༤༧༡. མེ་ཎྜ་ཀ་པ་ཉྷ་ཛཱ་ཏ་ཀཾ (༨)
༩༤. ཡེ་སཾ ན ཀ་དཱ་ཙི བྷཱུ་ཏ་པུ་བྦཾ, ས་ཁྱཾ [ས་ཀྑིཾ (སཱི. པཱི.), ས་ཁི (སྱཱ.)] ས་ཏྟ་པ་ད་མྤི་མ་སྨི ལོ་ཀེ;
ཛཱ་ཏཱ ཨ་མི་ཏྟཱ དུ་ཝེ ས་ཧཱ་ཡཱ, པ་ཊི་ས་ནྡྷཱ་ཡ ཙ་ར་ནྟི ཀི་སྶ ཧེ་ཏུ.
༩༥. ཡ་དི མེ ཨ་ཛྫ པཱ་ཏ་རཱ་ས་ཀཱ་ལེ, པ་ཉྷཾ ན ས་ཀྐུ་ཎེ་ཡྻཱ་ཐ ཝ་ཏྟུ་མེ་ཏཾ;
ར་ཊྛཱ པ་བྦཱ་ཛ་ཡི་སྶཱ་མི ཝོ ས་བྦེ, ན ཧི མ་ཏྠོ དུ་པྤ་ཉྙ་ཛཱ་ཏི་ཀེ་ཧི.
༩༦. མ་ཧཱ་ཛ་ན་ས་མཱ་ག་མ་མྷི གྷོ་རེ, ཛ་ན་ཀོ་ལཱ་ཧ་ལ་ས་ངྒ་མ་མྷི ཛཱ་ཏེ;
ཝི་ཀྑི་ཏྟ་མ་ནཱ ཨ་ནེ་ཀ་ཙི་ཏྟཱ, པ་ཉྷཾ ན ས་ཀྐུ་ཎོ་མ ཝ་ཏྟུ་མེ་ཏཾ.
༩༧. ཨེ་ཀ་གྒ་ཙི་ཏྟཱ་ཝ ཨེ་ཀ་མེ་ཀཱ, ར་ཧ་སི ག་ཏཱ ཨ་ཏྠཾ ནི་ཙི་ནྟ་ཡི་ཏྭཱ [ཨ་ཏྠཱ་ནི ཙི་ནྟ་ཡི་ཏྭཱ (སྱཱ. ཀ.)];
པ་ཝི་ཝེ་ཀེ ས་མྨ་སི་ཏྭཱ་ན དྷཱི་རཱ, ཨ་ཐ ཝ་ཀྑ་ནྟི ཛ་ནི་ནྡ ཨེ་ཏ་མ་ཏྠཾ.
༩༨. ཨུ་གྒ་པུ་ཏྟ-རཱ་ཛ་པུ་ཏྟི་ཡཱ་ནཾ, ཨུ་ར་བྦྷ་སྶ མཾ་སཾ པི་ཡཾ མ་ནཱ་པཾ;
ན སུ་ན་ཁ་སྶ ཏེ ཨ་དེ་ནྟི མཾ་སཾ, ཨ་ཐ མེ་ཎྜ་སྶ སུ་ཎེ་ན ས་ཁྱ་མ་སྶ.
༩༩. ཙ་མྨཾ ཝི་ཧ་ན་ནྟི ཨེ་ལ༹་ཀ་སྶ, ཨ་སྶ་པི་ཊྛ་ཏྠ་ར་སྶུ་ཁ་སྶ [ཨ་སྶ་པི་ཊྛ་ཏྠ་ར་ཎ་སུ་ཁ་སྶ (སཱི.)] ཧེ་ཏུ;
ན ཙ ཏེ སུ་ན་ཁ་སྶ ཨ་ཏྠ་ར་ནྟི, ཨ་ཐ མེ་ཎྜ་སྶ སུ་ཎེ་ན ས་ཁྱ་མ་སྶ.
