ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ
ཁུ་དྡ་ཀ་ནི་ཀཱ་ཡེ
ཙ་རི་ཡཱ་པི་ཊ་ཀ་པཱ་ལི༹
༡. ཨ་ཀི་ཏྟི་ཝ་གྒོ
༡. ཨ་ཀི་ཏྟི་ཙ་རི་ཡཱ
༡. ‘‘ཀ་པྤེ ཙ ས་ཏ་ས་ཧ་སྶེ, ཙ་ཏུ་རོ ཙ ཨ་ས་ངྑི་ཡེ;
ཨེ་ཏྠ་ནྟ་རེ ཡཾ ཙ་རི་ཏཾ, ས་བྦཾ ཏཾ བོ་དྷི་པཱ་ཙ་ནཾ.
༢. ‘‘ཨ་ཏཱི་ཏ་ཀ་པྤེ ཙ་རི་ཏཾ, ཋ་པ་ཡི་ཏྭཱ བྷ་ཝཱ་བྷ་ཝེ;
ཨི་མ་མྷི ཀ་པྤེ ཙ་རི་ཏཾ, པ་ཝ་ཀྑི་སྶཾ སུ་ཎོ་ཧི མེ.
༣. ‘‘ཡ་དཱ ཨ་ཧཾ བྲ་ཧཱ་ར་ཉྙེ, སུ་ཉྙེ ཝི་པི་ན་ཀཱ་ན་ནེ;
ཨ་ཛ྄ཛྷོ་གཱ་ཧེ་ཏྭཱ [ཨ་ཛ྄ཛྷོ་ག་ཧེ་ཏྭཱ (སཱི. སྱཱ.)] ཝི་ཧ་རཱ་མི, ཨ་ཀི་ཏྟི ནཱ་མ ཏཱ་པ་སོ.
༤. ‘‘ཏ་དཱ མཾ ཏ་པ་ཏེ་ཛེ་ན, ས་ནྟ་ཏྟོ ཏི་དི་ཝཱ་བྷི་བྷཱུ;
དྷཱ་རེ་ནྟོ བྲཱ་ཧྨ་ཎ་ཝ་ཎྞཾ, བྷི་ཀྑཱ་ཡ མཾ ཨུ་པཱ་ག་མི.
༥. ‘‘པ་ཝ་ནཱ ཨཱ་བྷ་ཏཾ པ་ཎྞཾ, ཨ་ཏེ་ལ་ཉྩ ཨ་ལོ་ཎི་ཀཾ;
མ་མ དྭཱ་རེ ཋི་ཏཾ དི་སྭཱ, ས་ཀ་ཊཱ་ཧེ་ན ཨཱ་ཀི་རིཾ.
༦. ‘‘ཏ་སྶ ད་ཏྭཱ་ན་ཧཾ པ་ཎྞཾ, ནི་ཀྐུ་ཛྫི་ཏྭཱ་ན བྷཱ་ཛ་ནཾ;
པུ་ནེ་ས་ནཾ ཛ་ཧི་ཏྭཱ་ན, པཱ་ཝི་སིཾ པ་ཎྞ་སཱ་ལ་ཀཾ.
༧. ‘‘དུ་ཏི་ཡ་མྤི ཏ་ཏི་ཡ་མྤི, ཨུ་པ་ག་ཉྪི མ་མ་ནྟི་ཀཾ;
ཨ་ཀ་མྤི་ཏོ ཨ་ནོ་ལ་གྒོ, ཨེ་ཝ་མེ་ཝ་མ་དཱ་ས་ཧཾ.
༨. ‘‘ན མེ ཏ་པྤ་ཙྩ་ཡཱ ཨ་ཏྠི, ས་རཱི་ར་སྨིཾ ཝི་ཝ་ཎྞི་ཡཾ;
པཱི་ཏི་སུ་ཁེ་ན ར་ཏི་ཡཱ, ཝཱི་ཏི་ནཱ་མེ་མི ཏཾ དི་ཝཾ.
