༧. དྷ་མྨཱ་ནུ་དྷ་མྨ་པ་ཊི་པ་ནྣ་སུ་ཏྟཾ

༨༦. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘དྷ་མྨཱ་ནུ་དྷ་མྨ་པ་ཊི་པ་ནྣ་སྶ བྷི་ཀྑུ་ནོ ཨ་ཡ་མ་ནུ་དྷ་མྨོ ཧོ་ཏི ཝེ་ཡྻཱ་ཀ་ར་ཎཱ་ཡ – དྷ་མྨཱ་ནུ་དྷ་མྨ་པ་ཊི་པ་ནྣོ་ཡ་ནྟི བྷཱ་ས་མཱ་ནོ དྷ་མྨ་ཉྙེ་ཝ བྷཱ་ས་ཏི ནོ ཨ་དྷ་མྨཾ, ཝི་ཏ་ཀྐ་ཡ་མཱ་ནོ ཝཱ དྷ་མྨ་ཝི་ཏ་ཀྐ་ཉྙེ་ཝ ཝི་ཏ་ཀྐེ་ཏི ནོ ཨ་དྷ་མྨ་ཝི་ཏ་ཀྐཾ, ཏ་དུ་བྷ་ཡཾ ཝཱ པ་ན ཨ་བྷི་ནི་ཝེ་ཛྫེ་ཏྭཱ ཨུ་པེ་ཀྑ་ཀོ ཝི་ཧ་ར་ཏི ས་ཏོ ས་མྤ་ཛཱ་ནོ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘དྷ་མྨཱ་རཱ་མོ དྷ་མྨ་ར་ཏོ, དྷ་མྨཾ ཨ་ནུ་ཝི་ཙི་ནྟ་ཡཾ;

དྷ་མྨཾ ཨ་ནུ་སྶ་རཾ བྷི་ཀྑུ, ས་དྡྷ་མྨཱ ན པ་རི་ཧཱ་ཡ་ཏི.

‘‘ཙ་རཾ ཝཱ ཡ་དི ཝཱ ཏི་ཊྛཾ, ནི་སི་ནྣོ ཨུ་ད ཝཱ ས་ཡཾ;

ཨ་ཛ྄ཛྷ་ཏྟཾ ས་མ་ཡཾ ཙི་ཏྟཾ, ས་ནྟི་མེ་ཝཱ་དྷི་ག་ཙྪ་ཏཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ས་ཏྟ་མཾ.