༢. ཧ་ཏྠི་ནཱ་ག་ཝ་གྒོ
༡. མཱ་ཏུ་པོ་ས་ཀ་ཙ་རི་ཡཱ
༡. ‘‘ཡ་དཱ ཨ་ཧོ་སིཾ པ་ཝ་ནེ, ཀུ་ཉྫ་རོ མཱ་ཏུ་པོ་ས་ཀོ;
ན ཏ་དཱ ཨ་ཏྠི མ་ཧི་ཡཱ, གུ་ཎེ་ན མ་མ སཱ་དི་སོ.
༢. ‘‘པ་ཝ་ནེ དི་སྭཱ ཝ་ན་ཙ་རོ, ར་ཉྙོ མཾ པ་ཊི་ཝེ་ད་ཡི;
‘ཏ་ཝཱ་ནུ་ཙྪ་ཝོ མ་ཧཱ་རཱ་ཛ, ག་ཛོ ཝ་ས་ཏི ཀཱ་ན་ནེ.
༣. ‘‘‘ན ཏ་སྶ པ་རི་ཀྑཱ་ཡ་ཏྠོ, ན་པི ཨཱ་ལ༹་ཀ་ཀཱ་སུ་ཡཱ;
ས་ཧ ག་ཧི་ཏེ [ས་མཾ ག་ཧི་ཏེ (སཱི.)] སོ་ཎྜཱ་ཡ, ས་ཡ་མེ་ཝ ཨི་དྷེ་ཧི’ཏི.
༤. ‘‘ཏ་སྶ ཏཾ ཝ་ཙ་ནཾ སུ་ཏྭཱ, རཱ་ཛཱ་པི ཏུ་ཊྛ་མཱ་ན་སོ;
པེ་སེ་སི ཧ་ཏྠི་ད་མ་ཀཾ, ཚེ་ཀཱ་ཙ་རི་ཡཾ སུ་སི་ཀྑི་ཏཾ.
༥. ‘‘ག་ནྟྭཱ སོ ཧ་ཏྠི་ད་མ་ཀོ, ཨ་དྡ་ས པ་དུ་མ་སྶ་རེ;
བྷི་ས་མུ་ལཱ༹་ལཾ [བྷི་ས་མཱུ་ལཾ (ཀ.)] ཨུ་དྡྷ་ར་ནྟཾ, ཡཱ་པ་ན་ཏྠཱ་ཡ མཱ་ཏུ་ཡཱ.
༦. ‘‘ཝི་ཉྙཱ་ཡ མེ སཱི་ལ་གུ་ཎཾ, ལ་ཀྑ་ཎཾ ཨུ་པ་དྷཱ་ར་ཡི;
‘ཨེ་ཧི པུ་ཏྟཱ’ཏི པ་ཏྭཱ་ན, མ་མ སོ་ཎྜཱ་ཡ ཨ་གྒ་ཧི.
༧. ‘‘ཡཾ མེ ཏ་དཱ པཱ་ཀ་ཏི་ཀཾ, ས་རཱི་རཱ་ནུ་ག་ཏཾ བ་ལཾ;
ཨ་ཛྫ ནཱ་ག་ས་ཧ་སྶཱ་ནཾ, བ་ལེ་ན ས་མ་སཱ་དི་སཾ.
༨. ‘‘ཡ་དི་ཧཾ ཏེ་སཾ པ་ཀུ་པྤེ་ཡྻཾ, ཨུ་པེ་ཏཱ་ནཾ ག་ཧ་ཎཱ་ཡ མཾ;
པ་ཊི་བ་ལོ བྷ་ཝེ ཏེ་སཾ, ཡཱ་ཝ ར་ཛྫ་མྤི མཱ་ནུ་སཾ.
༩. ‘‘ཨ་པི ཙཱ་ཧཾ སཱི་ལ་ར་ཀྑཱ་ཡ, སཱི་ལ་པཱ་ར་མི་པཱུ་རི་ཡཱ;
ན ཀ་རོ་མི ཙི་ཏྟེ ཨ་ཉྙ་ཐ་ཏྟཾ, པ་ཀྑི་པ་ནྟཾ མ་མཱ་ལ༹་ཀེ.
