༤༨༧. ཨུ་དྡཱ་ལ་ཀ་ཛཱ་ཏ་ཀཾ (༤)
༦༢. ཁ་རཱ་ཛི་ནཱ ཛ་ཊི་ལཱ པ་ངྐ་ད་ནྟཱ, དུ་མྨ་ཀྑ་རཱུ་པཱ [དུ་མྨུ་དྷ་རཱུ་པཱ (སཱི. པཱི. ཀ.)] ཡེ མ་ནྟཾ ཛ་པྤ་ནྟི [ཡེ་མེ ཛ་པ་ནྟི (སཱི. པཱི.), ཡེ’མེ ཛ་པྤ་ནྟི མ་ནྟེ (ཛཱ. ༡.༦.༡༠)];
ཀ་ཙྩི་ནྣུ ཏེ མཱ་ནུ་ས་ཀེ པ་ཡོ་གེ, ཨི་དཾ ཝི་དཱུ པ་རི་མུ་ཏྟཱ ཨ་པཱ་ཡཱ.
༦༣. པཱ་པཱ་ནི ཀ་མྨཱ་ནི ཀ་རེ་ཐ [ཀ་རེ་ཡྻ (སྱཱ.), ཀ་ཏྭཱ་ན (ཛཱ. ༡.༦.༡༡)] རཱ་ཛ, བ་ཧུ་སྶུ་ཏོ ཙེ ན ཙ་རེ་ཡྻ དྷ་མྨཾ;
ས་ཧ་སྶ་ཝེ་དོ་པི ན ཏཾ པ་ཊི་ཙྩ, དུ་ཀྑཱ པ་མུ་ཙྩེ [པ་མུ་ཉྩེ (སྱཱ.)] ཙ་ར་ཎཾ ཨ་པ་ཏྭཱ.
༦༤. ས་ཧ་སྶ་ཝེ་དོ་པི ན ཏཾ པ་ཊི་ཙྩ, དུ་ཀྑཱ པ་མུ་ཙྩེ ཙ་ར་ཎཾ ཨ་པ་ཏྭཱ;
མ་ཉྙཱ་མི ཝེ་དཱ ཨ་ཕ་ལཱ བྷ་ཝ་ནྟི, ས་སཾ་ཡ་མཾ ཙ་ར་ཎ་ཉྙེ་ཝ ས་ཙྩཾ.
༦༥. ན ཧེ་ཝ ཝེ་དཱ ཨ་ཕ་ལཱ བྷ་ཝ་ནྟི, ས་སཾ་ཡ་མཾ ཙ་ར་ཎ་ཉྙེ་ཝ ས་ཙྩཾ;
ཀི་ཏྟི་ཉྷི [ཀི་ཏྟི་ཉྩ (སྱཱ.)] པ་པྤོ་ཏི ཨ་དྷི་ཙྩ ཝེ་དེ, ས་ནྟིཾ པུ་ཎཱ་ཏི [པུ་ནོ་ཏི (སཱི. ཨ་ཊྛ.), པུ་ཎེ་ཏི (སྱཱ. ཛཱ. ༡.༦.༡༣), པུ་ནེ་ཏི (པཱི.)] ཙ་ར་ཎེ་ན ད་ནྟོ.
༦༦. བྷ་ཙྩཱ མཱ་ཏཱ པི་ཏཱ བ་ནྡྷཱུ, ཡེ་ན ཛཱ་ཏོ ས་ཡེ་ཝ སོ;
ཨུ་དྡཱ་ལ་ཀོ ཨ་ཧཾ བྷོ་ཏོ [བྷོ་ཏི (ཀ.)], སོ་ཏྟི་ཡཱ་ཀུ་ལ་ཝཾ་ས་ཀོ [ཝཾ་ས་ཏོ (ཀ.)].
༦༧. ཀ་ཐཾ བྷོ བྲཱ་ཧྨ་ཎོ ཧོ་ཏི, ཀ་ཐཾ བྷ་ཝ་ཏི ཀེ་ཝ་ལཱི;
ཀ་ཐ་ཉྩ པ་རི་ནི་བྦཱ་ནཾ, དྷ་མྨ་ཊྛོ ཀི་ནྟི ཝུ་ཙྩ་ཏི.
༦༨. ནི་རཾ་ཀ་ཏྭཱ ཨ་གྒི་མཱ་དཱ་ཡ བྲཱ་ཧྨ་ཎོ, ཨཱ་པོ སི་ཉྩཾ ཡ་ཛཾ ཨུ་སྶེ་ཏི ཡཱུ་པཾ;
ཨེ་ཝཾ་ཀ་རོ བྲཱ་ཧྨ་ཎོ ཧོ་ཏི ཁེ་མཱི, དྷ་མྨེ ཋི་ཏཾ ཏེ་ན ཨ་མཱ་པ་ཡིཾ་སུ.
༦༩. ན སུ་དྡྷི སེ་ཙ་ནེ་ན་ཏྠི, ནཱ་པི ཀེ་ཝ་ལཱི བྲཱ་ཧྨ་ཎོ;
ན ཁ་ནྟཱི ནཱ་པི སོ་ར་ཙྩཾ, ནཱ་པི སོ པ་རི་ནི་བྦུ་ཏོ.
