༨. ཨཱ་ཝ་ར་ཎ་ནཱི་ཝ་ར་ཎ་སུ་ཏྟ་ཝ་ཎྞ་ནཱ

༢༡༩. ཨ་ཊྛ་མེ པ་ཉྙཱ་ཡ དུ་བྦ་ལཱི་ཀ་ར་ཎཱཏི པ་ཉྙཱ་ཡ མ་ནྡ་བྷཱ་ཝ་ཀ་རཱ. ནཱི་ཝ་ར་ཎཱ་ན་ཉྷི ཨ་བྷི་ཎྷུ་པྤཱ་དེ ས་ཏི ཨ་ནྟ་ར་ནྟ་རཱ ཨུ་པྤ་ཛྫ་མཱ་ནཱ པ་ཉྙཱ དུ་བྦ་ལཱ ཧོ་ཏི མ་ནྡཱ ཨ་ཝི་ས་དཱ.

པ་ཉྩ ནཱི་ཝ་ར་ཎཱ ཏ་སྨིཾ ས་མ་ཡེ ན ཧོ་ནྟི. ས་ཏྟ་བོ་ཛ྄ཛྷ་ངྒཱ ཏ་སྨིཾ ས་མ་ཡེ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟཱིཏི ཨ་རི་ཡ་སཱ་ཝ་ཀ་སྶ ཧི ས་པྤཱ་ཡ་དྷ་མྨ་སྶ་ཝ་ནཾ སུ་ཎ་ནྟ་སྶ པ་ཉྩ ནཱི་ཝ་ར་ཎཱ དཱུ་རེ ཧོ་ནྟི. སོ ས་ཙེ ཏ་སྨིཾ་ཡེ་ཝ ཋཱ་ནེ ཝི་སེ་སཾ ནི་བྦ་ཏྟེ་ཏུཾ ས་ཀྐོ་ཏི, ཨེ་ཝ་མ་སྶ ས་ཏྟ བོ་ཛ྄ཛྷ་ངྒཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི. ནོ ཙེ ས་ཀྐོ་ཏི, ཏ་ཏོ ཝུ་ཊྛཱ་ཡ ར་ཏྟི་ཊྛཱ་ན་དི་ཝཱ་ཊྛཱ་ནཾ ག་ཏོ ཏ་མེ་ཝ པཱི་ཏིཾ ཨ་ཝི་ཛ་ཧ་ནྟོ པ་ཉྩ ནཱི་ཝ་ར་ཎེ ཝི་ཀྑ་མྦྷེ་ཏྭཱ ཝི་སེ་སཾ ནི་བྦ་ཏྟེ་སྶ་ཏི. ཏ་ཏྠ ཨ་ས་ཀྐོ་ནྟོ་པི ཡཱ་ཝ ས་ཏྟ་དི་ཝ་ས་བྦྷ་ནྟ་རཱ ཏ་མེ་ཝ པཱི་ཏིཾ ཨ་ཝི་ཛ་ཧ་ནྟོ ནཱི་ཝ་ར་ཎེ ཝི་ཀྑ་མྦྷེ་ཏྭཱ ཝི་སེ་སཾ ནི་བྦ་ཏྟེ་སྶ་ཏཱི་ཏི ཨི་དཾ ས་ནྡྷཱ་ཡེ་ཏཾ ཝུ་ཏྟཾ. དྷ་མྨ་སྶ་ཝ་ན་ཝ་སེ་ན ས་ཀིཾ པཱི་ཏི་པཱ་མོ་ཛྫ་པ་ཀྑི་ཡཱ པ་ཊི་ལ་དྡྷ་བོ་ཛ྄ཛྷ་ངྒཱ ཧི ཀ་མྨཱ་རཱ་མ་ཏཱ་དཱི་ནི ཨཱ་ག་མྨ ན་སྶ་ནྟི, ཏ་ཐཱ་རཱུ་པཾ པ་ན ཨུ་ཏུ་ས་པྤཱ་ཡཱ་དིཾ ལ་བྷི་ཏྭཱ པུ་ན ཨུ་པྤ་ཛྫ་ནྟཱ་པི ཏ་སྨིཾ ས་མ་ཡེ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི ཨི་ཙྩེ་ཝ ཝུ་ཙྩ་ཏི.