༡༠. ‘‘ཡ་དི ཏེ མཾ ཏ་ཏྠ ཀོ་ཊྚེ་ཡྻུཾ, ཕ་ར་སཱུ་ཧི ཏོ་མ་རེ་ཧི ཙ;
ནེ་ཝ ཏེ་སཾ པ་ཀུ་པྤེ་ཡྻཾ, སཱི་ལ་ཁ་ཎྜ་བྷ་ཡཱ མ་མཱ’’ཏི.
མཱ་ཏུ་པོ་ས་ཀ་ཙ་རི་ཡཾ པ་ཋ་མཾ.
༢. བྷཱུ་རི་ད་ཏྟ་ཙ་རི་ཡཱ
༡༡. ‘‘པུ་ནཱ་པ་རཾ ཡ་དཱ ཧོ་མི, བྷཱུ་རི་ད་ཏྟོ མ་ཧི་དྡྷི་ཀོ;
ཝི་རཱུ་པ་ཀྑེ་ན མ་ཧཱ་ར་ཉྙཱ, དེ་ཝ་ལོ་ཀ་མ་ག་ཉྪ་ཧཾ.
༡༢. ‘‘ཏ་ཏྠ པ་སྶི་ཏྭཱ་ཧཾ དེ་ཝེ, ཨེ་ཀ་ནྟཾ སུ་ཁ་ས་མ་པྤི་ཏེ;
ཏཾ ས་གྒ་ག་མ་ན་ཏྠཱ་ཡ, སཱི་ལ་བྦ་ཏཾ ས་མཱ་དི་ཡིཾ.
༡༣. ‘‘ས་རཱི་ར་ཀི་ཙྩཾ ཀ་ཏྭཱ་ན, བྷུ་ཏྭཱ ཡཱ་པ་ན་མ་ཏྟ་ཀཾ;
ཙ་ཏུ་རོ ཨ་ངྒེ ཨ་དྷི་ཊྛཱ་ཡ, སེ་མི ཝ་མྨི་ཀ་མུ་དྡྷ་ནི.
༡༤. ‘‘ཚ་ཝི་ཡཱ ཙ་མྨེ་ན མཾ་སེ་ན, ན་ཧཱ་རུ་ཨ་ཊྛི་ཀེ་ཧི ཝཱ;
ཡ་སྶ ཨེ་ཏེ་ན ཀ་ར་ཎཱི་ཡཾ, དི་ནྣཾ་ཡེ་ཝ ཧ་རཱ་ཏུ སོ.
༡༥. ‘‘སཾ་སི་ཏོ ཨ་ཀ་ཏ་ཉྙུ་ནཱ, ཨཱ་ལ་མྤཱ་ཡ་ནོ [ཨཱ་ལ་མྦ་ཎོ (སཱི.)] མ་མ་གྒ་ཧི;
པེ་ལཱ༹་ཡ པ་ཀྑི་པི་ཏྭཱ་ན, ཀཱི་ལེ༹་ཏི མཾ ཏ་ཧིཾ ཏ་ཧིཾ.
༡༦. ‘‘པེ་ལཱ༹་ཡ པ་ཀྑི་པ་ནྟེ་པི, ས་མྨ་དྡ་ནྟེ་པི པཱ་ཎི་ནཱ;
ཨཱ་ལ་མྤཱ་ཡ་ནེ [ཨཱ་ལ་མྦ་ཎེ (སཱི.)] ན ཀུ་པྤཱ་མི, སཱི་ལ་ཁ་ཎྜ་བྷ་ཡཱ མ་མ.
༡༧. ‘‘ས་ཀ་ཛཱི་ཝི་ཏ་པ་རི་ཙྩཱ་གོ, ཏི་ཎ་ཏོ ལ་ཧུ་ཀོ མ་མ;
སཱི་ལ་ཝཱི་ཏི་ཀྐ་མོ མ་ཡ྄ཧཾ, པ་ཐ་ཝཱི་ཨུ་པྤ་ཏ་ནཾ ཝི་ཡ.