༩. ‘‘ཡ་དི མཱ་ས་མྤི དྭེ་མཱ་སཾ, ད་ཀྑི་ཎེ་ཡྻཾ ཝ་རཾ ལ་བྷེ;
ཨ་ཀ་མྤི་ཏོ ཨ་ནོ་ལཱི་ནོ, ད་དེ་ཡྻཾ དཱ་ན་མུ་ཏྟ་མཾ.
༡༠. ‘‘ན ཏ་སྶ དཱ་ནཾ ད་ད་མཱ་ནོ, ཡ་སཾ ལཱ་བྷ་ཉྩ པ་ཏྠ་ཡིཾ;
ས་བྦ་ཉྙུ་ཏཾ པ་ཏྠ་ཡཱ་ནོ, ཏཱ་ནི ཀ་མྨཱ་ནི ཨཱ་ཙ་རི’’ནྟི.
ཨ་ཀི་ཏྟི་ཙ་རི་ཡཾ པ་ཋ་མཾ.
༢. ས་ངྑ་ཙ་རི་ཡཱ
༡༡. ‘‘པུ་ནཱ་པ་རཾ ཡ་དཱ ཧོ་མི, བྲཱ་ཧྨ་ཎོ ས་ངྑ་ས་ཝ྄ཧ་ཡོ;
མ་ཧཱ་ས་མུ་དྡཾ ཏ་རི་ཏུ་ཀཱ་མོ, ཨུ་པ་ག་ཙྪཱ་མི པ་ཊྚ་ནཾ.
༡༢. ‘‘ཏ་ཏྠ་དྡ་སཾ པ་ཊི་པ་ཐེ, ས་ཡ་མྦྷུཾ ཨ་པ་རཱ་ཛི་ཏཾ;
ཀ་ནྟཱ་ར་དྡྷཱ་ནཾ པ་ཊི་པ་ནྣཾ [ཀ་ནྟཱ་ར་དྡྷཱ་ན་པ་ཊི་པ་ནྣཾ (སཱི. སྱཱ.)], ཏ་ཏྟཱ་ཡ ཀ་ཋི་ན་བྷཱུ་མི་ཡཱ.
༡༣. ‘‘ཏ་མ་ཧཾ པ་ཊི་པ་ཐེ དི་སྭཱ, ཨི་མ་མ་ཏྠཾ ཝི་ཙི་ནྟ་ཡིཾ;
‘ཨི་དཾ ཁེ་ཏྟཾ ཨ་ནུ་པྤ་ཏྟཾ, པུ་ཉྙ་ཀཱ་མ་སྶ ཛ་ནྟུ་ནོ.
༡༤. ‘‘‘ཡ་ཐཱ ཀ་སྶ་ཀོ པུ་རི་སོ, ཁེ་ཏྟཾ དི་སྭཱ མ་ཧཱ་ག་མཾ;
ཏ་ཏྠ བཱི་ཛཾ ན རོ་པེ་ཏི, ན སོ དྷ་ཉྙེ་ན ཨ་ཏྠི་ཀོ.
༡༥. ‘‘‘ཨེ་ཝ་མེ་ཝཱ་ཧཾ པུ་ཉྙ་ཀཱ་མོ, དི་སྭཱ ཁེ་ཏྟ་ཝ་རུ་ཏྟ་མཾ;
ཡ་དི ཏ་ཏྠ ཀཱ་རཾ ན ཀ་རོ་མི, ནཱ་ཧཾ པུ་ཉྙེ་ན ཨ་ཏྠི་ཀོ.
༡༦. ‘‘‘ཡ་ཐཱ ཨ་མ་ཙྩོ མུ་དྡི་ཀཱ་མོ, ར་ཉྙོ ཨ་ནྟེ་པུ་རེ ཛ་ནེ;
ན དེ་ཏི ཏེ་སཾ དྷ་ན་དྷ་ཉྙཾ, མུ་དྡི་ཏོ པ་རི་ཧཱ་ཡ་ཏི.
