༤༨༩. སུ་རུ་ཙི་ཛཱ་ཏ་ཀཾ (༦)
༡༠༢. མ་ཧེ་སཱི སུ་རུ་ཙི་ནོ [རུ་ཙི་ནོ (སཱི. སྱཱ. པཱི.)] བྷ་རི་ཡཱ, ཨཱ་ནཱི་ཏཱ པ་ཋ་མཾ ཨ་ཧཾ;
ད་ས ཝ་སྶ་ས་ཧ་སྶཱ་ནི, ཡཾ མཾ སུ་རུ་ཙི་མཱ་ན་ཡི.
༡༠༣. སཱ་ཧཾ བྲཱ་ཧྨ་ཎ རཱ་ཛཱ་ནཾ, ཝེ་དེ་ཧཾ མི་ཐི་ལ་གྒ་ཧཾ;
ནཱ་བྷི་ཛཱ་ནཱ་མི ཀཱ་ཡེ་ན, ཝཱ་ཙཱ་ཡ ཨུ་ད ཙེ་ཏ་སཱ;
སུ་རུ་ཙིཾ ཨ་ཏི་མ་ཉྙི་ཏྠ [ཨ་ཏི་མ་ཉྙི་ཏྠོ (སཱི. པཱི.), ཨ་ཏི་མ་ཉྙི་ཏཱ (?)], ཨཱ་ཝི [ཨཱ་ཝིཾ (སཱི. པཱི.)] ཝཱ ཡ་དི ཝཱ ར་ཧོ.
༡༠༤. ཨེ་ཏེ་ན ས་ཙྩ་ཝ་ཛྫེ་ན, པུ་ཏྟོ ཨུ་པྤ་ཛྫ་ཏཾ ཨི་སེ;
མུ་སཱ མེ བྷ་ཎ་མཱ་ནཱ་ཡ, མུ་དྡྷཱ ཕ་ལ་ཏུ ས་ཏྟ་དྷཱ.
༡༠༥. བྷ་ཏྟུ མ་མ ས་སྶུ མཱ་ཏཱ, པི་ཏཱ ཙཱ་པི ཙ ས་སྶུ་རོ;
ཏེ མཾ བྲ་ཧྨེ ཝི་ནེ་ཏཱ་རོ, ཡཱ་ཝ ཨ་ཊྛཾ་སུ ཛཱི་ཝི་ཏཾ.
༡༠༦. སཱ་ཧཾ ཨ་ཧིཾ་སཱ་ར་ཏི་ནཱི, ཀཱ་མ་སཱ [ཀཱ་མ་སོ (སཱི.)] དྷ་མྨ་ཙཱ་རི་ནཱི [དྷ་མྨ་ཙཱ་རི་ཎཱི (སཱི.)];
ས་ཀྐ་ཙྩཾ ཏེ ཨུ་པ་ཊྛཱ་སིཾ, ར་ཏྟི་ནྡི་ཝ་མ་ཏ་ནྡི་ཏཱ.
༡༠༧. ཨེ་ཏེ་ན ས་ཙྩ་ཝ་ཛྫེ་ན, པུ་ཏྟོ ཨུ་པྤ་ཛྫ་ཏཾ ཨི་སེ;
མུ་སཱ མེ བྷ་ཎ་མཱ་ནཱ་ཡ, མུ་དྡྷཱ ཕ་ལ་ཏུ ས་ཏྟ་དྷཱ.
༡༠༨. སོ་ལ༹་སི་ཏྠི་ས་ཧ་སྶཱ་ནི, ས་ཧ་བྷ་རི་ཡཱ་ནི བྲཱ་ཧྨ་ཎ;
ཏཱ་སུ ཨི་སྶཱ ཝཱ ཀོ་དྷོ ཝཱ, ནཱ་ཧུ མ་ཡ྄ཧཾ ཀུ་དཱ་ཙ་ནཾ.
༡༠༩. ཧི་ཏེ་ན ཏཱ་སཾ ན་ནྡཱ་མི, ན ཙ མེ ཀཱ་ཙི ཨ་པྤི་ཡཱ;
ཨ་ཏྟཱ་ནཾ་ཝཱ་ནུ་ཀ་མྤཱ་མི, ས་དཱ ས་བྦཱ ས་པ་ཏྟི་ཡོ.