༡༨. ‘‘ནི་ར་ནྟ་རཾ ཛཱ་ཏི་ས་ཏཾ, ཙ་ཛེ་ཡྻཾ མ་མ ཛཱི་ཝི་ཏཾ;
ནེ་ཝ སཱི་ལཾ པ་བྷི་ནྡེ་ཡྻཾ, ཙ་ཏུ་དྡཱི་པཱ་ན ཧེ་ཏུ་པི.
༡༩. ‘‘ཨ་པི ཙཱ་ཧཾ སཱི་ལ་ར་ཀྑཱ་ཡ, སཱི་ལ་པཱ་ར་མི་པཱུ་རི་ཡཱ;
ན ཀ་རོ་མི ཙི་ཏྟེ ཨ་ཉྙ་ཐ་ཏྟཾ, པ་ཀྑི་པ་ནྟ་མྤི པེ་ལ༹་ཀེ’’ཏི.
བྷཱུ་རི་ད་ཏྟ་ཙ་རི་ཡཾ དུ་ཏི་ཡཾ.
༣. ཙ་མྤེ་ཡྻ་ནཱ་ག་ཙ་རི་ཡཱ
༢༠. ‘‘པུ་ནཱ་པ་རཾ ཡ་དཱ ཧོ་མི, ཙ་མྤེ་ཡྻ་ཀོ མ་ཧི་དྡྷི་ཀོ;
ཏ་དཱ་པི དྷ་མྨི་ཀོ ཨཱ་སིཾ, སཱི་ལ་བྦ་ཏ་ས་མ་པྤི་ཏོ.
༢༡. ‘‘ཏ་དཱ་པི མཾ དྷ་མྨ་ཙཱ་རིཾ, ཨུ་པ་ཝུ་ཏྠཾ ཨུ་པོ་ས་ཐཾ;
ཨ་ཧི་ཏུ་ཎྜི་ཀོ ག་ཧེ་ཏྭཱ་ན, རཱ་ཛ་དྭཱ་ར་མྷི ཀཱི་ལ༹་ཏི.
༢༢. ‘‘ཡཾ ཡཾ སོ ཝ་ཎྞཾ ཙི་ནྟ་ཡི, ནཱི་ལཾ་ཝ པཱི་ཏ་ལོ་ཧི་ཏཾ;
ཏ་སྶ ཙི་ཏྟཱ་ནུ་ཝ་ཏྟ་ནྟོ, ཧོ་མི ཙི་ནྟི་ཏ་ས་ནྣི་བྷོ.
༢༣. ‘‘ཐ་ལཾ ཀ་རེ་ཡྻ་མུ་ད་ཀཾ, ཨུ་ད་ཀ་མྤི ཐ་ལཾ ཀ་རེ;
ཡ་དི་ཧཾ ཏ་སྶ པ་ཀུ་པྤེ་ཡྻཾ, ཁ་ཎེ་ན ཚཱ་རི་ཀཾ ཀ་རེ.
༢༤. ‘‘ཡ་དི ཙི་ཏྟ་ཝ་སཱི ཧེ་སྶཾ, པ་རི་ཧཱ་ཡི་སྶཱ་མི སཱི་ལ་ཏོ;
སཱི་ལེ་ན པ་རི་ཧཱི་ན་སྶ, ཨུ་ཏྟ་མ་ཏྠོ ན སི་ཛ྄ཛྷ་ཏི.
༢༥. ‘‘ཀཱ་མཾ བྷི་ཛྫ་ཏུ་ཡཾ ཀཱ་ཡོ, ཨི་དྷེ་ཝ ཝི་ཀི་རཱི་ཡ་ཏུ;
ནེ་ཝ སཱི་ལཾ པ་བྷི་ནྡེ་ཡྻཾ, ཝི་ཀི་ར་ནྟེ བྷུ་སཾ ཝི་ཡཱ’’ཏི.
