༣. ཡུ་དྷ་ཉྫ་ཡ་ཝ་གྒོ
༡. ཡུ་དྷ་ཉྫ་ཡ་ཙ་རི་ཡཱ
༡. ‘‘ཡ་དཱ་ཧཾ ཨ་མི་ཏ་ཡ་སོ, རཱ་ཛ་པུ་ཏྟོ ཡུ་དྷ་ཉྫ་ཡོ;
ཨུ་སྶཱ་ཝ་བི་ནྡུཾ སཱུ་རི་ཡཱ་ཏ་པེ, པ་ཏི་ཏཾ དི་སྭཱ་ན སཾ་ཝི་ཛིཾ.
༢. ‘‘ཏ་ཉྙེ་ཝཱ་དྷི་པ་ཏིཾ ཀ་ཏྭཱ, སཾ་ཝེ་ག་མ་ནུ་བྲཱུ་ཧ་ཡིཾ;
མཱ་ཏཱ་པི་ཏཱུ ཙ ཝ་ནྡི་ཏྭཱ, པ་བྦ་ཛྫ་མ་ནུ་ཡཱ་ཙ་ཧཾ.
༣. ‘‘ཡཱ་ཙ་ནྟི མཾ པ་ཉྫ་ལི་ཀཱ, ས་ནེ་ག་མཱ ས་ར་ཊྛ་ཀཱ;
‘ཨ་ཛྫེ་ཝ པུ་ཏྟ པ་ཊི་པ་ཛྫ, ཨི་དྡྷཾ ཕཱི་ཏཾ མ་ཧཱ་མ་ཧིཾ’.
༤. ‘‘ས་རཱ་ཛ་ཀེ ས་ཧོ་རོ་དྷེ, ས་ནེ་ག་མེ ས་ར་ཊྛ་ཀེ;
ཀ་རུ་ཎཾ པ་རི་དེ་ཝ་ནྟེ, ཨ་ན་པེ་ཀྑོ་ཝ པ་རི་ཙྩ་ཛིཾ.
༥. ‘‘ཀེ་ཝ་ལཾ པ་ཐ་ཝིཾ ར་ཛྫཾ, ཉཱ་ཏི་པ་རི་ཛ་ནཾ ཡ་སཾ;
ཙ་ཛ་མཱ་ནོ ན ཙི་ནྟེ་སིཾ, བོ་དྷི་ཡཱ་ཡེ་ཝ ཀཱ་ར་ཎཱ.
༦. ‘‘མཱ་ཏཱ་པི་ཏཱ ན མེ དེ་སྶཱ, ན་པི མེ དེ་སྶཾ མ་ཧཱ་ཡ་སཾ;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ ར་ཛྫཾ པ་རི་ཙྩ་ཛི’’ནྟི.
ཡུ་དྷ་ཉྫ་ཡ་ཙ་རི་ཡཾ པ་ཋ་མཾ.
༢. སོ་མ་ན་སྶ་ཙ་རི་ཡཱ
༧. ‘‘པུ་ནཱ་པ་རཾ ཡ་དཱ ཧོ་མི, ཨི་ནྡ་པ་ཏྠེ པུ་རུ་ཏྟ་མེ;
ཀཱ་མི་ཏོ ད་ཡི་ཏོ པུ་ཏྟོ, སོ་མ་ན་སྶོ་ཏི ཝི་སྶུ་ཏོ.
༨. ‘‘སཱི་ལ་ཝཱ གུ་ཎ་ས་མྤ་ནྣོ, ཀ་ལྱཱ་ཎ་པ་ཊི་བྷཱ་ན་ཝཱ;
ཝུ་ཌྜྷཱ་པ་ཙཱ་ཡཱི ཧི་རཱི་མཱ, ས་ངྒ་ཧེ་སུ ཙ ཀོ་ཝི་དོ.
