༦. པ་ཏྟ་སུ་ཏྟ་ཝ་ཎྞ་ནཱ

༡༥༢. ཚ་ཊྛེ པ་ཉྩ་ནྣཾ ཨུ་པཱ་དཱ་ན་ཀྑ་ནྡྷཱ་ནཾ ཨུ་པཱ་དཱ་ཡཱཏི པ་ཉྩ ཨུ་པཱ་དཱ་ན་ཀྑ་ནྡྷེ ཨཱ་དི་ཡི་ཏྭཱ, ས་བྷཱ་ཝ་སཱ་མ་ཉྙ་ལ་ཀྑ་ཎ་ཝ་སེ་ན ནཱ་ན་པྤ་ཀཱ་ར་ཏོ ཝི་བྷ་ཛི་ཏྭཱ ད་སྶེ་ནྟོ. ས་ནྡ་སྶེ་ཏཱིཏི ཁ་ནྡྷཱ་ནཾ ས་བྷཱ་ཝ་ལ་ཀྑ་ཎཱ་དཱི་ནི ད་སྶེ་ཏི. ས་མཱ་ད་པེ་ཏཱིཏི ག་ཎྷཱ་པེ་ཏི. ས་མུ་ཏྟེ་ཛེ་ཏཱིཏི ས་མཱ་དཱ་ན་མྷི ཨུ་སྶཱ་ཧཾ ཛ་ནེ་ཏི. ས་མྤ་ཧཾ་སེ་ཏཱིཏི པ་ཊི་ཝི་དྡྷ་གུ་ཎེ་ན ཝོ་དཱ་པེ་ཏི ཛོ་ཏཱ་པེ་ཏི. ཨ་ཊྛིཾ ཀ་ཏྭཱཏི ཨ་ཏྠི་ཀཾ ཀ་ཏྭཱ, ‘‘ཨ་ཡཾ ནོ ཨ་དྷི་ག་ནྟ་བྦོ ཨ་ཏྠོ’’ཏི ཨེ་ཝཾ ས་ལླ་ཀྑེ་ཏྭཱ ཏཱ་ཡ དེ་ས་ནཱ་ཡ ཨ་ཏྠི་ཀཱ ཧུ་ཏྭཱ. མ་ན་སི ཀ་ཏྭཱཏི ཙི་ཏྟེ ཋ་པེ་ཏྭཱ. ས་བྦ་ཙེ་ཏ་སོ ས་མ་ནྣཱ་ཧ་རི་ཏྭཱཏི ས་བྦེ་ན ཏེ་ན ཀ་མྨ་ཀཱ་ར་ཀ་ཙི་ཏྟེ་ན ས་མ་ནྣཱ་ཧ་རི་ཏྭཱ. ཨོ་ཧི་ཏ་སོ་ཏཱཏི ཋ་པི་ཏཱ་སོ་ཏཱ. ཨ་བྦྷོ་ཀཱ་སེ ནི་ཀྑི་ཏྟཱཏི ཨོ་ཏཱ་པ་ན་ཏྠཱ་ཡ ཋ་པི་ཏཱ.

རཱུ་པཾ ཝེ་ད་ཡི་ཏཾ ས་ཉྙཱནྟི, ཨེ་ཏེ རཱུ་པཱ་ད་ཡོ ཏ་ཡོ ཁ་ནྡྷཱ. ཡ་ཉྩ ས་ངྑ་ཏནྟི ཨི་མི་ནཱ ས་ངྑཱ་ར་ཀྑ་ནྡྷོ ག་ཧི་ཏོ. ཨེ་ཝཾ ཏ་ཏྠ ཝི་ར་ཛྫ་ཏཱིཏི ‘‘ཨེ་སོ ཨ་ཧཾ ན ཧོ་མི, ཨེ་ཏཾ མ་ཡ྄ཧཾ ན ཧོ་ཏཱི’’ཏི པ་སྶ་ནྟོ ཨེ་ཝཾ ཏེ་སུ ཁ་ནྡྷེ་སུ ཝི་ར་ཛྫ་ཏི. ཁེ་མ་ཏྟནྟི ཁེ་མཱི་བྷཱུ་ཏཾ ཨ་ཏྟ་བྷཱ་ཝཾ. ཨི་མི་ནཱ ཕ་ལ་ཀྑ་ཎཾ ད་སྶེ་ཏི. ཨ་ནྭེ་སནྟི བྷ་ཝ་ཡོ་ནི་ག་ཏི་ཋི་ཏི་ས་ཏྟཱ་ཝཱ་ས་ས་ངྑཱ་ཏེ་སུ ས་བྦ་ཊྛཱ་ནེ་སུ པ་རི་ཡེ་ས་མཱ་ནཱ. ནཱ་ཛ྄ཛྷ་གཱཏི ན པ་སྶཱི་ཏི. ཚ་ཊྛཾ.