༤༥༣. མ་ཧཱ་མ་ངྒ་ལ་ཛཱ་ཏ་ཀཾ (༡༥)
༡༥༥. ཀིཾ་སུ ན་རོ ཛ་པྤ་མ་དྷི་ཙྩ་ཀཱ་ལེ, ཀཾ ཝཱ ཝི་ཛྫཾ ཀ་ཏ་མཾ ཝཱ སུ་ཏཱ་ནཾ;
སོ མ་ཙྩོ ཨ་སྨི་ཉྩ [ཨ་སྨིཾ་ཝ (པཱི.)] པ་ར་མྷི ལོ་ཀེ, ཀ་ཐཾ ཀ་རོ སོ་ཏྠཱ་ནེ་ན གུ་ཏྟོ.
༡༥༦. ཡ་སྶ དེ་ཝཱ པི་ཏ་རོ ཙ ས་བྦེ, ས་རཱི་ས་པཱ [སི་རིཾ་ས་པཱ (སཱི. སྱཱ. པཱི.)] ས་བྦ་བྷཱུ་ཏཱ་ནི ཙཱ་པི;
མེ་ཏྟཱ་ཡ ནི་ཙྩཾ ཨ་པ་ཙི་ཏཱ་ནི ཧོ་ནྟི, བྷཱུ་ཏེ་སུ ཝེ སོ་ཏྠཱ་ནཾ ཏ་དཱ་ཧུ.
༡༥༧. ཡོ ས་བྦ་ལོ་ཀ་སྶ ནི་ཝཱ་ཏ་ཝུ་ཏྟི, ཨི་ཏྠཱི་པུ་མཱ་ནཾ ས་ཧ་དཱ་ར་ཀཱ་ནཾ;
ཁ་ནྟཱ དུ་རུ་ཏྟཱ་ན་མ་པྤ་ཊི་ཀཱུ་ལ་ཝཱ་དཱི, ཨ་དྷི་ཝཱ་ས་ནཾ སོ་ཏྠཱ་ནཾ ཏ་དཱ་ཧུ.
༡༥༨. ཡོ ནཱ་ཝ་ཛཱ་ནཱ་ཏི ས་ཧཱ་ཡ་མི་ཏྟེ [ས་ཧཱ་ཡ་མ་ཏྟེ (སཱི. པཱི.)], སི་པྤེ་ན ཀུ་ལྱཱ་ཧི དྷ་ནེ་ན ཛ་ཙྩཱ;
རུ་ཙི་པ་ཉྙོ ཨ་ཏྠ་ཀཱ་ལེ མ་ཏཱི་མཱ [མུ་ཏཱི་མཱ (སཱི. པཱི.)], ས་ཧཱ་ཡེ་སུ ཝེ སོ་ཏྠཱ་ནཾ ཏ་དཱ་ཧུ.
༡༥༩. མི་ཏྟཱ་ནི ཝེ ཡ་སྶ བྷ་ཝ་ནྟི ས་ནྟོ, སཾ་ཝི་སྶ་ཏྠཱ ཨ་ཝི་སཾ་ཝཱ་ད་ཀ་སྶ;
ན མི་ཏྟ་དུ་བྦྷཱི སཾ་ཝི་བྷཱ་གཱི དྷ་ནེ་ན, མི་ཏྟེ་སུ ཝེ སོ་ཏྠཱ་ནཾ ཏ་དཱ་ཧུ.
༡༦༠. ཡ་སྶ བྷ་རི་ཡཱ ཏུ་ལྱ་ཝ་ཡཱ ས་མ་གྒཱ, ཨ་ནུ་བྦ་ཏཱ དྷ་མྨ་ཀཱ་མཱ པ་ཛཱ་ཏཱ [ས་ཛཱ་ཏཱ (ཀ.)];
ཀོ་ལི་ནི་ཡཱ སཱི་ལ་ཝ་ཏཱི པ་ཏི་བྦ་ཏཱ, དཱ་རེ་སུ ཝེ སོ་ཏྠཱ་ནཾ ཏ་དཱ་ཧུ.
༡༦༡. ཡ་སྶ རཱ་ཛཱ བྷཱུ་ཏ་པ་ཏི [བྷཱུ་ཏ་པ་ཏཱི (སཱི. སྱཱ. པཱི.)] ཡ་ས་སྶཱི, ཛཱ་ནཱ་ཏི སོ་ཙེ་ཡྻཾ པ་ར་ཀྐ་མ་ཉྩ;
ཨ་དྭེ་ཛ྄ཛྷ་ཏཱ སུ་ཧ་ད་ཡཾ མ་མ་ནྟི, རཱ་ཛཱུ་སུ ཝེ སོ་ཏྠཱ་ནཾ ཏ་དཱ་ཧུ.
༡༦༢. ཨ་ནྣ་ཉྩ པཱ་ན་ཉྩ ད་དཱ་ཏི ས་དྡྷོ, མཱ་ལ་ཉྩ ག་ནྡྷ་ཉྩ ཝི་ལེ་པ་ན་ཉྩ;
པ་ས་ནྣ་ཙི་ཏྟོ ཨ་ནུ་མོ་ད་མཱ་ནོ, ས་གྒེ་སུ ཝེ སོ་ཏྠཱ་ནཾ ཏ་དཱ་ཧུ.
༡༦༣. ཡ་མ་རི་ཡ་དྷ་མྨེ་ན པུ་ན་ནྟི ཝུ་དྡྷཱ, ཨཱ་རཱ་དྷི་ཏཱ ས་མ་ཙ་རི་ཡཱ་ཡ ས་ནྟོ;
བ་ཧུ་སྶུ་ཏཱ ཨི་ས་ཡོ སཱི་ལ་ཝ་ནྟོ, ཨ་ར་ཧ་ནྟ་མ་ཛ྄ཛྷེ སོ་ཏྠཱ་ནཾ ཏ་དཱ་ཧུ.
༡༦༤. ཨེ་ཏཱ་ནི ཁོ སོ་ཏྠཱ་ནཱ་ནི ལོ་ཀེ, ཝི་ཉྙུ་པྤ་ས་ཏྠཱ་ནི སུ་ཁུ་དྲ་ཡཱ་ནི [སུ་ཁི་ནྡྲི་ཡཱ་ནི (པཱི.)];
ཏཱ་ནཱི་དྷ སེ་ཝེ་ཐ ན་རོ ས་པ་ཉྙོ, ན ཧི མ་ངྒ་ལེ ཀི་ཉྩ་ན་མ་ཏྠི ས་ཙྩ་ནྟི.
མ་ཧཱ་མ་ངྒ་ལ་ཛཱ་ཏ་ཀཾ པ་ནྣ་ར་ས་མཾ.