༤༧༣. མི་ཏྟཱ་མི་ཏྟ་ཛཱ་ཏ་ཀཾ (༡༠)
༡༢༡. ཀཱ་ནི ཀ་མྨཱ་ནི ཀུ་བྦཱ་ནཾ, ཀ་ཐཾ ཝི་ཉྙཱུ པ་ར་ཀྐ་མེ;
ཨ་མི་ཏྟཾ ཛཱ་ནེ་ཡྻ མེ་དྷཱ་ཝཱི, དི་སྭཱ སུ་ཏྭཱ ཙ པ་ཎྜི་ཏོ.
༡༢༢. ན ནཾ ཨུ་མྷ་ཡ་ཏེ དི་སྭཱ, ན ཙ ནཾ པ་ཊི་ན་ནྡ་ཏི;
ཙ་ཀྑཱུ་ནི ཙ་སྶ [ཙ་ཀྑཱུ་ནི་སྶ (སྱཱ. ཀ.)] ན ད་དཱ་ཏི, པ་ཊི་ལོ་མ་ཉྩ ཝ་ཏྟ་ཏི.
༡༢༣. ཨ་མི་ཏྟེ ཏ་སྶ བྷ་ཛ་ཏི, མི་ཏྟེ ཏ་སྶ ན སེ་ཝ་ཏི;
ཝ་ཎྞ་ཀཱ་མེ ནི་ཝཱ་རེ་ཏི, ཨ་ཀྐོ་ས་ནྟེ པ་སཾ་ས་ཏི.
༡༢༤. གུ་ཡ྄ཧ་ཉྩ ཏ་སྶ ན་ཀྑཱ་ཏི, ཏ་སྶ གུ་ཡ྄ཧཾ ན གཱུ་ཧ་ཏི;
ཀ་མྨཾ ཏ་སྶ ན ཝ་ཎྞེ་ཏི, པ་ཉྙ་སྶ ན་པྤ་སཾ་ས་ཏི.
༡༢༥. ཨ་བྷ་ཝེ ན་ནྡ་ཏི ཏ་སྶ, བྷ་ཝེ ཏ་སྶ ན ན་ནྡ་ཏི;
ཨ་ཙྪེ་རཾ [ཨ་ཙྪ་རི་ཡཾ (སཱི. སྱཱ. པཱི.)] བྷོ་ཛ་ནཾ ལ་དྡྷཱ, ཏ་སྶ ནུ་པྤ་ཛྫ་ཏེ ས་ཏི;
ཏ་ཏོ ནཾ ནཱ་ནུ་ཀ་མྤ་ཏི, ཨ་ཧོ སོ་པི [ཨ་ཧཱ་སོ་པི (ཀ. སཱི. སྱཱ. ཀ.)] ལ་བྷེ་ཡྻི་ཏོ.
༡༢༦. ཨི་ཙྩེ་ཏེ སོ་ལ༹་སཱ་ཀཱ་རཱ, ཨ་མི་ཏྟ་སྨིཾ པ་ཏི་ཊྛི་ཏཱ;
ཡེ་ཧི ཨ་མི་ཏྟཾ ཛཱ་ནེ་ཡྻ, དི་སྭཱ སུ་ཏྭཱ ཙ པ་ཎྜི་ཏོ.
༡༢༧. ཀཱ་ནི ཀ་མྨཱ་ནི ཀུ་བྦཱ་ནཾ, ཀ་ཐཾ ཝི་ཉྙཱུ པ་ར་ཀྐ་མེ;
མི་ཏྟཾ ཛཱ་ནེ་ཡྻ མེ་དྷཱ་ཝཱི, དི་སྭཱ སུ་ཏྭཱ ཙ པ་ཎྜི་ཏོ.
༡༢༨. པ་ཝུ་ཏྠཾ ཏ་སྶ ས་ར་ཏི, ཨཱ་ག་ཏཾ ཨ་བྷི་ན་ནྡ་ཏི;
ཏ་ཏོ ཀེ་ལཱ་ཡི་ཏོ ཧོ་ཏི, ཝཱ་ཙཱ་ཡ པ་ཊི་ན་ནྡ་ཏི.
༡༢༩. མི་ཏྟེ ཏ་སྶེ་ཝ བྷ་ཛ་ཏི, ཨ་མི་ཏྟེ ཏ་སྶ ན སེ་ཝ་ཏི;
ཨ་ཀྐོ་ས་ནྟེ ནི་ཝཱ་རེ་ཏི, ཝ་ཎྞ་ཀཱ་མེ པ་སཾ་ས་ཏི.
༡༣༠. གུ་ཡ྄ཧ་ཉྩ ཏ་སྶ ཨ་ཀྑཱ་ཏི, ཏ་སྶ གུ་ཡ྄ཧ་ཉྩ གཱུ་ཧ་ཏི;
ཀ་མྨ་ཉྩ ཏ་སྶ ཝ་ཎྞེ་ཏི, པ་ཉྙཾ ཏ་སྶ [པ་ཉྙ་མ་སྶ (སྱཱ. ཀ.)] པ་སཾ་ས་ཏི.
༡༣༡. བྷ་ཝེ ཙ ན་ནྡ་ཏི ཏ་སྶ [བྷ་ཝེ ན་ནྡ་ཏི ཏ་སྶ ཙ (ཀ.)], ཨ་བྷ་ཝེ ཏ་སྶ ན ན་ནྡ་ཏི;
ཨ་ཙྪེ་རཾ [ཨ་ཙྪ་རི་ཡཾ (སཱི. སྱཱ. པཱི.)] བྷོ་ཛ་ནཾ ལ་དྡྷཱ, ཏ་སྶ ཨུ་པྤ་ཛྫ་ཏེ ས་ཏི;
ཏ་ཏོ ནཾ ཨ་ནུ་ཀ་མྤ་ཏི, ཨ་ཧོ སོ་པི [པ་ཧཱ་སོ་པི (ཀ. སཱི. སྱཱ. ཀ.)] ལ་བྷེ་ཡྻི་ཏོ.
༡༣༢. ཨི་ཙྩེ་ཏེ སོ་ལ༹་སཱ་ཀཱ་རཱ, མི་ཏྟ་སྨིཾ སུ་པྤ་ཏི་ཊྛི་ཏཱ;
ཡེ་ཧི མི་ཏྟ་ཉྩ ཛཱ་ནེ་ཡྻ [མི་ཏྟཾ སུ་ཛཱ་ནེ་ཡྻ (པཱི. ཀ.)], དི་སྭཱ སུ་ཏྭཱ ཙ པ་ཎྜི་ཏོ་ཏི.
མི་ཏྟཱ་མི་ཏྟ་ཛཱ་ཏ་ཀཾ ད་ས་མཾ.
དྭཱ་ད་ས་ཀ་ནི་པཱ་ཏཾ ནི་ཊྛི་ཏཾ.