༤༨༨. བྷི་ས་ཛཱ་ཏ་ཀཾ (༥)
༧༨. ཨ་སྶཾ ག་ཝཾ ར་ཛ་ཏཾ ཛཱ་ཏ་རཱུ་པཾ, བྷ་རི་ཡ་ཉྩ སོ ཨི་དྷ ལ་བྷ་ཏཾ མ་ནཱ་པཾ;
པུ་ཏྟེ་ཧི དཱ་རེ་ཧི ས་མ་ངྒི ཧོ་ཏུ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༧༩. མཱ་ལ་ཉྩ སོ ཀཱ་སི་ཀ་ཙ་ནྡ་ན་ཉྩ, དྷཱ་རེ་ཏུ པུ་ཏྟ་སྶ བ་ཧཱུ བྷ་ཝ་ནྟུ;
ཀཱ་མེ་སུ ཏི་བྦཾ ཀུ་རུ་ཏཾ ཨ་པེ་ཀྑཾ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༠. པ་ཧཱུ་ཏ་དྷ་ཉྙོ ཀ་སི་མཱ ཡ་ས་སྶཱི, པུ་ཏྟེ གི་ཧཱི དྷ་ནི་མཱ ས་བྦ་ཀཱ་མེ;
ཝ་ཡཾ ཨ་པ་སྶཾ གྷ་ར་མཱ་ཝ་སཱ་ཏུ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༡. སོ ཁ་ཏྟི་ཡོ ཧོ་ཏུ པ་ས་ཡ྄ཧ་ཀཱ་རཱི, རཱ་ཛཱ་བྷི་རཱ་ཛཱ [རཱ་ཛཱ་དྷི་རཱ་ཛཱ (སྱཱ. ཀ.)] བ་ལ་ཝཱ ཡ་ས་སྶཱི;
ས ཙཱ་ཏུ་ར་ནྟཾ མ་ཧི་མཱ་ཝ་སཱ་ཏུ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༢. སོ བྲཱ་ཧྨ་ཎོ ཧོ་ཏུ ཨ་ཝཱི་ཏ་རཱ་གོ, མུ་ཧུ་ཏྟ་ན་ཀྑ་ཏྟ་པ་ཐེ་སུ ཡུ་ཏྟོ;
པཱུ་ཛེ་ཏུ ནཾ ར་ཊྛ་པ་ཏཱི ཡ་ས་སྶཱི, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༣. ཨ་ཛ྄ཛྷཱ་ཡ་ཀཾ ས་བྦ་ས་མ་ནྟ་ཝེ་དཾ [ས་བྦ་ས་མ་ཏྟ་ཝེ་དཾ (སཱི.), ས་བྦ་ས་མ་ཏྟ་ཝེ་ད་ནཾ (པཱི.)], ཏ་པ་སྶཱི་ནཾ མ་ཉྙ་ཏུ ས་བྦ་ལོ་ཀོ;
པཱུ་ཛེ་ནྟུ ནཾ ཛཱ་ན་པ་དཱ ས་མེ་ཙྩ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༤. ཙ་ཏུ་སྶ་དཾ གཱ་མ་ཝ་རཾ ས་མི་དྡྷཾ, དི་ནྣ་ཉྷི སོ བྷུ་ཉྫ་ཏུ ཝཱ་ས་ཝེ་ན;
ཨ་ཝཱི་ཏ་རཱ་གོ མ་ར་ཎཾ ཨུ་པེ་ཏུ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༥. སོ གཱ་མ་ཎཱི ཧོ་ཏུ ས་ཧཱ་ཡ་མ་ཛ྄ཛྷེ, ན་ཙྩེ་ཧི གཱི་ཏེ་ཧི པ་མོ་ད་མཱ་ནོ;
སོ རཱ་ཛ་ཏོ བྱ་ས་ན མཱ་ལ་ཏྠ [མཱ རཱ་ཛ་ཏོ ཝྱ་ས་ན’མ་ལ་ཏྠ (སཱི. སྱཱ. པཱི.)] ཀི་ཉྩི, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༦. ཡཾ ཨེ་ཀ་རཱ་ཛཱ པ་ཐ་ཝིཾ ཝི་ཛེ་ཏྭཱ, ཨི་ཏྠཱི་ས་ཧ་སྶཱ་ན [ཨི་ཏྠཱི་ས་ཧ་སྶ་སྶ (སཱི. པཱི.)] ཋ་པེ་ཏུ ཨ་གྒཾ;
སཱི་མ་ནྟི་ནཱི་ནཾ པ་ཝ་རཱ བྷ་ཝཱ་ཏུ, བྷི་སཱ་ནི ཏེ བྲཱ་ཧྨ་ཎ ཡཱ ཨ་ཧཱ་སི.