ཙ་མྤེ་ཡྻ་ནཱ་ག་ཙ་རི་ཡཾ ཏ་ཏི་ཡཾ.
༤. ཙཱུ་ལ༹་བོ་དྷི་ཙ་རི་ཡཱ
༢༦. ‘‘པུ་ནཱ་པ་རཾ ཡ་དཱ ཧོ་མི, ཙཱུ་ལ༹་བོ་དྷི སུ་སཱི་ལ་ཝཱ;
བྷ་ཝཾ དི་སྭཱ་ན བྷ་ཡ་ཏོ, ནེ་ཀྑ་མྨཾ ཨ་བྷི་ནི་ཀྑ་མིཾ.
༢༧. ‘‘ཡཱ མེ དུ་ཏི་ཡི་ཀཱ ཨཱ་སི, བྲཱ་ཧྨ་ཎཱི ཀ་ན་ཀ་ས་ནྣི་བྷཱ;
སཱ་པི ཝ་ཊྚེ ཨ་ན་པེ་ཀྑཱ, ནེ་ཀྑ་མྨཾ ཨ་བྷི་ནི་ཀྑ་མི.
༢༨. ‘‘ནི་རཱ་ལ་ཡཱ ཚི་ནྣ་བ་ནྡྷཱུ, ཨ་ན་པེ་ཀྑཱ ཀུ་ལེ ག་ཎེ;
ཙ་ར་ནྟཱ གཱ་མ་ནི་ག་མཾ, བཱ་རཱ་ཎ་སི་མུ་པཱ་ག་མུཾ.
༢༩. ‘‘ཏ་ཏྠ ཝ་སཱ་མ ནི་པ་ཀཱ, ཨ་སཾ་ས་ཊྛཱ ཀུ་ལེ ག་ཎེ;
ནི་རཱ་ཀུ་ལེ ཨ་པྤ་ས་དྡེ, རཱ་ཛུ་ཡྻཱ་ནེ ཝ་སཱ་མུ་བྷོ.
༣༠. ‘‘ཨུ་ཡྻཱ་ན་ད་སྶ་ནཾ ག་ནྟྭཱ, རཱ་ཛཱ ཨ་དྡ་ས བྲཱ་ཧྨ་ཎིཾ;
ཨུ་པ་ག་མྨ མ་མཾ པུ་ཙྪི, ‘ཏུ་ཡ྄ཧེ་སཱ ཀཱ ཀ་སྶ བྷ་རི་ཡཱ’.
༣༡. ‘‘ཨེ་ཝཾ ཝུ་ཏྟེ ཨ་ཧཾ ཏ་སྶ, ཨི་དཾ ཝ་ཙ་ན་མ་བྲ་ཝིཾ;
‘ན མ་ཡ྄ཧཾ བྷ་རི་ཡཱ ཨེ་སཱ, ས་ཧ་དྷ་མྨཱ ཨེ་ཀ་སཱ་ས་ནཱི’.
༣༢. ‘‘ཏི་སྶཱ [ཏ་སྶཱ (སཱི.)] སཱ་ར་ཏྟ་ག་དྷི་ཏོ, གཱ་ཧཱ་པེ་ཏྭཱ་ན ཙེ་ཊ་ཀེ;
ནི་པྤཱི་ལ༹་ཡ་ནྟོ བ་ལ་སཱ, ཨ་ནྟེ་པུ་རཾ པ་ཝེ་ས་ཡི.
༣༣. ‘‘ཨོ་ད་པ་ཏྟ་ཀི་ཡཱ མ་ཡ྄ཧཾ, ས་ཧ་ཛཱ ཨེ་ཀ་སཱ་ས་ནཱི;
ཨཱ་ཀ་ཌྜྷི་ཏྭཱ ན་ཡ་ནྟི་ཡཱ, ཀོ་པོ མེ ཨུ་པ་པ་ཛྫ་ཐ.