༧༠. ཀ་ཐཾ སོ [བྷོ (སྱཱ. ཀ.)] བྲཱ་ཧྨ་ཎོ ཧོ་ཏི, ཀ་ཐཾ བྷ་ཝ་ཏི ཀེ་ཝ་ལཱི;
ཀ་ཐ་ཉྩ པ་རི་ནི་བྦཱ་ནཾ, དྷ་མྨ་ཊྛོ ཀི་ནྟི ཝུ་ཙྩ་ཏི.
༧༡. ཨ་ཁེ་ཏྟ་བ་ནྡྷཱུ ཨ་མ་མོ ནི་རཱ་སོ, ནི་ལློ་བྷ་པཱ་པོ བྷ་ཝ་ལོ་བྷ་ཁཱི་ཎོ;
ཨེ་ཝཾ་ཀ་རོ བྲཱ་ཧྨ་ཎོ ཧོ་ཏི ཁེ་མཱི, དྷ་མྨེ ཋི་ཏཾ ཏེ་ན ཨ་མཱ་པ་ཡིཾ་སུ.
༧༢. ཁ་ཏྟི་ཡཱ བྲཱ་ཧྨ་ཎཱ ཝེ་སྶཱ, སུ་དྡཱ ཙ་ཎྜཱ་ལ་པུ་ཀྐུ་སཱ;
ས་བྦེ་ཝ སོ་ར་ཏཱ ད་ནྟཱ, ས་བྦེ་ཝ པ་རི་ནི་བྦུ་ཏཱ;
ས་བྦེ་སཾ སཱི་ཏི་བྷཱུ་ཏཱ་ནཾ, ཨ་ཏྠི སེ་ཡྻོ་ཐ [སེ་ཡྻོ་ཝ (སཱི. པཱི.)] པཱ་པི་ཡོ.
༧༣. ཁ་ཏྟི་ཡཱ བྲཱ་ཧྨ་ཎཱ ཝེ་སྶཱ, སུ་དྡཱ ཙ་ཎྜཱ་ལ་པུ་ཀྐུ་སཱ;
ས་བྦེ་ཝ སོ་ར་ཏཱ ད་ནྟཱ, ས་བྦེ་ཝ པ་རི་ནི་བྦུ་ཏཱ;
ས་བྦེ་སཾ སཱི་ཏི་བྷཱུ་ཏཱ་ནཾ, ན་ཏྠི སེ་ཡྻོ་ཐ པཱ་པི་ཡོ.
༧༤. ཁ་ཏྟི་ཡཱ བྲཱ་ཧྨ་ཎཱ ཝེ་སྶཱ, སུ་དྡཱ ཙ་ཎྜཱ་ལ་པུ་ཀྐུ་སཱ;
ས་བྦེ་ཝ སོ་ར་ཏཱ ད་ནྟཱ, ས་བྦེ་ཝ པ་རི་ནི་བྦུ་ཏཱ.
༧༥. ས་བྦེ་སཾ སཱི་ཏི་བྷཱུ་ཏཱ་ནཾ, ན་ཏྠི སེ་ཡྻོ་ཐ པཱ་པི་ཡོ;
པ་ན་ཏྠཾ [པ་ས་ཏྠཾ (སྱཱ.), པ་ས་ཊྛཾ (ཀ.)] ཙ་ར་སི བྲ་ཧྨ་ཉྙཾ, སོ་ཏྟི་ཡཱ་ཀུ་ལ་ཝཾ་ས་ཏཾ.
༧༦. ནཱ་ནཱ་ར་ཏྟེ་ཧི ཝ་ཏྠེ་ཧི, ཝི་མཱ་ནཾ བྷ་ཝ་ཏི ཚཱ་དི་ཏཾ;
ན ཏེ་སཾ ཚཱ་ཡཱ ཝ་ཏྠཱ་ནཾ, སོ རཱ་གོ ཨ་ནུ་པ་ཛྫ་ཐ.
༧༧. ཨེ་ཝ་མེ་ཝ [ཨེ་ཝ་མེ་ཝཾ (པཱི.)] མ་ནུ་སྶེ་སུ, ཡ་དཱ སུ་ཛ྄ཛྷ་ནྟི མཱ་ཎ་ཝཱ;
ཏེ ས་ཛཱ་ཏིཾ པ་མུ་ཉྩ་ནྟི [ན ཏེ་སཾ ཛཱ་ཏིཾ པུ་ཙྪ་ནྟི (སཱི. སྱཱ. པཱི.), ན ཏེ་སཾ ཛཱ་ཏི སུ་ཛ྄ཛྷ་ཏི (ཀ.)], དྷ་མྨ་མ་ཉྙཱ་ཡ སུ་བྦ་ཏཱ་ཏི.
ཨུ་དྡཱ་ལ་ཀ་ཛཱ་ཏ་ཀཾ ཙ་ཏུ་ཏྠཾ.