༡༡༠. ཨེ་ཏེ་ན ས་ཙྩ་ཝ་ཛྫེ་ན, པུ་ཏྟོ ཨུ་པྤ་ཛྫ་ཏཾ ཨི་སེ;
མུ་སཱ མེ བྷ་ཎ་མཱ་ནཱ་ཡ, མུ་དྡྷཱ ཕ་ལ་ཏུ ས་ཏྟ་དྷཱ.
༡༡༡. དཱ་སེ ཀ་མྨ་ཀ་རེ པེ་སྶེ [པོ་སེ (སྱཱ. ཀ.)], ཡེ ཙ་ཉྙེ ཨ་ནུ་ཛཱི་ཝི་ནོ;
པེ་སེ་མི [པོ་སེ་མི (སཱི. སྱཱ. པཱི.)] ས་ཧ་དྷ་མྨེ་ན, ས་དཱ པ་མུ་དི་ཏི་ནྡྲི་ཡཱ.
༡༡༢. ཨེ་ཏེ་ན ས་ཙྩ་ཝ་ཛྫེ་ན, པུ་ཏྟོ ཨུ་པྤ་ཛྫ་ཏཾ ཨི་སེ;
མུ་སཱ མེ བྷ་ཎ་མཱ་ནཱ་ཡ, མུ་དྡྷཱ ཕ་ལ་ཏུ ས་ཏྟ་དྷཱ.
༡༡༣. ས་མ་ཎེ བྲཱ་ཧྨ་ཎེ ཙཱ་པི, ཨ་ཉྙེ ཙཱ་པི ཝ་ནི་བྦ་ཀེ;
ཏ་པྤེ་མི ཨ་ནྣ་པཱ་ནེ་ན, ས་དཱ པ་ཡ་ཏ་པཱ་ཎི་ནཱི.
༡༡༤. ཨེ་ཏེ་ན ས་ཙྩ་ཝ་ཛྫེ་ན, པུ་ཏྟོ ཨུ་པྤ་ཛྫ་ཏཾ ཨི་སེ;
མུ་སཱ མེ བྷ་ཎ་མཱ་ནཱ་ཡ, མུ་དྡྷཱ ཕ་ལ་ཏུ ས་ཏྟ་དྷཱ.
༡༡༥. ཙཱ་ཏུ་དྡ་སིཾ པ་ཉྩ་དྡ་སིཾ [པ་ནྣ་ར་སིཾ (སཱི. པཱི.)], ཡཱ ཙ པ་ཀྑ་སྶ ཨ་ཊྛ་མཱི [ཨ་ཊྛ་མིཾ (སཱི. པཱི.)];
པཱ་ཊི་ཧཱ་རི་ཡ་པ་ཀྑ་ཉྩ, ཨ་ཊྛ་ངྒ་སུ་ས་མཱ་ག་ཏཾ [ཨ་ཊྛ་ངྒ་སུ་ས་མཱ་ཧི་ཏཾ (ས་བྦ་ཏྠ) ཝི. ཝ. ༡༢༩ པཱ་ལི༹་ཡཱ ཨ་ཊྛ་ཀ་ཐཱ པ་སྶི་ཏ་བྦཱ];
ཨུ་པོ་ས་ཐཾ ཨུ་པ་ཝ་སཱ་མི [ཨུ་པ་ཝ་སིཾ (ཀ.)], ས་དཱ སཱི་ལེ་སུ སཾ་ཝུ་ཏཱ.
༡༡༦. ཨེ་ཏེ་ན ས་ཙྩ་ཝ་ཛྫེ་ན, པུ་ཏྟོ ཨུ་པྤ་ཛྫ་ཏཾ ཨི་སེ;
མུ་སཱ མེ བྷ་ཎ་མཱ་ནཱ་ཡ, མུ་དྡྷཱ ཕ་ལ་ཏུ ས་ཏྟ་དྷཱ.
༡༡༧. ས་བྦེ་ཝ ཏེ དྷ་མྨ་གུ་ཎཱ, རཱ་ཛ་པུ་ཏྟི ཡ་ས་སྶི་ནི;
སཾ་ཝི་ཛྫ་ནྟི ཏ་ཡི བྷ་དྡེ, ཡེ ཏྭཾ ཀི་ཏྟེ་སི ཨ་ཏྟ་ནི.
