༤༥༡. ཙ་ཀྐ་ཝཱ་ཀ་ཛཱ་ཏ་ཀཾ (༡༣)
༡༣༥. ཝ་ཎྞ་ཝཱ ཨ་བྷི་རཱུ་པོ་སི, གྷ་ནོ ས་ཉྫཱ་ཏ་རོ་ཧི་ཏོ;
ཙ་ཀྐ་ཝཱ་ཀ སུ་རཱུ་པོ་སི, ཝི་པྤ་ས་ནྣ་མུ་ཁི་ནྡྲི་ཡོ.
༡༣༦. པཱ་ཋཱི་ནཾ པཱ་ཝུ་སཾ མ་ཙྪཾ, བ་ལ་ཛཾ [ཝཱ་ལ་ཛཾ (སཱི. པཱི.), བ་ལ་ཛྫཾ (སྱཱ.)] མུ་ཉྫ་རོ་ཧི་ཏཾ;
ག་ངྒཱ་ཡ ཏཱི་རེ ནི་སི་ནྣོ [ག་ངྒཱ་ཏཱི་རེ ནི་སི་ནྣོ་སི (སྱཱ. ཀ.)], ཨེ་ཝཾ བྷུ་ཉྫ་སི བྷོ་ཛ་ནཾ.
༡༣༧. ན ཝཱ་ཧ་མེ་ཏཾ [ས་བྦ་ཏྠ་པི ས་མཱ་ནཾ] བྷུ་ཉྫཱ་མི, ཛ་ངྒ་ལཱ་ནོ་ད་ཀཱ་ནི ཝཱ;
ཨ་ཉྙ་ཏྲ སེ་ཝཱ་ལ་པ་ཎ་ཀཱ, ཨེ་ཏཾ [ཨ་ཉྙཾ (སྱཱ.)] མེ ས་མྨ བྷོ་ཛ་ནཾ.
༡༣༨. ན ཝཱ་ཧ་མེ་ཏཾ ས་དྡ་ཧཱ་མི, ཙ་ཀྐ་ཝཱ་ཀ་སྶ བྷོ་ཛ་ནཾ;
ཨ་ཧ་མྤི ས་མྨ བྷུ་ཉྫཱ་མི, གཱ་མེ ལོ་ཎི་ཡ་ཏེ་ལི་ཡཾ.
༡༣༩. མ་ནུ་སྶེ་སུ ཀ་ཏཾ བྷ་ཏྟཾ, སུ་ཙིཾ མཾ་སཱུ་པ་སེ་ཙ་ནཾ;
ན ཙ མེ ཏཱ་དི་སོ ཝ་ཎྞོ, ཙ་ཀྐ་ཝཱ་ཀ ཡ་ཐཱ ཏུ་ཝཾ.
༡༤༠. ས་མྤ་སྶཾ ཨ་ཏྟ་ནི ཝེ་རཾ, ཧིཾ་ས་ཡཾ [ཧིཾ་སཱ་ཡ (སྱཱ. པཱི. ཀ.)] མཱ་ནུ་སིཾ པ་ཛཾ;
ཨུ་ཏྲ་སྟོ གྷ་ས་སཱི བྷཱི་ཏོ, ཏེ་ན ཝ་ཎྞོ ཏ་ཝེ་དི་སོ.
༡༤༡. ས་བྦ་ལོ་ཀ་ཝི་རུ་དྡྷོ་སི, དྷ་ངྐ པཱ་པེ་ན ཀ་མྨུ་ནཱ;
ལ་དྡྷོ པི་ཎྜོ ན པཱི་ཎེ་ཏི, ཏེ་ན ཝ་ཎྞོ ཏ་ཝེ་དི་སོ.
༡༤༢. ཨ་ཧ་མྤི [ཨ་ཧ་ཉྩ (?)] ས་མྨ བྷུ་ཉྫཱ་མི, ཨ་ཧིཾ་སཾ ས་བྦ་པཱ་ཎི་ནཾ;
ཨ་པྤོ་སྶུ་ཀྐོ ནི་རཱ་ས་ངྐཱི, ཨ་སོ་ཀོ ཨ་ཀུ་ཏོ་བྷ་ཡོ.
༡༤༣. སོ ཀ་ར་སྶུ ཨཱ་ནུ་བྷཱ་ཝཾ, ཝཱི་ཏི་ཝ་ཏྟ་སྶུ སཱི་ལི་ཡཾ;
ཨ་ཧིཾ་སཱ་ཡ ཙ་ར ལོ་ཀེ, པི་ཡོ ཧོ་ཧི་སི མཾ་མི་ཝ.
༡༤༤. ཡོ ན ཧ་ནྟི ན གྷཱ་ཏེ་ཏི, ན ཛི་ནཱ་ཏི ན ཛཱ་པ་ཡེ;
མེ་ཏྟཾ་སོ ས་བྦ་བྷཱུ་ཏེ་སུ, ཝེ་རཾ ཏ་སྶ ན ཀེ་ན་ཙཱི་ཏི.
ཙ་ཀྐ་ཝཱ་ཀ་ཛཱ་ཏ་ཀཾ ཏེ་ར་ས་མཾ.