༡༧. ‘‘‘ཨེ་ཝ་མེ་ཝཱ་ཧཾ པུ་ཉྙ་ཀཱ་མོ, ཝི་པུ་ལཾ དི་སྭཱ་ན ད་ཀྑི་ཎཾ;
ཡ་དི ཏ་སྶ དཱ་ནཾ ན ད་དཱ་མི, པ་རི་ཧཱ་ཡི་སྶཱ་མི པུ་ཉྙ་ཏོ’.
༡༨. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, ཨོ་རོ་ཧི་ཏྭཱ ཨུ་པཱ་ཧ་ནཱ;
ཏ་སྶ པཱ་དཱ་ནི ཝ་ནྡི་ཏྭཱ, ཨ་དཱ་སིཾ ཚ་ཏྟུ་པཱ་ཧ་ནཾ.
༡༩. ‘‘ཏེ་ནེ་ཝཱ་ཧཾ ས་ཏ་གུ་ཎ་ཏོ, སུ་ཁུ་མཱ་ལོ སུ་ཁེ་དྷི་ཏོ;
ཨ་པི ཙ དཱ་ནཾ པ་རི་པཱུ་རེ་ནྟོ, ཨེ་ཝཾ ཏ་སྶ ཨ་དཱ་ས་ཧ’’ནྟི.
ས་ངྑ་ཙ་རི་ཡཾ དུ་ཏི་ཡཾ.
༣. ཀུ་རུ་རཱ་ཛ་ཙ་རི་ཡཱ
༢༠. ‘‘པུ་ནཱ་པ་རཾ ཡ་དཱ ཧོ་མི, ཨི་ནྡ་པ་ཏྠེ [ཨི་ནྡ་པ་ཏྟེ (སཱི. ཀ.)] པུ་རུ་ཏྟ་མེ;
རཱ་ཛཱ དྷ་ན་ཉྩ་ཡོ ནཱ་མ, ཀུ་ས་ལེ ད་ས་ཧུ་པཱ་ག་ཏོ.
༢༡. ‘‘ཀ་ལི་ངྒ་ར་ཊྛ་ཝི་ས་ཡཱ, བྲཱ་ཧྨ་ཎཱ ཨུ་པ་ག་ཉྪུ མཾ;
ཨཱ་ཡཱ་ཙུཾ མཾ ཧ་ཏྠི་ནཱ་གཾ, དྷ་ཉྙཾ མ་ངྒ་ལ་ས་མྨ་ཏཾ.
༢༢. ‘‘‘ཨ་ཝུ་ཊྛི་ཀོ ཛ་ན་པ་དོ, དུ་བྦྷི་ཀྑོ ཚཱ་ཏ་ཀོ མ་ཧཱ;
ད་དཱ་ཧི པ་ཝ་རཾ ནཱ་གཾ, ནཱི་ལཾ ཨ་ཉྫ་ན་ས་ཝ྄ཧ་ཡཾ.
༢༣. ‘‘‘ན མེ ཡཱ་ཙ་ཀ་མ་ནུ་པྤ་ཏྟེ, པ་ཊི་ཀྑེ་པོ ཨ་ནུ་ཙྪ་ཝོ;
མཱ མེ བྷི་ཛྫི ས་མཱ་དཱ་ནཾ, ད་སྶཱ་མི ཝི་པུ་ལཾ ག་ཛཾ’.
༢༤. ‘‘ནཱ་གཾ ག་ཧེ་ཏྭཱ སོ་ཎྜཱ་ཡ, བྷི་ངྒཱ་རེ [བྷི་ངྐཱ་རེ (སཱི.)] ར་ཏ་ནཱ་མ་ཡེ;
ཛ་ལཾ ཧ་ཏྠེ ཨཱ་ཀི་རི་ཏྭཱ, བྲཱ་ཧྨ་ཎཱ་ནཾ ཨ་དཾ ག་ཛཾ.
