༤༨༣. ས་ར་བྷ་མི་ག་ཛཱ་ཏ་ཀཾ (༡༠)
༡༣༤. ཨཱ་སཱི་སེ་ཐེ་ཝ [ཨཱ་སིཾ་སེ་ཐེ་ཝ (སཱི. སྱཱ. པཱི.)] པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;
པ་སྶཱ་མི ཝོ་ཧཾ ཨ་ཏྟཱ་ནཾ, ཡ་ཐཱ ཨི་ཙྪིཾ ཏ་ཐཱ ཨ་ཧུ.
༡༣༥. ཨཱ་སཱི་སེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;
པ་སྶཱ་མི ཝོ་ཧཾ ཨ་ཏྟཱ་ནཾ, ཨུ་ད་ཀཱ ཐ་ལ་མུ་བྦྷ་ཏཾ.
༡༣༦. ཝཱ་ཡ་མེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;
པ་སྶཱ་མི ཝོ་ཧཾ ཨ་ཏྟཱ་ནཾ, ཡ་ཐཱ ཨི་ཙྪིཾ ཏ་ཐཱ ཨ་ཧུ.
༡༣༧. ཝཱ་ཡ་མེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;
པ་སྶཱ་མི ཝོ་ཧཾ ཨ་ཏྟཱ་ནཾ, ཨུ་ད་ཀཱ ཐ་ལ་མུ་བྦྷ་ཏཾ.
༡༣༨. དུ་ཀྑཱུ་པ་ནཱི་ཏོ་པི ན་རོ ས་པ་ཉྙོ, ཨཱ་སཾ ན ཚི་ནྡེ་ཡྻ སུ་ཁཱ་ག་མཱ་ཡ;
བ་ཧཱུ ཧི ཕ་སྶཱ ཨ་ཧི་ཏཱ ཧི་ཏཱ ཙ, ཨ་ཝི་ཏ་ཀྐི་ཏཱ མ་ཙྩ་མུ་པ་བྦ་ཛ་ནྟི [མ་ཙྩུ་མུ་པ་བྦ་ཛ་ནྟི (ཀ. སཱི. པཱི.), མ་ཙྩུ་མུ་པ་པ་ཛྫ་ནྟི (སྱཱ. ཀ.) ཨེ་ཏྠ ‘‘ཨ་ཝི་ཏ་ཀྐི་ཏཱ་པི ཕ་སྶོ མ་ཙྩཾ ཛ་ནཾ ཨུ་པ་ག་ཙྪ་ནྟཱི’’ཏི ཨ་ཏྠོ].
༡༣༩. ཨ་ཙི་ནྟི་ཏ་མྤི བྷ་ཝ་ཏི, ཙི་ནྟི་ཏ་མྤི ཝི་ན་སྶ་ཏི;
ན ཧི ཙི་ནྟཱ་མ་ཡཱ བྷོ་གཱ, ཨི་ཏྠི་ཡཱ པུ་རི་ས་སྶ ཝཱ.
༡༤༠. ས་ར་བྷཾ གི་རི་དུ་གྒ་སྨིཾ, ཡཾ ཏྭཾ ཨ་ནུ་ས་རཱི པུ་རེ;
ཨ་ལཱི་ན་ཙི་ཏྟ་སྶ ཏུ་ཝཾ, ཝི་ཀྐ་ནྟ་མ་ནུ་ཛཱི་ཝ་སི [ཏ་ཝ, ཝི་ཀྐ་ནྟཾ ཛཱི་ཝི་ཏཾ ལ་བྷི (ཀ.)].
༡༤༡. ཡོ ཏཾ ཝི་དུ་གྒཱ ན་ར་ཀཱ ས་མུ་དྡྷ་རི, སི་ལཱ་ཡ ཡོ་གྒཾ ས་ར་བྷོ ཀ་རི་ཏྭཱ;
དུ་ཀྑཱུ་པ་ནཱི་ཏཾ མ་ཙྩུ་མུ་ཁཱ པ་མོ་ཙ་ཡི, ཨ་ལཱི་ན་ཙི་ཏྟཾ ཏཾ མི་གཾ [ཏ་མེ་ཝ (སྱཱ. ཀ.)] ཝ་དེ་སི.
༡༤༢. ཀིཾ ཏྭཾ ནུ [ཏུ་ཝ་ནྣུ (སཱི. པཱི.)] ཏ་ཏྠེ་ཝ ཏ་དཱ ཨ་ཧོ་སི, ཨུ་དཱ་ཧུ ཏེ ཀོ་ཙི ནཾ [ཏཾ (ཀ.)] ཨེ་ཏ་ད་ཀྑཱ;
ཝི་ཝ་ཊྚ་ཙྪ་དྡོ ནུ་སི ས་བྦ་ད་སྶཱི, ཉཱ་ཎཾ ནུ ཏེ བྲཱ་ཧྨ་ཎ བྷིཾ་ས་རཱུ་པཾ.
༡༤༣. ན ཙེ་ཝ་ཧཾ ཏ་ཏྠ ཏ་དཱ ཨ་ཧོ་སིཾ, ན ཙཱ་པི མེ ཀོ་ཙི ནཾ [ཏཾ (ཀ.)] ཨེ་ཏ་ད་ཀྑཱ;
གཱ་ཐཱ་པ་དཱ་ན་ཉྩ སུ་བྷཱ་སི་ཏཱ་ནཾ, ཨ་ཏྠཾ ཏ་དཱ་ནེ་ནྟི ཛ་ནི་ནྡ དྷཱི་རཱ.
