱ་སཾ ཨ་དྷི་ཝཱ་ས་ཡ་ནྟོ, ཀ་སྨཱ བྷ་ཝཾ་པོ་ས་ཐི་ཀོ ཀ་པོ་ཏ [ཀ་པོ་ཏོ (སཱི. པཱི.)].
༡༢༨. ཨ་ཧཾ པུ་རེ གི་དྡྷི་ག་ཏོ ཀ་པོ་ཏི་ཡཱ, ཨ་སྨིཾ པ་དེ་ས་སྨི་མུ་བྷོ ར་མཱ་མ;
ཨ་ཐ་གྒ་ཧཱི སཱ་ཀུ་ཎི་ཀོ ཀ་པོ་ཏིཾ, ཨ་ཀཱ་མ་ཀོ ཏཱ་ཡ ཝི་ནཱ ཨ་ཧོ་སིཾ.
༡༢༩. ནཱ་ནཱ་བྷ་ཝཱ ཝི་པྤ་ཡོ་གེ་ན ཏ་སྶཱ, མ་ནོ་མ་ཡཾ ཝེ་ད་ན ཝེ་ད་ཡཱ་མི [ཝེ་ད་ནཾ ཝེ་དི་ཡཱ་མི (སཱི. པཱི.)];
ཏ་སྨཱ ཨ་ཧཾ་པོ་ས་ཐཾ པཱ་ལ་ཡཱ་མི, རཱ་གོ མ་མཾ མཱ པུ་ན་རཱ་ག་མཱ་སི.
༡༣༠. ཨ་ནུ་ཛྫུ་གཱ་མཱི ཨུ་ར་གཱ དུ་ཛི་ཝ྄ཧ [ཨུ་ར་ག དྭི་ཛི་ཝ྄ཧ (སཱི.)], དཱ་ཋཱ་ཝུ་དྷོ གྷོ་ར་ཝི་སོ་སི ས་པྤ;
ཁུ་དཾ པི་པཱ་སཾ ཨ་དྷི་ཝཱ་ས་ཡ་ནྟོ, ཀ་སྨཱ བྷ་ཝཾ་པོ་ས་ཐི་ཀོ ནུ དཱི་གྷ [དཱི་གྷོ (སཱི. པཱི.)].
༡༣༡. ཨུ་ས་བྷོ ཨ་ཧཱུ བ་ལ་ཝཱ གཱ་མི་ཀ་སྶ, ཙ་ལ་ཀྐ་ཀཱུ ཝ་ཎྞ་བ་ལཱུ་པ་པ་ནྣོ;
སོ མཾ ཨ་ཀྐ་མི ཏཾ ཀུ་པི་ཏོ ཨ་ཌཾ་སི, དུ་ཀྑཱ་བྷི་ཏུ་ཎྞོ མ་ར་ཎཾ ཨུ་པཱ་གཱ [ཨུ་པཱ་ག་མི (སཱི. པཱི.)].
༡༣༢. ཏ་ཏོ ཛ་ནཱ ནི་ཀྑ་མི་ཏྭཱ་ན གཱ་མཱ, ཀ་ནྡི་ཏྭཱ རོ་དི་ཏྭཱ [ཀ་ནྡི་ཏྭ རོ་དི་ཏྭ (སཱི.)] ཨ་པ་ཀྐ་མིཾ་སུ;
ཏ་སྨཱ ཨ་ཧཾ་པོ་ས་ཐཾ པཱ་ལ་ཡཱ་མི, ཀོ་དྷོ མ་མཾ མཱ པུ་ན་རཱ་ག་མཱ་སི.
༡༣༣. མ་ཏཱ་ན མཾ་སཱ་ནི བ་ཧཱུ སུ་སཱ་ནེ, མ་ནུ་ཉྙ་རཱུ་པཾ ཏ་ཝ བྷོ་ཛ་ནེ ཏཾ;
ཁུ་དཾ པི་པཱ་སཾ ཨ་དྷི་ཝཱ་ས་ཡ་ནྟོ, ཀ་སྨཱ བྷ་ཝཾ་པོ་ས་ཐི་ཀོ སི་ངྒཱ་ལ [སི་གཱ་ལོ (སཱི. པཱི.)].
༡༣༤. པ་ཝི་སི [པ་ཝི་སྶཾ (སཱི. པཱི.), པ་ཝི་སྶ (སྱཱ.)] ཀུ་ཙྪིཾ མ་ཧ་ཏོ ག་ཛ་སྶ, ཀུ་ཎ་པེ ར་ཏོ ཧ་ཏྠི་མཾ་སེ་སུ གི་དྡྷོ [ཧ་ཏྠི་མཾ་སེ པ་གི་དྡྷོ (སཱི. པཱི.)];
ཨུ་ཎྷོ ཙ ཝཱ་ཏོ ཏི་ཁི་ཎཱ ཙ ར་སྨི་ཡོ, ཏེ སོ་ས་ཡུཾ ཏ་སྶ ཀ་རཱི་ས་མ་གྒཾ.