༢༥. ‘‘ཏ་སྶ ནཱ་གེ པ་དི་ནྣ་མྷི, ཨ་མ་ཙྩཱ ཨེ་ཏ་ད་བྲ་ཝུཾ;
‘ཀིཾ ནུ ཏུ་ཡ྄ཧཾ ཝ་རཾ ནཱ་གཾ, ཡཱ་ཙ་ཀཱ་ནཾ པ་ད་སྶ་སི.
༢༦. ‘‘‘དྷ་ཉྙཾ མ་ངྒ་ལ་ས་མྤ་ནྣཾ, ས་ངྒཱ་མ་ཝི་ཛ་ཡུ་ཏྟ་མཾ;
ཏ་སྨིཾ ནཱ་གེ པ་དི་ནྣ་མྷི, ཀིཾ ཏེ ར་ཛྫཾ ཀ་རི་སྶ་ཏི.
༢༧. ‘‘‘ར་ཛྫ་མྤི མེ ད་དེ ས་བྦཾ, ས་རཱི་རཾ ད་ཛྫ་མ་ཏྟ་ནོ;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ ནཱ་གཾ ཨ་དཱ་ས་ཧ’’’ནྟི.
ཀུ་རུ་རཱ་ཛ་ཙ་རི་ཡཾ ཏ་ཏི་ཡཾ.
༤. མ་ཧཱ་སུ་ད་སྶ་ན་ཙ་རི་ཡཱ
༢༨. ‘‘ཀུ་སཱ་ཝ་ཏི་མྷི ན་ག་རེ, ཡ་དཱ ཨཱ་སིཾ མ་ཧཱི་པ་ཏི;
མ་ཧཱ་སུ་ད་སྶ་ནོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༢༩. ‘‘ཏ་ཏྠཱ་ཧཾ དི་ཝ་སེ ཏི་ཀྑ་ཏྟུཾ, གྷོ་སཱ་པེ་མི ཏ་ཧིཾ ཏ་ཧིཾ;
‘ཀོ ཀིཾ ཨི་ཙྪ་ཏི པ་ཏྠེ་ཏི, ཀ་སྶ ཀིཾ དཱི་ཡ་ཏཱུ དྷ་ནཾ.
༣༠. ‘‘‘ཀོ ཚཱ་ཏ་ཀོ ཀོ ཏ་སི་ཏོ, ཀོ མཱ་ལཾ ཀོ ཝི་ལེ་པ་ནཾ;
ནཱ་ནཱ་ར་ཏྟཱ་ནི ཝ་ཏྠཱ་ནི, ཀོ ན་གྒོ པ་རི་ད་ཧི་སྶ་ཏི.
༣༡. ‘‘‘ཀོ པ་ཐེ ཚ་ཏྟ་མཱ་དེ་ཏི, ཀོ་པཱ་ཧ་ནཱ མུ་དཱུ སུ་བྷཱ’;
ཨི་ཏི སཱ་ཡ་ཉྩ པཱ་ཏོ ཙ, གྷོ་སཱ་པེ་མི ཏ་ཧིཾ ཏ་ཧིཾ.
༣༢. ‘‘ན ཏཾ ད་ས་སུ ཋཱ་ནེ་སུ, ན་པི ཋཱ་ན་ས་ཏེ་སུ ཝཱ;
ཨ་ནེ་ཀ་ས་ཏ་ཋཱ་ནེ་སུ, པ་ཊི་ཡ་ཏྟཾ ཡཱ་ཙ་ཀེ དྷ་ནཾ.
