༡༡. ཀ་ཎྷ་དཱི་པཱ་ཡ་ན་ཙ་རི་ཡཱ
༩༢. ‘‘པུ་ནཱ་པ་རཾ ཡ་དཱ ཧོ་མི, ཀ་ཎྷ་དཱི་པཱ་ཡ་ནོ ཨི་སི;
པ་རོ་པ་ཉྙཱ་ས་ཝ་སྶཱ་ནི, ཨ་ན་བྷི་ར་ཏོ་ཙ་རིཾ ཨ་ཧཾ.
༩༣. ‘‘ན ཀོ་ཙི ཨེ་ཏཾ ཛཱ་ནཱ་ཏི, ཨ་ན་བྷི་ར་ཏི་མ་ནཾ མ་མ;
ཨ་ཧ་ཉྷི ཀ་སྶ་ཙི ནཱ་ཙི་ཀྑིཾ, ཨ་ར་ཏི མེ ཙ་ར་ཏི མཱ་ན་སེ.
༩༤. ‘‘ས་བྲ་ཧྨ་ཙཱ་རཱི མ་ཎྜ་བྱོ, ས་ཧཱ་ཡོ མེ མ་ཧཱ་ཨི་སི;
པུ་བྦ་ཀ་མྨ་ས་མཱ་ཡུ་ཏྟོ, སཱུ་ལ་མཱ་རོ་པ་ནཾ ལ་བྷི.
༩༥. ‘‘ཏ་མ་ཧཾ ཨུ་པ་ཊྛ་ཧི་ཏྭཱ་ན, ཨཱ་རོ་གྱ་མ་ནུ་པཱ་པ་ཡིཾ;
ཨཱ་པུ་ཙྪི་ཏྭཱ་ན ཨཱ་ག་ཉྪིཾ, ཡཾ མ་ཡ྄ཧཾ ས་ཀ་མ་སྶ་མཾ.
༩༦. ‘‘ས་ཧཱ་ཡོ བྲཱ་ཧྨ་ཎོ མ་ཡ྄ཧཾ, བྷ་རི་ཡཾ ཨཱ་དཱ་ཡ པུ་ཏྟ་ཀཾ;
ཏ་ཡོ ཛ་ནཱ ས་མཱ་ག་ནྟྭཱ, ཨཱ་ག་ཉྪུཾ པཱ་ཧུ་ནཱ་ག་ཏཾ.
༩༧. ‘‘ས་མྨོ་ད་མཱ་ནོ ཏེ་ཧི ས་ཧ, ནི་སི་ནྣོ ས་ཀ་མ་སྶ་མེ;
དཱ་ར་ཀོ ཝ་ཊྚ་མ་ནུ་ཀྑི་པཾ, ཨཱ་སཱི་ཝི་ས་མ་ཀོ་པ་ཡི.
༩༨. ‘‘ཏ་ཏོ སོ ཝ་ཊྚ་ག་ཏཾ མ་གྒཾ, ཨ་ནྭེ་ས་ནྟོ ཀུ་མཱ་ར་ཀོ;
ཨཱ་སཱི་ཝི་ས་སྶ ཧ་ཏྠེ་ན, ཨུ་ཏྟ་མ་ངྒཾ པ་རཱ་མ་སི.
༩༩. ‘‘ཏ་སྶ ཨཱ་མ་ས་ནེ ཀུ་དྡྷོ, ས་པྤོ ཝི་ས་བ་ལ་སྶི་ཏོ;
ཀུ་པི་ཏོ པ་ར་མ་ཀོ་པེ་ན, ཨ་ཌཾ་སི དཱ་ར་ཀཾ ཁ་ཎེ.
༡༠༠. ‘‘ས་ཧ་ད་ཊྛོ ཨཱ་སཱི་ཝི་སེ་ན [ཨ་ཏི་ཝི་སེ་ན (པཱི. ཀ.)], དཱ་ར་ཀོ པ་པ་ཏི [པ་ཏ་ཏི (ཀ.)] བྷཱུ་མི་ཡཾ;
ཏེ་ནཱ་ཧཾ དུ་ཀྑི་ཏོ ཨཱ་སིཾ, མ་མ ཝཱ་ཧ་སི ཏཾ དུ་ཀྑཾ.
༡༠༡. ‘‘ཏྱཱ་ཧཾ ཨ་སྶཱ་ས་ཡི་ཏྭཱ་ན, དུ་ཀྑི་ཏེ སོ་ཀ་ས་ལླི་ཏེ;
པ་ཋ་མཾ ཨ་ཀཱ་སིཾ ཀི་རི་ཡཾ, ཨ་གྒཾ ས་ཙྩཾ ཝ་རུ་ཏྟ་མཾ.
༡༠༢. ‘‘‘ས་ཏྟཱ་ཧ་མེ་ཝཱ་ཧཾ པ་ས་ནྣ་ཙི་ཏྟོ, པུ་ཉྙ་ཏྠི་ཀོ ཨ་ཙ་རིཾ བྲ་ཧྨ་ཙ་རི་ཡཾ;
ཨ་ཐཱ་པ་རཾ ཡཾ ཙ་རི་ཏཾ མ་མེ་དཾ, ཝ་སྶཱ་ནི པ་ཉྙཱ་ས་ས་མཱ་དྷི་ཀཱ་ནི.
༡༠༣. ‘‘‘ཨ་ཀཱ་མ་ཀོ ཝཱ་ཧི ཨ་ཧཾ ཙ་རཱ་མི, ཨེ་ཏེ་ན ས་ཙྩེ་ན སུ་ཝ་ཏྠི ཧོ་ཏུ;
ཧ་ཏཾ ཝི་སཾ ཛཱི་ཝ་ཏུ ཡ་ཉྙ་ད་ཏྟོ’.
༡༠༤. ‘‘ས་ཧ ས་ཙྩེ ཀ་ཏེ མ་ཡ྄ཧཾ, ཝི་ས་ཝེ་གེ་ན ཝེ་དྷི་ཏོ;
ཨ་བུ་ཛ྄ཛྷི་ཏྭཱ་ན ཝུ་ཊྛཱ་སི, ཨ་རོ་གོ ཙཱ་སི མཱ་ཎ་ཝོ;
ས་ཙྩེ་ན མེ ས་མོ ན་ཏྠི, ཨེ་སཱ མེ ས་ཙྩ་པཱ་ར་མཱི’’ཏི.
ཀ་ཎྷ་དཱི་པཱ་ཡ་ན་ཙ་རི་ཡཾ ཨེ་ཀཱ་ད་ས་མཾ.