༤༤༧. མ་ཧཱ་དྷ་མྨ་པཱ་ལ་ཛཱ་ཏ་ཀཾ (༩)
༩༢. ཀིཾ ཏེ ཝ་ཏཾ ཀིཾ པ་ན བྲ་ཧྨ་ཙ་རི་ཡཾ, ཀི་སྶ སུ་ཙི་ཎྞ་སྶ ཨ་ཡཾ ཝི་པཱ་ཀོ;
ཨ་ཀྑཱ་ཧི མེ བྲཱ་ཧྨ་ཎ ཨེ་ཏ་མ་ཏྠཾ, ཀ་སྨཱ ནུ ཏུ་མྷཾ ད་ཧ་རཱ ན མི་ཡྻ་རེ [མཱི་ཡ་རེ (སཱི. པཱི.)].
༩༣. དྷ་མྨཾ ཙ་རཱ་མ ན མུ་སཱ བྷ་ཎཱ་མ, པཱ་པཱ་ནི ཀ་མྨཱ་ནི པ་རི་ཝ་ཛྫ་ཡཱ་མ [ཝི་ཝ་ཛྫ་ཡཱ་མ (སཱི. སྱཱ. པཱི.)];
ཨ་ན་རི་ཡཾ པ་རི་ཝ་ཛྫེ་མུ ས་བྦཾ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༩༤. སུ་ཎོ་མ དྷ་མྨཾ ཨ་ས་ཏཾ ས་ཏ་ཉྩ, ན ཙཱ་པི དྷ་མྨཾ ཨ་ས་ཏཾ རོ་ཙ་ཡཱ་མ;
ཧི་ཏྭཱ ཨ་ས་ནྟེ ན ཛ་ཧཱ་མ ས་ནྟེ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༩༥. པུ་བྦེ་ཝ དཱ་ནཱ སུ་མ་ནཱ བྷ་ཝཱ་མ, ད་ད་མྤི ཝེ ཨ་ཏྟ་མ་ནཱ བྷ་ཝཱ་མ;
ད་ཏྭཱ་པི ཝེ ནཱ་ནུ་ཏ་པྤཱ་མ པ་ཙྪཱ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༩༦. ས་མ་ཎེ མ་ཡཾ བྲཱ་ཧྨ་ཎེ ཨ་དྡྷི་ཀེ ཙ, ཝ་ནི་བྦ་ཀེ ཡཱ་ཙ་ན་ཀེ ད་ལི་དྡེ;
ཨ་ནྣེ་ན པཱ་ནེ་ན ཨ་བྷི་ཏ་པྤ་ཡཱ་མ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༩༧. མ་ཡ་ཉྩ བྷ་རི་ཡཾ ནཱ་ཏི་ཀྐ་མཱ་མ, ཨ་མྷེ ཙ བྷ་རི་ཡཱ ནཱ་ཏི་ཀྐ་མ་ནྟི;
ཨ་ཉྙ་ཏྲ ཏཱ་ཧི བྲ་ཧྨ་ཙ་རི་ཡཾ ཙ་རཱ་མ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༩༨. པཱ་ཎཱ་ཏི་པཱ་ཏཱ ཝི་ར་མཱ་མ ས་བྦེ, ལོ་ཀེ ཨ་དི་ནྣཾ པ་རི་ཝ་ཛྫ་ཡཱ་མ;
ཨ་མ་ཛྫ་པཱ ནོ་པི མུ་སཱ བྷ་ཎཱ་མ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༩༩. ཨེ་ཏཱ་སུ ཝེ ཛཱ་ཡ་རེ སུ་ཏྟ་མཱ་སུ, མེ་དྷཱ་ཝི་ནོ ཧོ་ནྟི པ་ཧཱུ་ཏ་པ་ཉྙཱ;
བ་ཧུ་སྶུ་ཏཱ ཝེ་ད་གུ་ནོ [ཝེ་ད་གུ་ཎཱ (སྱཱ. ཀ.)] ཙ ཧོ་ནྟི, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༡༠༠. མཱ་ཏཱ པི་ཏཱ ཙ [མཱ་ཏཱ ཙ པི་ཏཱ (ཀ.), མཱ་ཏཱ་པི་ཏ་རཱ (སྱཱ.)] བྷ་གི་ནཱི བྷཱ་ཏ་རོ ཙ, པུ་ཏྟཱ ཙ དཱ་རཱ ཙ མ་ཡ་ཉྩ ས་བྦེ;
དྷ་མྨཾ ཙ་རཱ་མ པ་ར་ལོ་ཀ་ཧེ་ཏུ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༡༠༡. དཱ་སཱ ཙ དཱ་སྱོ [དཱ་སྶོ (སཱི. པཱི.), དཱ་སཱི (སྱཱ.)] ཨ་ནུ་ཛཱི་ཝི་ནོ ཙ, པ་རི་ཙཱ་ར་ཀཱ ཀ་མྨ་ཀ་རཱ ཙ ས་བྦེ;
དྷ་མྨཾ ཙ་ར་ནྟི པ་ར་ལོ་ཀ་ཧེ་ཏུ, ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ.
༡༠༢. དྷ་མྨོ ཧ་ཝེ ར་ཀྑ་ཏི དྷ་མྨ་ཙཱ་རིཾ, དྷ་མྨོ སུ་ཙི་ཎྞོ སུ་ཁ་མཱ་ཝ་ཧཱ་ཏི;
ཨེ་སཱ་ནི་སཾ་སོ དྷ་མྨེ སུ་ཙི་ཎྞེ, ན དུ་གྒ་ཏིཾ ག་ཙྪ་ཏི དྷ་མྨ་ཙཱ་རཱི.
༡༠༣. དྷ་མྨོ ཧ་ཝེ ར་ཀྑ་ཏི དྷ་མྨ་ཙཱ་རིཾ, ཚ་ཏྟཾ མ་ཧ་ནྟཾ ཝི་ཡ ཝ་སྶ་ཀཱ་ལེ;
དྷ་མྨེ་ན གུ་ཏྟོ མ་མ དྷ་མྨ་པཱ་ལོ, ཨ་ཉྙ་སྶ ཨ་ཊྛཱི་ནི སུ་ཁཱི ཀུ་མཱ་རོ་ཏི.
མ་ཧཱ་དྷ་མྨ་པཱ་ལ་ཛཱ་ཏ་ཀཾ ན་ཝ་མཾ.