༤༤༩. མ་ཊྛ་ཀུ་ཎྜ་ལཱི་ཛཱ་ཏ་ཀཾ (༡༡)
༡༡༥. ཨ་ལ་ངྐ་ཏོ མ་ཊྛ་ཀུ་ཎྜ་ལཱི [མ་ཊྚ་ཀུ་ཎྜ་ལཱི (སཱི. པཱི.)], མཱ་ལ་དྷཱ་རཱི [མཱ་ལ་བྷཱ་རཱི (སཱི. པཱི.)] ཧ་རི་ཙ་ནྡ་ནུ་སྶ་དོ;
བཱ་ཧཱ པ་གྒ་ཡ྄ཧ ཀ་ནྡ་སི, ཝ་ན་མ་ཛ྄ཛྷེ ཀིཾ དུ་ཀྑི་ཏོ ཏུ་ཝཾ.
༡༡༦. སོ་ཝ་ཎྞ་མ་ཡོ པ་བྷ་སྶ་རོ, ཨུ་པྤ་ནྣོ ར་ཐ་པ་ཉྫ་རོ མ་མ;
ཏ་སྶ ཙ་ཀྐ་ཡུ་གཾ ན ཝི་ནྡཱ་མི, ཏེ་ན དུ་ཀྑེ་ན ཛ་ཧཱ་མི ཛཱི་ཝི་ཏཾ.
༡༡༧. སོ་ཝ་ཎྞ་མ་ཡཾ མ་ཎཱི་མ་ཡཾ, ལོ་ཧ་མ་ཡཾ ཨ་ཐ རཱུ་པི་ཡཱ་མ་ཡཾ;
[ཨཱ་ཙི་ཀྑ མེ བྷ་དྡ་མཱ་ཎ་ཝ (ཝི. ཝ. ༡༢༠༩)] པཱ་ཝ་ད ར་ཐཾ ཀ་རི་སྶཱ་མི [ཀཱ་ར་ཡཱ་མི (སཱི. པཱི.)] ཏེ [ཨཱ་ཙི་ཀྑ མེ བྷ་དྡ་མཱ་ཎ་ཝ (ཝི. ཝ. ༡༢༠༩)], ཙ་ཀྐ་ཡུ་གཾ པ་ཊི་པཱ་ད་ཡཱ་མི ཏཾ.
༡༡༨. སོ [ཨ་ཐ (སྱཱ.)] མཱ་ཎ་ཝོ ཏ་སྶ པཱ་ཝ་དི, ཙ་ནྡི་མ་སཱུ་རི་ཡཱ [ཙ་ནྡི་མ་སཱུ་རི་ཡཱ (སྱཱ.)] ཨུ་བྷ་ཡེ་ཏྠ བྷཱ་ཏ་རོ [དི་སྶ་རེ (ཝི. ཝ. ༡༢༡༠)];
སོ་ཝ་ཎྞ་མ་ཡོ ར་ཐོ མ་མ, ཏེ་ན ཙ་ཀྐ་ཡུ་གེ་ན སོ་བྷ་ཏི.
༡༡༩. བཱ་ལོ ཁོ ཏྭཾ་སི མཱ་ཎ་ཝ, ཡོ ཏྭཾ པ་ཏྠ་ཡ་སེ ཨ་པ་ཏྠི་ཡཾ;
མ་ཉྙཱ་མི ཏུ་ཝཾ མ་རི་སྶ་སི, ན ཧི ཏྭཾ ལ་ཙྪ་སི ཙ་ནྡ་སཱུ་རི་ཡེ.
༡༢༠. ག་མ་ནཱ་ག་མ་ན་མྤི དི་སྶ་ཏི, ཝ་ཎྞ་དྷཱ་ཏུ ཨུ་བྷ་ཡེ་ཏྠ ཝཱི་ཐི་ཡོ;
པེ་ཏོ པ་ན ནེ་ཝ དི་སྶ་ཏི, ཀོ ནུ ཁོ [ཀོ ནི་དྷ (ཝི. ཝ. ༡༢༡༢)] ཀ་ནྡ་ཏཾ བཱ་ལྱ་ཏ་རོ.
༡༢༡. ས་ཙྩཾ ཁོ ཝ་དེ་སི མཱ་ཎ་ཝ, ཨ་ཧ་མེ་ཝ ཀ་ནྡ་ཏཾ བཱ་ལྱ་ཏ་རོ;
ཙ་ནྡཾ ཝི་ཡ དཱ་ར་ཀོ རུ་དཾ, པེ་ཏཾ ཀཱ་ལ་ཀ་ཏཱ་བྷི་པ་ཏྠ་ཡེ.
༡༢༢. ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ, ས་བྦཾ ནི་བྦཱ་པ་ཡེ ད་རཾ.
༡༢༣. ཨ་བྦ་ཧཱི [ཨ་བྦུ་ཧི (སྱཱ.), ཨ་བྦྷུ་ལ༹ྷཾ (ཀ.)] ཝ་ཏ མེ ས་ལླཾ, ཡ་མཱ་སི ཧ་ད་ཡ་སྶི་ཏཾ [སོ་ཀཾ ཧ་ད་ཡ་ནི་སྶི་ཏཾ (ཝི. ཝ. ༡༢༡༥)];
ཡོ མེ སོ་ཀ་པ་རེ་ཏ་སྶ, པུ་ཏྟ་སོ་ཀཾ ཨ་པཱ་ནུ་དི.
༡༢༤. སོ་ཧཾ ཨ་བྦཱུ་ལ༹ྷ་ས་ལློ་སྨི, ཝཱི་ཏ་སོ་ཀོ ཨ་ནཱ་ཝི་ལོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན མཱ་ཎ་ཝཱ་ཏི.
མ་ཊྛ་ཀུ་ཎྜ་ལཱི་ཛཱ་ཏ་ཀཾ ཨེ་ཀཱ་ད་ས་མཾ.