༩. ‘‘ཏ་སྶ ར་ཉྙོ པ་ཏི་ཀ་རོ, ཨ་ཧོ་སི ཀུ་ཧ་ཀ་ཏཱ་པ་སོ;
ཨཱ་རཱ་མཾ མཱ་ལཱ་ཝ་ཙྪ་ཉྩ, རོ་པ་ཡི་ཏྭཱ་ན ཛཱི་ཝ་ཏི.
༡༠. ‘‘ཏ་མ་ཧཾ དི་སྭཱ་ན ཀུ་ཧ་ཀཾ, ཐུ་ས་རཱ་སིཾ་ཝ ཨ་ཏ་ཎྜུ་ལཾ;
དུ་མཾ་ཝ ཨ་ནྟོ སུ་སི་རཾ, ཀ་ད་ལིཾ་ཝ ཨ་སཱ་ར་ཀཾ.
༡༡. ‘‘ན་ཏྠི་མ་སྶ ས་ཏཾ དྷ་མྨོ, སཱ་མ་ཉྙཱ་པ་ག་ཏོ ཨ་ཡཾ;
ཧི་རཱི་སུ་ཀྐ་དྷ་མྨ་ཛ་ཧི་ཏོ, ཛཱི་ཝི་ཏ་ཝུ་ཏྟི་ཀཱ་ར་ཎཱ.
༡༢. ‘‘ཀུ་པི་ཏོ ཨ་ཧུ [ཨ་ཧོ་སི (སཱི.), ཨཱ་སི (སྱཱ.)] པ་ཙྩ་ནྟོ, ཨ་ཊ་ཝཱི་ཧི པ་ར་ནྟི་ཧི;
ཏཾ ནི་སེ་དྷེ་ཏུཾ ག་ཙྪ་ནྟོ, ཨ་ནུ་སཱ་སི པི་ཏཱ མ་མཾ.
༡༣. ‘‘‘མཱ པ་མ་ཛྫི ཏུ་ཝཾ ཏཱ་ཏ, ཛ་ཊི་ལཾ ཨུ་གྒ་ཏཱ་པ་ནཾ;
ཡ་དི་ཙྪ་ཀཾ པ་ཝ་ཏྟེ་ཧི, ས་བྦ་ཀཱ་མ་ད་དོ ཧི སོ’.
༡༤. ‘‘ཏ་མ་ཧཾ ག་ནྟྭཱ་ནུ་པ་ཊྛཱ་ནཾ, ཨི་དཾ ཝ་ཙ་ན་མ་བྲ་ཝིཾ;
‘ཀ་ཙྩི ཏེ ག་ཧ་པ་ཏི ཀུ་ས་ལཾ, ཀིཾ ཝཱ ཏེ ཨཱ་ཧ་རཱི་ཡ་ཏུ’.
༡༥. ‘‘ཏེ་ན སོ ཀུ་པི་ཏོ ཨཱ་སི, ཀུ་ཧ་ཀོ མཱ་ན་ནི་སྶི་ཏོ;
‘གྷཱ་ཏཱ་པེ་མི ཏུ་ཝཾ ཨ་ཛྫ, ར་ཊྛཱ པ་བྦཱ་ཛ་ཡཱ་མི ཝཱ’.
༡༦. ‘‘ནི་སེ་དྷ་ཡི་ཏྭཱ པ་ཙྩ་ནྟཾ, རཱ་ཛཱ ཀུ་ཧ་ཀ་མ་བྲ་ཝི;
‘ཀ་ཙྩི ཏེ བྷ་ནྟེ ཁ་མ་ནཱི་ཡཾ, ས་མྨཱ་ནོ ཏེ པ་ཝ་ཏྟི་ཏོ’.
༡༧. ‘‘ཏ་སྶ ཨཱ་ཙི་ཀྑ་ཏཱི པཱ་པོ, ཀུ་མཱ་རོ ཡ་ཐཱ ནཱ་སི་ཡོ;
ཏ་སྶ ཏཾ ཝ་ཙ་ནཾ སུ་ཏྭཱ, ཨཱ་ཎཱ་པེ་སི མ་ཧཱི་པ་ཏི.
