༨. ཨ་ཊྛ་མ་སི་ཀྑཱ་པ་ད་ཝ་ཎྞ་ནཱ

༨༢༤. ཨ་ཊྛ་མེ – ནི་བྦི་ཊྛོ རཱ་ཛ་བྷ་ཊོ ར་ཉྙོ བྷ་ཏི ཀེ་ཎི ཨེ་ཏེ་ནཱ་ཏི ནི་བྦི་ཊྛ་རཱ་ཛ་བྷ་ཊོ, ཨེ་ཀཾ ཋཱ་ན་ནྟ་རཾ ཀེ་ཎི་ཡཱ ག་ཧེ་ཏྭཱ ཏ་ཏོ ལ་དྡྷ་ཨུ་ད་ཡོ་ཏི ཨ་ཏྠོ. ཏ་ཉྙེ་ཝ བྷ་ཊ་པ་ཐཾ ཡཱ་ཙི་སྶཱ་མཱིཏི ར་ཉྙོ ཀེ་ཎིཾ ད་ཏྭཱ པུ་ན ཏཾ་ཡེ་ཝ ཋཱ་ན་ནྟ་རཾ ཡཱ་ཙི་སྶཱ་མཱི་ཏི ཙི་ནྟེ་ནྟོ. པ་རི་བྷཱ་སཱིཏི ཏཱ བྷི་ཀྑུ་ནི་ཡོ ‘‘མཱ པུ་ན ཨེ་ཝཾ ཀ་རི་ཏྠཱ’’ཏི ས་ནྟ་ཛྫེ་སི.

༨༢༦. ས་ཡཾ ཚ་ཌྜེ་ཏཱིཏི ཙ་ཏྟཱ་རི་པི ཝ་ཏྠཱུ་ནི ཨེ་ཀ་པ་ཡོ་གེ་ན ཚ་ཌྜེ་ནྟི་ཡཱ ཨེ་ཀཱ་ཝ ཨཱ་པ་ཏྟི, པཱ་ཊེ་ཀྐཾ ཚ་ཌྜེ་ནྟི་ཡཱ ཝ་ཏྠུ་ག་ཎ་ནཱ་ཡ ཨཱ་པ་ཏྟི་ཡོ. ཨཱ་ཎ་ཏྟི་ཡ་མྤི ཨེ་སེ་ཝ ན་ཡོ. ད་ནྟ་ཀ་ཊྛ་ཚ་ཌྜ་ནེ་པི བྷི་ཀྑུ་ནི་ཡཱ པཱ་ཙི་ཏྟི་ཡ་མེ་ཝ. བྷི་ཀྑུ་སྶ ས་བྦ་ཏྠ དུ་ཀྐ་ཊཾ. སེ་སཾ ཨུ་ཏྟཱ་ན་མེ་ཝ.

ཚ་ས་མུ་ཊྛཱ་ནཾ – ཀི་རི་ཡཱ་ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

ཨ་ཊྛ་མ་སི་ཀྑཱ་པ་དཾ.