༤༧༩. ཀཱ་ལི་ངྒ་བོ་དྷི་ཛཱ་ཏ་ཀཾ (༦)
༦༧. རཱ་ཛཱ ཀཱ་ལི་ངྒོ ཙ་ཀྐ་ཝ་ཏྟི, དྷ་མྨེ་ན པ་ཐ་ཝི་མ་ནུ་སཱ་སཾ [མ་ནུ་སཱ་སི (སྱཱ. ཀ.)];
ཨ་ག་མཱ [ཨ་ག་མཱ་སི (སྱཱ. ཀ.)] བོ་དྷི་ས་མཱི་པཾ, ནཱ་གེ་ན མ་ཧཱ་ནུ་བྷཱ་ཝེ་ན.
༦༨. ཀཱ་ལི་ངྒོ བྷཱ་ར་དྭཱ་ཛོ ཙ, རཱ་ཛཱ་ནཾ ཀཱ་ལི་ངྒཾ ས་མ་ཎ་ཀོ་ལ་ཉྙཾ;
ཙ་ཀྐཾ ཝ་ཏྟ་ཡ་ཏོ པ་རི་གྒ་ཧེ་ཏྭཱ [པ་རི་ཎེ་ཏྭཱ (པཱི.)], པ་ཉྫ་ལཱི ཨི་ད་མ་ཝོ་ཙ.
༦༩. པ་ཙྩོ་རོ་ཧ མ་ཧཱ་རཱ་ཛ, བྷཱུ་མི་བྷཱ་གོ ཡ་ཐཱ ས་མ་ཎུ་གྒ་ཏོ [ས་མ་ནུ་གཱི་ཏོ (སཱི. སྱཱ. པཱི.)];
ཨི་དྷ ཨ་ན་དྷི་ཝ་རཱ བུ་དྡྷཱ, ཨ་བྷི་ས་མྦུ་དྡྷཱ ཝི་རོ་ཙ་ནྟི.
༧༠. པ་ད་ཀྑི་ཎ་ཏོ ཨཱ་ཝ་ཊྚཱ, ཏི་ཎ་ལ་ཏཱ ཨ་སྨིཾ བྷཱུ་མི་བྷཱ་ག་སྨིཾ;
པ་ཐ་ཝི་ཡཱ ནཱ་བྷི་ཡཾ [པུ་ཐུ་ཝི་ཡཱ ཨ་ཡཾ (སཱི.), པ་ཋ་ཝི་ཡཱ ཨ་ཡཾ (སྱཱ.), པུ་ཐ་ཝི་ཡཱ’ཡཾ (པཱི.)] མ་ཎྜོ, ཨི་ཏི ནོ སུ་ཏཾ མ་ནྟེ མ་ཧཱ་རཱ་ཛ [སུ་ཏཾ མ་ཧཱ་རཱ་ཛ (སཱི. སྱཱ. པཱི.)].
༧༡. སཱ་ག་ར་པ་རི་ཡ་ནྟཱ་ཡ, མེ་དི་ནི་ཡཱ ས་བྦ་བྷཱུ་ཏ་དྷ་ར་ཎི་ཡཱ;
པ་ཐ་ཝི་ཡཱ ཨ་ཡཾ མ་ཎྜོ, ཨོ་རོ་ཧི་ཏྭཱ ན་མོ ཀ་རོ་ཧི.
༧༢. ཡེ ཏེ བྷ་ཝ་ནྟི ནཱ་གཱ ཙ, ཨ་བྷི་ཛཱ་ཏཱ ཙ ཀུ་ཉྫ་རཱ;
ཨེ་ཏྟཱ་ཝ་ཏཱ པ་དེ་སཾ ཏེ, ནཱ་གཱ ནེ་ཝ མུ་པ་ཡ་ནྟི.
༧༣. ཨ་བྷི་ཛཱ་ཏོ ནཱ་གོ [ཨ་བྷི་ཛཱ་ཏོ ཏེ ནཱ་གོ (སཱི. པཱི. ཨ་ཊྛ.)] ཀཱ་མཾ, པེ་སེ་ཧི ཀུ་ཉྫ་རཾ ད་ནྟིཾ;
ཨེ་ཏྟཱ་ཝ་ཏཱ པ་དེ་སོ [པ་དེ་སོ ཙ (སྱཱ. ཀ.)], ས་ཀྐཱ [ན ས་ཀྐཱ (སྱཱ.)] ནཱ་གེ་ན མུ་པ་ག་ནྟུཾ.
༧༤. ཏཾ སུ་ཏྭཱ རཱ་ཛཱ ཀཱ་ལི་ངྒོ, ཝེ་ཡྻ་ཉྫ་ནི་ཀ་ཝ་ཙོ ནི་སཱ་མེ་ཏྭཱ;
ས་མྤེ་སེ་སི ནཱ་གཾ ཉ་སྶཱ་མ, མ་ཡཾ ཡ་ཐི་མ་སྶི་དཾ [ཡ་ཐཱ ཨི་དཾ (སཱི. སྱཱ. པཱི.)] ཝ་ཙ་ནཾ.
༧༥. ས་མྤེ་སི་ཏོ ཙ ར་ཉྙཱ, ནཱ་གོ ཀོ་ཉྩོ་ཝ ཨ་བྷི་ན་དི་ཏྭཱ་ན;
པ་ཊི་ས་ཀྐི་ཏྭཱ [པ་ཊི་ཨོ་ས་ཀྐི་ཏྭཱ (ཀ.)] ནི་སཱི་དི, ག་རུཾ་ཝ བྷཱ་རཾ ཨ་ས་ཧ་མཱ་ནོ.
