༡༢. སུ་ཏ་སོ་མ་ཙ་རི་ཡཱ
༡༠༥. ‘‘པུ་ནཱ་པ་རཾ ཡ་དཱ ཧོ་མི, སུ་ཏ་སོ་མོ མ་ཧཱི་པ་ཏི;
ག་ཧི་ཏོ པོ་རི་སཱ་དེ་ན, བྲཱ་ཧྨ་ཎེ ས་ངྒ་རཾ ས་རིཾ.
༡༠༦. ‘‘ཁ་ཏྟི་ཡཱ་ནཾ ཨེ་ཀ་ས་ཏཾ, ཨཱ་ཝུ་ཎི་ཏྭཱ ཀ་ར་ཏྟ་ལེ;
ཨེ་ཏེ་སཾ པ་མི་ལཱ་པེ་ཏྭཱ, ཡ་ཉྙ་ཏྠེ ཨུ་པ་ན་ཡཱི མ་མཾ.
༡༠༧. ‘‘ཨ་པུ་ཙྪི མཾ པོ་རི་སཱ་དོ, ‘ཀིཾ ཏྭཾ ཨི་ཙྪ་སི ནི་སྶ་ཛཾ;
ཡ་ཐཱ་མ་ཏི ཏེ ཀཱ་ཧཱ་མི, ཡ་དི མེ ཏྭཾ པུ་ནེ་ཧི་སི’.
༡༠༨. ‘‘ཏ་སྶ པ་ཊི་སྶུ་ཎི་ཏྭཱ་ན, པ་ཎྷེ ཨཱ་ག་མ་ནཾ མ་མ;
ཨུ་པ་ག་ནྟྭཱ པུ་རཾ ར་མྨཾ, ར་ཛྫཾ ནི་ཡྻཱ་ད་ཡིཾ ཏ་དཱ.
༡༠༩. ‘‘ཨ་ནུ་སྶ་རི་ཏྭཱ ས་ཏཾ དྷ་མྨཾ, པུ་བྦ་ཀཾ ཛི་ན་སེ་ཝི་ཏཾ;
བྲཱ་ཧྨ་ཎ་སྶ དྷ་ནཾ ད་ཏྭཱ, པོ་རི་སཱ་དཾ ཨུ་པཱ་ག་མིཾ.
༡༡༠. ‘‘ན་ཏྠི མེ སཾ་ས་ཡོ ཏ་ཏྠ, གྷཱ་ཏ་ཡི་སྶ་ཏི ཝཱ ན ཝཱ;
ས་ཙྩ་ཝཱ་ཙཱ་ནུ་ར་ཀྑ་ནྟོ, ཛཱི་ཝི་ཏཾ ཙ་ཛི་ཏུ་མུ་པཱ་ག་མིཾ;
ས་ཙྩེ་ན མེ ས་མོ ན་ཏྠི, ཨེ་སཱ མེ ས་ཙྩ་པཱ་ར་མཱི’’ཏི.
སུ་ཏ་སོ་མ་ཙ་རི་ཡཾ དྭཱ་ད་ས་མཾ.