༢. བྲ་ཧྨ་ཙ་རི་ཡོ་ག་དྷ་སུ་ཏྟ་ཝ་ཎྞ་ནཱ

༩༩༨. དུ་ཏི་ཡེ ཡེ་སཾ ས་དྡྷཱཏི པ་དེ་ན བུ་དྡྷེ པ་སཱ་དོ ག་ཧི་ཏོ. སཱི་ལནྟི པ་དེ་ན ཨ་རི་ཡ་ཀ་ནྟཱ་ནི སཱི་ལཱ་ནི ག་ཧི་ཏཱ་ནི. པ་སཱ་དོཏི པ་དེ་ན ས་ངྒྷེ པ་སཱ་དོ ག་ཧི་ཏོ. དྷ་མྨ་ད་སྶ་ནནྟི པ་དེ་ན དྷ་མྨེ པ་སཱ་དོ ག་ཧི་ཏོ་ཏི ཨེ་ཝཾ ཙ་ཏྟཱ་རི སོ་ཏཱ་པ་ཏྟི་ཡ་ངྒཱ་ནི ཝུ་ཏྟཱ་ནི. ཀཱ་ལེ་ན པ་ཙྩེ་ནྟཱིཏི ཀཱ་ལེ་ན པཱ་པུ་ཎ་ནྟི. བྲ་ཧྨ་ཙ་རི་ཡོ་ག་དྷཾ སུ་ཁནྟི བྲ་ཧྨ་ཙ་རི་ཡཾ ཨོ་གཱ་ཧི་ཏྭཱ ཋི་ཏཾ ཨུ་པ་རི་མ་གྒ་ཏྟ་ཡ་ས་མྤ་ཡུ་ཏྟཾ སུ་ཁཾ. ཡོ པ་ནེ་ས གཱ་ཐཱ་ཡ ཨཱ་ག་ཏོ པ་སཱ་དོ, སོ ཀ་ཏ་ར་པ་སཱ་དོ ཧོ་ཏཱི་ཏི. ཏི་པི་ཊ་ཀ་ཙཱུ་ལཱ༹་བྷ་ཡ་ཏྠེ་རོ ཏཱ་ཝ ‘‘མ་གྒ་པ་སཱ་དོ’’ཏི ཨཱ་ཧ, ཏི་པི་ཊ་ཀ་ཙཱུ་ལ༹་ནཱ་ག་ཏྠེ་རོ ‘‘ཨཱ་ག་ཏ་མ་གྒ་སྶ པ་ཙྩ་ཝེ་ཀྑ་ཎ་པྤ་སཱ་དོ’’ཏི. ཨུ་བྷོ་པི ཐེ་རཱ པ་ཎྜི་ཏཱ བ་ཧུ་སྶུ་ཏཱ, ཨུ་བྷི་ནྣཾ སུ་བྷཱ་སི་ཏཾ. མི་སྶ་ཀ་པྤ་སཱ་དོ ཨེ་སོ་ཏི.