༣༤. ‘‘ས་ཧ ཀོ་པེ ས་མུ་པྤ་ནྣེ, སཱི་ལ་བྦ་ཏ་མ་ནུ་སྶ་རིཾ;
ཏ་ཏྠེ་ཝ ཀོ་པཾ ནི་གྒ་ཎྷིཾ, ནཱ་དཱ་སིཾ ཝ་ཌྜྷི་ཏཱུ་པ་རི.
༣༥. ‘‘ཡ་དི ནཾ བྲཱ་ཧྨ་ཎིཾ ཀོ་ཙི, ཀོ་ཊྚེ་ཡྻ ཏི་ཎྷ་ས་ཏྟི་ཡཱ;
ནེ་ཝ སཱི་ལཾ པ་བྷི་ནྡེ་ཡྻཾ, བོ་དྷི་ཡཱ་ཡེ་ཝ ཀཱ་ར་ཎཱ.
༣༦. ‘‘ན མེ་སཱ བྲཱ་ཧྨ་ཎཱི དེ་སྶཱ, ན་པི མེ བ་ལཾ ན ཝི་ཛྫ་ཏི;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ སཱི་ལཱ་ནུ་ར་ཀྑི་ས’’ནྟི.
ཙཱུ་ལ༹་བོ་དྷི་ཙ་རི་ཡཾ ཙ་ཏུ་ཏྠཾ.
༥. མ་ཧིཾ་ས་རཱ་ཛ་ཙ་རི་ཡཱ
༣༧. ‘‘པུ་ནཱ་པ་རཾ ཡ་དཱ ཧོ་མི, མ་ཧིཾ་སོ པ་ཝ་ན་ཙཱ་ར་ཀོ;
པ་ཝ་ཌྜྷ་ཀཱ་ཡོ བ་ལ་ཝཱ, མ་ཧ་ནྟོ བྷཱི་མ་ད་སྶ་ནོ.
༣༨. ‘‘པ་བྦྷཱ་རེ གི་རི་དུ་གྒེ [ཝ་ན་དུ་གྒེ (སཱི.)] ཙ, རུ་ཀྑ་མཱུ་ལེ ད་ཀཱ་ས་ཡེ;
ཧོ་ཏེ་ཏྠ ཋཱ་ནཾ མ་ཧིཾ་སཱ་ནཾ, ཀོ་ཙི ཀོ་ཙི ཏ་ཧིཾ ཏ་ཧིཾ.
༣༩. ‘‘ཝི་ཙ་ར་ནྟོ བྲ་ཧཱ་ར་ཉྙེ, ཋཱ་ནཾ ཨ་དྡ་ས བྷ་དྡ་ཀཾ;
ཏཾ ཋཱ་ནཾ ཨུ་པ་ག་ནྟྭཱ་ན, ཏི་ཊྛཱ་མི ཙ ས་ཡཱ་མི ཙ.
༤༠. ‘‘ཨ་ཐེ་ཏྠ ཀ་པི་མཱ་ག་ནྟྭཱ, པཱ་པོ ཨ་ན་རི་ཡོ ལ་ཧུ;
ཁ་ནྡྷེ ན་ལཱ་ཊེ བྷ་མུ་ཀེ, མུ་ཏྟེ་ཏི ཨོ་ཧ་ནེ་ཏི་ཏཾ.
༤༡. ‘‘ས་ཀི་མྤི དི་ཝ་སཾ དུ་ཏི་ཡཾ, ཏ་ཏི་ཡཾ ཙ་ཏུ་ཏྠ་མྤི ཙ;
དཱུ་སེ་ཏི མཾ ས་བྦ་ཀཱ་ལཾ, ཏེ་ན ཧོ་མི ཨུ་པ་དྡུ་ཏོ.
༤༢. ‘‘མ་མཾ ཨུ་པ་དྡུ་ཏཾ དི་སྭཱ, ཡ་ཀྑོ མཾ ཨི་ད་མ་བྲ་ཝི;
‘ནཱ་སེ་ཧེ་ཏཾ ཚ་ཝཾ པཱ་པཾ, སི་ངྒེ་ཧི ཙ ཁུ་རེ་ཧི ཙ’.
