༣. གོ་དྷ་ས་ཀྐ་སུ་ཏྟ་ཝ་ཎྞ་ནཱ

༡༠༡༩. ཏ་ཏི་ཡེ བྷ་ག་ཝཱ་ཝ ཨེ་ཏཾ ཛཱ་ནེ་ཡྻ ཨེ་ཏེ་ཧི དྷ་མྨེ་ཧི ས་མ་ནྣཱ་ག་ཏཾ ཝཱ ཨ་ས་མ་ནྣཱ་ག་ཏཾ ཝཱཏི ཨི་དཾ སོ ས་ཀྐོ ཏཱི་ཧི དྷ་མྨེ་ཧི ས་མ་ནྣཱ་ག་ཏ་སྶ པུ་གྒ་ལ་སྶ སོ་ཏཱ་པ་ནྣ་བྷཱ་ཝཾ, ཙ་ཏཱུ་ཧི ཝཱ དྷ་མྨེ་ཧི ས་མ་ནྣཱ་ག་ཏ་སྶ སོ་ཏཱ་པ་ནྣ་བྷཱ་ཝཾ བྷ་ག་ཝཱ་ཝ ཛཱ་ནཱ་ཏཱི་ཏི ཨ་དྷི་པྤཱ་ཡེ་ན ཨཱ་ཧ.

ཀོ་ཙི་དེ་ཝ དྷ་མྨ་ས་མུ་པྤཱ་དོ ཨུ་པྤ་ཛྫེ་ཡྻཱཏི ཀི་ཉྩི་དེ་ཝ ཀཱ་ར་ཎཾ ཨུ་པྤ་ཛྫེ་ཡྻ. ཨེ་ཀ་ཏོ ཨ་སྶ བྷ་ག་ཝཱ, ཨེ་ཀ་ཏོ བྷི་ཀྑུ་ས་ངྒྷོཏི ཡ་སྨིཾ ཀཱ་ར་ཎེ ཨུ་པྤ་ནྣེ བྷ་ག་ཝཱ བྷི་ཀྑུ་ས་ངྒྷེ་ན ནཱ་ནཱ་ལ་དྡྷི་ཀོ ཧུ་ཏྭཱ ཨེ་ཀཾ ཝཱ་དཾ ཝ་ད་ནྟོ ཨེ་ཀ་ཏོ ཨ་སྶ, བྷི་ཀྑུ་ས་ངྒྷོ་པི ཨེ་ཀཾ ཝ་ད་ནྟོ ཨེ་ཀ་ཏོ་ཏི ཨ་ཏྠོ. ཏེ་ནེ་ཝཱ་ཧནྟི ཡཾ ཝཱ་དཾ ཏུ་མྷེ ཝ་དེ་ཐ, ཏ་མེ་ཝཱ་ཧཾ ག་ཎྷེ་ཡྻ་ནྟི. ན་ནུ ཙ ཨ་རི་ཡ་སཱ་ཝ་ཀ་སྶ ར་ཏ་ན་ཏྟ་ཡེ པ་སཱ་ད་ནཱ་ན་ཏྟཾ ན་ཏྠི, ཨ་ཐ ཀ་སྨཱ ཨེ་ས ཨེ་ཝ་མཱ་ཧཱ་ཏི? བྷ་ག་ཝ་ཏོ ས་བྦ་ཉྙུ་ཏཱ་ཡ. ཨེ་ཝ་ཉྷི་སྶ ཧོ་ཏི ‘‘བྷི་ཀྑུ་ས་ངྒྷོ ཨ་ཏྟ་ནོ ཨ་ས་བྦ་ཉྙུ་ཏཱ་ཡ ཨ་ཛཱ་ནི་ཏྭཱ་པི ཀ་ཐེ་ཡྻ, ས་ཏྠུ པ་ན ཨ་ཉྙཱ་ཎཾ ནཱ་མ ན་ཏྠཱི’’ཏི. ཏ་སྨཱ ཨེ་ཝ་མཱ་ཧ. ཨ་ཉྙ་ཏྲ ཀ་ལྱཱ་ཎཱ ཨ་ཉྙ་ཏྲ ཀུ་ས་ལཱཏི ཀ་ལྱཱ་ཎ་མེ་ཝ ཀུ་ས་ལ་མེ་ཝ ཝ་དཱ་མི, ན ཀ་ལྱཱ་ཎ་ཀུ་ས་ལ་ཝི་མུ་ཏྟ་ནྟི. ཨ་པི་ཙ་སྶ ཨ་ན་ཝ་ཛྫ་ན་དོ་སོ ཨེ་སོ་ཏི.