༡༨. ‘‘‘སཱི་སཾ ཏ་ཏྠེ་ཝ ཚི་ནྡི་ཏྭཱ, ཀ་ཏྭཱ་ན ཙ་ཏུ་ཁ་ཎྜི་ཀཾ;
ར་ཐི་ཡཱ ར་ཐི་ཡཾ ད་སྶེ་ཐ, སཱ ག་ཏི ཛ་ཊི་ལ་ཧཱི་ལི༹་ཏཱ’.
༡༩. ‘‘ཏ་ཏྠ ཀཱ་ར་ཎི་ཀཱ ག་ནྟྭཱ, ཙ་ཎྜཱ ལུ་དྡཱ ཨ་ཀཱ་རུ་ཎཱ;
མཱ་ཏུ་ཨ་ངྐེ ནི་སི་ནྣ་སྶ, ཨཱ་ཀ་ཌྜྷི་ཏྭཱ ན་ཡ་ནྟི མཾ.
༢༠. ‘‘ཏེ་སཱ་ཧཾ ཨེ་ཝ་མ་ཝ་ཙཾ, བ་ནྡྷ་ཏཾ གཱ་ལ༹ྷ་བ་ནྡྷ་ནཾ;
‘ར་ཉྙོ ད་སྶེ་ཐ མཾ ཁི་པྤཾ, རཱ་ཛ་ཀི་རི་ཡཱ་ནི ཨ་ཏྠི མེ’.
༢༡. ‘‘ཏེ མཾ ར་ཉྙོ ད་སྶ་ཡིཾ་སུ, པཱ་པ་སྶ པཱ་པ་སེ་ཝི་ནོ;
དི་སྭཱ་ན ཏཾ ས་ཉྙཱ་པེ་སིཾ, མ་མ་ཉྩ ཝ་ས་མཱ་ན་ཡིཾ.
༢༢. ‘‘སོ མཾ ཏ་ཏྠ ཁ་མཱ་པེ་སི, མ་ཧཱ་ར་ཛྫ་མ་དཱ་སི མེ;
སོ་ཧཾ ཏ་མཾ དཱ་ལ་ཡི་ཏྭཱ, པ་བྦ་ཛིཾ ཨ་ན་གཱ་རི་ཡཾ.
༢༣. ‘‘ན མེ དེ་སྶཾ མ་ཧཱ་ར་ཛྫཾ, ཀཱ་མ་བྷོ་གོ ན དེ་སྶི་ཡོ;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ ར་ཛྫཾ པ་རི་ཙྩ་ཛི’’ནྟི.
སོ་མ་ན་སྶ་ཙ་རི་ཡཾ དུ་ཏི་ཡཾ.
༣. ཨ་ཡོ་གྷ་ར་ཙ་རི་ཡཱ
༢༤. ‘‘པུ་ནཱ་པ་རཾ ཡ་དཱ ཧོ་མི, ཀཱ་སི་རཱ་ཛ་སྶ ཨ་ཏྲ་ཛོ;
ཨ་ཡོ་གྷ་ར་མྷི སཾ་ཝ་ཌྜྷོ, ནཱ་མེ་ནཱ་སི ཨ་ཡོ་གྷ་རོ.
༢༥. ‘‘དུ་ཀྑེ་ན ཛཱི་ཝི་ཏོ ལ་དྡྷོ, སཾ་པཱི་ལེ༹ པ་ཏི་པོ་སི་ཏོ;
ཨ་ཛྫེ་ཝ པུ་ཏྟ པ་ཊི་པ་ཛྫ, ཀེ་ཝ་ལཾ ཝ་སུ་དྷཾ ཨི་མཾ.
༢༦. ‘‘ས་ར་ཊྛ་ཀཾ ས་ནི་ག་མཾ, ས་ཛ་ནཾ ཝ་ནྡི་ཏྭ ཁ་ཏྟི་ཡཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ཨི་དཾ ཝ་ཙ་ན་མ་བྲ་ཝིཾ.
