༡༠. ས་ངྑ་པཱ་ལ་ཙ་རི་ཡཱ
༨༥. ‘‘པུ་ནཱ་པ་རཾ ཡ་དཱ ཧོ་མི, ས་ངྑ་པཱ་ལོ མ་ཧི་དྡྷི་ཀོ;
དཱ་ཋཱ་ཝུ་དྷོ གྷོ་ར་ཝི་སོ, དྭི་ཛི་ཝ྄ཧོ ཨུ་ར་གཱ་དྷི་བྷཱུ.
༨༦. ‘‘ཙ་ཏུ་པྤ་ཐེ མ་ཧཱ་མ་གྒེ, ནཱ་ནཱ་ཛ་ན་ས་མཱ་ཀུ་ལེ;
ཙ་ཏུ་རོ ཨ་ངྒེ ཨ་དྷི་ཊྛཱ་ཡ, ཏ་ཏྠ ཝཱ་ས་མ་ཀ་པྤ་ཡིཾ.
༨༧. ‘‘ཚ་ཝི་ཡཱ ཙ་མྨེ་ན མཾ་སེ་ན, ན་ཧཱ་རུ་ཨ་ཊྛི་ཀེ་ཧི ཝཱ;
ཡ་སྶ ཨེ་ཏེ་ན ཀ་ར་ཎཱི་ཡཾ, དི་ནྣཾ་ཡེ་ཝ ཧ་རཱ་ཏུ སོ.
༨༨. ‘‘ཨ་དྡ་སཾ་སུ བྷོ་ཛ་པུ་ཏྟཱ, ཁ་རཱ ལུ་དྡཱ ཨ་ཀཱ་རུ་ཎཱ;
ཨུ་པ་ག་ཉྪུཾ མ་མཾ ཏ་ཏྠ, ད་ཎྜ་མུ་གྒ་ར་པཱ་ཎི་ནོ.
༨༩. ‘‘ནཱ་སཱ་ཡ ཝི་ནི་ཝི་ཛ྄ཛྷི་ཏྭཱ, ན་ངྒུ་ཊྛེ པི་ཊྛི་ཀ་ཎྚ་ཀེ;
ཀཱ་ཛེ ཨཱ་རོ་པ་ཡི་ཏྭཱ་ན, བྷོ་ཛ་པུ་ཏྟཱ ཧ་རིཾ་སུ མཾ.
༩༠. ‘‘ས་སཱ་ག་ར་ནྟཾ པ་ཐ་ཝིཾ, ས་ཀཱ་ན་ནཾ ས་པ་བྦ་ཏཾ;
ཨི་ཙྪ་མཱ་ནོ ཙ་ཧཾ ཏ་ཏྠ, ནཱ་སཱ་ཝཱ་ཏེ་ན ཛྷཱ་པ་ཡེ.
༩༡. ‘‘སཱུ་ལེ་ཧི ཝི་ནི་ཝི་ཛ྄ཛྷ་ནྟེ, ཀོ་ཊྚ་ཡ་ནྟེ་པི ས་ཏྟི་བྷི;
བྷོ་ཛ་པུ་ཏྟེ ན ཀུ་པྤཱ་མི, ཨེ་སཱ མེ སཱི་ལ་པཱ་ར་མཱི’’ཏི.
ས་ངྑ་པཱ་ལ་ཙ་རི་ཡཾ ད་ས་མཾ.
ཧ་ཏྠི་ནཱ་ག་ཝ་གྒོ དུ་ཏི་ཡོ.
ཏ་སྶུ་དྡཱ་ནཾ –
ཧ་ཏྠི་ནཱ་གོ བྷཱུ་རི་ད་ཏྟོ, ཙ་མྤེ་ཡྻོ བོ་དྷི མ་ཧིཾ་སོ;
རུ་རུ མཱ་ཏ་ངྒོ དྷ་མྨོ ཙ, ཨ་ཏྲ་ཛོ ཙ ཛ་ཡ་དྡི་སོ.
ཨེ་ཏེ ན་ཝ སཱི་ལ་བ་ལཱ, པ་རི་ཀྑཱ་རཱ པ་དེ་སི་ཀཱ;
ཛཱི་ཝི་ཏཾ པ་རི་ར་ཀྑི་ཏྭཱ, སཱི་ལཱ་ནི ཨ་ནུ་ར་ཀྑི་སཾ.
ས་ངྑ་པཱ་ལ་སྶ མེ ས་ཏོ, ས་བྦ་ཀཱ་ལ་མྤི ཛཱི་ཝི་ཏཾ;
ཡ་སྶ ཀ་སྶ་ཙི ནི་ཡྻ་ཏྟཾ, ཏ་སྨཱ སཱ སཱི་ལ་པཱ་ར་མཱི་ཏི.
སཱི་ལ་པཱ་ར་མི་ནི་དྡེ་སོ ནི་ཊྛི་ཏོ.