༨༧. ཨི་སཱི་ན་ཉྷི སཱ ས་བྦ་ས་མཱ་ག་ཏཱ་ནཾ, བྷུ་ཉྫེ་ཡྻ སཱ་དུཾ ཨ་ཝི་ཀ་མྤ་མཱ་ནཱ;
ཙ་རཱ་ཏུ ལཱ་བྷེ་ན ཝི་ཀ་ཏྠ་མཱ་ནཱ, བྷི་སཱ་ནི ཏེ བྲཱ་ཧྨ་ཎ ཡཱ ཨ་ཧཱ་སི.
༨༨. ཨཱ་ཝཱ་སི་ཀོ ཧོ་ཏུ མ་ཧཱ་ཝི་ཧཱ་རེ, ན་ཝ་ཀ་མྨི་ཀོ ཧོ་ཏུ ག་ཛ་ངྒ་ལཱ་ཡཾ [ཀ་ཛ་ངྒ་ལཱ་ཡཾ (སཱི. སྱཱ. པཱི.)];
ཨཱ་ལོ་ཀ་ས་ནྡྷིཾ དི་ཝ་སཾ [དི་ཝ་སཱ (སཱི. སྱཱ. པཱི.)] ཀ་རོ་ཏུ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༨༩. སོ བ་ཛ྄ཛྷ་ཏཱུ པཱ་ས་ས་ཏེ་ཧི ཚ་བྦྷི [ཚ་མྷི (སཱི. པཱི.), ཚ་སྶུ (?)], ར་མྨཱ ཝ་ནཱ ནི་ཡྻ་ཏུ རཱ་ཛ་དྷཱ་ནིཾ [རཱ་ཛ་ཋཱ་ནིཾ (ཀ.)];
ཏུ་ཏྟེ་ཧི སོ ཧ་ཉྙ་ཏུ པཱ་ཙ་ནེ་ཧི, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༩༠. ཨ་ལ་ཀྐ་མཱ་ལཱི ཏི་པུ་ཀ་ཎྞ་ཝི་དྡྷོ, ལ་ཊྛཱི་ཧ་ཏོ ས་པྤ་མུ་ཁཾ ཨུ་པེ་ཏུ;
ས་ཀ་ཙྪ་བ་ནྡྷོ [ས་ཀྐ་ཙྩ་བ་དྡྷོ (སཱི. པཱི.), སཾ་ཀ་ཙྩ་བ་ནྡྷོ (ནི་ཡྻ)] ཝི་སི་ཁཾ ཙ་རཱ་ཏུ, བྷི་སཱ་ནི ཏེ བྲཱ་ཧྨ་ཎ ཡོ ཨ་ཧཱ་སི.
༩༡. ཡོ ཝེ ཨ་ན་ཊྛཾ་ཝ [ཨ་ན་ཊྛཾ (སཱི. སྱཱ. པཱི.)] ན་ཊྛ་ནྟི ཙཱ་ཧ, ཀཱ་མེ་ཝ སོ ལ་བྷ་ཏཾ བྷུ་ཉྫ་ཏ་ཉྩ [ལ་བྷ་ཏུ བྷུ་ཉྫ་ཏུ ཙ (སྱཱ.)];
ཨ་གཱ་ར་མ་ཛ྄ཛྷེ མ་ར་ཎཾ ཨུ་པེ་ཏུ, ཡོ ཝཱ བྷོ་ནྟོ ས་ངྐ་ཏི ཀ་ཉྩི་དེ་ཝ [ཀི་ཉྩི་དེ་ཝ (ཀ.)].
༩༢. ཡ་དེ་ས་མཱ་ནཱ ཝི་ཙ་ར་ནྟི ལོ་ཀེ, ཨི་ཊྛ་ཉྩ ཀ་ནྟ་ཉྩ བ་ཧཱུ་ན་མེ་ཏཾ;
པི་ཡཾ མ་ནུ་ཉྙཾ ཙི་དྷ ཛཱི་ཝ་ལོ་ཀེ, ཀ་སྨཱ ཨི་ས་ཡོ ན་པྤ་སཾ་ས་ནྟི ཀཱ་མེ.
༩༣. ཀཱ་མེ་སུ ཝེ ཧ་ཉྙ་རེ བ་ཛ྄ཛྷ་རེ ཙ, ཀཱ་མེ་སུ དུ་ཀྑ་ཉྩ བྷ་ཡ་ཉྩ ཛཱ་ཏཾ;
ཀཱ་མེ་སུ བྷཱུ་ཏཱ་དྷི་པ་ཏཱི པ་མ་ཏྟཱ, པཱ་པཱ་ནི ཀ་མྨཱ་ནི ཀ་རོ་ནྟི མོ་ཧཱ.