༤༣. ‘‘ཨེ་ཝཾ ཝུ་ཏྟེ ཏ་དཱ ཡ་ཀྑེ, ཨ་ཧཾ ཏཾ ཨི་ད་མ་བྲ་ཝིཾ;
‘ཀིཾ ཏྭཾ མ་ཀྑེ་སི ཀུ་ཎ་པེ་ན, པཱ་པེ་ན ཨ་ན་རི་ཡེ་ན མཾ.
༤༤. ‘‘‘ཡ་དི་ཧཾ ཏ་སྶ པ་ཀུ་པྤེ་ཡྻཾ, ཏ་ཏོ ཧཱི་ན་ཏ་རོ བྷ་ཝེ;
སཱི་ལ་ཉྩ མེ པ་བྷི་ཛྫེ་ཡྻ, ཝི་ཉྙཱུ ཙ ག་ར་ཧེ་ཡྻུ མཾ.
༤༥. ‘‘‘ཧཱི་ལི༹་ཏཱ ཛཱི་ཝི་ཏཱ ཝཱ་པི, པ་རི་སུ་དྡྷེ་ན མ་ཏཾ ཝ་རཾ;
ཀྱཱ་ཧཾ ཛཱི་ཝི་ཏ་ཧེ་ཏཱུ་པི, ཀཱ་ཧཱ་མིཾ པ་ར་ཧེ་ཋ་ནཾ’.
༤༦. ‘‘མ་མེ་ཝཱ་ཡཾ མ་ཉྙ་མཱ་ནོ, ཨ་ཉྙེ་པེ་ཝཾ ཀ་རི་སྶ་ཏི;
ཏེ་ཝ ཏ་སྶ ཝ་དྷི་སྶ་ནྟི, སཱ མེ མུ་ཏྟི བྷ་ཝི་སྶ་ཏི.
༤༧. ‘‘ཧཱི་ན་མ་ཛ྄ཛྷི་མ་ཨུ་ཀྐ་ཊྛེ, ས་ཧ་ནྟོ ཨ་ཝ་མཱ་ནི་ཏཾ;
ཨེ་ཝཾ ལ་བྷ་ཏི ས་པྤ་ཉྙོ, མ་ན་སཱ ཡ་ཐཱ པ་ཏྠི་ཏ’’ནྟི.
མ་ཧིཾ་ས་རཱ་ཛ་ཙ་རི་ཡཾ པ་ཉྩ་མཾ.
༦. རུ་རུ་རཱ་ཛ་ཙ་རི་ཡཱ
༤༨. ‘‘པུ་ནཱ་པ་རཾ ཡ་དཱ ཧོ་མི, སུ་ཏ་ཏྟ་ཀ་ན་ཀ་ས་ནྣི་བྷོ;
མི་ག་རཱ་ཛཱ རུ་རུ་ནཱ་མ, པ་ར་མ་སཱི་ལ་ས་མཱ་ཧི་ཏོ.
༤༩. ‘‘ར་མྨེ པ་དེ་སེ ར་མ་ཎཱི་ཡེ, ཝི་ཝི་ཏྟེ ཨ་མ་ནུ་སྶ་ཀེ;
ཏ་ཏྠ ཝཱ་སཾ ཨུ་པ་ག་ཉྪིཾ, ག་ངྒཱ་ཀཱུ་ལེ མ་ནོ་ར་མེ.
༥༠. ‘‘ཨ་ཐ ཨུ་པ་རི ག་ངྒཱ་ཡ, དྷ་ནི་ཀེ་ཧི པ་རི་པཱི་ལི༹་ཏོ;
པུ་རི་སོ ག་ངྒཱ་ཡ པ་པ་ཏི, ‘ཛཱི་ཝཱ་མི ཝཱ མ་རཱ་མི ཝཱ’.