༡༣༥. ཀི་སོ ཙ པ་ཎྜཱུ ཙ ཨ་ཧཾ བྷ་ད་ནྟེ, ན མེ ཨ་ཧཱུ ནི་ཀྑ་མ་ནཱ་ཡ མ་གྒོ;
མ་ཧཱ ཙ མེ་གྷོ ས་ཧ་སཱ པ་ཝ་སྶི, སོ ཏེ་མ་ཡཱི ཏ་སྶ ཀ་རཱི་ས་མ་གྒཾ.
༡༣༦. ཏ་ཏོ ཨ་ཧཾ ནི་ཀྑ་མི་སཾ བྷ་ད་ནྟེ, ཙ་ནྡོ ཡ་ཐཱ རཱ་ཧུ་མུ་ཁཱ པ་མུ་ཏྟོ;
ཏ་སྨཱ ཨ་ཧཾ་པོ་ས་ཐཾ པཱ་ལ་ཡཱ་མི, ལོ་བྷོ མ་མཾ མཱ པུ་ན་རཱ་ག་མཱ་སི.
༡༣༧. ཝ་མྨཱི་ཀ་ཐཱུ་པ་སྨིཾ ཀི་པི་ལླི་ཀཱ་ནི, ནི་པྤོ་ཐ་ཡ་ནྟོ ཏུ་ཝཾ པུ་རེ ཙ་རཱ་སི;
ཁུ་དཾ པི་པཱ་སཾ ཨ་དྷི་ཝཱ་ས་ཡ་ནྟོ, ཀ་སྨཱ བྷ་ཝཾ་པོ་ས་ཐི་ཀོ ནུ ཨ་ཙྪ [ཨ་ཙྪོ (སཱི. པཱི.)].
༡༣༨. ས་ཀཾ ནི་ཀེ་ཏཾ ཨ་ཏི་ཧཱི་ལ༹་ཡཱ་ནོ [ཨ་ཏི་ཧེ་ལ༹་ཡཱ་ནོ (སྱཱ. ཀ.)], ཨ་ཏྲི་ཙྪ་ཏཱ [ཨ་ཏྲི་ཙྪ་ཏཱ་ཡ (སཱི. སྱཱ. པཱི.)] མ་ལླ་གཱ་མཾ [མ་ལ་ཏཾ (སཱི. པཱི.), མ་ལླ་ཡ་ཏཾ (ཀ.)] ཨ་ག་ཙྪིཾ;
ཏ་ཏོ ཛ་ནཱ ནི་ཀྑ་མི་ཏྭཱ་ན གཱ་མཱ, ཀོ་ད་ཎྜ་ཀེ་ན པ་རི་པོ་ཐ་ཡིཾ་སུ མཾ.
༡༣༩. སོ བྷི་ནྣ་སཱི་སོ རུ་ཧི་ར་མ་ཀྑི་ཏ་ངྒོ, པ་ཙྩཱ་ག་མཱ་སིཾ ས་ཀཾ [ས ས་ཀཾ (སྱཱ. ཀ.),’ཐ ས་ཀཾ (?)] ནི་ཀེ་ཏཾ;
ཏ་སྨཱ ཨ་ཧཾ་པོ་ས་ཐཾ པཱ་ལ་ཡཱ་མི, ཨ་ཏྲི་ཙྪ་ཏཱ མཱ པུ་ན་རཱ་ག་མཱ་སི.
༡༤༠. ཡཾ ནོ ཨ་པུ་ཙྪི་ཏྠ ཏུ་ཝཾ བྷ་ད་ནྟེ, ས་བྦེ་ཝ བྱཱ་ཀ་རི་མྷ ཡ་ཐཱ པ་ཛཱ་ནཾ;
མ་ཡ་མྤི པུ་ཙྪཱ་མ ཏུ་ཝཾ བྷ་ད་ནྟེ, ཀ་སྨཱ བྷ་ཝཾ་པོ་ས་ཐི་ཀོ ནུ བྲ་ཧྨེ.
༡༤༡. ཨ་ནཱུ་པ་ལི་ཏྟོ མ་མ ཨ་སྶ་མ་མྷི, པ་ཙྩེ་ཀ་བུ་དྡྷོ མུ་ཧུ་ཏྟཾ ནི་སཱི་དི;
སོ མཾ ཨ་ཝེ་དཱི ག་ཏི་མཱ་ག་ཏི་ཉྩ, ནཱ་མ་ཉྩ གོ་ཏྟཾ ཙ་ར་ཎ་ཉྩ ས་བྦཾ.
༡༤༢. ཨེ་ཝ་མྤ་ཧཾ ཝ་ནྡི ན [ཨེ་ཝ་མྤ་ཧཾ ན་གྒ་ཧེ (སཱི. པཱི.)] ཏ་སྶ པཱ་དེ, ན ཙཱ་པི ནཾ མཱ་ན་ག་ཏེ་ན པུ་ཙྪིཾ;
ཏ་སྨཱ ཨ་ཧཾ་པོ་ས་ཐཾ པཱ་ལ་ཡཱ་མི, མཱ་ནོ མ་མཾ མཱ པུ་ན་རཱ་ག་མཱ་སཱི་ཏི.
པ་ཉྩུ་པོ་ས་ཐི་ཀ་ཛཱ་ཏ་ཀཾ ས་ཏྟ་མཾ.