༢༧. ‘‘‘ཡེ ཀེ་ཙི མ་ཧི་ཡཱ ས་ཏྟཱ, ཧཱི་ན་མུ་ཀྐ་ཊྛ་མ་ཛ྄ཛྷི་མཱ;
ནི་རཱ་ར་ཀྑཱ ས་ཀེ གེ་ཧེ, ཝ་ཌྜྷ་ནྟི ས་ཀ་ཉཱ་ཏི་བྷི.
༢༨. ‘‘‘ཨི་དཾ ལོ་ཀེ ཨུ་ཏྟ་རི་ཡཾ, སཾ་པཱི་ལེ༹ མ་མ པོ་ས་ནཾ;
ཨ་ཡོ་གྷ་ར་མྷི སཾ་ཝ་ཌྜྷོ, ཨ་པྤ་བྷེ ཙ་ནྡ་སཱུ་རི་ཡེ.
༢༩. ‘‘‘པཱུ་ཏི་ཀུ་ཎ་པ་ས་མྤུ་ཎྞཱ, མུ་ཙྩི་ཏྭཱ མཱ་ཏུ ཀུ་ཙྪི་ཏོ;
ཏ་ཏོ གྷོ་ར་ཏ་རེ དུ་ཀྑེ, པུ་ན པ་ཀྑི་ཏྟ་ཡོ་གྷ་རེ.
༣༠. ‘‘‘ཡ་དི་ཧཾ ཏཱ་དི་སཾ པ་ཏྭཱ, དུ་ཀྑཾ པ་ར་མ་དཱ་རུ་ཎཾ;
ར་ཛྫེ་སུ ཡ་དི ར་ཛྫཱ་མི [ར་ཉྫཱ་མི (སཱི.)], པཱ་པཱ་ནཾ ཨུ་ཏྟ་མོ སི་ཡཾ.
༣༡. ‘‘‘ཨུ་ཀྐ་ཎྛི་ཏོ་མྷི ཀཱ་ཡེ་ན, ར་ཛྫེ་ན་མྷི ཨ་ན་ཏྠི་ཀོ;
ནི་བྦུ་ཏིཾ པ་རི་ཡེ་སི་སྶཾ, ཡ་ཏྠ མཾ མ་ཙྩུ ན མ་དྡི་ཡེ’.
༣༢. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, ཝི་ར་ཝ་ནྟེ མ་ཧཱ་ཛ་ནེ;
ནཱ་གོ་ཝ བ་ནྡྷ་ནཾ ཚེ་ཏྭཱ, པཱ་ཝི་སིཾ ཀཱ་ན་ནཾ ཝ་ནཾ.
༣༣. ‘‘མཱ་ཏཱ་པི་ཏཱ ན མེ དེ་སྶཱ, ན་པི མེ དེ་སྶཾ མ་ཧཱ་ཡ་སཾ;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ ར་ཛྫཾ པ་རི་ཙྩ་ཛི’’ནྟི.
ཨ་ཡོ་གྷ་ར་ཙ་རི་ཡཾ ཏ་ཏི་ཡཾ.
༤. བྷི་ས་ཙ་རི་ཡཱ
༣༤. ‘‘པུ་ནཱ་པ་རཾ ཡ་དཱ ཧོ་མི, ཀཱ་སཱི་ནཾ པུ་ར་ཝ་རུ་ཏྟ་མེ;
བྷ་གི་ནཱི ཙ བྷཱ་ཏ་རོ ས་ཏྟ, ནི་བྦ་ཏྟཱ སོ་ཏྠི་ཡེ ཀུ་ལེ.
༣༥. ‘‘ཨེ་ཏེ་སཾ པུ་བྦ་ཛོ ཨཱ་སིཾ, ཧི་རཱི་སུ་ཀྐ་མུ་པཱ་ག་ཏོ;
བྷ་ཝཾ དི་སྭཱ་ན བྷ་ཡ་ཏོ, ནེ་ཀྑ་མྨཱ་བྷི་ར་ཏོ ཨ་ཧཾ.