༣༣. ‘‘དི་ཝཱ ཝཱ ཡ་དི ཝཱ ར་ཏྟིཾ, ཡ་དི ཨེ་ཏི ཝ་ནི་བྦ་ཀོ;
ལ་དྡྷཱ ཡ་དི་ཙྪ་ཀཾ བྷོ་གཾ, པཱུ་ར་ཧ་ཏྠོ་ཝ ག་ཙྪ་ཏི.
༣༤. ‘‘ཨེ་ཝ་རཱུ་པཾ མ་ཧཱ་དཱ་ནཾ, ཨ་དཱ་སིཾ ཡཱ་ཝ་ཛཱི་ཝི་ཀཾ;
ན་པཱ་ཧཾ དེ་སྶཾ དྷ་ནཾ ད་མྨི, ན་པི ན་ཏྠི ནི་ཙ་ཡོ མ་ཡི.
༣༥. ‘‘ཡ་ཐཱ་པི ཨཱ་ཏུ་རོ ནཱ་མ, རོ་ག་ཏོ པ་རི་མུ་ཏྟི་ཡཱ;
དྷ་ནེ་ན ཝེ་ཛྫཾ ཏ་པྤེ་ཏྭཱ, རོ་ག་ཏོ པ་རི་མུ་ཙྩ་ཏི.
༣༦. ‘‘ཏ་ཐེ་ཝཱ་ཧཾ ཛཱ་ན་མཱ་ནོ, པ་རི་པཱུ་རེ་ཏུ་མ་སེ་ས་ཏོ;
ཨཱུ་ན་མ་ནཾ པཱུ་ར་ཡི་ཏུཾ, དེ་མི དཱ་ནཾ ཝ་ནི་བྦ་ཀེ;
ནི་རཱ་ལ་ཡོ ཨ་པ་ཙྩཱ་སོ, ས་མྦོ་དྷི་མ་ནུ་པ་ཏྟི་ཡཱ’’ཏི.
མ་ཧཱ་སུ་ད་སྶ་ན་ཙ་རི་ཡཾ ཙ་ཏུ་ཏྠཾ.
༥. མ་ཧཱ་གོ་ཝི་ནྡ་ཙ་རི་ཡཱ
༣༧. ‘‘པུ་ནཱ་པ་རཾ ཡ་དཱ ཧོ་མི, ས་ཏྟ་རཱ་ཛ་པུ་རོ་ཧི་ཏོ;
པཱུ་ཛི་ཏོ ན་ར་དེ་ཝེ་ཧི, མ་ཧཱ་གོ་ཝི་ནྡ་བྲཱ་ཧྨ་ཎོ.
༣༨. ‘‘ཏ་དཱ་ཧཾ ས་ཏྟ་ར་ཛྫེ་སུ, ཡཾ མེ ཨཱ་སི ཨུ་པཱ་ཡ་ནཾ;
ཏེ་ན དེ་མི མ་ཧཱ་དཱ་ནཾ, ཨ་ཀྑོ་བྦྷཾ [ཨ་ཀྑོ་བྷཾ (སྱཱ. ཀཾ.)] སཱ་ག་རཱུ་པ་མཾ.
༣༩. ‘‘ན མེ དེ་སྶཾ དྷ་ནཾ དྷ་ཉྙཾ, ན་པི ན་ཏྠི ནི་ཙ་ཡོ མ་ཡི;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ དེ་མི ཝ་རཾ དྷ་ན’’ནྟི.
མ་ཧཱ་གོ་ཝི་ནྡ་ཙ་རི་ཡཾ པ་ཉྩ་མཾ.
༦. ནི་མི་རཱ་ཛ་ཙ་རི་ཡཱ
༤༠. ‘‘པུ་ནཱ་པ་རཾ ཡ་དཱ ཧོ་མི, མི་ཐི་ལཱ་ཡཾ པུ་རུ་ཏྟ་མེ;
ནི་མི ནཱ་མ མ་ཧཱ་རཱ་ཛཱ, པ་ཎྜི་ཏོ ཀུ་ས་ལ་ཏྠི་ཀོ.