༥༡. ‘‘ར་ཏྟི་ནྡི་ཝཾ སོ ག་ངྒཱ་ཡ, ཝུ་ཡ྄ཧ་མཱ་ནོ མ་ཧོ་ད་ཀེ;
ར་ཝ་ནྟོ ཀ་རུ་ཎཾ ར་ཝཾ, མ་ཛ྄ཛྷེ ག་ངྒཱ་ཡ ག་ཙྪ་ཏི.
༥༢. ‘‘ཏ་སྶཱ་ཧཾ ས་དྡཾ སུ་ཏྭཱ་ན, ཀ་རུ་ཎཾ པ་རི་དེ་ཝ་ཏོ;
ག་ངྒཱ་ཡ ཏཱི་རེ ཋ་ཏྭཱ་ན, ཨ་པུ་ཙྪིཾ ‘ཀོ་སི ཏྭཾ ན་རོ’.
༥༣. ‘‘སོ མེ པུ་ཊྛོ ཙ བྱཱ་ཀཱ་སི, ཨ་ཏྟ་ནོ ཀ་ར་ཎཾ ཏ་དཱ;
‘དྷ་ནི་ཀེ་ཧི བྷཱི་ཏོ ཏ་སི་ཏོ, པ་ཀྑ་ནྡོ་ཧཾ མ་ཧཱ་ན་དིཾ’.
༥༤. ‘‘ཏ་སྶ ཀ་ཏྭཱ་ན ཀཱ་རུ་ཉྙཾ, ཙ་ཛི་ཏྭཱ མ་མ ཛཱི་ཝི་ཏཾ;
པ་ཝི་སི་ཏྭཱ ནཱི་ཧ་རིཾ ཏ་སྶ, ཨ་ནྡྷ་ཀཱ་ར་མྷི ར་ཏྟི་ཡཱ.
༥༥. ‘‘ཨ་སྶ་ཏྠ་ཀཱ་ལ་མ་ཉྙཱ་ཡ, ཏ་སྶཱ་ཧཾ ཨི་ད་མ་བྲ་ཝིཾ;
‘ཨེ་ཀཾ ཏཾ ཝ་རཾ ཡཱ་ཙཱ་མི, མཱ མཾ ཀ་སྶ་ཙི པཱ་ཝ་ད’.
༥༦. ‘‘ན་ག་རཾ ག་ནྟྭཱ་ན ཨཱ་ཙི་ཀྑི, པུ་ཙྪི་ཏོ དྷ་ན་ཧེ་ཏུ་ཀོ;
རཱ་ཛཱ་ནཾ སོ ག་ཧེ་ཏྭཱ་ན, ཨུ་པ་ག་ཉྪི མ་མ་ནྟི་ཀཾ.
༥༧. ‘‘ཡཱ་ཝ་ཏཱ ཀ་ར་ཎཾ ས་བྦཾ, ར་ཉྙོ ཨཱ་རོ་ཙི་ཏཾ མ་ཡཱ;
རཱ་ཛཱ སུ་ཏྭཱ་ན ཝ་ཙ་ནཾ, ཨུ་སུཾ ཏ་སྶ པ་ཀ་པྤ་ཡི;
‘ཨི་དྷེ་ཝ གྷཱ་ཏ་ཡི་སྶཱ་མི, མི་ཏྟ་དུ་བྦྷིཾ [མི་ཏྟ་དཱུ་བྷིཾ (སཱི.)] ཨ་ནཱ་རི་ཡཾ’.
༥༨. ‘‘ཏ་མ་ཧཾ ཨ་ནུ་ར་ཀྑ་ནྟོ, ནི་མྨི་ནིཾ མ་མ ཨ་ཏྟ་ནཱ;
‘ཏི་ཊྛ་ཏེ་སོ མ་ཧཱ་རཱ་ཛ, ཀཱ་མ་ཀཱ་རོ བྷ་ཝཱ་མི ཏེ’.
