༤. པ་ཋ་མ་ས་ར་ཎཱ་ནི་ས་ཀྐ་སུ་ཏྟ་ཝ་ཎྞ་ནཱ

༡༠༢༠. ཙ་ཏུ་ཏྠེ ཨི་དྷ མ་ཧཱ་ནཱ་མ ཨེ་ཀ་ཙྩོ པུ་གྒ་ལོཏི ཨི་དཾ ན ཀེ་ཝ་ལཾ ས་ར་ཎཱ་ནི ཨེ་ཝ ཨ་པཱ་ཡ་ཏོ མུ་ཏྟོ, ཨི་མེ་པི པུ་གྒ་ལཱ མུ་ཏྟཱ་ཏི ད་སྶེ་ཏུཾ ཨཱ་ར་དྡྷཾ. མ་ཏྟ་སོ ནི་ཛ྄ཛྷཱ་ནཾ ཁ་མ་ནྟཱིཏི པ་མཱ་ཎེ་ན ཙ ཨོ་ལོ་ཀ་ནཾ ཁ་མ་ནྟི. ཨི་མི་ནཱ དྷ་མྨཱ་ནུ་སཱ་རི་མ་གྒ་ཊྛ་པུ་གྒ་ལཾ ད་སྶེ་ཏི. ཨ་ག་ནྟཱ ནི་ར་ཡནྟི མ་གྒ་ཊྛ་པུ་གྒ་ལོ ཧི ཨ་པཱ་ཡ་ཏོ པ་རི་མུ་ཏྟོ་ཏི ཝཱ པ་རི་མུ་ཙྩི་སྶ་ཏཱི་ཏི ཝཱ ཝ་ཏྟུཾ ན ཝ་ཊྚ་ཏི, པ་རི་མུ་ཙྩ་ཏཱི་ཏི པ་ན ཝ་ཏྟུཾ ཝ་ཊྚ་ཏི. ཡ་སྨཱ ཙ པ་རི་མུ་ཙྩ་ཏི, ཏ་སྨཱ ག་ནྟཱ ནཱ་མ ན ཧོ་ཏཱི་ཏི, ‘‘ཨ་ག་ནྟཱ’’ཏི ཝུ་ཏྟོ, ན ག་ཙྪ་ཏཱི་ཏི ཨ་ཏྠོ. ས་དྡྷཱ་མ་ཏྟཾ པེ་མ་མ་ཏྟནྟི ཨི་མི་ནཱ ས་དྡྷཱ་ནུ་སཱ་རི་མ་གྒ་ཊྛ་པུ་གྒ་ལཾ ད་སྶེ་ཏི. མ་ཧཱ་སཱ་ལཱཏི ས་མཱི་པེ ཋི་ཏེ་ཝ ཙ་ཏྟཱ་རོ མ་ཧཱ་སཱ་ར་རུ་ཀྑེ ད་སྶེ་ནྟོ ཨཱ་ཧ. མ་ར་ཎ་ཀཱ་ལེ སི་ཀྑཾ ས་མཱ་དི་ཡཱིཏི མ་ར་ཎ་ས་མ་ཡེ ཏཱི་སུ སི་ཀྑཱ་སུ པ་རི་པཱུ་ར་ཀཱ་རཱི ཨ་ཧོ་སཱི་ཏི ད་སྶེ་ཏི.