༤༥༢. བྷཱུ་རི་པ་ཉྙ་ཛཱ་ཏ་ཀཾ (༡༤)
༡༤༥. ས་ཙྩཾ ཀི་ར ཏྭཾ ཨ་པི [ཏྭ་མྤི (སཱི.), ཏུ་ཝ་མྤི (སྱཱ.), ཏྭཾ ཨ་སི (ཀ.)] བྷཱུ་རི་པ་ཉྙ, ཡཱ ཏཱ་དི་སཱི སཱི་རི དྷི་ཏཱི མ་ཏཱི ཙ;
ན ཏཱ་ཡ་ཏེ་བྷཱ་ཝ་ཝ་སཱུ་པ་ནི་ཏཾ, ཡོ ཡ་ཝ་ཀཾ བྷུ་ཉྫ་སི ཨ་པྤ་སཱུ་པཾ.
༡༤༦. སུ་ཁཾ དུ་ཀྑེ་ན པ་རི་པཱ་ཙ་ཡ་ནྟོ, ཀཱ་ལཱ ཀཱ་ལཾ ཝི་ཙི་ནཾ ཚ་ནྡ་ཚ་ནྣོ;
ཨ་ཏྠ་སྶ དྭཱ་རཱ་ནི ཨ་ཝཱ་པུ་ར་ནྟོ, ཏེ་ནཱ་ཧཾ ཏུ་སྶཱ་མི ཡ་ཝོ་ད་ནེ་ན.
༡༤༧. ཀཱ་ལ་ཉྩ ཉ་ཏྭཱ ཨ་བྷི་ཛཱི་ཧ་ནཱ་ཡ, མ་ནྟེ་ཧི ཨ་ཏྠཾ པ་རི་པཱ་ཙ་ཡི་ཏྭཱ;
ཝི་ཛ་མྦྷི་སྶཾ སཱི་ཧ་ཝི་ཛ་མྦྷི་ཏཱ་ནི, ཏཱ་ཡི་དྡྷི་ཡཱ ད་ཀྑ་སི མཾ པུ་ནཱ་པི.
༡༤༨. སུ་ཁཱི་པི ཧེ་ཀེ [སུ་ཁཱི ཧི ཨེ་ཀེ (སཱི.), སུ་ཁཱི་ཏི ཧེ་ཀེ (?)] ན ཀ་རོ་ནྟི པཱ་པཾ, ཨ་ཝ་ཎྞ་སཾ་ས་གྒ་བྷ་ཡཱ པུ་ནེ་ཀེ;
པ་ཧཱུ ས་མཱ་ནོ ཝི་པུ་ལ་ཏྠ་ཙི་ནྟཱི, ཀིཾ་ཀཱ་ར་ཎཱ མེ ན ཀ་རོ་སི དུ་ཀྑཾ.
༡༤༩. ན པ་ཎྜི་ཏཱ ཨ་ཏྟ་སུ་ཁ་སྶ ཧེ་ཏུ, པཱ་པཱ་ནི ཀ་མྨཱ་ནི ས་མཱ་ཙ་ར་ནྟི;
དུ་ཀྑེ་ན ཕུ་ཊྛཱ ཁ་ལི་ཏཱ་པི ས་ནྟཱ, ཚ་ནྡཱ ཙ དོ་སཱ ན ཛ་ཧ་ནྟི དྷ་མྨཾ.
༡༥༠. ཡེ་ན ཀེ་ན་ཙི ཝ་ཎྞེ་ན, མུ་དུ་ནཱ དཱ་རུ་ཎེ་ན ཝཱ;
ཨུ་དྡྷ་རེ དཱི་ན་མ་ཏྟཱ་ནཾ, པ་ཙྪཱ དྷ་མྨཾ ས་མཱ་ཙ་རེ.
༡༥༡. ཡ་སྶ རུ་ཀྑ་སྶ ཚཱ་ཡཱ་ཡ, ནི་སཱི་དེ་ཡྻ ས་ཡེ་ཡྻ ཝཱ;
ན ཏ་སྶ སཱ་ཁཾ བྷ་ཉྫེ་ཡྻ, མི་ཏྟ་དུ་བྦྷོ ཧི པཱ་པ་ཀོ.
༡༥༢. ཡ་སྶཱ་པི [ཡ་སྶ ཧི (སཱི. ཀ.)] དྷ་མྨཾ པུ་རི་སོ [མ་ནུ་ཛོ (སཱི.)] ཝི་ཛ་ཉྙཱ, ཡེ ཙ་སྶ ཀ་ངྑཾ ཝི་ན་ཡ་ནྟི ས་ནྟོ;
ཏཾ ཧི་སྶ དཱི་པ་ཉྩ པ་རཱ་ཡ་ན་ཉྩ, ན ཏེ་ན མེ་ཏྟིཾ ཛ་ར་ཡེ་ཐ པ་ཉྙོ.
༡༥༣. ཨ་ལ་སོ གི་ཧཱི ཀཱ་མ་བྷོ་གཱི ན སཱ་དྷུ, ཨ་ས་ཉྙ་ཏོ པ་བྦ་ཛི་ཏོ ན སཱ་དྷུ;
རཱ་ཛཱ ན སཱ་དྷུ ཨ་ནི་ས་མྨ་ཀཱ་རཱི, ཡོ པ་ཎྜི་ཏོ ཀོ་དྷ་ནོ ཏཾ ན སཱ་དྷུ.
༡༥༤. ནི་ས་མྨ ཁ་ཏྟི་ཡོ ཀ་ཡི་རཱ, ནཱ་ནི་ས་མྨ དི་ས་མྤ་ཏི;
ནི་ས་མྨ་ཀཱ་རི་ནོ རཱ་ཛ, ཡ་སོ ཀི་ཏྟི ཙ ཝ་ཌྜྷ་ཏཱི་ཏི.
བྷཱུ་རི་པ་ཉྙ་ཛཱ་ཏ་ཀཾ ཙུ་དྡ་ས་མཾ.