༤༨༡. ཏ་ཀྐཱ་རི་ཡ་ཛཱ་ཏ་ཀཾ (༨)
༡༠༤. ཨ་ཧ་མེ་ཝ དུ་བྦྷཱ་སི་ཏཾ བྷཱ་སི བཱ་ལོ, བྷེ་ཀོ་ཝ་ར་ཉྙེ ཨ་ཧི་མ་ཝ྄ཧཱ་ཡ་མཱ་ནོ [མ་ཝ྄ཧ་ཡཱ་ནོ (སཱི. པཱི.)];
ཏ་ཀྐཱ་རི་ཡེ སོ་བྦྷ་མི་མཾ [སོ་བྦྷ་མྷི ཨ་ཧཾ (ཀ.)] པ་ཏཱ་མི, ན ཀི་རེ་ཝ སཱ་དྷུ ཨ་ཏི་ཝེ་ལ་བྷཱ་ཎཱི [སཱ་དྷཱུ་ཏྱ་ཏི་ཝེ་ལ་བྷཱ་ཎཱི (ཀ.)].
༡༠༥. པ་པྤོ་ཏི མ་ཙྩོ ཨ་ཏི་ཝེ་ལ་བྷཱ་ཎཱི, བ་ནྡྷཾ ཝ་དྷཾ སོ་ཀ་པ་རི་དྡ་ཝ་ཉྩ;
ཨ་ཏྟཱ་ན་མེ་ཝ ག་ར་ཧཱ་སི ཨེ་ཏྠ, ཨཱ་ཙེ་ར ཡཾ ཏཾ ནི་ཁ་ཎ་ནྟི སོ་བྦྷེ.
༡༠༦. ཀི་མེ་ཝ་ཧཾ ཏུ་ཎྜི་ལ་མ་ནུ་པུ་ཙྪིཾ, ཀ་རེ་ཡྻ སཾ [ཀ་རེ་ཡྻཱ་སཾ (སྱཱ.), ཀ་རེ་ཡྻ ས (ཀ.), བྷ་རེ་ཡྻ སཾ (?)] བྷཱ་ཏ་རཾ ཀཱ་ལི༹་ཀཱ་ཡཾ [ཀཱ་ལི༹་ཀཱ་ཡ (སྱཱ. ཀ.)];
ན་གྒོ་ཝ་ཧཾ [ན་གྒོ་ཙ’ཧཾ (?)] ཝ་ཏྠ་ཡུ་ག་ཉྩ ཛཱི་ནོ, ཨ་ཡ་མྤི ཨ་ཏྠོ བ་ཧུ་ཏཱ་དི་སོ་ཝ.
༡༠༧. ཡོ ཡུ་ཛ྄ཛྷ་མཱ་ནཱ་ན་མ་ཡུ་ཛ྄ཛྷ་མཱ་ནོ [ཡུ་ཛ྄ཛྷ་མཱ་ནེ་ན ཨ་ཡུ་ཛ྄ཛྷ་མཱ་ནོ (ཀ.)], མེ་ཎྜ་ནྟ་རཾ ཨ་ཙྩུ་པ་ཏཱི ཀུ་ལི་ངྒོ;
སོ པིཾ་སི་ཏོ མེ་ཎྜ་སི་རེ་ཧི ཏ་ཏྠ, ཨ་ཡ་མྤི ཨ་ཏྠོ བ་ཧུ་ཏཱ་དི་སོ་ཝ.
༡༠༨. ཙ་ཏུ་རོ ཛ་ནཱ པོ་ཏྠ་ཀ་མ་གྒ་ཧེ་སུཾ, ཨེ་ཀ་ཉྩ པོ་སཾ ཨ་ནུ་ར་ཀྑ་མཱ་ནཱ;
ས་བྦེ་ཝ ཏེ བྷི་ནྣ་སི་རཱ ས་ཡིཾ་སུ, ཨ་ཡ་མྤི ཨ་ཏྠོ བ་ཧུ་ཏཱ་དི་སོ་ཝ.
༡༠༩. ཨ་ཛཱ ཡ་ཐཱ ཝེ་ལུ༹་གུ་མྦ་སྨིཾ བ་དྡྷཱ [བ་ནྡྷཾ (སྱཱ. ཀ.)], ཨ་ཝ་ཀྑི་པ་ནྟཱི ཨ་སི་མ་ཛ྄ཛྷ་ག་ཙྪི;
ཏེ་ནེ་ཝ ཏ་སྶཱ ག་ལ་ཀཱ་ཝ་ཀ་ནྟཾ [ག་ལ་ཡཱ ཝི་ཀ་ནྟུཾ (ཀ.), ག་ལ་ཀཾ ཝི་ཀ་ནྟཱ (སྱཱ.)], ཨ་ཡ་མྤི ཨ་ཏྠོ བ་ཧུ་ཏཱ་དི་སོ་ཝ.