༣༦. ‘‘མཱ་ཏཱ་པི་ཏཱུ་ཧི པ་ཧི་ཏཱ, ས་ཧཱ་ཡཱ ཨེ་ཀ་མཱ་ན་སཱ;
ཀཱ་མེ་ཧི མཾ ནི་མ་ནྟེ་ནྟི, ‘ཀུ་ལ་ཝཾ་སཾ དྷ་རེ་ཧི’ཏི.
༣༧. ‘‘ཡཾ ཏེ་སཾ ཝ་ཙ་ནཾ ཝུ་ཏྟཾ, གི་ཧཱི་དྷ་མྨེ སུ་ཁཱ་ཝ་ཧཾ;
ཏཾ མེ ཨ་ཧོ་སི ཀ་ཋི་ནཾ, ཏ་ཏྟ [ས་ནྟ་ཏྟ (ཀ.)] ཕཱ་ལ་ས་མཾ ཝི་ཡ.
༣༨. ‘‘ཏེ མཾ ཏ་དཱ ཨུ་ཀྑི་པ་ནྟཾ, པུ་ཙྪིཾ་སུ པ་ཏྠི་ཏཾ མ་མ;
‘ཀིཾ ཏྭཾ པ་ཏྠ་ཡ་སེ ས་མྨ, ཡ་དི ཀཱ་མེ ན བྷུ་ཉྫ་སི’.
༣༩. ‘‘ཏེ་སཱ་ཧཾ ཨེ་ཝ་མ་ཝ་ཙཾ, ཨ་ཏྠ་ཀཱ་མོ ཧི་ཏེ་སི་ནཾ;
‘ནཱ་ཧཾ པ་ཏྠེ་མི གི་ཧཱི་བྷཱ་ཝཾ, ནེ་ཀྑ་མྨཱ་བྷི་ར་ཏོ ཨ་ཧཾ’.
༤༠. ‘‘ཏེ མ་ཡ྄ཧཾ ཝ་ཙ་ནཾ སུ་ཏྭཱ, པི་ཏུ་མཱ་ཏུ ཙ སཱ་ཝ་ཡུཾ;
མཱ་ཏཱ་པི་ཏཱ ཨེ་ཝ་མཱ་ཧུ, ‘ས་བྦེ་ཝ པ་བྦ་ཛཱ་མ བྷོ’.
༤༡. ‘‘ཨུ་བྷོ མཱ་ཏཱ་པི་ཏཱ མ་ཡ྄ཧཾ, བྷ་གི་ནཱི ཙ ས་ཏྟ བྷཱ་ཏ་རོ;
ཨ་མི་ཏ་དྷ་ནཾ ཚ་ཌྜ་ཡི་ཏྭཱ, པཱ་ཝི་སི་མྷཱ མ་ཧཱ་ཝ་ན’’ནྟི.
བྷི་ས་ཙ་རི་ཡཾ ཙ་ཏུ་ཏྠཾ.
༥. སོ་ཎ་པ་ཎྜི་ཏ་ཙ་རི་ཡཱ
༤༢. ‘‘པུ་ནཱ་པ་རཾ ཡ་དཱ ཧོ་མི, ན་ག་རེ བྲ་ཧྨ་ཝ་ཌྜྷ་ནེ;
ཏ་ཏྠ ཀུ་ལ་ཝ་རེ སེ་ཊྛེ, མ་ཧཱ་སཱ་ལེ ཨ་ཛཱ་ཡ་ཧཾ.
༤༣. ‘‘ཏ་དཱ་པི ལོ་ཀཾ དི་སྭཱ་ན, ཨ་ནྡྷཱི་བྷཱུ་ཏཾ ཏ་མོ་ཏྠ་ཊཾ;
ཙི་ཏྟཾ བྷ་ཝ་ཏོ པ་ཏི་ཀུ་ཊ་ཏི, ཏུ་ཏྟ་ཝེ་ག་ཧ་ཏཾ ཝི་ཡ.
