༤༧༢. མ་ཧཱ་པ་དུ་མ་ཛཱ་ཏ་ཀཾ (༩)
༡༠༦. ནཱ་ད་ཊྛཱ [ནཱ་དི་ཊྛཱ (ཀ. སཱི. སྱཱ. ཀ.)] པ་ར་ཏོ དོ་སཾ, ཨ་ཎུཾ ཐཱུ་ལཱ་ནི ས་བྦ་སོ;
ཨི་སྶ་རོ པ་ཎ་ཡེ ད་ཎྜཾ, སཱ་མཾ ཨ་པྤ་ཊི་ཝེ་ཀྑི་ཡ.
༡༠༧. ཡོ ཙ ཨ་པྤ་ཊི་ཝེ་ཀྑི་ཏྭཱ, ད་ཎྜཾ ཀུ་བྦ་ཏི ཁ་ཏྟི་ཡོ;
ས་ཀ་ཎྚ་ཀཾ སོ གི་ལ་ཏི, ཛ་ཙྩ་ནྡྷོ་ཝ ས་མ་ཀྑི་ཀཾ.
༡༠༨. ཨ་ད་ཎྜི་ཡཾ ད་ཎྜ་ཡ་ཏི [ད་ཎྜི་ཡ་ཏི (སྱཱ. པཱི.)], ད་ཎྜི་ཡ་ཉྩ ཨ་ད་ཎྜི་ཡཾ [ཨ་ད་ཎྜི་ཡ (ནི་ཡྻ), ན ད་ཎྜ་ཡེ (?)];
ཨ་ནྡྷོ་ཝ ཝི་ས་མཾ མ་གྒཾ, ན ཛཱ་ནཱ་ཏི ས་མཱ་ས་མཾ.
༡༠༩. ཡོ ཙ ཨེ་ཏཱ་ནི ཋཱ་ནཱ་ནི, ཨ་ཎུཾ ཐཱུ་ལཱ་ནི ས་བྦ་སོ;
སུ་དི་ཊྛ་མ་ནུ་སཱ་སེ་ཡྻ, ས ཝེ ཝོ་ཧ་རི་ཏུ [ཝོ་ཧཱ་ཏུ (པཱི.)] མ་ར་ཧ་ཏི.
༡༡༠. ནེ་ཀ་ནྟ་མུ་དུ་ནཱ ས་ཀྐཱ, ཨེ་ཀ་ནྟ་ཏི་ཁི་ཎེ་ན ཝཱ;
ཨ་ཏྟཾ མ་ཧ་ནྟེ [མ་ཧ་ཏྟེ (སྱཱ. ཀ.)] ཋ་པེ་ཏུཾ [ཋཱ་པེ་ཏུཾ (སཱི. སྱཱ. པཱི.)], ཏ་སྨཱ ཨུ་བྷ་ཡ་མཱ་ཙ་རེ.
༡༡༡. པ་རི་བྷཱུ་ཏོ མུ་དུ ཧོ་ཏི, ཨ་ཏི་ཏི་ཀྑོ ཙ ཝེ་ར་ཝཱ;
ཨེ་ཏ་ཉྩ ཨུ་བྷ་ཡཾ ཉ་ཏྭཱ, ཨ་ནུ་མ་ཛ྄ཛྷཾ ས་མཱ་ཙ་རེ.
༡༡༢. བ་ཧུ་མྤི ར་ཏྟོ བྷཱ་སེ་ཡྻ, དུ་ཊྛོ་པི བ་ཧུ བྷཱ་ས་ཏི;
ན ཨི་ཏྠི་ཀཱ་ར་ཎཱ རཱ་ཛ, པུ་ཏྟཾ གྷཱ་ཏེ་ཏུ་མ་ར་ཧ་སི.
༡༡༣. ས་བྦོ་ཝ [ས་བྦོ ཙ (ཀ. སཱི. པཱི.)] ལོ་ཀོ ཨེ་ཀ་ཏོ [ཨེ་ཀ་ནྟོ (སཱི. པཱི.)], ཨི་ཏྠཱི ཙ ཨ་ཡ་མེ་ཀི་ཀཱ;
ཏེ་ནཱ་ཧཾ པ་ཊི་པ་ཛྫི་སྶཾ, ག་ཙྪ་ཐ པ་ཀྑི་པ་ཐེ་ཝ [པ་ཀྑི་པེ་ཐ (སྱཱ. ཨ་ཊྛ.)] ཏཾ.
