༤༦༣. སུ་པྤཱ་ར་ཀ་ཛཱ་ཏ་ཀཾ (༩)
༡༠༨. ཨུ་མྨུ་ཛྫ་ནྟི ནི་མུ་ཛྫ་ནྟི, མ་ནུ་སྶཱ ཁུ་ར་ནཱ་སི་ཀཱ;
སུ་པྤཱ་ར་ཀཾ ཏཾ པུ་ཙྪཱ་མ, ས་མུ་དྡོ ཀ་ཏ་མོ ཨ་ཡཾ.
༡༠༩. ཀུ་རུ་ཀ་ཙྪཱ [བྷ་རུ་ཀ་ཙྪཱ (སཱི. སྱཱ. པཱི. ཨ་ཊྛ.)] པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
ནཱ་ཝཱ་ཡ ཝི་པྤ་ན་ཊྛཱ་ཡ, ཁུ་ར་མཱ་ལཱི་ཏི ཝུ་ཙྩ་ཏི.
༡༡༠. ཡ་ཐཱ ཨ་གྒཱི་ཝ སུ་རི་ཡོ་ཝ [ཨ་གྒི སུ་རི་ཡོ ཙ (སྱཱ.), ཨ་གྒཱི་ཝ སཱུ་རི་ཡོ (ཀ.)], ས་མུ་དྡོ པ་ཊི་དི་སྶ་ཏི;
སུ་པྤཱ་ར་ཀཾ ཏཾ པུ་ཙྪཱ་མ, ས་མུ་དྡོ ཀ་ཏ་མོ ཨ་ཡཾ.
༡༡༡. ཀུ་རུ་ཀ་ཙྪཱ པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
ནཱ་ཝཱ་ཡ ཝི་པྤ་ན་ཊྛཱ་ཡ, ཨ་གྒི་མཱ་ལཱི་ཏི ཝུ་ཙྩ་ཏི.
༡༡༢. ཡ་ཐཱ ད་དྷཱི་ཝ ཁཱི་རཾ་ཝ [ད་དྷི ཙ ཁཱི་རཾ ཙ (སྱཱ.), ཨེ་ཝ་མུ་པ་རི་པི], ས་མུ་དྡོ པ་ཊི་དི་སྶ་ཏི;
སུ་པྤཱ་ར་ཀཾ ཏཾ པུ་ཙྪཱ་མ, ས་མུ་དྡོ ཀ་ཏ་མོ ཨ་ཡཾ.
༡༡༣. ཀུ་རུ་ཀ་ཙྪཱ པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
ནཱ་ཝཱ་ཡ ཝི་པྤ་ན་ཊྛཱ་ཡ, ད་དྷི་མཱ་ལཱི་ཏི [ཁཱི་ར་མཱ་ལཱི་ཏི (ཀ.)] ཝུ་ཙྩ་ཏི.
༡༡༤. ཡ་ཐཱ ཀུ་སོ་ཝ ས་སྶོ་ཝ, ས་མུ་དྡོ པ་ཊི་དི་སྶ་ཏི;
སུ་པྤཱ་ར་ཀཾ ཏཾ པུ་ཙྪཱ་མ, ས་མུ་དྡོ ཀ་ཏ་མོ ཨ་ཡཾ.
༡༡༥. ཀུ་རུ་ཀ་ཙྪཱ པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
ནཱ་ཝཱ་ཡ ཝི་པྤ་ན་ཊྛཱ་ཡ, ཀུ་ས་མཱ་ལཱི་ཏི ཝུ་ཙྩ་ཏི.
༡༡༦. ཡ་ཐཱ ན་ལོ༹་ཝ ཝེ་ལཱུ༹་ཝ, ས་མུ་དྡོ པ་ཊི་དི་སྶ་ཏི;
སུ་པྤཱ་ར་ཀཾ ཏཾ པུ་ཙྪཱ་མ, ས་མུ་དྡོ ཀ་ཏ་མོ ཨ་ཡཾ.
༡༡༧. ཀུ་རུ་ཀ་ཙྪཱ པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
ནཱ་ཝཱ་ཡ ཝི་པྤ་ན་ཊྛཱ་ཡ, ན་ལ༹་མཱ་ལཱི་ཏི ཝུ་ཙྩ་ཏི.
༡༡༨. མ་ཧ་བྦྷ་ཡོ བྷིཾ་ས་ན་ཀོ, ས་དྡོ སུ་ཡྻ་ཏི་མཱ་ནུ་སོ [ས་མུ་དྡོ སུ་ཡྻ་ཏ’མཱ་ནུ་སོ (སཱི. པཱི. ཨ་ཊྛ.)];
ཡ་ཐཱ སོ་བྦྷོ པ་པཱ་ཏོ་ཝ, ས་མུ་དྡོ པ་ཊི་དི་སྶ་ཏི;
སུ་པྤཱ་ར་ཀཾ ཏཾ པུ་ཙྪཱ་མ, ས་མུ་དྡོ ཀ་ཏ་མོ ཨ་ཡཾ.
༡༡༩. ཀུ་རུ་ཀ་ཙྪཱ པ་ཡཱ་ཏཱ་ནཾ, ཝཱ་ཎི་ཛཱ་ནཾ དྷ་ནེ་སི་ནཾ;
ནཱ་ཝཱ་ཡ ཝི་པྤ་ན་ཊྛཱ་ཡ, བ་ལ༹་ཝཱ་མུ་ཁཱི་ཏི [ཝ་ལ༹་བྷཱ་མུ་ཁཱི་ཏི (སཱི. སྱཱ.), བ་ལ་ཝཱ་མུ་ཁཱི་ཏི (སྱཱ. ཀ.)] ཝུ་ཙྩ་ཏི.
༡༢༠. ཡ་ཏོ ས་རཱ་མི ཨ་ཏྟཱ་ནཾ, ཡ་ཏོ པ་ཏྟོ་སྨི ཝི་ཉྙུ་ཏཾ;
ནཱ་བྷི་ཛཱ་ནཱ་མི ས་ཉྩི་ཙྩ, ཨེ་ཀ་པཱ་ཎ་མྤི ཧིཾ་སི་ཏཾ;
ཨེ་ཏེ་ན ས་ཙྩ་ཝ་ཛྫེ་ན, སོ་ཏྠིཾ ནཱ་ཝཱ ནི་ཝ་ཏྟ་ཏཱུ་ཏི.
སུ་པྤཱ་ར་ཀ་ཛཱ་ཏ་ཀཾ ན་ཝ་མཾ.
ཨེ་ཀཱ་ད་ས་ཀ་ནི་པཱ་ཏཾ ནི་ཊྛི་ཏཾ.