༨. དྷ་མྨ་དེ་ཝ་པུ་ཏྟ་ཙ་རི་ཡཱ

༦༦. ‘‘པུ་ནཱ་པ་རཾ ཡ་དཱ ཧོ་མི, མ་ཧཱ་པ་ཀྑོ མ་ཧི་དྡྷི་ཀོ;

དྷ་མྨོ ནཱ་མ མ་ཧཱ་ཡ་ཀྑོ, ས་བྦ་ལོ་ཀཱ་ནུ་ཀ་མྤ་ཀོ.

༦༧. ‘‘ད་ས་ཀུ་ས་ལ་ཀ་མྨ་པ་ཐེ, ས་མཱ་ད་པེ་ནྟོ མ་ཧཱ་ཛ་ནཾ;

ཙ་རཱ་མི གཱ་མ་ནི་ག་མཾ, ས་མི་ཏྟོ ས་པ་རི་ཛྫ་ནོ.

༦༨. ‘‘པཱ་པོ ཀ་ད་རི་ཡོ ཡ་ཀྑོ, དཱི་པེ་ནྟོ ད་ས པཱ་པ་ཀེ;

སོ་པེ་ཏྠ མ་ཧི་ཡཱ ཙ་ར་ཏི, ས་མི་ཏྟོ ས་པ་རི་ཛྫ་ནོ.

༦༩. ‘‘དྷ་མྨ་ཝཱ་དཱི ཨ་དྷ་མྨོ ཙ, ཨུ་བྷོ པ་ཙྩ་ནི་ཀཱ མ་ཡཾ;

དྷུ་རེ དྷུ་རཾ གྷ་ཊྚ་ཡ་ནྟཱ, ས་མི་མྷཱ པ་ཊི་པ་ཐེ ཨུ་བྷོ.

༧༠. ‘‘ཀ་ལ་ཧོ ཝ་ཏྟ་ཏཱི བྷེ་སྨཱ, ཀ་ལྱཱ་ཎ་པཱ་པ་ཀ་སྶ ཙ;

མ་གྒཱ ཨོ་ཀྐ་མ་ན་ཏྠཱ་ཡ, མ་ཧཱ་ཡུ་དྡྷོ ཨུ་པ་ཊྛི་ཏོ.

༧༡. ‘‘ཡ་དི་ཧཾ ཏ་སྶ ཀུ་པྤེ་ཡྻཾ, ཡ་དི བྷི་ནྡེ ཏ་པོ་གུ་ཎཾ;

ས་ཧ་པ་རི་ཛ་ནཾ ཏ་སྶ, ར་ཛ་བྷཱུ་ཏཾ ཀ་རེ་ཡྻ་ཧཾ.

༧༢. ‘‘ཨ་པི་ཙཱ་ཧཾ སཱི་ལ་ར་ཀྑཱ་ཡ, ནི་བྦཱ་པེ་ཏྭཱ་ན མཱ་ན་སཾ;

ས་ཧ ཛ་ནེ་ནོ་ཀྐ་མི་ཏྭཱ, པ་ཐཾ པཱ་པ་སྶ དཱ་ས་ཧཾ.

༧༣. ‘‘ས་ཧ པ་ཐ་ཏོ ཨོ་ཀྐ་ནྟེ, ཀ་ཏྭཱ ཙི་ཏྟ་སྶ ནི་བྦུ་ཏིཾ;

ཝི་ཝ་རཾ ཨ་དཱ་སི པ་ཐ་ཝཱི, པཱ་པ་ཡ་ཀྑ་སྶ ཏཱ་ཝ་དེ’’ཏི.

དྷ་མྨ་དེ་ཝ་པུ་ཏྟ་ཙ་རི་ཡཾ ཨ་ཊྛ་མཾ.