༡༡༠. ཨི་མེ ན དེ་ཝཱ ན ག་ནྡྷ་བྦ་པུ་ཏྟཱ, མི་གཱ ཨི་མེ ཨ་ཏྠ་ཝ་སཾ ག་ཏཱ མེ [ཨ་ཏྠ་ཝ་སཱ་བྷ་ཏཱ ཨི་མེ (སཱི. སྱཱ. པཱི.)];
ཨེ་ཀ་ཉྩ ནཾ སཱ་ཡ་མཱ་སེ པ་ཙ་ནྟུ, ཨེ་ཀཾ པུ་ན་པྤཱ་ཏ་རཱ་སེ [ཨེ་ཀ་ཉྩ ནཾ པཱ་ཏ་རཱ་སེ (ཀ. སཱི. པཱི.)] པ་ཙ་ནྟུ.
༡༡༡. ས་ཏཾ ས་ཧ་སྶཱ་ནི དུ་བྷཱ་སི་ཏཱ་ནི, ཀ་ལ་མྤི ནཱ་གྒྷ་ནྟི སུ་བྷཱ་སི་ཏ་སྶ;
དུ་བྦྷཱ་སི་ཏཾ ས་ངྐ་མཱ་ནོ ཀི་ལེ་སོ [ཀི་ལི་སྶ་ཏི (?)], ཏ་སྨཱ ཏུ་ཎྷཱི ཀི་མྤུ་རི་སཱ [ཀིཾ་པུ་རི་སོ (སཱི. སྱཱ.)] ན བཱ་ལྱཱ.
༡༡༢. ཡཱ མེ་སཱ བྱཱ་ཧཱ་སི [བྱཱ་ཀཱ་སི (སཱི. སྱཱ. པཱི.)] པ་མུ་ཉྩ་ཐེ་ཏཾ, གི་རི་ཉྩ ནཾ [གི་རིཾ ཝ་རཾ (ཀ.)] ཧི་མ་ཝ་ནྟཾ ན་ཡ་ནྟུ;
ཨི་མ་ཉྩ ཁོ དེ་ནྟུ མ་ཧཱ་ན་སཱ་ཡ, པཱ་ཏོ་ཝ ནཾ པཱ་ཏ་རཱ་སེ པ་ཙ་ནྟུ.
༡༡༣. པ་ཛྫུ་ནྣ་ནཱ་ཐཱ པ་ས་ཝོ, པ་སུ་ནཱ་ཐཱ ཨ་ཡཾ པ་ཛཱ;
ཏྭཾ ནཱ་ཐོ་སི [ཏྭཾ-ནཱ་ཐོ’སྨི (སཱི. སྱཱ. པཱི.)] མ་ཧཱ་རཱ་ཛ, ནཱ་ཐོ་ཧཾ བྷ་རི་ཡཱ་ཡ མེ [ཨ་མྷ-ནཱ་ཐཱ མ་མ བྷ་རི་ཡཱ (ཀ. སཱི. སྱཱ.)];
དྭི་ནྣ་མ་ཉྙ་ཏ་རཾ ཉ་ཏྭཱ, མུ་ཏྟོ ག་ཙྪེ་ཡྻ པ་བྦ་ཏཾ.
༡༡༤. ན ཝེ ནི་ནྡཱ སུ་པ་རི་ཝ་ཛྫ་ཡེ་ཐ [སུ་པ་རི་ཝ་ཛྫ་ཡཱ་ཐ (སྱཱ.)], ནཱ་ནཱ ཛ་ནཱ སེ་ཝི་ཏ་བྦཱ ཛ་ནི་ནྡ;
ཡེ་ནེ་ཝ ཨེ་ཀོ ལ་བྷ་ཏེ པ་སཾ་སཾ, ཏེ་ནེ་ཝ ཨ་ཉྙོ ལ་བྷ་ཏེ ནི་ནྡི་ཏཱ་རཾ.
༡༡༥. ས་བྦོ ལོ་ཀོ པ་རི་ཙི་ཏྟོ ཨ་ཏི་ཙི་ཏྟོ [པ་ར་ཙི་ཏྟེ་ན ཨ་ཏི་ཙི་ཏྟོ (སཱི. སྱཱ.), པ་ར་ཙི་ཏྟེ་ན ཨ་ཙི་ཏྟོ (སཱི. ཨ་ཊྛ.)], ས་བྦོ ལོ་ཀོ ཙི་ཏྟ་ཝཱ ས་མྷི ཙི་ཏྟེ;
པ་ཙྩེ་ཀ་ཙི་ཏྟཱ པུ་ཐུ ས་བྦ་ས་ཏྟཱ, ཀ་སྶཱི་དྷ ཙི་ཏྟ་སྶ ཝ་སེ ན ཝ་ཏྟེ.
༡༡༦. ཏུ་ཎྷཱི ཨ་ཧཱུ ཀི་མྤུ་རི་སོ ས་བྷ་རི་ཡོ [ཨ་བྷཱ་ཎཱི (ཀ.)], ཡོ དཱ་ནི བྱཱ་ཧཱ་སི བྷ་ཡ་སྶ བྷཱི་ཏོ;
སོ དཱ་ནི མུ་ཏྟོ སུ་ཁི་ཏོ ཨ་རོ་གོ, ཝཱ་ཙཱ་ཀི་རེ་ཝ་ཏྟ་ཝ་ཏཱི ན་རཱ་ན་ནྟི.
ཏ་ཀྐཱ་རི་ཡ་ཛཱ་ཏ་ཀཾ ཨ་ཊྛ་མཾ.