༧. མཱ་ཏ་ངྒ་ཙ་རི་ཡཱ
༦༠. ‘‘པུ་ནཱ་པ་རཾ ཡ་དཱ ཧོ་མི, ཛ་ཊི་ལོ ཨུ་གྒ་ཏཱ་པ་ནོ;
མཱ་ཏ་ངྒོ ནཱ་མ ནཱ་མེ་ན, སཱི་ལ་ཝཱ སུ་ས་མཱ་ཧི་ཏོ.
༦༡. ‘‘ཨ་ཧ་ཉྩ བྲཱ་ཧྨ་ཎོ ཨེ་ཀོ, ག་ངྒཱ་ཀཱུ་ལེ ཝ་སཱ་མུ་བྷོ;
ཨ་ཧཾ ཝ་སཱ་མི ཨུ་པ་རི, ཧེ་ཊྛཱ ཝ་ས་ཏི བྲཱ་ཧྨ་ཎོ.
༦༢. ‘‘ཝི་ཙ་ར་ནྟོ ཨ་ནུ་ཀཱུ་ལ་མྷི, ཨུ་དྡྷཾ མེ ཨ་སྶ་མ་དྡ་ས;
ཏ་ཏྠ མཾ པ་རི་བྷཱ་སེ་ཏྭཱ, ཨ་བྷི་ས་པི མུ་དྡྷ་ཕཱ་ལ་ནཾ.
༦༣. ‘‘ཡ་དི་ཧཾ ཏ་སྶ པ་ཀུ་པྤེ་ཡྻཾ, ཡ་དི སཱི་ལཾ ན གོ་པ་ཡེ;
ཨོ་ལོ་ཀེ་ཏྭཱ་ན་ཧཾ ཏ་སྶ, ཀ་རེ་ཡྻཾ ཚཱ་རི་ཀཾ ཝི་ཡ.
༦༤. ‘‘ཡཾ སོ ཏ་དཱ མཾ ཨ་བྷི་ས་པི, ཀུ་པི་ཏོ དུ་ཊྛ་མཱ་ན་སོ;
ཏ་སྶེ་ཝ མ་ཏྠ་ཀེ ནི་པ་ཏི, ཡོ་གེ་ན ཏཾ པ་མོ་ཙ་ཡིཾ.
༦༥. ‘‘ཨ་ནུ་ར་ཀྑིཾ མ་མ སཱི་ལཾ, ནཱ་ར་ཀྑིཾ མ་མ ཛཱི་ཝི་ཏཾ;
སཱི་ལ་ཝཱ ཧི ཏ་དཱ ཨཱ་སིཾ, བོ་དྷི་ཡཱ་ཡེ་ཝ ཀཱ་ར་ཎཱ’’ཏི.
མཱ་ཏ་ངྒ་ཙ་རི་ཡཾ ས་ཏྟ་མཾ.