༡༢. ཁོ་མ་དུ་སྶ་སུ་ཏྟ་ཝ་ཎྞ་ནཱ

༢༠༨. དྭཱ་ད་ས་མེ ཁོ་མ་དུ་སྶཾ ནཱ་མཱཏི ཁོ་མ་དུ་སྶཱ་ནཾ ཨུ་སྶ་ནྣ་ཏྟཱ ཨེ་ཝཾ་ལ་དྡྷ་ནཱ་མཾ. ས་བྷཱ་ཡནྟི སཱ་ལཱ་ཡཾ. ཕུ་སཱ་ཡ་ཏཱིཏི ཕུ་སི་ཏཱ་ནི མུ་ཉྩ་ཏི ཝ་སྶ་ཏི. ས་ཏྠཱ ཀི་ར ཏཾ ས་བྷཾ ཨུ་པ་ས་ངྐ་མི་ཏུ་ཀཱ་མོ – ‘‘མ་ཡི ཨེ་ཝ་མེ་ཝཾ ཨུ་པ་ས་ངྐ་མ་ནྟེ ཨ་ཕཱ་སུ་ཀ་དྷཱ་ཏུ་ཀཾ ཧོ་ཏི, ཨེ་ཀཾ ཀཱ་ར་ཎཾ པ་ཊི་ཙྩ ཨུ་པ་ས་ངྐ་མི་སྶཱ་མཱི’’ཏི ཨ་དྷི་ཊྛཱ་ན་ཝ་སེ་ན ཝུ་ཊྛིཾ ཨུ་པྤཱ་དེ་སི. ས་བྷཱ་དྷ་མྨནྟི སུ་ཁ་ནི་སི་ནྣེ ཀི་ར ཨ་ས་ཉྩཱ་ལེ་ཏྭཱ ཨེ་ཀ་པ་སྶེ་ན པ་ཝི་ས་ནཾ ཏེ་སཾ ས་བྷཱ་དྷ་མྨོ ནཱ་མ, ན མ་ཧཱ་ཛ་ནཾ ཙཱ་ལེ་ཏྭཱ ཨུ་ཛུ་ཀ་མེ་ཝ པ་ཝི་ས་ནཾ. བྷ་ག་ཝཱ ཙ ཨུ་ཛུ་ཀ་མེ་ཝ ཨཱ་ག་ཙྪ་ཏི, ཏེ་ན ཏེ ཀུ་པི་ཏཱ བྷ་ག་ཝ་ནྟཾ ཧཱི་ལེ༹་ནྟཱ ‘‘ཀེ ཙ མུ་ཎྜ་ཀཱ ས་མ་ཎ་ཀཱ, ཀེ ཙ ས་བྷཱ་དྷ་མྨཾ ཛཱ་ནི་སྶ་ནྟཱི’’ཏི ཨཱ་ཧཾ་སུ. ས་ནྟོཏི པ་ཎྜི་ཏཱ ས་པྤུ་རི་སཱ. པ་ཧཱ་ཡཱཏི ཨེ་ཏེ རཱ་གཱ་ད་ཡོ ཛ་ཧི་ཏྭཱ རཱ་གཱ་དི་ཝི་ན་ཡཱ་ཡ དྷ་མྨཾ བྷ་ཎ་ནྟི, ཏ་སྨཱ ཏེ ས་ནྟོ ནཱ་མཱ་ཏི. དྭཱ་ད་ས་མཾ.

ཨུ་པཱ་ས་ཀ་ཝ་གྒོ དུ་ཏི་ཡོ.

ཨི་ཏི སཱ་ར་ཏྠ་པྤ་ཀཱ་སི་ནི་ཡཱ

སཾ་ཡུ་ཏྟ་ནི་ཀཱ་ཡ-ཨ་ཊྛ་ཀ་ཐཱ་ཡ

བྲཱ་ཧྨ་ཎ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.