༤༥༤. གྷ་ཊ་པ་ཎྜི་ཏ་ཛཱ་ཏ་ཀཾ (༡༦)
༡༦༥. ཨུ་ཊྛེ་ཧི ཀ་ཎྷ ཀིཾ སེ་སི, ཀོ ཨ་ཏྠོ སུ་པ་ནེ་ན ཏེ;
ཡོ་པི ཏུ་ཡ྄ཧཾ [ཏཱ་ཡཾ (པཱི.)] ས་ཀོ བྷཱ་ཏཱ, ཧ་ད་ཡཾ ཙ་ཀྑུ ཙ [ཙ་ཀྑུཾ་ཝ (པཱི.)] ད་ཀྑི་ཎཾ;
ཏ་སྶ ཝཱ་ཏཱ བ་ལཱི་ཡ་ནྟི, གྷ་ཊོ ཛ་པྤ་ཏི [ས་སཾ ཛ་པྤ་ཏི (?)] ཀེ་ས་ཝ.
༡༦༦. ཏ་སྶ ཏཾ ཝ་ཙ་ནཾ སུ་ཏྭཱ, རོ་ཧི་ཎེ་ཡྻ་སྶ ཀེ་ས་ཝོ;
ཏ་ར་མཱ་ན་རཱུ་པོ ཝུ་ཊྛཱ་སི, བྷཱ་ཏུ་སོ་ཀེ་ན ཨ་ཊྚི་ཏོ.
༡༦༧. ཀིཾ ནུ ཨུ་མྨ་ཏྟ་རཱུ་པོ་ཝ, ཀེ་ཝ་ལཾ དྭཱ་ར་ཀཾ ཨི་མཾ;
ས་སོ ས་སོ་ཏི ལ་པ་སི, ཀོ ནུ ཏེ ས་ས་མཱ་ཧ་རི.
༡༦༨. སོ་ཝ་ཎྞ་མ་ཡཾ མ་ཎཱི་མ་ཡཾ, ལོ་ཧ་མ་ཡཾ ཨ་ཐ རཱུ་པི་ཡཱ་མ་ཡཾ;
ས་ངྑ་སི་ལཱ་པ་ཝཱ་ལ༹་མ་ཡཾ, ཀཱ་ར་ཡི་སྶཱ་མི ཏེ ས་སཾ.
༡༦༩. ས་ནྟི ཨ་ཉྙེ་པི ས་ས་ཀཱ, ཨ་ར་ཉྙེ ཝ་ན་གོ་ཙ་རཱ;
ཏེ་པི ཏེ ཨཱ་ན་ཡི་སྶཱ་མི, ཀཱི་དི་སཾ ས་ས་མི་ཙྪ་སི.
༡༧༠. ན ཙཱ་ཧ་མེ་ཏེ [ན ཙཱ་ཧ་མེ་ཏཾ (སཱི.), ན ཝཱ་ཧ་མེ་ཏེ (སྱཱ.), ན ཝཱ་ཧ་མེ་ཏཾ (པཱི.)] ཨི་ཙྪཱ་མི, ཡེ ས་སཱ པ་ཐ་ཝི་སྶི་ཏཱ [པ་ཋ་ཝིཾ་སི་ཏཱ (སཱི. སྱཱ. པཱི.)];
ཙ་ནྡ་ཏོ ས་ས་མི་ཙྪཱ་མི, ཏཾ མེ ཨོ་ཧ་ར ཀེ་ས་ཝ.
༡༧༡. སོ ནཱུ་ན མ་དྷུ་རཾ ཉཱ་ཏི, ཛཱི་ཝི་ཏཾ ཝི་ཛ་ཧི་སྶ་སི;
ཨ་པ་ཏྠི་ཡཾ ཡོ པ་ཏྠ་ཡ་སི, ཙ་ནྡ་ཏོ ས་ས་མི་ཙྪ་སི.
༡༧༢. ཨེ་ཝཾ ཙེ ཀ་ཎྷ ཛཱ་ནཱ་སི, ཡ་ད་ཉྙ་མ་ནུ་སཱ་ས་སི;
ཀ་སྨཱ པུ་རེ མ་ཏཾ པུ་ཏྟཾ, ཨ་ཛྫཱ་པི མ་ནུ་སོ་ཙ་སི.
༡༧༣. ཡཾ ན ལ་བྦྷཱ མ་ནུ་སྶེ་ན, ཨ་མ་ནུ་སྶེ་ན ཝཱ པུ་ན [པ་ན (པེ. ཝ. ༢༡༥)];
ཛཱ་ཏོ མེ མཱ མ་རཱི པུ་ཏྟོ, ཀུ་ཏོ ལ་བྦྷཱ ཨ་ལ་བྦྷི་ཡཾ.
༡༧༤. ན མ་ནྟཱ མཱུ་ལ་བྷེ་ས་ཛྫཱ, ཨོ་ས་དྷེ་ཧི དྷ་ནེ་ན ཝཱ;
ས་ཀྐཱ ཨཱ་ན་ཡི་ཏུཾ ཀ་ཎྷ, ཡཾ པེ་ཏ་མ་ནུ་སོ་ཙ་སི.
༡༧༥. ཡ་སྶ ཨེ་ཏཱ་དི་སཱ ཨ་སྶུ, ཨ་མ་ཙྩཱ པུ་རི་ས་པ་ཎྜི་ཏཱ;
ཡ་ཐཱ ནི་ཛ྄ཛྷཱ་པ་ཡེ ཨ་ཛྫ, གྷ་ཊོ པུ་རི་ས་པ་ཎྜི་ཏོ.
༡༧༦. ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ, ས་བྦཾ ནི་བྦཱ་པ་ཡེ ད་རཾ.
༡༧༧. ཨ་བྦ་ཧཱི ཝ་ཏ མེ ས་ལླཾ, ཡ་མཱ་སི ཧ་ད་ཡ་སྶི་ཏཾ;
ཡོ མེ སོ་ཀ་པ་རེ་ཏ་སྶ, པུ་ཏྟ་སོ་ཀཾ ཨ་པཱ་ནུ་དི.
༡༧༨. སོ་ཧཾ ཨ་བྦཱུ་ལ༹ྷ་ས་ལློ་སྨི, ཝཱི་ཏ་སོ་ཀོ ཨ་ནཱ་ཝི་ལོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན མཱ་ཎ་ཝ [བྷཱ་ཏི་ཀ (པེ. ཝ. ༢༢༤)].
༡༧༩. ཨེ་ཝཾ ཀ་རོ་ནྟི ས་པྤ་ཉྙཱ, ཡེ ཧོ་ནྟི ཨ་ནུ་ཀ་མྤ་ཀཱ;
ནི་ཝ་ཏྟ་ཡ་ནྟི སོ་ཀ་མྷཱ, གྷ་ཊོ ཛེ་ཊྛཾ་ཝ བྷཱ་ཏ་ར་ནྟི.
གྷ་ཊ་པ་ཎྜི་ཏ་ཛཱ་ཏ་ཀཾ སོ་ལ༹་ས་མཾ.
ད་ས་ཀ་ནི་པཱ་ཏཾ ནི་ཊྛི་ཏཾ.