༩༤. ཏེ པཱ་པ་དྷ་མྨཱ པ་ས་ཝེ་ཏྭ པཱ་པཾ, ཀཱ་ཡ་སྶ བྷེ་དཱ ནི་ར་ཡཾ ཝ་ཛ་ནྟི;
ཨཱ་དཱི་ན་ཝཾ ཀཱ་མ་གུ་ཎེ་སུ དི་སྭཱ, ཏ་སྨཱ ཨི་ས་ཡོ ན་པྤ་སཾ་ས་ནྟི ཀཱ་མེ.
༩༥. ཝཱི་མཾ་ས་མཱ་ནོ ཨི་སི་ནོ བྷི་སཱ་ནི, ཏཱི་རེ ག་ཧེ་ཏྭཱ་ན ཐ་ལེ ནི་དྷེ་སིཾ;
སུ་དྡྷཱ ཨ་པཱ་པཱ ཨི་ས་ཡོ ཝ་ས་ནྟི, ཨེ་ཏཱ་ནི ཏེ བྲ་ཧྨ་ཙཱ་རཱི བྷི་སཱ་ནི.
༩༦. ན ཏེ ན་ཊཱ ནོ པ་ན ཀཱི་ལ༹་ནེ་ཡྻཱ, ན བ་ནྡྷ་ཝཱ ནོ པ་ན ཏེ ས་ཧཱ་ཡཱ;
ཀི་སྨིཾ ཝུ་པ་ཏྠ་མྦྷ ས་ཧ་སྶ་ནེ་ཏྟ, ཨི་སཱི་ཧི ཏྭཾ ཀཱི་ལ༹་སི དེ་ཝ་རཱ་ཛ.
༩༧. ཨཱ་ཙ་རི་ཡོ མེ་སི པི་ཏཱ ཙ མ་ཡ྄ཧཾ, ཨེ་སཱ པ་ཏི་ཊྛཱ ཁ་ལི་ཏ་སྶ བྲ་ཧྨེ;
ཨེ་ཀཱ་པ་རཱ་དྷཾ ཁ་མ བྷཱུ་རི་པ་ཉྙ, ན པ་ཎྜི་ཏཱ ཀོ་དྷ་བ་ལཱ བྷ་ཝ་ནྟི.
༩༨. སུ་ཝཱ་སི་ཏཾ ཨི་སི་ནཾ ཨེ་ཀ་ར་ཏྟཾ, ཡཾ ཝཱ་ས་ཝཾ བྷཱུ་ཏ་པ་ཏི་དྡ་སཱ་མ;
ས་བྦེ་ཝ བྷོ་ནྟོ སུ་མ་ནཱ བྷ་ཝ་ནྟུ, ཡཾ བྲཱ་ཧྨ་ཎོ པ་ཙྩུ་པཱ་དཱི བྷི་སཱ་ནི.
༩༩. ཨ་ཧ་ཉྩ སཱ་རི་པུ་ཏྟོ ཙ, མོ་གྒ་ལླཱ་ནོ ཙ ཀ་སྶ་པོ;
ཨ་ནུ་རུ་དྡྷོ པུ་ཎྞོ ཨཱ་ན་ནྡོ, ཏ་དཱ་སུཾ ས་ཏྟ བྷཱ་ཏ་རོ.
༡༠༠. བྷ་གི་ནཱི ཨུ་པྤ་ལ་ཝ་ཎྞཱ ཙ, དཱ་སཱི ཁུ་ཛྫུ་ཏྟ་རཱ ཏ་དཱ;
ཙི་ཏྟོ ག་ཧ་པ་ཏི དཱ་སོ, ཡ་ཀྑོ སཱ་ཏཱ་གི་རོ ཏ་དཱ.
༡༠༡. པཱ་ལི་ལེ་ཡྻོ [པཱ་རི་ལེ་ཡྻོ (སཱི. པཱི.)] ཏ་དཱ ནཱ་གོ, མ་དྷུ་དོ [མ་དྷུ་ཝཱ (སཱི. པཱི.)] སེ་ཊྛ་ཝཱ་ན་རོ;
ཀཱ་ལུ༹་དཱ་ཡཱི ཏ་དཱ ས་ཀྐོ, ཨེ་ཝཾ དྷཱ་རེ་ཐ ཛཱ་ཏ་ཀ་ནྟི.
བྷི་ས་ཛཱ་ཏ་ཀཾ པ་ཉྩ་མཾ.