༡༡༤. ཨ་ནེ་ཀ་ཏཱ་ལེ ན་ར་ཀེ, ག་མྦྷཱི་རེ ཙ སུ་དུ་ཏྟ་རེ [ག་མྦྷཱི་རེ སུ་དུ་རུ་ཏྟ་རེ (པཱི. ཀ.)];
པཱ་ཏི་ཏོ གི་རི་དུ་གྒ་སྨིཾ, ཀེ་ན ཏྭཾ ཏ་ཏྠ ནཱ་མ་རི.
༡༡༥. ནཱ་གོ ཛཱ་ཏ་ཕ་ཎོ ཏ་ཏྠ, ཐཱ་མ་ཝཱ གི་རི་སཱ་ནུ་ཛོ;
པ་ཙྩ་གྒ་ཧི མཾ བྷོ་གེ་ཧི, ཏེ་ནཱ་ཧཾ ཏ་ཏྠ ནཱ་མ་རིཾ.
༡༡༦. ཨེ་ཧི ཏཾ པ་ཊི་ནེ་སྶཱ་མི, རཱ་ཛ་པུ་ཏྟ ས་ཀཾ གྷ་རཾ;
ར་ཛྫཾ ཀཱ་རེ་ཧི [ཀཱ་རེ་སི (སཱི.)] བྷ་དྡ་ནྟེ, ཀིཾ ཨ་ར་ཉྙེ ཀ་རི་སྶ་སི.
༡༡༧. ཡ་ཐཱ གི་ལི་ཏྭཱ བ་ལི༹་སཾ, ཨུ་དྡྷ་རེ་ཡྻ ས་ལོ་ཧི་ཏཾ;
ཨུ་དྡྷ་རི་ཏྭཱ སུ་ཁཱི ཨ་སྶ, ཨེ་ཝཾ [སུ་ཁཾ (པཱི. ཀ.)] པ་སྶཱ་མི ཨ་ཏྟ་ནཾ [ཨ་ཏྟ་ནི (པཱི. ཀ.), ཨ་ཏྟ་ནཱ (སྱཱ.), ཨེ་ཝཾ ཨ་ཧ་མྤི པུ་ན སོ་ཏྠི་བྷཱ་ཝ་པྤ་ཏྟཾ གི་ལི་ཏ་བ་ལི༹་སཾ པུ་རི་ས་མི་ཝ ཨ་ཏྟཱ་ནཾ པ་སྶཱ་མཱི་ཏི (ཨ་ཊྛ. སཾ་ཝ་ཎྞ་ནཱ)].
༡༡༨. ཀིཾ ནུ ཏྭཾ བ་ལི༹་སཾ བྲཱུ་སི, ཀིཾ ཏྭཾ བྲཱུ་སི ས་ལོ་ཧི་ཏཾ;
ཀིཾ ནུ ཏྭཾ ཨུ་བྦྷ་ཏཾ བྲཱུ་སི, ཏཾ མེ ཨ་ཀྑཱ་ཧི པུ་ཙྪི་ཏོ.
༡༡༩. ཀཱ་མཱ་ཧཾ བ་ལི༹་སཾ བྲཱུ་མི, ཧ་ཏྠི་ཨ་སྶཾ ས་ལོ་ཧི་ཏཾ;
ཙ་ཏྟཱ་ཧཾ ཨུ་བྦྷ་ཏཾ བྲཱུ་མི, ཨེ་ཝཾ ཛཱ་ནཱ་ཧི ཁ་ཏྟི་ཡ.
༡༢༠. ཙི་ཉྩཱ་མཱ་ཎ་ཝི་ཀཱ མཱ་ཏཱ, དེ་ཝ་ད་ཏྟོ ཙ མེ པི་ཏཱ;
ཨཱ་ན་ནྡོ པ་ཎྜི་ཏོ ནཱ་གོ, སཱ་རི་པུ་ཏྟོ ཙ དེ་ཝ་ཏཱ;
རཱ་ཛ་པུ་ཏྟོ ཨ་ཧཾ ཨཱ་སིཾ [ཨ་ཧཾ ཏ་དཱ རཱ་ཛ་པུ་ཏྟོ (སཱི. སྱཱ. པཱི.)], ཨེ་ཝཾ དྷཱ་རེ་ཐ ཛཱ་ཏ་ཀ་ནྟི.
མ་ཧཱ་པ་དུ་མ་ཛཱ་ཏ་ཀཾ ན་ཝ་མཾ.