༤༤. ‘‘དི་སྭཱ་ན ཝི་ཝི་དྷཾ པཱ་པཾ, ཨེ་ཝཾ ཙི་ནྟེ་ས་ཧཾ ཏ་དཱ;
‘ཀ་དཱ་ཧཾ གེ་ཧཱ ནི་ཀྑ་མྨ, པ་ཝི་སི་སྶཱ་མི ཀཱ་ན་ནཾ’.
༤༥. ‘‘ཏ་དཱ་པི མཾ ནི་མ་ནྟེ་སུཾ, ཀཱ་མ་བྷོ་གེ་ཧི ཉཱ་ཏ་ཡོ;
ཏེ་ས་མྤི ཚ་ནྡ་མཱ་ཙི་ཀྑིཾ, ‘མཱ ནི་མ་ནྟེ་ཐ ཏེ་ཧི མཾ’.
༤༦. ‘‘ཡོ མེ ཀ་ནི་ཊྛ་ཀོ བྷཱ་ཏཱ, ན་ནྡོ ནཱ་མཱ་སི པ་ཎྜི་ཏོ;
སོ་པི མཾ ཨ་ནུ་སི་ཀྑ་ནྟོ, པ་བྦ་ཛྫཾ ས་མ་རོ་ཙ་ཡི.
༤༧. ‘‘ཨ་ཧཾ སོ་ཎོ ཙ ན་ནྡོ ཙ, ཨུ་བྷོ མཱ་ཏཱ་པི་ཏཱ མ་མ;
ཏ་དཱ་པི བྷོ་གེ ཚ་ཌྜེ་ཏྭཱ, པཱ་ཝི་སི་མྷཱ མ་ཧཱ་ཝ་ན’’ནྟི.
སོ་ཎ་པ་ཎྜི་ཏ་ཙ་རི་ཡཾ པ་ཉྩ་མཾ.
༦. ཏེ་མི་ཡ་ཙ་རི་ཡཱ
༤༨. ‘‘པུ་ནཱ་པ་རཾ ཡ་དཱ ཧོ་མི, ཀཱ་སི་རཱ་ཛ་སྶ ཨ་ཏྲ་ཛོ;
མཱུ་ག་པ་ཀྑོ་ཏི ནཱ་མེ་ན, ཏེ་མི་ཡོ་ཏི ཝ་ད་ནྟི མཾ.
༤༩. ‘‘སོ་ལ༹་སི་ཏྠི་ས་ཧ་སྶཱ་ནཾ, ན ཝི་ཛྫ་ཏི པུ་མོ ཏ་དཱ [ས་དཱ (སཱི.)];
ཨ་ཧོ་ར་ཏྟཱ་ནཾ ཨ་ཙྩ་ཡེ་ན, ནི་བྦ་ཏྟོ ཨ་ཧ་མེ་ཀ་ཀོ.
༥༠. ‘‘ཀི་ཙྪཱ ལ་དྡྷཾ པི་ཡཾ པུ་ཏྟཾ, ཨ་བྷི་ཛཱ་ཏཾ ཛུ་ཏི་ནྡྷ་རཾ;
སེ་ཏ་ཙྪ་ཏྟཾ དྷཱ་ར་ཡི་ཏྭཱ་ན, ས་ཡ་ནེ པོ་སེ་ཏི མཾ པི་ཏཱ.
༥༡. ‘‘ནི་དྡཱ་ཡ་མཱ་ནོ ས་ཡ་ན་ཝ་རེ, པ་བུ་ཛ྄ཛྷི་ཏྭཱ་ན་ཧཾ ཏ་དཱ;
ཨ་དྡ་སཾ པ་ཎྜ་རཾ ཚ་ཏྟཾ, ཡེ་ནཱ་ཧཾ ནི་ར་ཡཾ ག་ཏོ.
