༤༨༠. ཨ་ཀི་ཏྟི་ཛཱ་ཏ་ཀཾ (༧)
༨༣. ཨ་ཀི་ཏྟིཾ [ཨ་ཀ་ཏྟིཾ (ཀ.)] དི་སྭཱ ས་མྨ་ནྟཾ, ས་ཀྐོ བྷཱུ་ཏ་པ་ཏཱི བྲ་ཝི;
ཀིཾ པ་ཏྠ་ཡཾ མ་ཧཱ་བྲ་ཧྨེ, ཨེ་ཀོ ས་མྨ་སི གྷ་མྨ་ནི.
༨༤. དུ་ཀྑོ པུ་ན་བྦྷ་ཝོ ས་ཀྐ, ས་རཱི་ར་སྶ ཙ བྷེ་ད་ནཾ;
ས་མྨོ་ཧ་མ་ར་ཎཾ དུ་ཀྑཾ, ཏ་སྨཱ ས་མྨཱ་མི ཝཱ་ས་ཝ.
༨༥. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ ཀ་སྶ་པ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༨༦. ཝ་རཾ ཙེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
ཡེ་ན པུ་ཏྟེ ཙ དཱ་རེ ཙ, དྷ་ན་དྷ་ཉྙཾ པི་ཡཱ་ནི ཙ;
ལ་དྡྷཱ ན་རཱ ན [ལ་དྡྷཱ ན་ཉྙཱ་ནི (ཀ.)] ཏ་པྤ་ནྟི, སོ ལོ་བྷོ ན མ་ཡཱི ཝ་སེ.
༨༧. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ ཀ་སྶ་པ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༨༨. ཝ་རཾ ཙེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
ཁེ་ཏྟཾ ཝ་ཏྠུཾ ཧི་ར་ཉྙ་ཉྩ, ག་ཝ་སྶཾ དཱ་ས་པོ་རི་སཾ;
ཡེ་ན ཛཱ་ཏེ་ན ཛཱི་ཡ་ནྟི, སོ དོ་སོ ན མ་ཡཱི ཝ་སེ.
༨༩. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ ཀ་སྶ་པ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༩༠. ཝ་རཾ ཙེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
བཱ་ལཾ ན པ་སྶེ ན སུ་ཎེ, ན ཙ བཱ་ལེ་ན སཾ་ཝ་སེ;
བཱ་ལེ་ན་ལླཱ་པ [བཱ་ལེ་ནཱ’ལཱ་པ (?)] ས་ལླཱ་པཾ, ན ཀ་རེ ན ཙ རོ་ཙ་ཡེ.
༩༡. ཀིཾ ནུ ཏེ ཨ་ཀ་རཾ བཱ་ལོ, ཝ་ད ཀ་སྶ་པ ཀཱ་ར་ཎཾ;
ཀེ་ན ཀ་སྶ་པ བཱ་ལ་སྶ, ད་སྶ་ནཾ ནཱ་བྷི་ཀ་ངྑ་སི.
༩༢. ཨ་ན་ཡཾ ན་ཡ་ཏི དུ་མྨེ་དྷོ, ཨ་དྷུ་རཱ་ཡཾ ནི་ཡུ་ཉྫ་ཏི;
དུ་ནྣ་ཡོ སེ་ཡྻ་སོ ཧོ་ཏི, ས་མྨཱ ཝུ་ཏྟོ པ་ཀུ་པྤ་ཏི;
ཝི་ན་ཡཾ སོ ན ཛཱ་ནཱ་ཏི, སཱ་དྷུ ཏ་སྶ ཨ་ད་སྶ་ནཾ.
༩༣. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ ཀ་སྶ་པ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༩༤. ཝ་རཾ ཙེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
དྷཱི་རཾ པ་སྶེ སུ་ཎེ དྷཱི་རཾ, དྷཱི་རེ་ན ས་ཧ སཾ་ཝ་སེ;
དྷཱི་རེ་ན་ལླཱ་པ་ས་ལླཱ་པཾ, ཏཾ ཀ་རེ ཏ་ཉྩ རོ་ཙ་ཡེ.
༩༥. ཀིཾ ནུ ཏེ ཨ་ཀ་རཾ དྷཱི་རོ, ཝ་ད ཀ་སྶ་པ ཀཱ་ར་ཎཾ;
ཀེ་ན ཀ་སྶ་པ དྷཱི་ར་སྶ, ད་སྶ་ནཾ ཨ་བྷི་ཀ་ངྑ་སི.