༥༩. ‘‘ཨ་ནུ་ར་ཀྑིཾ མ་མ སཱི་ལཾ, ནཱ་ར་ཀྑིཾ མ་མ ཛཱི་ཝི་ཏཾ;
སཱི་ལ་ཝཱ ཧི ཏ་དཱ ཨཱ་སིཾ, བོ་དྷི་ཡཱ་ཡེ་ཝ ཀཱ་ར་ཎཱ’’ཏི.
རུ་རུ་རཱ་ཛ་ཙ་རི་ཡཾ ཚ་ཊྛཾ.
༧. མཱ་ཏ་ངྒ་ཙ་རི་ཡཱ
༦༠. ‘‘པུ་ནཱ་པ་རཾ ཡ་དཱ ཧོ་མི, ཛ་ཊི་ལོ ཨུ་གྒ་ཏཱ་པ་ནོ;
མཱ་ཏ་ངྒོ ནཱ་མ ནཱ་མེ་ན, སཱི་ལ་ཝཱ སུ་ས་མཱ་ཧི་ཏོ.
༦༡. ‘‘ཨ་ཧ་ཉྩ བྲཱ་ཧྨ་ཎོ ཨེ་ཀོ, ག་ངྒཱ་ཀཱུ་ལེ ཝ་སཱ་མུ་བྷོ;
ཨ་ཧཾ ཝ་སཱ་མི ཨུ་པ་རི, ཧེ་ཊྛཱ ཝ་ས་ཏི བྲཱ་ཧྨ་ཎོ.
༦༢. ‘‘ཝི་ཙ་ར་ནྟོ ཨ་ནུ་ཀཱུ་ལ་མྷི, ཨུ་དྡྷཾ མེ ཨ་སྶ་མ་དྡ་ས;
ཏ་ཏྠ མཾ པ་རི་བྷཱ་སེ་ཏྭཱ, ཨ་བྷི་ས་པི མུ་དྡྷ་ཕཱ་ལ་ནཾ.
༦༣. ‘‘ཡ་དི་ཧཾ ཏ་སྶ པ་ཀུ་པྤེ་ཡྻཾ, ཡ་དི སཱི་ལཾ ན གོ་པ་ཡེ;
ཨོ་ལོ་ཀེ་ཏྭཱ་ན་ཧཾ ཏ་སྶ, ཀ་རེ་ཡྻཾ ཚཱ་རི་ཀཾ ཝི་ཡ.
༦༤. ‘‘ཡཾ སོ ཏ་དཱ མཾ ཨ་བྷི་ས་པི, ཀུ་པི་ཏོ དུ་ཊྛ་མཱ་ན་སོ;
ཏ་སྶེ་ཝ མ་ཏྠ་ཀེ ནི་པ་ཏི, ཡོ་གེ་ན ཏཾ པ་མོ་ཙ་ཡིཾ.
༦༥. ‘‘ཨ་ནུ་ར་ཀྑིཾ མ་མ སཱི་ལཾ, ནཱ་ར་ཀྑིཾ མ་མ ཛཱི་ཝི་ཏཾ;
སཱི་ལ་ཝཱ ཧི ཏ་དཱ ཨཱ་སིཾ, བོ་དྷི་ཡཱ་ཡེ་ཝ ཀཱ་ར་ཎཱ’’ཏི.
མཱ་ཏ་ངྒ་ཙ་རི་ཡཾ ས་ཏྟ་མཾ.
༨. དྷ་མྨ་དེ་ཝ་པུ་ཏྟ་ཙ་རི་ཡཱ
༦༦. ‘‘པུ་ནཱ་པ་རཾ ཡ་དཱ ཧོ་མི, མ་ཧཱ་པ་ཀྑོ མ་ཧི་དྡྷི་ཀོ;
དྷ་མྨོ ནཱ་མ མ་ཧཱ་ཡ་ཀྑོ, ས་བྦ་ལོ་ཀཱ་ནུ་ཀ་མྤ་ཀོ.
༦༧. ‘‘ད་ས་ཀུ་ས་ལ་ཀ་མྨ་པ་ཐེ, ས་མཱ་ད་པེ་ནྟོ མ་ཧཱ་ཛ་ནཾ;