༤༡. ‘‘ཏ་དཱ་ཧཾ མཱ་པ་ཡི་ཏྭཱ་ན, ཙ་ཏུ་སྶཱ་ལཾ ཙ་ཏུ་མྨུ་ཁཾ;
ཏ་ཏྠ དཱ་ནཾ པ་ཝ་ཏྟེ་སིཾ, མི་ག་པ་ཀྑི་ན་རཱ་དི་ནཾ.
༤༢. ‘‘ཨ་ཙྪཱ་ད་ན་ཉྩ ས་ཡ་ནཾ, ཨ་ནྣཾ པཱ་ན་ཉྩ བྷོ་ཛ་ནཾ;
ཨ་བྦོ་ཙྪི་ནྣཾ ཀ་རི་ཏྭཱ་ན, མ་ཧཱ་དཱ་ནཾ པ་ཝ་ཏྟ་ཡིཾ.
༤༣. ‘‘ཡ་ཐཱ་པི སེ་ཝ་ཀོ སཱ་མིཾ, དྷ་ན་ཧེ་ཏུ་མུ་པཱ་ག་ཏོ;
ཀཱ་ཡེ་ན ཝཱ་ཙཱ མ་ན་སཱ, ཨཱ་རཱ་དྷ་ནཱི་ཡ་མེ་ས་ཏི.
༤༤. ‘‘ཏ་ཐེ་ཝཱ་ཧཾ ས་བྦ་བྷ་ཝེ, པ་རི་ཡེ་སི་སྶཱ་མི བོ་དྷི་ཛཾ;
དཱ་ནེ་ན ས་ཏྟེ ཏ་པྤེ་ཏྭཱ, ཨི་ཙྪཱ་མི བོ་དྷི་མུ་ཏྟ་མ’’ནྟི.
ནི་མི་རཱ་ཛ་ཙ་རི་ཡཾ ཚ་ཊྛཾ.
༧. ཙ་ནྡ་ཀུ་མཱ་ར་ཙ་རི་ཡཱ
༤༥. ‘‘པུ་ནཱ་པ་རཾ ཡ་དཱ ཧོ་མི, ཨེ་ཀ་རཱ་ཛ་སྶ ཨ་ཏྲ་ཛོ;
ན་ག་རེ པུ་པྥ་ཝ་ཏི་ཡཱ, ཀུ་མཱ་རོ ཙ་ནྡ་ས་ཝ྄ཧ་ཡོ.
༤༦. ‘‘ཏ་དཱ་ཧཾ ཡ་ཛ་ནཱ མུ་ཏྟོ, ནི་ཀྑ་ནྟོ ཡ་ཉྙ་ཝཱ་ཊ་ཏོ;
སཾ་ཝེ་གཾ ཛ་ན་ཡི་ཏྭཱ་ན, མ་ཧཱ་དཱ་ནཾ པ་ཝ་ཏྟ་ཡིཾ.
༤༧. ‘‘ནཱ་ཧཾ པི་ཝཱ་མི ཁཱ་དཱ་མི, ན་པི བྷུ་ཉྫཱ་མི བྷོ་ཛ་ནཾ;
ད་ཀྑི་ཎེ་ཡྻེ ཨ་ད་ཏྭཱ་ན, ཨ་པི ཚ་པྤ་ཉྩ་ར་ཏྟི་ཡོ.
༤༨. ‘‘ཡ་ཐཱ་པི ཝཱ་ཎི་ཛོ ནཱ་མ, ཀ་ཏྭཱ་ན བྷ་ཎྜ་ས་ཉྩ་ཡཾ;
ཡ་ཏྠ ལཱ་བྷོ མ་ཧཱ ཧོ་ཏི, ཏ་ཏྠ ཏཾ [ཏ་ཏྠ ནཾ (སཱི.), ཏ་ཏྠ (ཀ.)] ཧ་ར་ཏི བྷ་ཎྜ་ཀཾ.