༡༠༠. ཨཱ་ཝེ་ལླི་ཏ་སི་ངྒི་ཀོ ཧི མེ་ཎྜོ, ན ཙ སུ་ན་ཁ་སྶ ཝི་སཱ་ཎ་ཀཱ་ནི ཨ་ཏྠི;
ཏི་ཎ་བྷ་ཀྑོ མཾ་ས་བྷོ་ཛ་ནོ ཙ, ཨ་ཐ མེ་ཎྜ་སྶ སུ་ཎེ་ན ས་ཁྱ་མ་སྶ.
༡༠༡. ཏི་ཎ་མཱ་སི པ་ལཱ་ས་མཱ་སི མེ་ཎྜོ, ན ཙ སུ་ན་ཁོ ཏི་ཎ་མཱ་སི ནོ པ་ལཱ་སཾ;
ག་ཎྷེ་ཡྻ སུ་ཎོ ས་སཾ བི་ལཱ༹་རཾ, ཨ་ཐ མེ་ཎྜ་སྶ སུ་ཎེ་ན ས་ཁྱ་མ་སྶ.
༡༠༢. ཨ་ཊྛ་ཌྜྷ་པ་དོ ཙ་ཏུ་པྤ་ད་སྶ, མེ་ཎྜོ ཨ་ཊྛ་ན་ཁོ ཨ་དི་སྶ་མཱ་ནོ;
ཚཱ་དི་ཡ་མཱ་ཧ་ར་ཏཱི ཨ་ཡཾ ཨི་མ་སྶ, མཾ་སཾ ཨཱ་ཧ་ར་ཏཱི ཨ་ཡཾ ཨ་མུ་སྶ.
༡༠༣. པཱ་སཱ་ད་ཝ་ར་ག་ཏོ ཝི་དེ་ཧ་སེ་ཊྛོ, ཝི་ཏི་ཧཱ་རཾ ཨ་ཉྙ་མ་ཉྙ་བྷོ་ཛ་ནཱ་ནཾ;
ཨ་དྡ་ཀྑི [ཨ་དྡ་ས (སྱཱ. ཀ.)] ཀི་ར ས་ཀྑི་ཀཾ ཛ་ནི་ནྡོ, བུ་བྷུ་ཀྐ་སྶ པུ་ཎྞཾ མུ་ཁ་སྶ [བྷོ་བྷུ་ཀྑ་སྶ ཙ པུ་ཎྞ་མུ་ཁ་སྶ (སཱི.)] ཙེ་ཏཾ.
༡༠༤. ལཱ་བྷཱ ཝ་ཏ མེ ཨ་ན་པྤ་རཱུ་པཱ, ཡ་སྶ མེ་དི་སཱ པ་ཎྜི་ཏཱ ཀུ་ལ་མྷི;
པ་ཉྷ་སྶ ག་མྦྷཱི་ར་ག་ཏཾ ནི་པུ་ཎ་མ་ཏྠཾ, པ་ཊི་ཝི་ཛ྄ཛྷ་ནྟི སུ་བྷཱ་སི་ཏེ་ན དྷཱི་རཱ.
༡༠༥. ཨ་སྶ་ཏ་རི་ར་ཐ་ཉྩ ཨེ་ཀ་མེ་ཀཾ, ཕཱི་ཏཾ གཱ་མ་ཝ་ར་ཉྩ ཨེ་ཀ་མེ་ཀཾ;
ས་བྦེ་སཾ ཝོ ད་མྨི པ་ཎྜི་ཏཱ་ནཾ, པ་ར་མ་པྤ་ཏཱི་ཏ་མ་ནོ སུ་བྷཱ་སི་ཏེ་ནཱ་ཏི.
མེ་ཎྜ་ཀ་པ་ཉྷ་ཛཱ་ཏ་ཀཾ ཨ་ཊྛ་མཾ.