༡-༡༠. ཨ་སུ་བྷ་སུ་ཏྟཱ་དི་ཝ་ཎྞ་ནཱ

༢༤༨-༢༥༧. ཨ་སུ་བྷ་ས་ཉྙཱཏི ཨ་སུ་བྷེ པ་ཋ་མ་ཛ྄ཛྷཱ་ན་ས་ཉྙཱ. མ་ར་ཎ་ས་ཉྙཱཏི ‘‘ཨ་ཝ་སྶཾ མ་རི་ཏ་བྦཾ, མ་ར་ཎ་པ་ཊི་བ་དྡྷཾ མེ ཛཱི་ཝི་ཏ’’ནྟི ཨ་བྷི་ཎྷཾ པ་ཙྩ་ཝེ་ཀྑ་ནྟ་སྶ ཨུ་པྤ་ནྣ་ས་ཉྙཱ. ཨཱ་ཧཱ་རེ པ་ཊི་ཀཱུ་ལ་ས་ཉྙཱཏི ཨོ་ད་ན་ཀུ་མྨཱ་སཱ་དི་མྷི ཨ་ཛ྄ཛྷོ་ཧ་ར་ཎཱི་ཡེ པ་ཊི་ཀཱུ་ལ་ས་ཉྙཱ. ས་བྦ་ལོ་ཀེ ཨ་ན་བྷི་ར་ཏི་ས་ཉྙཱཏི ས་ཀ་ལ་ལོ་ཀ་སྨིཾ ཨ་ན་བྷི་ར་ཏིཾ ཨུ་པྤཱ་དེ་ནྟ་སྶ ཨུ་པྤ་ནྣ་ས་ཉྙཱ. པ་ཧཱ་ན་ས་ཉྙཱ་ཝི་རཱ་ག་ས་ཉྙཱཏི དྭེ པུ་བྦ་བྷཱ་གཱ. ནི་རོ་དྷ་ས་ཉྙཱ མི་སྶ་ཀཱ. ཨེ་ཝ་མེ་ཏཱ་ནི ཨ་ཊྛི་ཀ་ས་ཉྙཱ་དཱི་ནི ཝཱི་ས་ཏི ཀ་མྨ་ཊྛཱ་ནཱ་ནི ནི་དྡི་ཊྛཱ་ནི. ཏེ་སཾ ན་ཝ་སུ ཨ་པྤ་ནཱ ཧོ་ནྟི, ཨེ་ཀཱ་ད་ས ཨུ་པ་ཙཱ་ར་ཛ྄ཛྷཱ་ནི་ཀཱ. སེ་སཱ པ་ནེ་ཏྠ ཝི་ནི་ཙྪ་ཡ་ཀ་ཐཱ ཝི་སུ་དྡྷི་མ་གྒེ (ཝི་སུ་དྡྷི. ༡.༢༩༤) ཨཱ་ག་ཏཱ་ཝ. ག་ངྒཱ་པེ་ཡྻཱ་ལཱ་ད་ཡོ མ་གྒ་སཾ་ཡུ་ཏྟེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཱ.

བོ་ཛ྄ཛྷ་ངྒ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.