༤༩. ‘‘ཏ་ཐེ་ཝ ས་ཀ་བྷུ་ཏྟཱ་པི, པ་རེ དི་ནྣཾ མ་ཧ་པྥ་ལཾ;
ཏ་སྨཱ པ་ར་སྶ དཱ་ཏ་བྦཾ, ས་ཏ་བྷཱ་གོ བྷ་ཝི་སྶ་ཏི.
༥༠. ‘‘ཨེ་ཏ་མ་ཏྠ་ཝ་སཾ ཉ་ཏྭཱ, དེ་མི དཱ་ནཾ བྷ་ཝཱ་བྷ་ཝེ;
ན པ་ཊི་ཀྐ་མཱ་མི དཱ་ན་ཏོ, ས་མྦོ་དྷི་མ་ནུ་པ་ཏྟི་ཡཱ’’ཏི.
ཙ་ནྡ་ཀུ་མཱ་ར་ཙ་རི་ཡཾ ས་ཏྟ་མཾ.
༨. སི་ཝི་རཱ་ཛ་ཙ་རི་ཡཱ
༥༡. ‘‘ཨ་རི་ཊྛ་ས་ཝ྄ཧ་ཡེ ན་ག་རེ, སི་ཝི་ནཱ་མཱ་སི ཁ་ཏྟི་ཡོ;
ནི་ས་ཛྫ པཱ་སཱ་ད་ཝ་རེ, ཨེ་ཝཾ ཙི་ནྟེ་ས་ཧཾ ཏ་དཱ.
༥༢. ‘‘‘ཡཾ ཀི་ཉྩི མཱ་ནུ་སཾ དཱ་ནཾ, ཨ་དི་ནྣཾ མེ ན ཝི་ཛྫ་ཏི;
ཡོ་པི ཡཱ་ཙེ་ཡྻ མཾ ཙ་ཀྑུཾ, ད་དེ་ཡྻཾ ཨ་ཝི་ཀ་མྤི་ཏོ’.
༥༣. ‘‘མ་མ ས་ངྐ་པྤ་མ་ཉྙཱ་ཡ, ས་ཀྐོ དེ་ཝཱ་ན་མི་སྶ་རོ;
ནི་སི་ནྣོ དེ་ཝ་པ་རི་སཱ་ཡ, ཨི་དཾ ཝ་ཙ་ན་མ་བྲ་ཝི.
༥༤. ‘‘‘ནི་ས་ཛྫ པཱ་སཱ་ད་ཝ་རེ, སི་ཝི་རཱ་ཛཱ མ་ཧི་དྡྷི་ཀོ;
ཙི་ནྟེ་ནྟོ ཝི་ཝི་དྷཾ དཱ་ནཾ, ཨ་དེ་ཡྻཾ སོ ན པ་སྶ་ཏི.
༥༥. ‘‘‘ཏ་ཐཾ ནུ ཝི་ཏ་ཐཾ ནེ་ཏཾ, ཧ་ནྡ ཝཱི་མཾ་ས་ཡཱ་མི ཏཾ;
མུ་ཧུ་ཏྟཾ ཨཱ་ག་མེ་ཡྻཱ་ཐ, ཡཱ་ཝ ཛཱ་ནཱ་མི ཏཾ མ་ནཾ’.
༥༦. ‘‘པ་ཝེ་དྷ་མཱ་ནོ པ་ལི་ཏ་སི་རོ, ཝ་ལི་ག་ཏྟོ [ཝ་ལི་ཏ་ག་ཏྟོ (སཱི.)] ཛ་རཱ་ཏུ་རོ;
ཨ་ནྡྷ་ཝ་ཎྞོ་ཝ ཧུ་ཏྭཱ་ན, རཱ་ཛཱ་ནཾ ཨུ་པ་ས་ངྐ་མི.
