༤༤༨. ཀུ་ཀྐུ་ཊ་ཛཱ་ཏ་ཀཾ (༡༠)
༡༠༤. ནཱ་སྨ་སེ ཀ་ཏ་པཱ་པ་མྷི, ནཱ་སྨ་སེ ཨ་ལི་ཀ་ཝཱ་དི་ནེ;
ནཱ་སྨ་སེ ཨ་ཏྟ་ཏྠ་པ་ཉྙ་མྷི, ཨ་ཏི་ས་ནྟེ་པི ནཱ་སྨ་སེ.
༡༠༥. བྷ་ཝ་ནྟི ཧེ་ཀེ པུ་རི་སཱ, གོ་པི་པཱ་སི་ཀ་ཛཱ་ཏི་ཀཱ [གོ་པི་པཱ་ས་ཀ་ཛཱ་ཏི་ཀཱ (སཱི. སྱཱ. པཱི.)];
གྷ་ས་ནྟི མ་ཉྙེ མི་ཏྟཱ་ནི, ཝཱ་ཙཱ་ཡ ན ཙ ཀ་མྨུ་ནཱ.
༡༠༦. སུ་ཀྑ་ཉྫ་ལི་པ་གྒ་ཧི་ཏཱ, ཝཱ་ཙཱ་ཡ པ་ལི་གུ་ཎྛི་ཏཱ;
མ་ནུ་སྶ་ཕེ་གྒཱུ ནཱ་སཱི་དེ, ཡ་སྨིཾ ན་ཏྠི ཀ་ཏ་ཉྙུ་ཏཱ.
༡༠༧. ན ཧི ཨ་ཉྙ་ཉྙ་ཙི་ཏྟཱ་ནཾ, ཨི་ཏྠཱི་ནཾ པུ་རི་སཱ་ན ཝཱ;
ནཱ་ནཱ་ཝི་ཀ་ཏྭཱ [ནཱ་ནཱ་ཝ ཀ་ཏྭཱ (སཱི. པཱི.)] སཾ་ས་གྒཾ, ཏཱ་དི་ས་མྤི ཙ ནཱ་སྨ་སེ [ཏཱ་དི་ས་མྤི ན ཝི་སྶ་སེ (སྱཱ.)].
༡༠༨. ཨ་ན་རི་ཡ་ཀ་མྨ་མོ་ཀྐ་ནྟཾ, ཨ་ཐེ་ཏཾ [ཨ་ཏྠེ་ཏཾ (སཱི. སྱཱ. པཱི.)] ས་བྦ་གྷཱ་ཏི་ནཾ;
ནི་སི་ཏཾ་ཝ པ་ཊི་ཙྪ་ནྣཾ, ཏཱ་དི་ས་མྤི ཙ ནཱ་སྨ་སེ.
༡༠༩. མི་ཏྟ་རཱུ་པེ་ནི་དྷེ་ཀ་ཙྩེ, སཱ་ཁ་ལྱེ་ན ཨ་ཙེ་ཏ་སཱ;
ཝི་ཝི་དྷེ་ཧི ཨུ་པཱ་ཡ་ནྟི, ཏཱ་དི་ས་མྤི ཙ ནཱ་སྨ་སེ.
༡༡༠. ཨཱ་མི་སཾ ཝཱ དྷ་ནཾ ཝཱ་པི, ཡ་ཏྠ པ་སྶ་ཏི ཏཱ་དི་སོ;
དུ་བྦྷིཾ ཀ་རོ་ཏི དུ་མྨེ་དྷོ, ཏ་ཉྩ ཧ་ནྟྭཱ་ན [ཛྷཱ་ཏྭཱ་ན (སཱི. པཱི.), ཧི་ཏྭཱ་ན (སྱཱ.)] ག་ཙྪ་ཏི.
༡༡༡. མི་ཏྟ་རཱུ་པེ་ན བ་ཧ་ཝོ, ཚ་ནྣཱ སེ་ཝ་ནྟི ས་ཏྟ་ཝོ;
ཛ་ཧེ ཀཱ་པུ་རི་སེ ཧེ་ཏེ, ཀུ་ཀྐུ་ཊོ ཝི་ཡ སེ་ན་ཀཾ.
༡༡༢. ཡོ ཙ [ཡོ་དྷ (ཛཱ. ༡.༨.༢༥ སུ་ལ་སཱ་ཛཱ་ཏ་ཀེ)] ཨུ་པྤ་ཏི་ཏཾ ཨ་ཏྠཾ, ན ཁི་པྤ་མ་ནུ་བུ་ཛ྄ཛྷ་ཏི;
ཨ་མི་ཏྟ་ཝ་ས་མ་ནྭེ་ཏི, པ་ཙྪཱ ཙ ཨ་ནུ་ཏ་པྤ་ཏི.
༡༡༣. ཡོ ཙ ཨུ་པྤ་ཏི་ཏཾ ཨ་ཏྠཾ, ཁི་པྤ་མེ་ཝ ནི་བོ་དྷ་ཏི;
མུ་ཙྩ་ཏེ ས་ཏྟུ་ས་མྦཱ་དྷཱ, ཀུ་ཀྐུ་ཊོ ཝི་ཡ སེ་ན་ཀཱ;
༡༡༤. ཏཾ ཏཱ་དི་སཾ ཀཱུ་ཊ་མི་ཝོ་ཌྜི་ཏཾ ཝ་ནེ, ཨ་དྷ་མྨི་ཀཾ ནི་ཙྩ་ཝི་དྷཾ་ས་ཀཱ་རི་ནཾ;
ཨཱ་རཱ ཝི་ཝ་ཛྫེ་ཡྻ ན་རོ ཝི་ཙ་ཀྑ་ཎོ, སེ་ནཾ ཡ་ཐཱ ཀུ་ཀྐུ་ཊོ ཝཾ་ས་ཀཱ་ན་ནེ་ཏི.
ཀུ་ཀྐུ་ཊ་ཛཱ་ཏ་ཀཾ ད་ས་མཾ.