༡༡༨. ཁ་ཏྟི་ཡོ ཛཱ་ཏི་ས་མྤ་ནྣོ, ཨ་བྷི་ཛཱ་ཏོ ཡ་ས་སྶི་མཱ;
དྷ་མྨ་རཱ་ཛཱ ཝི་དེ་ཧཱ་ནཾ, པུ་ཏྟོ ཨུ་པྤ་ཛྫ་ཏེ ཏ་ཝ [ཏ་ཝཾ (སཱི. པཱི.)].
༡༡༩. དུ་མྨཱི [རུ་མྨཱི (སཱི. པཱི.)] ར་ཛོ་ཛ་ལླ་དྷ་རོ, ཨ་གྷེ ཝེ་ཧཱ་ཡ་སཾ ཋི་ཏོ;
མ་ནུ་ཉྙཾ བྷཱ་ས་སེ ཝཱ་ཙཾ, ཡཾ མ་ཡ྄ཧཾ ཧ་ད་ཡ་ངྒ་མཾ.
༡༢༠. དེ་ཝ་ཏཱ་ནུ་སི ས་གྒ་མྷཱ, ཨི་སི ཝཱ་སི [ཙཱ་པི (ཀ.)] མ་ཧི་དྡྷི་ཀོ;
ཀོ ཝཱ་སི ཏྭཾ ཨ་ནུ་པྤ་ཏྟོ, ཨ་ཏྟཱ་ནཾ མེ པ་ཝེ་ད་ཡ.
༡༢༡. ཡཾ དེ་ཝ་ས་ངྒྷཱ ཝ་ནྡ་ནྟི, སུ་དྷ་མྨཱ་ཡཾ ས་མཱ་ག་ཏཱ;
སོ་ཧཾ ས་ཀྐོ ས་ཧ་སྶ་ཀྑོ, ཨཱ་ག་ཏོ་སྨི ཏ་ཝ་ནྟི་ཀེ.
༡༢༢. ཨི་ཏྠི་ཡོ [ཨི་ཏྠི་ཡཱ (པཱི.)] ཛཱི་ཝ་ལོ་ཀ་སྨིཾ, ཡཱ ཧོ་ཏི [ཧོ་ནྟི (སཱི. སྱཱ.)] ས་མ་ཙཱ་རི་ནཱི [ས་མ་ཙཱ་རི་ཎཱི (སཱི.)];
མེ་དྷཱ་ཝི་ནཱི སཱི་ལ་ཝ་ཏཱི, ས་སྶུ་དེ་ཝཱ པ་ཏི་བྦ་ཏཱ.
༡༢༣. ཏཱ་དི་སཱ་ཡ སུ་མེ་དྷཱ་ཡ, སུ་ཙི་ཀ་མྨཱ་ཡ ནཱ་རི་ཡཱ;
དེ་ཝཱ ད་སྶ་ན་མཱ་ཡ་ནྟི, མཱ་ནུ་སི་ཡཱ ཨ་མཱ་ནུ་སཱ.
༡༢༤. ཏྭ་ཉྩ བྷ་དྡེ སུ་ཙི་ཎྞེ་ན, པུ་བྦེ སུ་ཙ་རི་ཏེ་ན ཙ;
ཨི་དྷ རཱ་ཛ་ཀུ་ལེ ཛཱ་ཏཱ, ས་བྦ་ཀཱ་མ་ས་མི་དྡྷི་ནཱི.
༡༢༥. ཨ་ཡ་ཉྩ ཏེ རཱ་ཛ་པུ་ཏྟི, ཨུ་བྷ་ཡ་ཏྠ ཀ་ཊ་གྒ་ཧོ;
དེ་ཝ་ལོ་ཀཱུ་པ་པ་ཏྟཱི ཙ, ཀི་ཏྟཱི ཙ ཨི་དྷ ཛཱི་ཝི་ཏེ.
༡༢༦. ཙི་རཾ སུ་མེ་དྷེ སུ་ཁི་ནཱི, དྷ་མྨ་མ་ཏྟ་ནི པཱ་ལ་ཡ;
ཨེ་སཱ་ཧཾ ཏི་དི་ཝཾ ཡཱ་མི, པི་ཡཾ མེ ཏ་ཝ ད་སྶ་ན་ནྟི.
སུ་རུ་ཙི་ཛཱ་ཏ་ཀཾ ཚ་ཊྛཾ.