༥༧. ‘‘སོ ཏ་དཱ པ་གྒ་ཧེ་ཏྭཱ་ན, ཝཱ་མཾ ད་ཀྑི་ཎ་བཱ་ཧུ ཙ;
སི་ར་སྨིཾ ཨ་ཉྫ་ལིཾ ཀ་ཏྭཱ, ཨི་དཾ ཝ་ཙ་ན་མ་བྲ་ཝི.
༥༨. ‘‘‘ཡཱ་ཙཱ་མི ཏཾ མ་ཧཱ་རཱ་ཛ, དྷ་མྨི་ཀ ར་ཊྛ་ཝ་ཌྜྷ་ན;
ཏ་ཝ དཱ་ན་ར་ཏཱ ཀི་ཏྟི, ཨུ་གྒ་ཏཱ དེ་ཝ་མཱ་ནུ་སེ.
༥༩. ‘‘‘ཨུ་བྷོ་པི ནེ་ཏྟཱ ན་ཡ་ནཱ, ཨ་ནྡྷཱ ཨུ་པ་ཧ་ཏཱ མ་མ;
ཨེ་ཀཾ མེ ན་ཡ་ནཾ དེ་ཧི, ཏྭ་མྤི ཨེ་ཀེ་ན ཡཱ་པ་ཡ’.
༦༠. ‘‘ཏ་སྶཱ་ཧཾ ཝ་ཙ་ནཾ སུ་ཏྭཱ, ཧ་ཊྛོ སཾ་ཝི་གྒ་མཱ་ན་སོ;
ཀ་ཏ་ཉྫ་ལཱི ཝེ་ད་ཛཱ་ཏོ, ཨི་དཾ ཝ་ཙ་ན་མ་བྲ་ཝིཾ.
༦༡. ‘‘‘ཨི་དཱ་ནཱ་ཧཾ ཙི་ནྟ་ཡི་ཏྭཱ་ན, པཱ་སཱ་ད་ཏོ ཨི་དྷཱ་ག་ཏོ;
ཏྭཾ མ་མ ཙི་ཏྟ་མ་ཉྙཱ་ཡ, ནེ་ཏྟཾ ཡཱ་ཙི་ཏུ་མཱ་ག་ཏོ.
༦༢. ‘‘‘ཨ་ཧོ མེ མཱ་ན་སཾ སི་དྡྷཾ, ས་ངྐ་པྤོ པ་རི་པཱུ་རི་ཏོ;
ཨ་དི་ནྣ་པུ་བྦཾ དཱ་ན་ཝ་རཾ, ཨ་ཛྫ ད་སྶཱ་མི ཡཱ་ཙ་ཀེ.
༦༣. ‘‘‘ཨེ་ཧི སི་ཝ་ཀ ཨུ་ཊྛེ་ཧི, མཱ ད་ནྡྷ་ཡི མཱ པ་ཝེ་དྷ་ཡི;
ཨུ་བྷོ་པི ན་ཡ་ནཾ དེ་ཧི, ཨུ་པྤཱ་ཊེ་ཏྭཱ ཝ་ཎི་བྦ་ཀེ’.
༦༤. ‘‘ཏ་ཏོ སོ ཙོ་དི་ཏོ མ་ཡ྄ཧཾ, སི་ཝ་ཀོ ཝ་ཙ་ནཾ ཀ་རོ;
ཨུ་དྡྷ་རི་ཏྭཱ་ན པཱ་དཱ་སི, ཏཱ་ལ་མི་ཉྫཾ་ཝ ཡཱ་ཙ་ཀེ.
༦༥. ‘‘ད་ད་མཱ་ན་སྶ དེ་ནྟ་སྶ, དི་ནྣ་དཱ་ན་སྶ མེ ས་ཏོ;
ཙི་ཏྟ་སྶ ཨ་ཉྙ་ཐཱ ན་ཏྠི, བོ་དྷི་ཡཱ་ཡེ་ཝ ཀཱ་ར་ཎཱ.