༥༢. ‘‘ས་ཧ དི་ཊྛ་སྶ མེ ཚ་ཏྟཾ, ཏཱ་སོ ཨུ་པྤ་ཛྫི བྷེ་ར་ཝོ;
ཝི་ནི་ཙྪ་ཡཾ ས་མཱ་པ་ནྣོ, ‘ཀ་ཐཱ་ཧཾ ཨི་མཾ མུ་ཉྩི་སྶཾ’.
༥༣. ‘‘པུ་བྦ་སཱ་ལོ་ཧི་ཏཱ མ་ཡ྄ཧཾ, དེ་ཝ་ཏཱ ཨ་ཏྠ་ཀཱ་མི་ནཱི;
སཱ མཾ དི་སྭཱ་ན དུ་ཀྑི་ཏཾ, ཏཱི་སུ ཋཱ་ནེ་སུ ཡོ་ཛ་ཡི.
༥༤. ‘‘‘མཱ པ་ཎྜི་ཙྩ་ཡཾ ཝི་བྷཱ་ཝ་ཡ, བཱ་ལ་མ་ཏོ བྷ་ཝ ས་བྦ་པཱ་ཎི་ནཾ;
ས་བྦོ ཏཾ ཛ་ནོ ཨོ་ཙི་ནཱ་ཡ་ཏུ, ཨེ་ཝཾ ཏ་ཝ ཨ་ཏྠོ བྷ་ཝི་སྶ་ཏི’.
༥༥. ‘‘ཨེ་ཝཾ ཝུ་ཏྟཱ་ཡ་ཧཾ ཏ་སྶཱ, ཨི་དཾ ཝ་ཙ་ན་མ་བྲ་ཝིཾ;
‘ཀ་རོ་མི ཏེ ཏཾ ཝ་ཙ་ནཾ, ཡཾ ཏྭཾ བྷ་ཎ་སི དེ་ཝ་ཏེ;
ཨ་ཏྠ་ཀཱ་མཱ་སི མེ ཨ་མྨ, ཧི་ཏ་ཀཱ་མཱ་སི དེ་ཝ་ཏེ’.
༥༦. ‘‘ཏ་སྶཱ་ཧཾ ཝ་ཙ་ནཾ སུ་ཏྭཱ, སཱ་ག་རེ་ཝ ཐ་ལཾ ལ་བྷིཾ;
ཧ་ཊྛོ སཾ་ཝི་གྒ་མཱ་ན་སོ, ཏ་ཡོ ཨ་ངྒེ ཨ་དྷི་ཊྛ་ཧིཾ.
༥༧. ‘‘མཱུ་གོ ཨ་ཧོ་སིཾ བ་དྷི་རོ, པ་ཀྑོ ག་ཏི་ཝི་ཝ་ཛྫི་ཏོ;
ཨེ་ཏེ ཨ་ངྒེ ཨ་དྷི་ཊྛཱ་ཡ, ཝ་སྶཱ་ནི སོ་ལ༹་སཾ ཝ་སིཾ.
༥༨. ‘‘ཏ་ཏོ མེ ཧ་ཏྠ་པཱ་དེ ཙ, ཛི་ཝ྄ཧཾ སོ་ཏ་ཉྩ མ་དྡི་ཡ;
ཨ་ནཱུ་ན་ཏཾ མེ པ་སྶི་ཏྭཱ, ‘ཀཱ་ལ༹་ཀ་ཎྞཱི’ཏི ནི་ནྡི་སུཾ.
༥༩. ‘‘ཏ་ཏོ ཛཱ་ན་པ་དཱ ས་བྦེ, སེ་ནཱ་པ་ཏི་པུ་རོ་ཧི་ཏཱ;
ས་བྦེ ཨེ་ཀ་མ་ནཱ ཧུ་ཏྭཱ, ཚ་ཌྜ་ནཾ ཨ་ནུ་མོ་དི་སུཾ.
