༣-༤. ཨུ་པ་ཀྐི་ལེ་ས་སུ་ཏྟཱ་དི་ཝ་ཎྞ་ནཱ

༢༡༤-༢༡༥. ཙ་ཏུ་ཏྠ་ཝ་གྒ་སྶ ཏ་ཏི་ཡེ ན ཙ པ་བྷ་སྶ་རནྟི ན ཙ པ་བྷཱ་ཝ་ནྟཾ. པ་བྷ་ངྒུ ཙཱཏི པ་བྷི་ཛྫ་ན་ས་བྷཱ་ཝཾ. ཨ་ཡོཏི ཀཱ་ལ༹་ལོ་ཧཾ. ཋ་པེ་ཏྭཱ ཨི་དྷ ཝུ་ཏྟཱ་ནི ཙ་ཏྟཱ་རི ཨ་ཝ་སེ་སཾ ལོ་ཧཾ ནཱ་མ. ས་ཛ྄ཛྷཱུཏི ར་ཛ་ཏཾ. ཙི་ཏྟ་སྶཱཏི ཙ་ཏུ་བྷཱུ་མ་ཀ་ཙི་ཏྟ་སྶ. ལོ་ཀི་ཡ་སྶ ཏཱ་ཝ ཨུ་པ་ཀྐི་ལེ་སོ ཧོ་ཏུ, ལོ་ཀུ་ཏྟ་ར་སྶ ཀ་ཐཾ ཧོ་ཏཱི་ཏི? ཨུ་པྤ་ཛྫི་ཏུཾ ཨ་པྤ་དཱ་ནེ་ན. ཡ་ད་གྒེ་ན ཧི ཨུ་པྤ་ཛྫི་ཏུཾ ན དེ་ནྟི, ཏ་ད་གྒེ་ནེ་ཝ ཏེ ལོ་ཀི་ཡ་སྶཱ་པི ལོ་ཀུ་ཏྟ་ར་སྶཱ་པི ཨུ་པ་ཀྐི་ལེ་སཱ ནཱ་མ ཧོ་ནྟི. པ་བྷ་ངྒུ ཙཱཏི ཨཱ་ར་མྨ་ཎེ ཙུ་ཎྞ་ཝི་ཙུ་ཎྞ་བྷཱ་ཝཱུ་པ་ག་མ་ནེ་ན བྷི་ཛྫ་ན་ས་བྷཱ་ཝཾ. ཨ་ནཱ་ཝ་ར་ཎཱ ཨ་ནཱི་ཝ་ར་ཎཱཏི ཀུ་ས་ལ་དྷ་མྨེ ན ཨཱ་ཝ་ར་ནྟཱི་ཏི ཨ་ནཱ་ཝ་ར་ཎཱ, ན ནཱི་ཝ་ར་ནྟི ན པ་ཊི་ཙྪཱ་དེ་ནྟཱི་ཏི ཨ་ནཱི་ཝ་ར་ཎཱ. ཙེ་ཏ་སོ ཨ་ནུ་པ་ཀྐི་ལེ་སཱཏི ཙ་ཏུ་བྷཱུ་མ་ཀ་ཙི་ཏྟ་སྶ ཨ་ནུ་པ་ཀྐི་ལེ་སཱ.