༡༤༤. ཨཱ་དཱ་ཡ པ་ཏྟིཾ [པ་ཏྟཾ (སྱཱ.), པ་ཊྚིཾ (ཀ.)] པ་ར་ཝི་རི་ཡ་གྷཱ་ཏིཾ, ཙཱ་པེ ས་རཾ ཀིཾ ཝི་ཙི་ཀི་ཙྪ་སེ ཏུ་ཝཾ;
ནུ་ནྣོ [ནུ་ཎྞོ (ཀ. སཱི. སྱཱ.), ཏུ་ཎྞོ (ཀ.)] ས་རོ ས་ར་བྷཾ ཧ་ནྟུ ཁི་པྤཾ, ཨ་ནྣ་ཉྷི ཨེ་ཏཾ ཝ་ར་པ་ཉྙ ར་ཉྙོ.
༡༤༥. ཨ་དྡྷཱ པ་ཛཱ་ནཱ་མི ཨ་ཧ་མྤི ཨེ་ཏཾ, ཨ་ནྣཾ མི་གོ བྲཱ་ཧྨ་ཎ ཁ་ཏྟི་ཡ་སྶ;
པུ་བྦེ ཀ་ཏ་ཉྩ [པུ་བྦེ ཙ ཀ་ཏཾ (ཀ.)] ཨ་པ་ཙཱ་ཡ་མཱ་ནོ, ཏ་སྨཱ མི་གཾ ས་ར་བྷཾ ནོ ཧ་ནཱ་མི.
༡༤༦. ནེ་སོ མི་གོ མ་ཧཱ་རཱ་ཛ, ཨ་སུ་རེ་སོ དི་ས་མྤ་ཏི;
ཨེ་ཏཾ ཧ་ནྟྭཱ མ་ནུ་སྶི་ནྡ, བྷ་ཝ་སྶུ ཨ་མ་རཱ་དྷི་པོ.
༡༤༧. ས་ཙེ ཙ རཱ་ཛཱ [རཱ་ཛ (སཱི. སྱཱ. པཱི.)] ཝི་ཙི་ཀི་ཙྪ་སེ ཏུ་ཝཾ, ཧ་ནྟུཾ མི་གཾ ས་ར་བྷཾ ས་ཧཱ་ཡ་ཀཾ [ས་ཧཱ་ཡ་ཀཾ མེ (སཱི. པཱི.)];
ས་པུ་ཏྟ་དཱ་རོ ན་ར་ཝཱི་ར་སེ་ཊྛ [ན་ར་ཝི་རི་ཡ་སེ་ཊྛ (སཱི. པཱི.)], ག་ནྟྭཱ [ག་ནྟཱ (སཱི. པཱི. ཨ་ཊྛ.)] ཏུ་ཝཾ ཝེ་ཏ་ར་ཎིཾ ཡ་མ་སྶ.
༡༤༨. ཀཱ་མཾ ཨ་ཧཾ ཛཱ་ན་པ་དཱ ཙ ས་བྦེ, པུ་ཏྟཱ ཙ དཱ་རཱ ཙ ས་ཧཱ་ཡ་ས་ངྒྷཱ;
ག་ཙྪེ་མུ ཏཾ ཝེ་ཏ་ར་ཎིཾ ཡ་མ་སྶ, ན ཏྭེ་ཝ ཧ་ཉྙོ མ་མ པཱ་ཎ་དོ ཡོ [པཱ་ཎ་ད’སྶ (སཱི. སྱཱ. པཱི.)].
༡༤༩. ཨ་ཡཾ མི་གོ ཀི་ཙྪ་ག་ཏ་སྶ མ་ཡ྄ཧཾ, ཨེ་ཀ་སྶ ཀ་ཏྟཱ ཝི་ཝ་ན་སྨི གྷོ་རེ;
ཏཾ ཏཱ་དི་སཾ པུ་བྦ་ཀི་ཙྩཾ ས་ར་ནྟོ, ཛཱ་ནཾ མ་ཧཱ་བྲ་ཧྨེ ཀ་ཐཾ ཧ་ནེ་ཡྻཾ.
༡༥༠. མི་ཏྟཱ་བྷི་རཱ་དྷཱི ཙི་ར་མེ་ཝ ཛཱི་ཝ, ར་ཛྫཾ ཨི་མཾ དྷ་མྨ་གུ་ཎེ [ར་ཛྫ་མྤི་མཾ ཙ་སྶ ག་ཎེ (ཀ.)] པ་སཱ་ས;
ནཱ་རཱི་ག་ཎེ་ཧི པ་རི་ཙཱ་རི་ཡ་ནྟོ, མོ་ད་སྶུ ར་ཊྛེ ཏི་དི་ཝེ་ཝ ཝཱ་ས་ཝོ.
༡༥༡. ཨ་ཀྐོ་དྷ་ནོ ནི་ཙྩ་པ་ས་ནྣ་ཙི་ཏྟོ, ས་བྦཱ་ཏི་ཐཱི ཡཱ་ཙ་ཡོ་གོ བྷ་ཝི་ཏྭཱ [པཱ་ཧུ་ན་ཀེ ཀ་རི་ཏྭཱ (སྱཱ.), ཡཱ་ཙ་ཡོ་གོ ཝི་དི་ཏྭཱ (ཀ.)];
ད་ཏྭཱ ཙ བྷུ་ཏྭཱ ཙ ཡ་ཐཱ་ནུ་བྷཱ་ཝཾ, ཨ་ནི་ནྡི་ཏོ ས་གྒ་མུ་པེ་ཧི ཋཱ་ན་ནྟི.
ས་ར་བྷ་མི་ག་ཛཱ་ཏ་ཀཾ ད་ས་མཾ.
ཏེ་ར་ས་ཀ་ནི་པཱ་ཏཾ ནི་ཊྛི་ཏཾ.