༤༥༠. བི་ལཱ་ར་ཀོ་སི་ཡ་ཛཱ་ཏ་ཀཾ (༡༢)
༡༢༥. ཨ་པ་ཙ་ནྟཱ་པི དི་ཙྪ་ནྟི, ས་ནྟོ ལ་དྡྷཱ་ན བྷོ་ཛ་ནཾ;
ཀི་མེ་ཝ ཏྭཾ པ་ཙ་མཱ་ནོ, ཡཾ ན ད་ཛྫཱ ན ཏཾ ས་མཾ.
༡༢༦. མ་ཙྪེ་རཱ ཙ པ་མཱ་དཱ ཙ, ཨེ་ཝཾ དཱ་ནཾ ན དི་ཡྻ་ཏི;
པུ་ཉྙཾ ཨཱ་ཀ་ངྑ་མཱ་ནེ་ན, དེ་ཡྻཾ ཧོ་ཏི ཝི་ཛཱ་ན་ཏཱ.
༡༢༧. ཡ་སྶེ་ཝ བྷཱི་ཏོ ན ད་དཱ་ཏི མ་ཙྪ་རཱི, ཏ་དེ་ཝཱ་ད་ད་ཏོ བྷ་ཡཾ;
ཛི་གྷ་ཙྪཱ ཙ པི་པཱ་སཱ ཙ, ཡ་སྶ བྷཱ་ཡ་ཏི མ་ཙྪ་རཱི;
ཏ་མེ་ཝ བཱ་ལཾ ཕུ་ས་ཏི, ཨ་སྨིཾ ལོ་ཀེ པ་ར་མྷི ཙ.
༡༢༨. ཏ་སྨཱ ཝི་ནེ་ཡྻ མ་ཙྪེ་རཾ, ད་ཛྫཱ དཱ་ནཾ མ་ལཱ་བྷི་བྷཱུ;
པུ་ཉྙཱ་ནི པ་ར་ལོ་ཀ་སྨིཾ, པ་ཏི་ཊྛཱ ཧོ་ནྟི པཱ་ཎི་ནཾ.
༡༢༩. དུ་དྡ་དཾ ད་ད་མཱ་ནཱ་ནཾ, དུ་ཀྐ་རཾ ཀ་མྨ ཀུ་བྦ་ཏཾ;
ཨ་ས་ནྟོ ནཱ་ནུ་ཀུ་བྦ་ནྟི, ས་ཏཾ དྷ་མྨོ དུ་ར་ནྣ་ཡོ.
༡༣༠. ཏ་སྨཱ ས་ཏ་ཉྩ ཨ་ས་ཏཾ [ཨ་ས་ཏ་ཉྩ (སཱི. སྱཱ. པཱི.)], ནཱ་ནཱ ཧོ་ཏི ཨི་ཏོ ག་ཏི;
ཨ་ས་ནྟོ ནི་ར་ཡཾ ཡ་ནྟི, ས་ནྟོ ས་གྒ་པ་རཱ་ཡ་ནཱ.
༡༣༡. ཨ་པྤ་སྨེ་ཀེ [ཨ་པྤ་མྤེ་ཀེ (སྱཱ.)] པ་ཝེ་ཙྪ་ནྟི, བ་ཧུ་ནེ་ཀེ ན དི་ཙྪ་རེ;
ཨ་པྤ་སྨཱ ད་ཀྑི་ཎཱ དི་ནྣཱ, ས་ཧ་སྶེ་ན ས་མཾ མི་ཏཱ.
༡༣༢. དྷ་མྨཾ ཙ་རེ ཡོ་པི ས་མུ་ཉྪ་ཀཾ ཙ་རེ, དཱ་ར་ཉྩ པོ་སཾ ད་ད་མ་པྤ་ཀ་སྨིཾ [ད་དཾ ཨ་པྤ་ཀ་སྨི་པི (པཱི.)];
ས་ཏཾ ས་ཧ་སྶཱ་ནཾ ས་ཧ་སྶ་ཡཱ་གི་ནཾ, ཀ་ལ་མྤི ནཱ་གྒྷ་ནྟི ཏ་ཐཱ་ཝི་དྷ་སྶ ཏེ.
༡༣༣. ཀེ་ནེ་ས ཡ་ཉྙོ ཝི་པུ་ལོ མ་ཧ་གྒྷ་ཏོ [མ་ཧ་གྒ་ཏོ (སཾ. ནི. ༡.༣༢)], ས་མེ་ན དི་ནྣ་སྶ ན ཨ་གྒྷ་མེ་ཏི;
ཀ་ཐཾ ས་ཏཾ ས་ཧ་སྶཱ་ནཾ [ཀ་ཐཾ ས་ཧ་སྶཱ་ནཾ (སཱི. སྱཱ. པཱི.)] ས་ཧ་སྶ་ཡཱ་གི་ནཾ, ཀ་ལ་མྤི ནཱ་གྒྷ་ནྟི ཏ་ཐཱ་ཝི་དྷ་སྶ ཏེ.
༡༣༤. ད་ད་ནྟི ཧེ་ཀེ ཝི་ས་མེ ནི་ཝི་ཊྛཱ, ཚེ་ཏྭཱ [ཛྷ་ཏྭཱ (སཱི. པཱི.), གྷ་ཏྭཱ (སྱཱ.)] ཝ་དྷི་ཏྭཱ ཨ་ཐ སོ་ཙ་ཡི་ཏྭཱ;
སཱ ད་ཀྑི་ཎཱ ཨ་སྶུ་མུ་ཁཱ ས་ད་ཎྜཱ, ས་མེ་ན དི་ནྣ་སྶ ན ཨ་གྒྷ་མེ་ཏི;
ཨེ་ཝཾ ས་ཏཾ ས་ཧ་སྶཱ་ནཾ [ཨེ་ཝཾ ས་ཧ་སྶཱ་ནཾ (སཱི. སྱཱ. པཱི.)] ས་ཧ་སྶ་ཡཱ་གི་ནཾ, ཀ་ལ་མྤི ནཱ་གྒྷ་ནྟི ཏ་ཐཱ་ཝི་དྷ་སྶ ཏེ་ཏི.
བི་ལཱ་ར་ཀོ་སི་ཡ་ཛཱ་ཏ་ཀཾ དྭཱ་ད་ས་མཾ.