༧༦. ཀཱ་ལི་ངྒ་བྷཱ་ར་དྭཱ་ཛོ, ནཱ་གཾ ཁཱི་ཎཱ་ཡུ་ཀཾ ཝི་དི་ཏྭཱ་ན;
རཱ་ཛཱ་ནཾ ཀཱ་ལི་ངྒཾ, ཏ་ར་མཱ་ནོ ཨ་ཛ྄ཛྷ་བྷཱ་སི་ཏྠ;
ཨ་ཉྙཾ ས་ངྐ་མ ནཱ་གཾ, ནཱ་གོ ཁཱི་ཎཱ་ཡུ་ཀོ མ་ཧཱ་རཱ་ཛ.
༧༧. ཏཾ སུ་ཏྭཱ ཀཱ་ལི་ངྒོ, ཏ་ར་མཱ་ནོ ས་ངྐ་མཱི ནཱ་གཾ;
ས་ངྐ་ནྟེ་ཝ ར་ཉྙེ, ནཱ་གོ ཏ་ཏྠེ་ཝ པ་ཏི [པ་ཏི་ཏོ (ཀ.)] བྷུ་མྱཱ;
ཝེ་ཡྻ་ཉྫ་ནི་ཀ་ཝ་ཙོ, ཡ་ཐཱ ཏ་ཐཱ ཨ་ཧུ ནཱ་གོ.
༧༨. ཀཱ་ལི་ངྒོ རཱ་ཛཱ ཀཱ་ལི་ངྒཾ, བྲཱ་ཧྨ་ཎཾ ཨེ་ཏ་ད་ཝོ་ཙ;
ཏྭ་མེ་ཝ ཨ་སི ས་མྦུ་དྡྷོ, ས་བྦ་ཉྙཱུ ས་བྦ་ད་སྶཱ་ཝཱི.
༧༩. ཏཾ ཨ་ན་དྷི་ཝཱ་སེ་ནྟོ ཀཱ་ལི་ངྒཾ [ཀཱ་ལི་ངྒོ (སཱི. སྱཱ. པཱི.)], བྲཱ་ཧྨ་ཎོ ཨི་ད་མ་ཝོ་ཙ;
ཝེ་ཡྻ་ཉྫ་ནི་ཀཱ ཧི མ་ཡཾ, བུ་དྡྷཱ ས་བྦ་ཉྙུ་ནོ མ་ཧཱ་རཱ་ཛ.
༨༠. ས་བྦ་ཉྙཱུ ས་བྦ་ཝི་དཱུ ཙ, བུ་དྡྷཱ ན ལ་ཀྑ་ཎེ་ན ཛཱ་ན་ནྟི;
ཨཱ་ག་མ་བ་ལ་སཱ [ཨཱ་ག་མ་པུ་རི་སཱ (པཱི.)] ཧི མ་ཡཾ, བུ་དྡྷཱ ས་བྦཾ པ་ཛཱ་ན་ནྟི.
༨༡. མ་ཧ་ཡི་ཏྭཱ ས་མྦོ་དྷིཾ [མ་ཧཱ་ཡི་ཏྭཱ་ན ས་མྦོ་དྷིཾ (སཱི. པཱི.), པ་ཧཾ་སི་ཏྭཱ་ན ས་མྦོ་དྷིཾ (སྱཱ.), མ་མཱ་ཡི་ཏྭཱ་ན ཏཾ བོ་དྷིཾ (ཀ.)], ནཱ་ནཱ་ཏུ་རི་ཡེ་ཧི ཝ་ཛྫ་མཱ་ནེ་ཧི;
མཱ་ལཱ་ཝི་ལེ་པ་ནཾ ཨ་བྷི་ཧ་རི་ཏྭཱ [མཱ་ལཱ་ག་ནྡྷ་ཝི་ལེ་པ་ནཾ ཨཱ་ཧ་རི་ཏྭཱ (སཱི. པཱི.); པཱ་ཀཱ་ར་པ་རི་ཀྑེ་པཾ ཀཱ་རེ་སི; ཨ་ཐ རཱ་ཛཱ པཱ་ཡཱ་སི (སཱི. སྱཱ. པཱི.)] ཨ་ཐ རཱ་ཛཱ མ་ནུ་པཱ་ཡཱ་སི [པཱ་ཀཱ་ར་པ་རི་ཀྑེ་པཾ ཀཱ་རེ་སི; ཨ་ཐ རཱ་ཛཱ པཱ་ཡཱ་སི (སཱི. སྱཱ. པཱི.)].
༨༢. ས་ཊྛི ཝཱ་ཧ་ས་ཧ་སྶཱ་ནི, པུ་པྥཱ་ནཾ ས་ནྣི་པཱ་ཏ་ཡི;
པཱུ་ཛེ་སི རཱ་ཛཱ ཀཱ་ལི་ངྒོ, བོ་དྷི་མ་ཎྜ་མ་ནུ་ཏྟ་ར་ནྟི [ཝ་རུ་ཏྟ་མེ་ཏི (སཱི.)].
ཀཱ་ལི་ངྒ་བོ་དྷི་ཛཱ་ཏ་ཀཾ ཚ་ཊྛཾ.