༩. ན་ཝ་མ་སི་ཀྑཱ་པ་ད་ཝ་ཎྞ་ནཱ

༨༣༠-༢. ན་ཝ་མེ – ཡཾ མ་ནུ་སྶཱ་ནཾ ཨུ་པ་བྷོ་ག་པ་རི་བྷོ་གཾ རོ་པི་མནྟི ཁེ་ཏྟཾ ཝཱ ཧོ་ཏུ ནཱ་ལི༹་ཀེ་རཱ་དི་ཨཱ་རཱ་མོ ཝཱ, ཡ་ཏྠ ཀ་ཏྠ་ཙི རོ་པི་མ་ཧ་རི་ཏ་ཊྛཱ་ནེ ཨེ་ཏཱ་ནི ཝ་ཏྠཱུ་ནི ཚ་ཌྜེ་ནྟི་ཡཱ པུ་རི་མ་ན་ཡེ་ནེ་ཝ ཨཱ་པ་ཏྟི་བྷེ་དོ ཝེ་དི་ཏ་བྦོ. ཁེ་ཏྟེ ཝཱ ཨཱ་རཱ་མེ ཝཱ ནི་སཱི་དི་ཏྭཱ བྷུ་ཉྫ་མཱ་ནཱ ཨུ་ཙྪུ་ཨཱ་དཱི་ནི ཝཱ ཁཱ་ད་ནྟཱི; ག་ཙྪ་མཱ་ནཱ ཨུ་ཙྪི་ཊྛོ་ད་ཀ་ཙ་ལ་ཀཱ་དཱི་ནི ཧ་རི་ཏ་ཊྛཱ་ནེ ཚ་ཌྜེ་ཏི, ཨ་ནྟ་མ་སོ ཨུ་ད་ཀཾ པི་ཝི་ཏྭཱ མ་ཏྠ་ཀ་ཙྪི་ནྣ་ནཱ་ལི༹་ཀེ་ར་མྤི ཚ་ཌྜེ་ཏི, པཱ་ཙི་ཏྟི་ཡ་མེ་ཝ. བྷི་ཀྑུ་ནོ དུ་ཀྐ་ཊཾ. ཀ་སི་ཏ་ཊྛཱ་ནེ པ་ན ནི་ཀྑི་ཏྟ་བཱི་ཛེ ཡཱ་ཝ ཨ་ངྐུ་རཾ ན ཨུ་ཊྛ་ཧ་ཏི, ཏཱ་ཝ ས་བྦེ་སཾ དུ་ཀྐ་ཊཾ. ཨ་ནི་ཀྑི་ཏྟ་བཱི་ཛེ་སུ ཁེ་ཏྟ་ཀོ་ཎཱ་དཱི་སུ ཝཱ ཨ་ས་ཉྫཱ་ཏ་རོ་པི་མེ་སུ ཁེ་ཏྟ་མ་རི་ཡཱ་དཱ་དཱི་སུ ཝཱ ཚ་ཌྜེ་ཏུཾ ཝ་ཊྚ་ཏི. མ་ནུ་སྶཱ་ནཾ ཀ་ཙ་ཝ་ར་ཚ་ཌྜ་ན་ཊྛཱ་ནེ་པི ཝ་ཊྚ་ཏི. ཚ་ཌྜི་ཏ་ཁེ་ཏྟེཏི མ་ནུ་སྶེ་སུ ས་སྶཾ ཨུ་དྡྷ་རི་ཏྭཱ ག་ཏེ་སུ ཚ་ཌྜི་ཏ་ཁེ་ཏྟཾ ནཱ་མ ཧོ་ཏི, ཏ་ཏྠ ཝ་ཊྚ་ཏི. ཡ་ཏྠ པ་ན ལཱ་ཡི་ཏ་མྤི པུ་བྦ་ཎྞཱ་དི པུ་ན ཨུ་ཊྛ་ཧི་སྶ་ཏཱི་ཏི ར་ཀྑ་ནྟི, ཏ་ཏྠ ཡ་ཐཱ་ཝ་ཏྠུ་ཀ་མེ་ཝ. སེ་སཾ ཨུ་ཏྟཱ་ན་མེ་ཝ. ཚ་ས་མུ་ཊྛཱ་ནཾ – ཀི་རི་ཡཱ་ཀི་རི་ཡཾ…པེ… ཏི་ཝེ་ད་ན་ནྟི.

ན་ཝ་མ་སི་ཀྑཱ་པ་དཾ.