༩. ཨ་ལཱི་ན་ས་ཏྟུ་ཙ་རི་ཡཱ
༧༤. ‘‘པ་ཉྩཱ་ལ་ར་ཊྛེ ན་ག་ར་ཝ་རེ, ཀ་པི་ལཱ་ཡཾ [ཀ་མྤི་ལཱ་ཡཾ (སཱི.), ཀ་པྤི་ལཱ་ཡཾ (སྱཱ.)] པུ་རུ་ཏྟ་མེ;
རཱ་ཛཱ ཛ་ཡ་དྡི་སོ ནཱ་མ, སཱི་ལ་གུ་ཎ་མུ་པཱ་ག་ཏོ.
༧༥. ‘‘ཏ་སྶ ར་ཉྙོ ཨ་ཧཾ པུ་ཏྟོ, སུ་ཏ་དྷ་མྨོ སུ་སཱི་ལ་ཝཱ;
ཨ་ལཱི་ན་ས་ཏྟོ གུ་ཎ་ཝཱ, ཨ་ནུ་ར་ཀྑ་པ་རི་ཛ་ནོ ས་དཱ.
༧༦. ‘‘པི་ཏཱ མེ མི་ག་ཝཾ ག་ནྟྭཱ, པོ་རི་སཱ་དཾ ཨུ་པཱ་ག་མི;
སོ མེ པི་ཏུ་མ་གྒ་ཧེ་སི, ‘བྷ་ཀྑོ་སི མ་མ མཱ ཙ་ལི’.
༧༧. ‘‘ཏ་སྶ ཏཾ ཝ་ཙ་ནཾ སུ་ཏྭཱ, བྷཱི་ཏོ ཏ་སི་ཏ་ཝེ་དྷི་ཏོ;
ཨཱུ་རུ་ཀྑ་མྦྷོ ཨ་ཧུ ཏ་སྶ, དི་སྭཱ་ན པོ་རི་སཱ་ད་ཀཾ.
༧༨. ‘‘མི་ག་ཝཾ ག་ཧེ་ཏྭཱ མུ་ཉྩ་སྶུ, ཀ་ཏྭཱ ཨཱ་ག་མ་ནཾ པུ་ན;
བྲཱ་ཧྨ་ཎ་སྶ དྷ་ནཾ ད་ཏྭཱ, པི་ཏཱ ཨཱ་མ་ནྟ་ཡཱི མ་མཾ.
༧༩. ‘‘‘ར་ཛྫཾ པུ་ཏྟ པ་ཊི་པ་ཛྫ, མཱ པ་མ་ཛྫི པུ་རཾ ཨི་དཾ;
ཀ་ཏཾ མེ པོ་རི་སཱ་དེ་ན, མ་མ ཨཱ་ག་མ་ནཾ པུ་ན’.
༨༠. ‘‘མཱ་ཏཱ་པི་ཏཱུ ཙ ཝ་ནྡི་ཏྭཱ, ནི་མྨི་ནི་ཏྭཱ་ན ཨ་ཏྟ་ནཱ;
ནི་ཀྑི་པི་ཏྭཱ དྷ་ནུཾ ཁ་གྒཾ, པོ་རི་སཱ་དཾ ཨུ་པཱ་ག་མིཾ.
༨༡. ‘‘ས་ས་ཏྠ་ཧ་ཏྠཱུ་པ་ག་ཏཾ, ཀ་དཱ་ཙི སོ ཏ་སི་སྶ་ཏི;
ཏེ་ན བྷི་ཛྫི་སྶ་ཏི སཱི་ལཾ, པ་རི་ཏྟཱ་སཾ [པ་རི་ཏཱ་སཾ (སཱི.)] ཀ་ཏེ མ་ཡི.
༨༢. ‘‘སཱི་ལ་ཁ་ཎྜ་བྷ་ཡཱ མ་ཡ྄ཧཾ, ཏ་སྶ དེ་སྶཾ ན བྱཱ་ཧ་རིཾ;
མེ་ཏྟ་ཙི་ཏྟོ ཧི་ཏ་ཝཱ་དཱི, ཨི་དཾ ཝ་ཙ་ན་མ་བྲ་ཝིཾ.
༨༣. ‘‘‘ཨུ་ཛྫཱ་ལེ་ཧི མ་ཧཱ་ཨ་གྒིཾ, པ་པ་ཏི་སྶཱ་མི རུ་ཀྑ་ཏོ;
ཏྭཾ པ་ཀྐ་ཀཱ་ལ་མ་ཉྙཱ་ཡ [སུ་པ་ཀྐ་ཀཱ་ལ་མ་ཉྙཱ་ཡ (པཱི.)], བྷ་ཀྑ་ཡ མཾ པི་ཏཱ་མ་ཧ’.
༨༤. ‘‘ཨི་ཏི སཱི་ལ་ཝ་ཏཾ ཧེ་ཏུ, ནཱ་ར་ཀྑིཾ མ་མ ཛཱི་ཝི་ཏཾ;
པ་བྦཱ་ཛེ་སིཾ ཙ་ཧཾ ཏ་སྶ, ས་དཱ པཱ་ཎཱ་ཏི་པཱ་ཏི་ཀ’’ནྟི.
ཨ་ལཱི་ན་ས་ཏྟུ་ཙ་རི་ཡཾ ན་ཝ་མཾ.