༩༦. ན་ཡཾ ན་ཡ་ཏི མེ་དྷཱ་ཝཱི, ཨ་དྷུ་རཱ་ཡཾ ན ཡུ་ཉྫ་ཏི;
སུ་ན་ཡོ སེ་ཡྻ་སོ ཧོ་ཏི, ས་མྨཱ ཝུ་ཏྟོ ན ཀུ་པྤ་ཏི;
ཝི་ན་ཡཾ སོ པ་ཛཱ་ནཱ་ཏི, སཱ་དྷུ ཏེ་ན ས་མཱ་ག་མོ.
༩༧. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ ཀ་སྶ་པ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༩༨. ཝ་རཾ ཙེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
ཏ་ཏོ ར་ཏྱཱ ཝི་ཝ་སཱ་ནེ [ཝི་ཝ་ས་ནེ (སཱི. སྱཱ. པཱི.)], སཱུ་རི་ཡུ་གྒ་མ་ནཾ [སུ་རི་ཡ་སྶུ་གྒ་མ་ནཾ (སཱི. སྱཱ. པཱི.)] པ་ཏི;
དི་བྦཱ བྷ་ཀྑཱ པཱ་ཏུ་བྷ་ཝེ་ཡྻུཾ, སཱི་ལ་ཝ་ནྟོ ཙ ཡཱ་ཙ་ཀཱ.
༩༩. ད་ད་ཏོ མེ [ད་ད་ཏོ ཙ མེ (པཱི.)] ན ཁཱི་ཡེ་ཐ, ད་ཏྭཱ ནཱ་ནུ་ཏ་པེ་ཡྻ་ཧཾ;
ད་དཾ ཙི་ཏྟཾ པ་སཱ་དེ་ཡྻཾ, ཨེ་ཏཾ ས་ཀྐ ཝ་རཾ ཝ་རེ.
༡༠༠. ཨེ་ཏ་སྨིཾ ཏེ སུ་ལ་པི་ཏེ, པ་ཏི་རཱུ་པེ སུ་བྷཱ་སི་ཏེ;
ཝ་རཾ ཀ་སྶ་པ ཏེ ད་མྨི, ཡཾ ཀི་ཉྩི མ་ན་སི་ཙྪ་སི.
༡༠༡. ཝ་རཾ ཙེ མེ ཨ་དོ ས་ཀྐ, ས་བྦ་བྷཱུ་ཏཱ་ན་མི་སྶ་ར;
ན མཾ པུ་ན ཨུ་པེ་ཡྻཱ་སི, ཨེ་ཏཾ ས་ཀྐ ཝ་རཾ ཝ་རེ.
༡༠༢. བ་ཧཱུ་ཧི ཝ་ཏ་ཙ་རི་ཡཱ་ཧི [ཝ་ཏྟ་ཙ་རི་ཡཱ་ཧི (སཱི. སྱཱ. ཀ.)], ན་རཱ ཙ ཨ་ཐ ནཱ་རི་ཡོ;
ད་སྶ་ནཾ ཨ་བྷི་ཀ་ངྑ་ནྟི, ཀིཾ ནུ མེ ད་སྶ་ནེ བྷ་ཡཾ.
༡༠༣. ཏཾ ཏཱ་དི་སཾ དེ་ཝ་ཝ་ཎྞཾ [དེ་ཝ་ཝ་ཎྞིཾ (པཱི.)], ས་བྦ་ཀཱ་མ་ས་མི་དྡྷི་ནཾ;
དི་སྭཱ ཏ་པོ པ་མ་ཛྫེ་ཡྻ [དི་སྭཱ ཏ་པོ པ་མ་ཛྫེ་ཡྻཾ (སཱི. སྱཱ. པཱི.), དི་སྭཱ་ན་ཧཾ པ་མ་ཛྫེ་ཡྻཾ (ཙ་རི་ཡཱ་པི་ཊ་ཀ་ཊྛ་ཀ་ཐཱ)], ཨེ་ཏཾ ཏེ ད་སྶ་ནེ བྷ་ཡ་ནྟི.
ཨ་ཀི་ཏྟི་ཛཱ་ཏ་ཀཾ ས་ཏྟ་མཾ.