༦༠. ‘‘སོ་ཧཾ ཏེ་སཾ མ་ཏིཾ སུ་ཏྭཱ, ཧ་ཊྛོ སཾ་ཝི་གྒ་མཱ་ན་སོ;
ཡ་སྶ་ཏྠཱ་ཡ ཏ་པོ་ཙི་ཎྞོ, སོ མེ ཨ་ཏྠོ ས་མི་ཛ྄ཛྷ་ཐ.
༦༡. ‘‘ནྷཱ་པེ་ཏྭཱ ཨ་ནུ་ལི་མྤི་ཏྭཱ, ཝེ་ཋེ་ཏྭཱ རཱ་ཛ་ཝེ་ཋ་ནཾ;
ཚ་ཏྟེ་ན ཨ་བྷི་སི་ཉྩི་ཏྭཱ, ཀཱ་རེ་སུཾ པུ་རཾ པ་ད་ཀྑི་ཎཾ.
༦༢. ‘‘ས་ཏྟཱ་ཧཾ དྷཱ་ར་ཡི་ཏྭཱ་ན, ཨུ་གྒ་ཏེ ར་ཝི་མ་ཎྜ་ལེ;
ར་ཐེ་ན མཾ ནཱི་ཧ་རི་ཏྭཱ, སཱ་ར་ཐཱི ཝ་ན་མུ་པཱ་ག་མི.
༦༣. ‘‘ཨེ་ཀོ་ཀཱ་སེ ར་ཐཾ ཀ་ཏྭཱ, ས་ཛྫ་སྶཾ ཧ་ཏྠ་མུ་ཙྩི་ཏོ [ཧ་ཏྠ་མུ་ཉྩི་ཏོ (སཱི. སྱཱ.)];
སཱ་ར་ཐཱི ཁ་ཎ་ཏཱི ཀཱ་སུཾ, ནི་ཁཱ་ཏུཾ པ་ཐ་ཝི་ཡཱ མ་མཾ.
༦༤. ‘‘ཨ་དྷི་ཊྛི་ཏ་མ་དྷི་ཊྛཱ་ནཾ, ཏ་ཛྫེ་ནྟོ ཝི་ཝི་དྷ་ཀཱ་ར་ཎཱ;
ན བྷི་ནྡིཾ ཏ་མ་དྷི་ཊྛཱ་ནཾ, བོ་དྷི་ཡཱ་ཡེ་ཝ ཀཱ་ར་ཎཱ.
༦༥. ‘‘མཱ་ཏཱ་པི་ཏཱ ན མེ དེ་སྶཱ, ཨ་ཏྟཱ མེ ན ཙ དེ་སྶི་ཡོ;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ ཝ་ཏ་མ་དྷི་ཊྛ་ཧིཾ.
༦༦. ‘‘ཨེ་ཏེ ཨ་ངྒེ ཨ་དྷི་ཊྛཱ་ཡ, ཝ་སྶཱ་ནི སོ་ལ༹་སཾ ཝ་སིཾ;
ཨ་དྷི་ཊྛཱ་ནེ་ན མེ ས་མོ ན་ཏྠི, ཨེ་སཱ མེ ཨ་དྷི་ཊྛཱ་ན་པཱ་ར་མཱི’’ཏི.
ཏེ་མི་ཡ་ཙ་རི་ཡཾ ཚ་ཊྛཾ.
༧. ཀ་པི་རཱ་ཛ་ཙ་རི་ཡཱ
༦༧. ‘‘ཡ་དཱ ཨ་ཧཾ ཀ་པི ཨཱ་སིཾ, ན་དཱི་ཀཱུ་ལེ ད་རཱི་ས་ཡེ;
པཱི་ལི༹་ཏོ སུ་སུ་མཱ་རེ་ན, ག་མ་ནཾ ན ལ་བྷཱ་མ་ཧཾ.
༦༨. ‘‘ཡ་མྷོ་ཀཱ་སེ ཨ་ཧཾ ཋ་ཏྭཱ, ཨོ་རཱ པཱ་རཾ པ་ཏཱ་མ་ཧཾ;