༦. ཨ་སུ་བྷཱ་ནུ་པ་སྶཱི་སུ་ཏྟཾ

༨༥. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨ་སུ་བྷཱ་ནུ་པ་སྶཱི, བྷི་ཀྑ་ཝེ, ཀཱ་ཡ་སྨིཾ ཝི་ཧ་ར་ཐ; ཨཱ་ནཱ་པཱ་ན་སྶ་ཏི ཙ ཝོ ཨ་ཛ྄ཛྷ་ཏྟཾ པ་རི་མུ་ཁཾ སཱུ་པ་ཊྛི་ཏཱ ཧོ་ཏུ; ས་བྦ་ས་ངྑཱ་རེ་སུ ཨ་ནི་ཙྩཱ་ནུ་པ་སྶི་ནོ ཝི་ཧ་ར་ཐ. ཨ་སུ་བྷཱ་ནུ་པ་སྶཱི་ནཾ, བྷི་ཀྑ་ཝེ, ཀཱ་ཡ་སྨིཾ ཝི་ཧ་ར་ཏཾ ཡོ སུ་བྷཱ་ཡ དྷཱ་ཏུ་ཡཱ རཱ་གཱ་ནུ་ས་ཡོ སོ པ་ཧཱི་ཡ་ཏི [པ་ཧི་ཡྻ་ཏི (ཀ.)]. ཨཱ་ནཱ་པཱ་ན་སྶ་ཏི་ཡཱ ཨ་ཛ྄ཛྷ་ཏྟཾ པ་རི་མུ་ཁཾ སཱུ་པ་ཊྛི་ཏི་ཏཱ་ཡ ཡེ བཱ་ཧི་རཱ ཝི་ཏ་ཀྐཱ་ས་ཡཱ ཝི་གྷཱ་ཏ་པ་ཀྑི་ཀཱ, ཏེ ན ཧོ་ནྟི. ས་བྦ་ས་ངྑཱ་རེ་སུ ཨ་ནི་ཙྩཱ་ནུ་པ་སྶཱི་ནཾ ཝི་ཧ་ར་ཏཾ ཡཱ ཨ་ཝི་ཛྫཱ སཱ པ་ཧཱི་ཡ་ཏི, ཡཱ ཝི་ཛྫཱ སཱ ཨུ་པྤ་ཛྫ་ཏཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨ་སུ་བྷཱ་ནུ་པ་སྶཱི ཀཱ་ཡ་སྨིཾ, ཨཱ་ནཱ་པཱ་ནེ པ་ཊི་སྶ་ཏོ;

ས་བྦ་ས་ངྑཱ་ར་ས་མ་ཐཾ, པ་སྶཾ ཨཱ་ཏཱ་པི ས་བྦ་དཱ.

‘‘ས ཝེ ས་མྨ་དྡ་སོ བྷི་ཀྑུ, ཡ་ཏོ ཏ་ཏྠ ཝི་མུ་ཙྩ་ཏི;

ཨ་བྷི་ཉྙཱ་ཝོ་སི་ཏོ ས་ནྟོ, ས ཝེ ཡོ་གཱ་ཏི་གོ མུ་ནཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཚ་ཊྛཾ.